Author: فائزہ شاہ

راولپنڈی: سسرالیوں نے بہو کو تشدد کا نشانہ بنا کر جلا کرمارنے کی کوشش کی، خاتون کو زخمی حالت میں اسپتال منتقل کردیا گیا۔

تفصیلات کے مطابق راولپنڈی میں افسوسناک واقعہ پیش آیا ، جہاں سسرالیوں نےمبینہ طور پر بہو کو تشدد کا نشانہ بنانے کے بعد جلا کر مارنے کی کوشش کی۔

جس کے بعد خاتون کو زخمی حالت میں اسپتال منتقل کیا گیا ، پولیس نے واقعے کا مقدمہ درج کرلیا ہے۔

متاثرہ خاتون کے چچا کی مدعیت میں تھانہ ایئرپورٹ میں مقدمہ درج کیا گیا، ایف آئی آر میں متاثرہ خاتون کے سسر، شوہر اور سوتیلے بیٹے کو ملزم نامزد کیا گیا ہے۔

درخواست گزار نے بتایا کہ اس کی بھتیجی کو زندہ جلانے کی کوشش کی گئی، خاتون چہرہ جل جانے کے باعث بولنے سے قاصر اور اسپتال میں زندگی اورموت کی کشمکش میں مبتلا ہے۔

پولیس نے ملزمان کی گرفتاری کیلئےٹیم تشکیل دے دی ہے۔

اسلام آباد: ماہر قانون اعتزازاحسن کا کہنا ہے کہ مریم نواز نےتو تقریر میں حد ہی کردی، ججز کی اس طرح جگ ہنسائی نہیں کرائی جاسکتی۔

تفصیلات کے مطابق ماہر قانون اعتزازاحسن نے اے آر وائی نیوز کے پروگرام’ سوال یہ ہے’ میں گفتگو کرتے ہوئے کہا کہ کسی بھی جج کےریمارکس فیصلہ نہیں ہوتے۔

شہباز شریف کے بیان پر اعتزاز احسن کا کہنا تھا کہ گزشتہ روز شہباز شریف نے بطور پارٹی سربراہ بیان دیاہے، شہبازشریف نےکہاہمارےکیس ایسےجج نہ سنیں جوہمارےخلاف ہیں، سپریم کورٹ نہ ہوگیا،سپریم کورٹ اےاور سپریم کورٹ بی بنادیاگیا۔

ماہر قانون نے کہا کہ یہ کیابات ہوئی کہ کچھ ججز نوازشریف کیساتھ اورکچھ خلاف ہیں۔

مریم نواز کے عدلیہ پر حملے کے حوالے سے ان کا کہنا تھا کہ مریم نوازنےتوآج تقریر میں حدہی کردی ہے،ججز کی اس طرح جگ ہنسائی نہیں کرائی جاسکتی ، ججز پر اس قسم کی تنقید کے بالکل حق میں نہیں ہوں۔

انھوں نے سوال کیا کہ یہ کیاطریقہ ہےکہ جلسے میں ججز کے نام یاتصویریں لگاکرتنقیدکریں، مریم نواز کو اس قسم کااختیارکس نے دیا ہے۔

اعتزاز احسن نے کہا کہ ججز کو دیکھنا چاہیے کہ اس قسم کےالزامات کیوں لگ رہےہیں اور یہ بھی سوچنا چاہیے کہ ان کےسروں کے اوپر سے پانی گزررہاہے، ججزمیں تقسیم سپریم کورٹ کوبھی لے ڈوبے گی۔

ماہر قانون کا کہنا تھا کہ بینچ کو تبدیل کیا گیا تو اس کا مطلب سپریم کورٹ کی ساکھ نہیں، سپریم کورٹ کوبھی سوچنا چاہیے کہ ان کےفیصلےکی اہمیت ہوتی ہے۔

انھوں نے بتایا کہ بینچ میں چیف جسٹس شامل ہیں جوپاکستان کےچیف جسٹس ہیں، یہ کس قسم کااعتراض ہےکہ بینچ میں کوئی سینئرجج شامل نہیں، بینچ کی سربراہی خود پاکستان کےچیف جسٹس کررہےہیں تواعتراض کیسا۔

اعتزاز احسن کا مزید کہنا تھا کہ ساراتنازع جوپیداکیاجارہاہےسپریم کورٹ کی ساکھ متاثرکرنےکیلئےہے، تنازع میں پنجاب بارکونسل شامل ہےجس کاسربراہ اٹارنی جنرل ہوتاہے، اٹارنی جنرل وزیراعظم کاایک وزیرہوتاہےتودیکھ لیں کہاں سےتنازع بن رہاہے۔

الیکشن کے حوالے سے ماہر قانون نے کہا کہ آئین کےمطابق90دن کےاندرالیکشن کراناہے91دن بھی نہیں ہوسکتے۔

پشاور : تحریک انصاف کی جیل بھرو تحریک میں لاہور کے بعد آج پشاورمیں گرفتاریاں دی جائیں گی، سیاسی قائدین و کارکن گرفتاری دینے کیلئے تیار ہیں۔

تفصیلات کے مطابق پشاور میں آج سے تحریک انصاف کی جیل بھرو تحریک کا آغاز ہورہا ہے۔

ہزاروں کارکنان کی گرفتاریاں پیش کرنے کی تیاریاں مکمل کرلی گئیں ہیں، آج صدر پی ٹی آئی کے پی پرویز خٹک، اسد قیصر ، شاہ فرمان،عاطف خان،اشتیاق ارمڑ سمیت دیگر رہنما گرفتاریاں دیں گے۔

اسدقیصر کارکنان کی بڑی تعداد کیساتھ صوابی سے پشاور کے لئے روانہ ہوگئے ہیں، اسدقیصرصوابی انٹرچینج سےنکلنےوالی گاڑیوں کےقافلےکی قیادت کررہےہیں۔

اسد قیصرہزاروں کارکنان کے ہمراہ پشاورمیں جیل بھروتحریک کاحصہ بنیں گے۔

سابق ایم این اے فضل محمدخان نے کہا ہے کہ پی ٹی آئی کارکنان گرفتاریاں دینےجلوس کی شکل میں پشاور جائیں گے، گرفتاریاں دینے کیلئے7100 کارکنان نےرجسٹریشن کروائی ہے۔

اسد قیصر نے جیل بھرو تحریک پرخصوصی پیغام میں کہا کہ لاہور سے تحریک انصاف کی جیل بھرو تحریک کا آغاز ہوچکا ہے ، قائدین اور کارکنان کوگرفتاری دینےپرخراجِ تحسین پیش کرتا ہوں۔

پشاور میں جیل بھرو تحریک کا دوسرا دن ہوگا ، میں اور دیگر قائدین کل اپنی گرفتاریاں پیش کریں گے ، جیل بھرو تحریک قانون کی حکمرانی کی طرف گامزن کرنےکی ضمانت ہے، امید ہےقوم جیل بھرو تحریک میں ہمارا بھرپور ساتھ دے گی۔