Author: فائزہ شاہ

صوابی: وزیراعلیٰ خیبرپختونخوا علی امین گنڈا پور نے حکومت کو خبردار کیا کہ اتنا مجبور نہ کروکہ پھرآپ برداشت نہ کرسکو۔

تفصیلات کے مطابق وزیراعلیٰ خیبرپختونخواعلی امین گنڈاپور  نے صوابی میں میڈیا سے گفتگو کرتے ہوئے کہا کہ ہم بانی پی ٹی آئی کےحکم کے پابندہیں، بانی کےحکم پرآگےبڑھنےاورایک قدم پیچھے ہٹنے کو بھی تیار ہیں۔

وزیراعلیٰ کے پی کا کہنا تھا کہ بانی پی ٹی آئی نےثابت کردیاکہ وہ قوم کیلئےسوچتاہے ، بانی پی ٹی آئی نےکہارک جاؤہم رک گئے۔

انھوں نے کہا کہ یہ لوگ ملک کےآئین اورقانون کوباربارتوڑرہےہیں، ہمیں مجبورنہ کرواس حدتک جائیں کہ آپ برداشت نہ کرسکو۔

وزیراعلیٰ خیبرپختونخوا کا مزید کہنا تھا کہ ہمارے لیڈر کے وژن اورسوچ کی وجہ سے آپ ایوانوں میں بیٹھےہو، ورنہ ہم آپ کا وہ حشر کرتے کہ دنیا یاد رکھتی، ہر بندے کو پتا یہ صرف پی ٹی آئی کیخلاف کریک ڈاؤن ہے۔

اسلام آباد : سابق صدر عارف علوی کا کہنا ہے کہ مجھ پر آرٹیکل سکس لگانا چاہتے ہیں تو یہ خواہش بھی پوری کرلیں۔

تفصیلات کے مطابق سابق صدر عارف علوی نے اسلام آبادہائی کورٹ میں غیررسمی گفتگو کرتے ہوئے کہا کہ ہمیشہ آڈیولیک اور ریکارڈنگز کیخلاف رہاہوں، کسی کومیری پرائیویٹ گفتگو سننے کاحق نہیں ہونا چاہیے۔

صحافی نے سوال کیا کہ آپ نے جس انداز سے اسمبلی تحلیل کی اس پرآرٹیکل 6 لگانے کا کہا جارہاہے؟ جس پر سابق صدر  نے کہا کہ آرٹیکل6  اگر لگانا چاہتے ہیں توکوشش کر لیں یہ خواہش بھی پوری کرلیں۔

ان کا کہنا تھا کہ یہ 1500 کیسز چلا چکے ہیں مزید بھی کیس بنادیں، یہ کوشش کر لیں مجھےبھی موقع ملےگا۔

سابق صدر نے مزید کہا کہ میں زندہ بھی اسی ملک میں ہوں اورپاکستان میں ہی رہوں گا، آرٹیکل6 کیا ہے زندگی اور موت کی جنگ،میں بھی یہاں ہی ہوں۔

لاہور : پنجاب اسمبلی میں ارشد ندیم کو خراج تحسین پیش کرنے کی قرارداد جمع کرادی گئی ، جس میں ان کو خراج تحسین اوردلی مبارکباد پیش کی گئی ہے۔

تفصیلات کے مطابق پنجاب اسمبلی میں قومی ہیرو ارشد ندیم کو خراج تحسین پیش کرنے کی قرارداد جمع کرادی گئی ، قراردادن لیگ کی رکن حنا پرویزبٹ کی جانب سے جمع کرائی گئی۔

جس میں کہا گیا کہ قومی ہیرو نے پیرس اولمپکس میں جیولن تھروکےمقابلوں میں نیا اولمپکس ریکارڈقائم کیا اور طلائی تغمہ حاصل کرکے پاکستانیوں کا سرفخر سے بلند کر دیا۔

قرارداد میں کہا گیا کہ یہ ایوان قومی ہیروکو خراج تحسین اوردلی مبارکباد پیش کرتا ہے۔

