Author: فائزہ شاہ

اسلام آباد : اقتصادی رابطہ کمیٹی آج گیس کی قیمتوں میں ردوبدل سے متعلق فیصلہ کرے گی، آئی ایم ایف کی شرط کے باعث گیس کی قیمتوں میں اضافے کا امکان ہے۔

تفصیلات کے مطابق وزیر خزانہ اسحاق ڈار کی زیرصدارت اقتصادی رابطہ کمیٹی کااجلاس آج وزیراعظم ہاؤس میں شام4بجے ہوگا۔

وزیر خزانہ اسحاق ڈار صدارت کریں گے ، اجلاس میں رواں مالی سال کیلئے گیس کی قیمت فروخت کا تعین کیا جائے گا

گیس کی قیمتوں میں ممکنہ اضافے کا اطلاق یکم جنوری 2023سے ہوگا ، آئی ایم ایف کی شرط کے باعث گیس کی قیمتوں میں اضافے کا امکان ہے۔

گیس کے شعبے کا گردشی قرضہ 1600ارب روپے تک پہنچ چکا ہے ، گردشی قرض کو کنٹرول کرنے کیلئے گیس کی قیمتوں میں اضافہ کیا جائے گا۔

یاد رہے
ذرائع کا کہنا ہے کہ آئی ایم ایف سے مذاکرات میں حکومت بجلی اور گیس کےریٹ بڑھانے پر راضی ہوگئی تھی۔

ذرائع کا کہنا تھا کہ آئی ایم ایف اورحکومت کے درمیان سرکلر ڈیٹ مینجمنٹ پلان پراتفاق ہوگیا ہے، عالمی مالیاتی ادارہ غریب صارفین کی سبسڈی پرمان گیا، معاہدے کے باوجود غریب طبقات کو ریلیف ملےگا۔

ذرائع ک کے مطابق غریبوں کے علاوہ باقی صارفین کے لیے بجلی اورگیس مہنگی ہوگی۔

کیپٹن ریٹائرڈ صفدر کے اے آر وائی نیوز کو انٹرویو دیتے ہوئے سوشل میڈیا پر دلچسپ تبصروں کا طوفان آگیا اور چند گھنٹوں میں ہزاروں صارفین نے شیئر کیا۔

تفصیلات کے مطابق کیپٹن صفدر کا اے آر وائی نیوز کو دیا انٹرویو نشر ہوا اور ہر طرف چھا گیا۔

کیپٹن (ر) صفدر کےبیان پر سوشل میڈیا پر دلچسپ تبصروں کا طوفان آگیا۔ ان کے انٹرویو کو عام لوگوں کے ساتھ سیاستدانوں نے بھی خوب ری ٹوئیٹ کیا۔

ایک صارف نے لکھا ‘صفدر راکڈ ۔۔ مریم شاکڈ، آج تو صفدر کی گھر میں خیر نہیں، مرغا بننا پڑے گا۔’

ایکا اور صارف نے لکھا امپریسیو، خراب گھڑی بھی دن میں دو بار وقت صحیح بتاتی ہے جبکہ ایک اور صارف نے صفدر پاکستان کا سب سے بڑا کپتان قرار دے دیا۔

سوشل میڈیا پر کئی شہریوں نے کیپٹن صفدر کی ہمت کی داد دی۔

کیپٹن صفدر کو اس انٹرویو کے بعد کم از کم باہر سردی میں ایک گھنٹہ مرغا بنوایا گیا ہوگا۔ 🤓pic.twitter.com/gjWn6QGrgb

— Salman Durrani (@DurraniViews) February 10, 2023

Pahli bar Captain Safder mujhe boht boht boht ache lage😭🤣😂😅kamal kr dya itni himat mashaallah 👌👍♥️

— zoha khan (@zohakha67179024) February 10, 2023

گذشتہ روز کیپٹن (ر)صفدر نے اے وائی نیوز کو انٹرویو میں کہا تھا کہ مریم نوازکووزیراعظم بنتانہیں دیکھ رہا۔

ان کا کہنا تھا کہ نوازشریف کوباجوہ کی توسیع کی حمایت نہیں کرنی چاہئےتھی ، ہمارا’ووٹ کوعزت دو‘کابیانیہ دفن ہوگیا،اب نہیں چلے گا۔

اسلام آباد : پاکستان اور آئی ایم ایف کے درمیان بجٹ خسارے اور بیرونی فنانسنگ سمیت اہم امور پر پالیسی مذاکرات کا آغاز ہوگیا۔

تفصیلات کے مطابق پاکستان اور آئی ایم ایف کے درمیان پالیسی مذاکرات کا آغاز ہوگیا ، بجٹ خسارہ، بیرونی فنانسنگ سمیت اہم امور پر پالیسی مذاکرات ہوں گے۔

