Author: فائزہ شاہ

امریکا میں بے روزگار افراد کو مالی اعانت کا پروگرام ختم ہونے کا خدشہ پیدا ہوگیا ہے، مستفیض ہونے والے دس لاکھ سے زائد افراد کا مستقبل داؤ پر لگ گیا ہے، دوسری جانب امریکی صدر اوباما نے ڈیموکریٹس اور ری پبلکن رہنماؤں سے اپیل کی ہےکہ پروگرام کو ہرصورت میں جاری رکھا جائے۔

امریکا میں خراب معاشی صورتحال کے باعث بے روزگار افراد کی مالی مدد کا پروگرام ختم ہونے کا خطرہ پیدا ہوگیا ہے، مالی اعانت کے اس پروگرام کے ختم ہونے سے امریکا بھر میں دس لاکھ سے زائد افراد متاثر ہوں گے۔

یاد رہے کہ امریکی شہریت کے حامل ہر بے روزگار فرد کو حکومت کی جانب سے مالی اعانت کے طور پر ایک ہزار ایک سو چھیاسٹھ ڈالر ماہانہ ادا کئے جاتے ہیں جو کہ اسے برسر روزگار ہونے تک ملتے رہتے ہیں۔

تاہم امریکی صدر باراک اوباما اس پروگرام کو ہر حال میں جاری رکھنے کے خواہش مند ہیں اور اس مقصد کے لئے انہوں نے ری پبلکن اور ڈیموکریٹس دونوں جماعتوں کے رہ نماؤں سے اپیل کی ہے کہ بے روزگاری سے متاثرہ افراد کے مالی اعانت کے پروگرام کو جاری رکھنے کی ہر ممکن کوشش کی جائے۔
   

اردوشاعری میں تخیل کی بلندی اور شوخی فکرکو جلا بخشنے والے عظیم المرتبت ادیب و شاعر مرزا اسد اللہ خان غالب کا آج دو سو سولہواں یوم پیدائش ہے۔

                                                    پوچھتے ہیں وہ کہ غالب کون ہے
                                           کوئی بتلائے کے ہم بتلائیں کیا 

مرزا اسد اللہ خان غالب بر صغیر کے معروف قد آور شاعر ہیں، غالب کی آفاقی شاعری اردو شاعری کے لئے لازم وملزوم قرار پائی، غالب ستائیس دسمبر سترہ سو ستانوے کو ہندوستان کے شہر آگرہ میں پیدا ہوئے۔

                                                  آہ کو چاہئے ایک عمراثر ہونے تک 
                                             کون جیتا ہے تیر زلف کے سر ہونےتک
                                             ہم نے مانا کہ تغافل نہ کرو گے لیکن
                                             خاک ہوجائیں گے ہم تم کو خبر ہونےتک

غالب نے اردو کے علاوہ فارسی اور ترکی میں بھی شاعری کی تاہم انکی وجہ شہرت اردو شاعری بنی، غالب اردو شاعری کے وہ کردار ہیں جن پر بے شمار تحریریں لکھی گئیں، سینکڑوں فلمیں ڈرامے اور اسٹیج شوز تیار ہوئے جبکہ پر اثر شاعری کی بدولت بے شمار فلموں کو عوامی پذیرائی ملی،غالب خود اپنی زندگی کا احاطہ کرتے ہوئے کہتے ہیں کہ

                                    یہ نہ تھی ہماری قسمت کہ وصال یار ہوتا
            اگر اور جیتے رہتے یہی انتظار ہوتا
                  یہ مسائل تصوف یہ تیرا بیان غالب 
             تجھے ہم ولی سمجھتے جو نہ بادہ خوار ہوتا

غالب خوشحالی کے ساتھ تنگ دست زندگی سے نبرد آزما رہنے کے بعد پندرہ فروری اٹھارہ سو انہتر کو اکہتر سال کی عمر میں دہلی میں انتقال کرگئے۔