وزیراطلاعات پنجاب عظمی بخاری کا کہنا ہے کہ ارشد ندیم قومی ہیرو ہیں، اعلیٰ ترین سول اعزاز دیا جائے گا جبکہ وزیراعلیٰ پنجاب نے میاں چنوں میں اسپورٹس سٹی بنانے کا اعلان کیا ہے۔

کراچی: گلف انٹرپرائزز کا 55 کروڑ 10 لاکھ روپے کا اسمگل شدہ سامان فروخت کرنے کا پردہ فاش ہوگیا۔

تفصیلات کے مطابق کسٹمز پوسٹ کلیرینس آڈٹ نے ایکسپورٹ فنانس اسکیم کا کروڑوں روپے کا فراد پکڑ لیا اور گلف انٹرپرائزز کا 55 کروڑ 10 لاکھ روپے کا اسمگل شدہ سامان فروخت کرنے کا پردہ فاش کردیا۔

پی سی اے ساؤتھ نے گلف انٹرپرائزز کے بڑے پیمانے پر مالی فراڈ اور ای ایف ایس اسکینڈل پکڑا۔

ڈائریکٹر ی سی اے ساوتھ شیراز احمد نے بتایا کہ رواں سال جولائی می کمپنی کے آڈٹ میں کروڑوں روپے مالی فراڈ کا انکشاف ہوا، ٹیکسٹائل کمپنی نے ایف بی آر کی برآمدی سہولت کے نظام کا غلط استعمال کر کے کروڑوں روپے کا فراڈ کیا۔

کمپنی کی کسٹم، سیلز ٹیکس اور انکم ٹیکس کے ابتدائی جانچ کے دوران متعدد بے ضابطگیوں کا انکشاف ہوا۔

پی سی اے آڈٹ رپورٹ میں کہا گیا کہ گلف انٹرپرائز کمپنی نے ایکسپورٹ فنانس اسکیم کے تحت 163 میٹرک ٹن یارن برآمد نہیں کیا اور ٹیکسٹائل کمپنی نےفراڈ کے ذریعے ساڑھے 5 کروڑ روپے کی ڈیوٹی ٹیکس اور سرچارج چوری کیا۔

کمپنی نے درآمد کیے گے دھاگے کو ایکسپورٹ کرنے کے بجائے غیر قانونی طور پر مقامی مارکیٹ میں فروخت کر دیا، ٹیکسٹائل کمپنی درآمدی مرحلے پر ڈیوٹی اور رعایتی ٹیکس کی چھوٹ کا غلط استعمال کر رہی تھی۔

کمپنی نے 29 کروڑ 80 لاکھ روپے اضافی ڈیوٹی ٹیکس چوری کےساتھ 4 کروڑ کے سرچارچ کا فراڈ کیا اور سیلز ٹیکس کے ریکارڈ کی جانچ میں درآمد کنندہ اسمگل شدہ اشیا کی فروخت میں بھی ملوث تھا۔

فیکٹری میں موجود سامان نہ تو قانونی طور پر درآمد کیا گیا تھا اور نہ ہی مقامی طور پر خریدا گیا تھا۔

ٹیکسٹائل کمپنی نے سوتی دھاگے،ٹیکسٹائل فائبرز اور دیگر ٹیکسٹائل مصنوعات کی غیر قانونی فروخت کے نتیجے میں 15 کروڑ 80 لاکھ روپے کی ٹیکس چوری کی، آڈٹ ٹیم کے کی جانچ پر فیکٹری میں اسپننگ، ڈائینگ، یا پرنٹنگ سلائی سے متعلق کوئی سہولت موجود نہیں تھی۔

گلف انٹرپرائز کی فیکٹری سے شدہ اشیاء میں رنگین پرنٹڈ تیار کپڑے برآمد ہوئے ، ملزم مینوفیکچرنگ سہولیات کے بغیر تیار شدہ سامان کی تیاری اور برآمد کا جواز پیش نہیں کر سکا۔

فیکٹری سے برآمد شدہ سامان غیر رجسٹرڈ مقامی مارکیٹ سے خریدا گیا تھا جبکہ درآمد کنندہ 17 کروڑ 30 لاکھ روپے کی درآمدی اور برآمدی کنساںمنٹ کی ویلیو بڑھانے کے لیے اوور انوائسنگ میں بھی ملوث پایا گیا۔

