Author: فائزہ شاہ

خوشبو، رنگ اور محبت کی شاعرہ پروین شاکر کی آج 19ویں برسی ہے، انیس برس پہلے آج کے دن ان کا ایک حادثے میں انتقال ہوا تھا۔

پروین شاکر نے کراچی میں جنم لیا، یہیں سے تعلیم اور ملازمت پائی، شاعری اسی شہر میں پروان چڑھی، خوشبو ان کے کلام کی پہلی کتاب جس نے شاید نوجوانوں میں پھرسے کتابوں کے تحفوں کا رواج ڈالا، لڑکی کی زبان سے جرات مند لہجے میں جذبات کا اظہار ان کی غزلوں اور نظموں کا خاصہ بنا۔

پذیرائی اور جدائی اس کی دومثالیں ہیں، جن میں تصویر حقیقت کا روپ دھارتی محسوس ہوتی ہے، بے باک اندازمیں اس طرح دلوں کی باتیں کہہ دینا آسان نہیں ہوتا لیکن پروین نے یہ کر دکھایا، ایسی بہت سی مثالیں ان کے کلام میں جا بجا ملتی ہیں۔

اندھیرے میں بھی مجھے جگمگا ہے کوئی بس ایک نگاہ سے رنگ بدن بدلنے لگا، بس یہ ہوا کہ اس نے تکلف سے بات کی اور ہم نے روتے روتے دوپٹے بھگولیے ناممکن تھا کہ ان کے کلام پر گلوکار طبع آزمائی نہ کرتے، سو مہدی حسن، ٹینا ثانی، تصورخانم جیسے فنکاروں نے ان کا کلام اپنی گائیکی کی زینت بنایا۔

خوشبوکے بعد انکار، خودکلامی، صد برگ ان کی مشہور کتابیں رہیں، ان کا کلام ماہ تمام کے نام سے بھی شائع ہوچکا ہے، جس میں سوائے’’کف آئینہ‘‘ جو ان کے انتقال کے بعد شائع ہوئی تمام کلام شامل ہے، عکس خوشبو سے شروع ہونے والا کلام آج ایک دنیا کو اپنی مہک سے محظوظ کررہا ہے اور تادیر اس کا آہنگ اپنا رنگ جماتا رہے گا۔
 

امریکی گلوکار جسٹن بیبر نے ٹوئیٹر پر اپنی ریٹائرمنٹ کا اعلان کردیا، کچھ مداحوں کی چیخیں نکلیں تو کچھ لوگوں نے سکھ کا سانس لیا۔

چھوٹی سی عمر میں چھپڑ پھاڑ دولت اور شہرت پانے والے جسٹن بیبر کو سال دوہزار تیرہ میں کامیابیاں کم اور تنازعات کا سامنا کرنا پڑا، مارچ میں جسٹن نے اپنے یورپئین ٹور کے دوران لندن میں فوٹو گرافر کی پٹائی کردی تھی۔

جس کے بعد لاس اینجلس میں ایک اور فوٹوگرافر کی کار کو ہٹ کردیا اور پھر امریکا میں پڑوسیوں نے پولیس سے جسٹن کی شکایت کی کہ جسٹن نے انہیں دھمکیاں دی ہیں اور ہراساں کیا ہے، ان سب تنازعوں سے جسٹن بیبر خبروں کا حصہ بنے رہے مگر ساکھ بہت خراب ہوئی۔

اسی لئے جسٹن نے سال کے آخر میں اپنا البم ریلیز کیا اور مقبول ہوئے اب ایک بار پھر جسٹن نے ٹوئیٹر پر ریٹائرمنٹ کا باقاعدہ اعلان کیا تو کچھ مداحوں کے غم کے مارے چیخیں نکلیں اور کچھ نے انتہائی خوشی کا اظہار کیا، جسٹن کے اعلان والے ٹوئیئٹر میسج پر ڈھائی کروڑ لوگوں نے ریسپونس دیا۔

بولیویا مں جانوروں کے بجائے انسانی بالوں سے تیار کردہ ملبوسات پیش کئے گئے، فیشن شو میں نئے انداز کے کلیکشن دیکھ کر سب ہی حیران رہ گئے۔

اگر آپ کے بال گررہے ہیں یا آپ لمبے بالوں سے پریشان ہوکر انہیں کٹوا رہے ہیں لیکن ان بالوں کو محفوظ رکھنا چاہتے ہیں تو لیجئے بولیویا کی فیشن ڈیزائنر نے اس پریشانی کا حل نکالا ہے۔

بیولیوین ڈیزائنر نے کرسمس اور نئے سال کی خوشی میں انسانی بالوں سے تیار کردہ ڈیزائن تخلیق کئے ہیں، ان ڈریسز کی تیاری میں کوکو لیوز اور کوکو ہیئر کے ساتھ انسانی بال استعمال کئے ہیں۔

فیشن ڈیزائنر کارمن کو یہ خیال جانوروں کے بالوں سے بننے والے فرکوٹ سے آیا، کارمن کا کہنا ہے کہ بچپن سے ہیئر اسٹائل بناتے بناتے انہی بالوں سے اسکرٹس اور جیکٹس بنانا شروع کیں اور آج اپنا نیا کلیکشن لائونچ کردیا۔