Author: فائزہ شاہ

نارووال : معمولی تلخ کلامی پر بھتیجے نے چچا کو قتل کردیا، مقتول کی بیوہ نے مقدمہ درج کرادیا۔

تفصیلات کے مطابق نارووال میں گاؤں زاہد پور میں معمولی تلخ کلامی پر بھتیجے نے چچا کو قتل کردیا، پولیس نے بتایا کہ بیوہ کی مدعیت میں قتل کامقدمہ درج کرلیا گیا ہے اور ملزم کی تلاش جاری ہے۔

مقتول کی بیوہ نے بتایا کہ موٹرسائیکل کی لائٹ ٹوٹنے پر ملزم کی ماں اور بہنیں گالم گلوچ کر رہی تھی، میرے شوہر عارف نے گالم گلوچ سے منع کیا تو ملزم نے چچا کو دھکادیا۔

مدعی مقدمے نے کہا کہ دھکا ددینے کی وجہ سے میرے شوہر دیوار سے ٹکرانے کے بعد موقع پر ہی دم توڑ گئے۔

مزید پڑھیں : زمین کے تنازع پر چچا نے بھتیجے کو قتل کر ڈالا

یاد رہے رواں سال جنوری میں زمین کے تنازع پر چچا اور بھتیجوں کے درمیان جھگڑے میں فائرنگ سے نوجوان بھتیجا جاں بحق ہوگیا تھا۔

پولیس کا کہنا تھا کہ چچا اپنے بھتیجے کو قتل کرنے کے بعد سے فرار ہے، مقتول شہباز کا اپنے چچا سے زمین کا تنازعہ چل رہا تھا۔

پولیس کے مطابق واقعے کا مقدمہ درج کرلیا گیا ہے اور تحقیقات جاری ہیں۔

پشین : سی ٹی ڈی نے کارروائی کرتے ہوئے 9 مبینہ حملہ آوروں کو ہلاک کردیا، ہلاک افراد شرپسندی کی مختلف کارروائیوں میں ملوث تھے۔

تفصیلات کے مطابق صوبہ بلوچستان کے ضلع پشین کے علاقہ خانی بابا میں سی ٹی ڈی نے خفیہ اطلاع پر آپریشن کرتے ہوئے فائرنگ کے تبادلے میں 9 مبینہ حملہ آوروں کو ہلاک کر دیا۔

ترجمان کا کہنا تھا کہ ہلاک حملہ آوروں کے قبضہ سے اسلحہ و گولہ بارود برآمد کرلی گئی، ہلاک حملہ اور شر پسندی کی مختلف کارروائیوں میں ملوث تھے۔

وزیراعلیٰ بلوچستان سرفراز بگٹی نے سی ٹی ڈی کی کارروائی پر خراج تحسین پیش کرتے ہوئے کہا کہ خفیہ معلومات پرمبنی آپریشن سے ایک بڑاسانحہ روکا گیا۔

سرفراز بگٹی کا کہنا تھا کہ قانون نافذ کرنے والے ادارے دہشت گردی کے خاتمے تک سرگرم رہیں گے، امن دشمنوں کے عزائم کبھی کامیاب نہیں ہونےدیں گے۔

لاہور : صوبائی ڈیزاسٹر مینجمنٹ اتھارٹی پنجاب ( پی ڈی ایم اے) نے اپریل کے اختتام تک درجہ حرارت 45 ڈگری تک جانے کا خدشہ ظاہر کردیا۔

تفصیلات کے مطابق پی ڈی ایم اے کے ترجمان کی جانب سے کہا گیا کہ پنجاب میں آج بھی ہیٹ ویواورگرمی کی لہر برقرار رہے گی اور اپریل کےاختتام تک درجہ حرارت 45 ڈگری تک جانے کا خدشہ ہے۔

ترجمان کا کہنا تھا کہ بہاولپور، رحیم یارخان، ڈی جی خان،ملتان میں ہیٹ ویو کی لہر شدید ہو سکتی ہے۔