درآمد کنندگان کے خلاف منی لانڈرنگ کی ممکنہ سرگرمیوں کی تحقیقات شروع کر دی ہے، گلف انٹرپرائزز وسیع مالی بدعنوانی، منی لانڈنگ اسمگلنگ اور دھوکہ دہی کی سرگرمیوں میں ملوث ہے۔

پی سی اے ساؤتھ نے کسٹم ایکٹ کے تحت مالی فراڈ کی ایف آئی آر درج کرائی ہے، ملزم ابوبکر کو 55 کروڑ 10 لاکھ روپے کی مالی فراڈ کے الزام میں گرفتار کر لیا ہے۔

ایف بی آر کی برآمدات میں سہولت کاری کے نظام کے غلط استعمال پر سخت کاروائیاں جاری رییں گی۔

اسلام آباد : مسلم لیگ ن کے رہنما عرفان صدیقی کا کہنا ہے کہ بانی پی ٹی آئی جس دروازے پردستک دےرہےہیں ، وہاں سے جواب نہیں آئے گا، مذاکرات تو سیاستدانوں سے کرنے ہوں گے۔

تفصیلات کے مطابق مسلم لیگ ن کے سینئر رہنما عرفان صدیقی نے بانی پی ٹی آئی کے معافی مانگنے کے اعلان پر ردعمل دیتے ہوئے کہا کہ پہلے احساس ہوکہ کوئی غلط کام کیا ہے، پھر معافی کالفظ آتا ہے۔

ن لیگی رہنما کا کہنا تھا کہ بانی پی ٹی آئی نو مئی واقعات سے متعلق عجیب موقف اپناتےہیں، وہ کہتے ہیں میں نے احتجاج کاکہاتھا، اگرآپ کاآدمی باہرنہیں نکلاتوجو16لوگ جاں بحق ہوئےوہ کون تھے؟

انھوں نے کہا کہ بانی پی ٹی آئی غلط جگہ جارہے ہیں، وہ جس دروازےپردستک دےرہے ہیں وہاں سے کوئی جھانکنے کو تیار نہیں۔

مسلم لیگ ن کے رہنما کا کہنا تھا کہ بانی پی ٹی آئی کہتےتھےیہ چورہیں،ڈاکوہیں ان سےبات نہیں کروں ، کچھ بھی کرلیں بانی پی ٹی آئی کوبات سیاستدانوں سے کرنا پڑے گی۔

انھوں نے بتایا کہ 2014 کے دھرنے کے دوران نوازشریف اورمیں ہیلی کاپٹرپرجارہےتھے، اُس وقت نوازشریف نےکہامجھے دھرنے کی جگہ تو دکھاؤ، ہم نےاس وقت دیکھاکہ دھرنےمیں تو100سےبھی کم لوگ موجودتھے۔

ن لیگی رہنما نے کہا کہ معاملات ہمیشہ مذاکرات سے ہی آگے بڑھتے ہیں، بانی پی ٹی آئی کومذاکرات کی بیسیوں پیش کش کی ہیں ، ان کومحموداچکزئی اور کبھی کسی اور کا سہارانہیں لیناچاہیے، بانی پی ٹی آئی کی کوئی سیاسی حکمت عملی ہوتی تو وہ کوئی راستہ تلاش کرتے، ابھی تو بانی پی ٹی آئی کیخلاف کوئی کارروائی ہوئی ہی نہیں۔

ان کا کہنا تھا کہ بانی پی ٹی آئی جواب دیں کہ کس نےاپنےپیروکاروں کوڈھائی سو مقامات پرحملے کا کہا تھا؟

بھوک ہڑتال کے حوالے سے ن لیگی رہنما نے کہا کہ پی ٹی آئی بھوک ہڑتال پرہے،جب ان کاکیمپ دیکھاتو5لوگ بیٹھےہوئےتھے، راستہ بنانےکیلئےسوچ سمجھ اور شعور سے کام لیں۔

