Author: فائزہ شاہ

راولپنڈی: دم کے نام پر بیمار خاتون سے نازیبا حرکات کرنے والے جعلی پیر کو گرفتار کرکے مقدمہ درج کرلیا گیا۔

تفصیلات کے مطابق سوشل میڈیا پر اداکاری کرنے والے جعلی پیر کیخلاف مقدمہ درج کرلیا گیا۔

تھانہ وارث خان میں جعلی پیر کیخلاف دھوکا دہی سمیت 3 دفعات کے تحت مقدمہ درج کیا گیا۔

مقدمے میں کہا گیا کہ پیر خرم شاہ نے بیماری کا علاج کرنے کیلئے1لاکھ روپےکامطالبہ کیا اور 5 ہزار روپے وصول کرکے دم کے نام پر نازیباً حرکات کیں۔

مدعی مقدمے کا کہنا تھا کہ خرم شاہ  نے مزیدرقم کیلئے سنگین نتائج کی دھمکیاں دیں اور جان سےمارنے کی کوشش کی۔

متاثرہ لڑکی طبیعت خراب ہونے پر ماموں طارق محمودکےہمراہ اسپتال پہنچی، پیرخرم شاہ سے سوشل میڈیاپروائرل ویڈیودیکھ کر رابطہ کیا تھا۔

مقدمے میں مزید کہنا تھا کہ خرم شاہ کے دم کیے ہوئے پانی کے بعد طبیعت زیادہ خراب ہوئی تاہم مقدمے کے اندراج کے بعد پیر خرم شاہ کو وارث خان پولیس نے گرفتار کرلیا۔

پاکستان میں آج ڈالر اور دیگر کرنسیوں کی قیمت

نیویارک : امریکی اخبار نیویارک ٹائمز  نے آرمی چیف جنرل سید عاصم منیر کو مرد آہن قراردے دیا۔

تفصیلات کے مطابق پاکستان بھارت بڑھتی کشیدگی میں امریکی اخبار نیویارک ٹائمز نے آرمی چیف جنرل عاصم منیر کو مرد آہن قرار دے دیا۔

امریکی اخبار نے اپنے آرٹیکل میں آرمی چیف جنرل عاصم منیر کے قائدانہ کردار کی اہمیت کو تسلیم کیا، اخبار نے لکھا ‘ایسے وقت میں جب پہلگام واقعے کے بعد بھارت پر دباؤ اور خطے میں تناؤ میں اضافہ ہو رہا ہے، ایسے میں جنرل عاصم منیرنے پاکستان کا واضح موقف تشکیل دیا۔’

امریکی اخبار کا کہنا تھا کہ کچھ دن پہلے ٹینک پر کھڑے ہوکر خطاب میں آرمی چیف جنرل عاصم منیر نے دو ٹوک کہا کوئی ابہام میں نہ رہے بھارت کی کسی بھی مہم جوئی کا فوری اور پرعزم اورمنہ توڑ جواب دیا جائے گا۔

نیویارک ٹائمز نے لکھا ‘آرمی چیف کا یہ خطاب کسی بھی بھارتی حملے کا جواب دینے کے عزم کا مکمل اعادہ تھا, ایک ایسے وقت میں جب پاکستانی قوم سیاسی اور معاشی مشکلات میں گھری تھی، آرمی چیف جنرل عاصم منیر نے پوری قوم کو متحد کردیا ہے۔

آرمی چیف کے خطاب اوربیانات کو بھارت میں پاکستان کی جانب سے طاقت کےاظہارکے طورپر دیکھا جارہا ہے۔

لکی مروت : خیبر پختونخواہ کے ضلع لکی مروت میں پولیس چوکی پر دہشت گردوں کے حملے میں مقامی شہری جاں بحق ہوگیا جبکہ چوکیدار اور پولیس اہلکار زخمی پوگئے۔

تفصیلات کے مطابق خیبر پختونخواہ کے ضلع لکی مروتکی ون فائیو پولیس چوکی گنڈی چوک پر دہشت گردوں نے راکٹ لانچرز سے حملہ کردیا، پولیس کی فوری کارروائی پر دہشت گرد فرار ہوگئے۔

پولیس اور دہشت گردوں کے درمیان فائرنگ کے تبادلے میں شہری احمد خان جاں بحق اورچوکی کےقریب مارکیٹ کا چوکیداراورپولیس اہلکارزخمی ہوگئے۔

یاد رہے صوبہ خیبرپختونخوا کے ضلع لکی مروت میں تھانہ غزنی خیل کی حدود میں دہشت گردوں کی فائرنگ سے فرنٹیئر کانسٹیبلری (ایف سی) کا ایک اہلکار ہلاک ہو گیا تھا۔

مزید پڑھیں : لکی مروت : تھانہ ڈڈیوالہ پر دہشت گروں کا حملہ ناکام

اس سے قبل تھانہ ڈڈیوالہ پر دہشت گروں کا حملہ پسپا کردیا گیا تھا، ڈی پی اور محمد جواد اسحاق نے کہا تھا کہ حملہ آوروں سےکئی گھنٹےتک فائرنگ کا تبادلہ ہوا تاہم دہشت گردوں کےحملےمیں کوئی جانی نقصان نہیں ہوا۔

خیال رہے کہ خیبرپختونخوا کے بعض علاقوں میں حالیہ عرصے کے دوران سیکیورٹی فورسز کو دہشت گرد حملوں کا سامنا رہا ہے، جس کے پیشِ نظر متعلقہ اضلاع میں حفاظتی اقدامات مزید سخت کیے جا رہے ہیں۔

نیویارک : امریکا میں پاکستانی سفیر رضوان سعید کا کہنا تھا کہ پاکستان امن کا خواہشمند ہے لیکن اسے کمزوری نہ سمجھا جائے، دو جوہری طاقتیں مقابل آئیں تو انجام کا نہیں بتایا جاسکتا۔

تفصیلات کے مطابق امریکا میں پاکستانی سفیر رضوان سعید نے امریکی ٹی وی کو انٹرویو میں کہا کہ خطے میں تناؤ نہیں چاہتے پاکستان نے ہمیشہ ذمہ داری کا مظاہرہ کیا، پاکستان امن کا خواہشمند ہے لیکن اسے کمزوری نہ سمجھا جائے۔

پاکستانی سفیر کا کہنا تھا کہ پاکستان پر حملہ کیا تو پوری طاقت سے جواب دیا جائے گا، دو جوہری طاقتیں مقابل آئیں تو انجام کا نہیں بتایاجاسکتا۔

انھوں نے کہا کہ بھارت پہلگام واقعہ کاپاکستان پرالزام لگا کر ٹھوس ثبوت پیش نہیں کرسکا، بھارت جابرانہ پالیسیوں،انتخابی مجبوریوں کا بوجھ پاکستان پرنہیں ڈال سکتا۔

پاکستانی سفیر کا مزید کہنا تھا کہ پاکستان نے دہشتگردی کیخلاف عالمی جنگ میں فرنٹ لائن کردار ادا کیا، بھارت 7 لاکھ فوج کیساتھ بھی مقبوضہ کشمیرمیں امن یقینی نہیں بناسکتا تو یہ لمحہ فکریہ ہے۔