بجٹ خسارے میں کمی کیلئے600 ارب سے زائد اخراجات پر کٹوتی اور ترقیاتی بجٹ پر 33 فیصد سے زائد کی کٹوتی کی تیاری کی جارہی ہے۔

ذرائع نے کہا ہے کہ ترقیاتی بجٹ میں 300 ارب روپے سے زائد کی کٹوتی کا امکان ہے۔

ذرائع کے مطابق ترقیاتی بجٹ 727 کی بجائے 400 ارب روپے سے زائد خرچ کرنے اور غیر ضروری اور محض کاغذ پر موجود پراجیکٹس کی فنڈنگ روکنے کی بھی تیاری ہے۔

ذرائع نے بتایا ہے کہ رواں مالی سال بجٹ سے سبسڈی دینا محدود کیا جائے گا اور سبسڈی کم کرنے کے لیے بجلی اور گیس کے ریٹ بڑھانا ہوں گے۔

آئی ایم ایف کی جانب سے تمام پراجیکٹس کی مانیٹرنگ کا مطالبہ کیا گیا ہے ، پراجیکٹس کی مرحلہ وار مانیٹرنگ ویب سائٹ پر پبلک کی جائے گی۔

اسلام آباد : وزیراعظم شہباز شریف نے آئی ایم ایف کے سامنے بے بسی کا اعتراف کرلیا اور کہا وفد کامرس کی ہو یا فنانس، پیٹرولیم ہویا پاور سیکٹر ایک ایک چیز دیکھ رہا ہے۔

تفصیلات کے مطابق وزیراعظم شہباز شریف نے آئی ایم ایف کے سامنے حکومت کی بےبسی بیان کرتے ہوئے کہا
ملک کو بہت سے مالی چیلنج درپیش ہیں، آئی ایم ایف کا وفد اسلام آباد میں بیٹھا ہے، ہر کتاب دیکھ رہا ہے۔

شہباز شریف کا کہنا تھا کہ کامرس کی ہویا فنانس،پیٹرولیم ہویا پاور سیکٹر ایک ایک چیزدیکھی جارہی ہے، وفدایک ایک دھیلےکی سبسڈی کی جانچ کررہا ہے۔

وزیراعظم نے باتوں میں عوام پر مزید بوجھ کا اشارہ دیتے ہوئے کہا میں زندہ رہناہے،کہیں نہ کہیں لکیر کھینچنا ہوگی ، قوم مقابلہ کرنے کا فیصلہ کرے کشکول کو توڑیں گے۔

شہباز شریف نے تمام سیاسی جماعتوں کے درمیان اتحاد پر بھی زور دیا تاکہ ملکی معیشت کو مضبوط بنایا جا سکے۔

اسلام آباد: آئی ایم ایف نے خسارے کا شکار سرکاری اداروں کی نجکاری پر زور دیتے ہوئے نجکاری کے ذریعے معیشت میں ریاستی عمل دخل محدود کرنے کا مطالبہ کردیا۔

تفصیلات کے مطابق آئی ایم ایف نے سرکاری اداروں کی مالی نظم و ضبط بد انتظامی پر تشویش کا اظہارکردیا ہے۔

ذرائع نے بتایا کہ آئی ایم ایف نے سرکاری کارپوریشن میں مسلسل خسارے پرعدم اطمینان کرتے ہوئے کہا ہے کہ بجلی اورگیس کے ترسیلی نقصانات کم کرنے پر بھی کوئی خاطر خواہ بہتری نہیں ہوئی، پاکستان مسلسل توانائی کے شعبے میں نقصانات کر رہا ہے۔

ذرائع کا کہنا تھا کہ آئی ایم ایف نے خسارے کا شکار سرکاری اداروں کی نجکاری پر زور دیتے ہوئے نجکاری کے ذریعے معیشت میں ریاستی عمل دخل محدود کرنے کا مطالبہ کردیا۔

آئی ایم ایف نے سرکاری اداروں کے ریگولر آڈٹ پر بھی زور دیتے ہوئے کرپشن اور اداروں میں سرخ فیتہ کے خاتمے کا مطالبہ کردیا۔

آئی ایم ایف نے کاروبار اور ٹیکس جمع کیلئے آسانی کا مطالبہ جبکہ بلوکی اور حویلی بہادر شاہ ایل این جی پاور پلانٹ کی جلد از جلد نجکاری کا بھی مطالبہ کیا۔

اس کے علاوہ آئی ایم ایف نے خسارے میں چلنے والے سرکاری بینکس، ہاؤس بلڈنگ فنانس سمیت کئی اداروں کی نجکاری سمیت پی آئی اے،اسٹیل ملزسمیت دیگراداروں کے نقصانات میں کمی لانے کا مطالبہ کردیا ہے۔