ڈیزاسٹر مینجمنٹ اتھارٹی نے بتایا کہ لاہور سمیت میدانی علاقوں میں تقریباً 40 ڈگری تک درجہ حرارت ریکارڈ کیا گیا۔

ڈی جی عرفان علی کاٹھیا نے بتایا کہ چولستان کےاضلاع میں صاف پانی کی فراہمی کو یقینی بنایا جا رہا ہے، تمام اسپتالوں میں ہیٹ ویوکاؤنٹرز قائم ہیں۔

صوبائی ڈیزاسٹر مینجمنٹ اتھارٹی پنجاب نے ہیٹ اسٹروک سےبچاؤکیلئے ادویات کی فراہمی یقینی بنانے کی ہدایت کردی۔

لاہور : بین الاصوبائی گینگ کا متحرک سرغنہ اللہ رکھا اپنے ہی ساتھیوں کی فائرنگ سے ہلاک ہوگیا جبکہ ہلاک ملزم کے دیگر ساتھی اندھیرے کا فائده اٹھا کر فرار ہوگئے۔

تفصیلات کے مطابق کرائم کنٹرول ڈیپارٹمنٹ اقبال ٹاؤن اور ڈاکوؤں کے درمیان فائرنگ کا تبادلہ ہوا، اس دوران بین الاصوبائی گینگ کا متحرک سرغنہ اللہ رکھا اپنے ہی ساتھیوں کی فائرنگ سے ہلاک ہوگیا۔

ڈی ایس پی سی سی ڈی نے بتایا کہ ہلاک ڈاکو گاڑی چوری کی متعدد وارداتوں میں مطلوب تھا، پولیس ملزم کو مال برآمدگی اور ساتھیوں کی گرفتاری کیلئے ساندہ لے جارہی تھی۔

ملزمان نے ساتھی کو چھڑوانے کیلئے اور گرفتاری سے بچنے کیلئے پولیس پر فائرنگ کردی ، ملزم کے ساتھیوں کی فائرنگ سے اللہ رکھا شدید زخمی ہو اسپتال منتقلی کے دوران دم توڑ گیا۔

ڈی ایس پی سی سی ڈی کا کہنا تھا کہ ملزمان کی فائرنگ سے سرکاری گاڑی کو شدید نقصان پہنچا، ہلاک ملزم کے دیگر ساتھی اندھیرے کا فائده اٹھا کر فرار ہوگئے۔

حکام نے کہا کہ فرار دیگر ملزمان کی گرفتاری کے لیے علاقے میں سرچ آپریشن جاری کیا۔

اسلام آباد: اوورسیز پاکستانیز کنونشن کا آغاز ہوگیا ، وزیراعظم شہباز شریف اور آرمی چیف جنرل عاصم منیر کل کنونشن سے خطاب کریں گے۔

تفصیلات کے مطابق تین روزہ سمندر پر پاکستانی کنونشن شروع ہو گیا، افتتاحی سیشن سے چیئرمین سینٹ کریں گے۔

کنونشن میں ایس ائی ایف سی کی جانب سے بریفنگ دی جائے گی اور کنونشن کے شرکا قرارداد منظور کریں گے۔

کنونشن میں ایس آئی ایف سی، وزارت خارجہ، وزارت تجارت، نادرہ او پی ایف ،سٹیٹ بینک اور ایف بی ار کی سائیڈ میٹنگز منعقد ہوں گی۔

چیف آف آرمی سٹاف کی جانب سے کانفرنس کے شرکا کے اعزاز میں آج عشائیہ دیا جائے گا، کلاوورسیز پاکستانیز کنونشن میں چیف آف آرمی سٹاف شرکت کریں گے جبکہ وزیراعظم پاکستان شریک ہوں گے۔

آئی ایس پی ار کی جانب سے دستاویزی ویڈیو دکھائی جائے گی، چیف آف آرمی سٹاف جنرل عاصم منیر اور وزیراعظم شہباز شریف کل کنونشن سے خطاب کریں گے۔

کنونشن کے شرکا کے اعزاز میں وزیراعظم کی جانب سے کل عشائیہ دیا جائے گا،