لاہور : وزیراطلاعات پنجاب عظمیٰ بخاری کا ٹوئٹر ایکس پر پابندی ختم کرنے کے حوالے سے اہم بیان سامنے آگیا۔

تفصیلات کے مطابق وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ ر:پوری دنیامیں سوشل میڈیاکیلئےقوانین موجودہیں ،پاکستان میں سوشل میڈیاکےاستعمال کیلئےقواعدوضوابط نہیں، شکایت آنےپرایف آئی اےکہتاہےپراسس پرعمل ہوگا،پراسس ہےکیا؟

وزیر اطلاعات پنجاب نے ایکس پر پابندی کے خاتمے کے حوالے سے کہا کہ سول شل میڈیا کی سائٹس کیلئےقوائدوضوابط بن جائیں گےتوایکس پرپابندی ختم کردی جائے گی۔

ان کا کہنا تھا کہ پاکستان میں ڈیجیٹل دہشت گردی سےکوئی محفوظ نہیں، اوورسیزمیں بیٹھ کرجوانقلابی بننے والےاس ملک کےخلاف ایک پوسٹ کرکےدکھائیں، ملک سےباہر بیٹھ کرڈیجٹل دہشت گردی نہیں چلےگی۔

صوبائی وزیر نے کہا کہ ملک میں پگڑیاں اچھالنےکیلئےشوشل میڈیاکااستعمال ہوتاہے، ہم سوشل میڈیاکیخلاف نہیں لیکن مثبت مقاصدکیلئے کام کریں۔

ان کا مزید کہنا تھا کہ ہماری کچھ عدالتوں کوپتا نہیں چل رہاکہ نومئی کیاتھا، بانی پی ٹی آئی کیلئےکہاجاتاکہ بچہ سمجھ کرمعاف کردو، بانی پی ٹی آئی بچہ نہیں ہیں اورنہ ہی انہیں معافی ملےگی۔

راولپنڈی : نجی ہاؤسنگ سوسائٹی میں اسکوٹی سمیت برساتی نالے میں ڈوبنے والی لڑکی کی تلاش جاری ہے۔

تفصیلات کے مطابق جڑواں شہروں راولپنڈی اسلام آباد میں علی الصبح سے بارش کا سلسلہ جاری ہے ، بارش کے دوران راولپنڈی کی نجی ہاؤسنگ سوسائٹی کے فیز ایٹ میں لڑکی اسکوٹی سمیت برساتی نالےمیں گرگئی۔

ڈوبنےوالی لڑکی کی تلاش کے لئےامدادی آپریشن جاری ہے، ریسکیو حکام کا کہنا ہے لڑکی اسکوٹی چلاتے ہوئے برساتی نالے میں گری، لڑکی کی تلاش کے آپریشن میں ماہر غوطہ خور بھی شامل ہیں۔

ریسکیوراولپنڈی نے دریائے سواں میں بھی امدادی آپریشن شروع کرنے کافیصلہ کیا ہے تاہم برساتی نالےمیں ڈوبنےوالی لڑکی کاتاحال کچھ پتہ نہ چل سکا۔

دوسری جانب واسا راولپنڈی کو ہائی الرٹ کرتے ہوئے رین ایمرجنسی نافذکردی گئی ہے، ترجمان واسا منیجنگ ڈائریکٹر واسا محمد سلیم اشرف کا کہنا ہے کہ نکاسی آب کیلئے ہیوی مشیبنری و عملہ نشیبی علاقوں میں تعینات کیاگیاہے۔ نالہ لئی کی مانیٹرنگ کی جارہی ہے تاہم ابھی نالہ لئی میں پانی کا بہاؤ معمول کے مطابق ہے۔

نالہ میں کٹاریاں کے مقام پر 6 فٹ جبکہ گوالمنڈی پل پر 5 فٹ ہے، محکمہ موسمیات کے بوکڑہ کے مقام پر 28 ملی میٹر جبکہ کچہری واٹر گیج کے مطابق 19 ملی میٹر بارش ریکارڈ کی جا چکی ہے تاہم کسی بھی قسم کی ایمرجنسی صورتحال سے نپٹنے کیلئے تیار ہیں.