Author: فائزہ شاہ

اسلام آباد : چیئرمین پی ٹی آئی نے ہر ہفتہ کے روز بیٹوں سے بات کرانے کیلئے عدالت سے رجوع کرلیا، جس میں کہا ہے کہ بیٹوں سلمان اور قاسم سے چیئرمین پی ٹی آئی کا بات کرناحق ہے۔

تفصیلات کے مطابق آفیشل سیکرٹ ایکٹ کی خصوصی عدالت میں چیئرمین پی ٹی آئی نے ہر ہفتہ کے روز بیٹوں سے بات کرانے کیلئے درخواست دائر کردی۔

چیئرمین پی ٹی آئی نے درخواست شیراز احمد رانجھا ایڈووکیٹ کے ذریعے دائر کی، جس میں مؤقف اختیار کیا کہ عدالت نے21 اکتوبر کو چیئرمین پی ٹی آئی کی بیٹوں سے بات کرانے کا حکم دیا، سپرنٹنڈنٹ اڈیالہ نے واٹس ایپ پر چیئرمین پی ٹی آئی کی بیٹوں سے بات کرائی۔

درخواست میں استدعا کی گئی کہ ہر ہفتہ کےروز چیئرمین پی ٹی آئی کی بیٹوں سے بات کرانے کا حکم دیاجائے، بیٹوں سلمان اور قاسم سے چیئرمین پی ٹی آئی کا بات کرناحق ہے۔

آفیشل سیکرٹ ایکٹ کی خصوصی عدالت کے جج ابوالحسنات ذوالقرنین کی عدم دستیابی کے باعث تاحال درخواست پرکارروائی نہ ہوسکی۔

لاہور : استحکام پاکستان پارٹی کا 28 اکتوبر سے 9 دسمبر تک جلسوں کا شیڈول جاری کردیا گیا، کل خانیوال کے جہانیاں اسٹیڈیم میں سیاسی طاقت کامظاہر ہ کرے گی۔

تفصیلات کے مطابق استحکام پاکستان پارٹی سیاسی طاقت کا مظاہر ہ کرنے کے لئے تیار ہیں ، استحکام پاکستان پارٹی کا 28 اکتوبر سے 9 دسمبر تک جلسوں کا شیڈول جاری کردیا گیا۔

آئی پی پی کل خانیوال کے جہانیاں اسٹیڈیم میں سیاسی طاقت کامظاہر ہ کرے گی ، جہاں جہانگیر ترین، عبدالعلیم خان،فردوس عاشق،عون چوہدری ودیگر جلسے سے خطاب کریں گے۔

استحکام پاکستان پارٹی کی جانب سے پہلے مرحلے میں 9اضلاع میں جلسے ہوں گے ، 3 نومبر کو حافظ آباد ، 9 نومبر کو نارووال میں جلسہ کرے گی۔

اس کے علاوہ 12نومبر کو لیہ اور 17نومبر کو قصور , 20نومبر گوجرانوالہ، 24نومبر جھنگ میں سیاسی میدان لگائے گی جبکہ 2دسمبر کو ساہیوال ،9دسمبر کو فیصل آباد میں جلسے ہوں گے۔

دوسرے مرحلے میں ملتان، راولپنڈی، شیخوپورہ، سیالکوٹ اور بہاولپور میں جلسے منعقد کئے جائیں گے۔

لندن : ہیتھرو ائیرپورٹ پر نگران حکومت میں پاکستانی ہائی کمشنر ڈاکٹر محمد فیصل کی سزا یافتہ نواز شریف سے ملاقات پر سوال اٹھ گئے۔

تفصیلات کے مطابق سابق وزیر اعظم نواز شریف نے وطن واپسی کا سفرشروع کردیا ، سعودی عرب روانگی کیلئے نوازشریف لندن کے ہیتھرو ائیرپورٹ پہنچے۔

نواز شریف جب اپنی رہائشگاہ ایون فیلڈ سے نکلے تو ن لیگی کارکنوں نے انہیں رخصت کیا۔

برطانیہ میں پاکستانی ہائی کمشنر ڈاکٹر محمد فیصل نواز شریف کو رخصت کرنے ہیتھرو ائیر پورٹ آئے اور الوداعی ملاقات کی ، نگران حکومت میں پاکستانی ہائی کمشنر کی سزا یافتہ نواز شریف سے ملاقات پر سوال اٹھ گئے۔

نوازشریف سعودی عرب میں قیام کے بعد دبئی جائیں گے اور وہاں سے چار سال بعد اکیس اکتوبر کو خصوصی طیارے سے پاکستان کےلیے اڑان بھریں گے۔

خیال رہے نواز شریف دو ہزار انیس میں جیل سے علاج کابول کرلندن گئے تھے۔

مسلم لیگ ن کی چیف آرگنائزر مریم نواز کا کہنا تھا کہ عوام پریشان ، نوجوان ،مزدور،دہاڑی دار بیروزگارہے، اسی لئے نوازشریف واپس آرہا ہے، نواز شریف قوم کو پھر اچھے دن دکھائے گا۔

کراچی : پولیس نے سہراب گوٹھ گنا منڈی میں سرچ آپریشن کے دوران 51 غیرقانونی آفغان باشندوں کو گرفتار کرلیا اور 10 مشتبہ موٹر سائیکلوں کو بھی قبضے میں لے لیا۔

تفصیلات کے مطابق غیرقانونی طورپرمقیم غیرملکیوں کے خلاف ملک بھرمیں آپریشن جاری ہے ، کراچی میں ضلع ایسٹ پولیس نے سہراب گوٹھ گنا منڈی میں سرچ آپریشن کیا۔

کومبنگ آپریشن ایس پی سہراب گوٹھ ڈویژن عزیراحمد کی سربراہی میں جرائم پیشہ عناصرکی موجودگی وگرفتاریوں کے لیے کیا گیا، آپریشن میں لیڈیزپولیس جوانوں اورافسران سمیت بھاری نفری نے شرکت کی۔

آپریشن میں 200 سے زائد پولیس اہلکاروں نے گنا منڈی کا گھیراؤ کیا اور علاقے کےداخلی وخارجی راستوں کوسیل کرکےگھرگھرتلاشی لی گئی۔

ایس ایس پی ایسٹ عرفان بہادر کا کہنا تھا کہ آپریشن میں مشتبہ اشخاص کا کرمنل ریکارڈ اور بائیومیٹرک تصدیق کی گئی اور 51 غیر قانونی افغان باشندوں کو گرفتار کرلیا گیا۔

عرفان بہادر نے بتایا کہ آپریشن کے دوران10مشتبہ موٹرسائیکلوں کوبھی قبضہ میں لیا گیا ہے تاہم گرفتار ملزمان کی تصدیق کا عمل جاری ہے۔

راولپنڈی:غیرقانونی مقیم افغان باشندوں کے خلاف آپریشن کی تیاریاں مکمل
پولیس،قانون نافذ کرنے والے اداروں نےراولپنڈی میں مقیم غیرملکیوں کی تفصیلات حاصل کر لیں
اٹک،جہلم،چکوال،مری میں بھی آپریشن کے لئے تفصیلات حاصل کی جارہی ہیں
نادراکاآئی ڈی کارڈرکھنے،جائیدادیں خریدنے والوں کا ڈی این اےبھی کیاجائیگا
افغان مہاجرین کاریکارڈوزیراعلیٰ پنجاب کی ہدایت پر اکٹھا کیا جارہاہے،پولیس