Author: فائزہ شاہ

سرگودھا : ویگو ڈالے نے 3 بہن بھائیوں کو کچل ڈالا تاہم پولیس نے مفرور ڈرائیور ممتاز کو گرفتار کرلیا۔

تفصیلات کت مطابق سرگودھاکی تحصیل کوٹمؤمن کے نواحی علاقے بچہ کلاں کے قریب پیش آنے والے ٹریفک حادثے نے تین معصوم زندگیاں نگل لیں۔

تیز رفتار ویگو ڈالے نے موٹر سائیکل کو ٹکر ماری ، جس کے نتیجےموٹر سائیکل پر سوار تین بہن بھائی موقع پر ہی جاں بحق ہو گئے۔

ریسکیو ذرائع نے بتایا کہ جان بحق ہونے والوں میں 16 سالہ اذان علی، 12 سالہ ایمان فاطمہ، اور 10 سالہ فیضان علی شامل ہیں، حادثہ تیز رفتاری اور غفلت کے باعث پیش آیا۔

ریسکیو ذرائع کا کہنا تھا کہ ویگو ڈالا بے قابو ہو کر موٹر سائیکل سے جا ٹکرایا, جس کے نتیجے میں تینوں بچوں کو موقع پر ہی جان سے ہاتھ دھونا پڑا تاہم ریسکیو ٹیم نے فوری طور پر موقع پر پہنچ کر لاشوں کو رورل ہیلتھ سنٹر بھابھڑا منتقل کردیا۔

ڈبل کیبن گاڑی کی ٹکرسے3 بہن بھائی جاں بحق ہونے کے واقعے میں کوٹ مومن اورمیلہ پولیس نےفوری کارروائی کرکے مفرورملزم ممتازکوگرفتارکرلیا تھا۔

ڈی پی او محمد صہیب اشرف نے واقعے کا نوٹس لیتےہوئےملزم کی گرفتاری کا حکم دیا ، جس کے بعد گرفتارملزم کے خلاف قانونی کارروائی کاآغاز کیا گیا اور 3 بہن بھائیوں کو کچلنے والے ڈبل کیبن گاڑی کے ڈرائیور کو گرفتار کرلیا گیا۔

کراچی : شارٹ ٹرم کڈنیپنگ میں ملوث انتہائی مطلوب جعلی پولیس افسر اور جعلی اہلکار کو گرفتار کرلیا، ملزمان اہم سرکاری ادارے کے ملازمین سمیت کئی شہریوں کی شارٹ ٹرم کڈنیپنگ اور ڈکیتی سمیت جرائم کی متعدد وارداتوں میں ملوث ہیں۔

تفصیلات کے مطابق کراچی کے علاقے گلشن اقبال پولیس نے گلشن بلاک 4 میں خفیہ اطلاع پر کارروائی کرتے ہوئے شارٹ ٹرم کڈنیپنگ میں ملوث انتہائی مطلوب جعلی پولیس افسر اور جعلی اہلکار کو گرفتار کرلیا۔

ایس ایس پی ایسٹ فرخ رضا نے بتایا کہ ملزمان میں جعلی پولیس افسر بلاول خلجی اورجعلی اہلکار وقاص شامل ہیں ، جو پولیس اہلکار صحافی جج کے بھائی سول ایوی ایشن کے ملازم اور اہم سرکاری ادارے کے ملازمین سمیت کئی شہریوں کی شارٹ ٹرم کڈنیپنگ اور ڈکیتی سمیت جرائم کی متعدد وارداتوں میں ملوث ہیں۔

ایس ایس پی ایسٹ نے کہا کہ ملزمان غیر اخلاقی ویب سائٹ پر پہلے اپنے شکار سے دوستی کرتے تھے پھر ان سے ملنے کے لیے جاتے تو شارٹ ٹرم کڈنیپنگ کرکے لاکھوں روپے تاوان وصول کرتے تھے۔

فرخ رضا کا کہنا تھا کہ ملزمان کے موبائل فون سے مغویوں کی ہتھکڑی لگی متعدد ویڈیوز بھی ملی ہیں، ملزمان مغویوں کو کئی گھنٹے کار میں گھماتے بدترین تشدد کرتے اور اے ٹی ایم کارڈ بھی خالی کردیتے تھے اور مغوی کے گھر کا قیمتی سامان تک گاڑی میں ڈال کر لے جاتے تھے۔

انھوں نے مزید بتایا کہ ملزمان کے قبضے سے 2 پستول 20 بیگ، پولیس یونیفارم ، متعدد پولیس کے بیجز، جدید ہتھکڑی 8 موبائل فونز جعلی بلٹ پروف جیکٹ، گاڑی، متعدد گھڑیاں مختلف موبائلز کے پاوچ اور جدید ترین بڑی ایل سی ڈی برآمد ہوئی ہے۔

ایس ایس پی ایسٹ نے کہا کہ گروہ سرغنہ بلاول خلجی کا تعلق رحیم یار خان سے ہے جو کراچی میں گلشن کا رہائشی بھی ہے، گرفتار ملزم بلاول خلجی کے خلاف رحیم یار خان اور کراچی میں 5 مقدمات درج ہیں تاہم گرفتار ملزمان سے مزید تفتیش کا عمل جاری ہے۔

کراچی : وزیراعلیٰ سندھ مراد علی شاہ نے کراچی کے مسائل پر پورٹل بنوالیا اور عید کے بعد سوفٹ انکروچمنٹ ہٹانے کی واضح ہدایت جاری کردی۔

تفصیلات کے مطابق وزیراعلیٰ سندھ مرادعلی شاہ کی زیرصدارت کراچی کے مسائل سے متعلق اجلاس ہوا، جس میں انھوں نے کہا کہ اسسٹنٹ کمشنرز شہر کا دورہ کریں اور شہر میں گٹرز کا بہنا ، صفائی کے مسائل اور غیر قانونی پارکنگ پر نظر رکھیں۔

وزیراعلیٰ سندھ مراد علی شاہ نے کراچی کے مسائل پرپورٹل بنوالیا اور ہدایت کی افسران گٹرز، تجاوزات اور صفائی ستھرائی کو پورٹل پر اپ لوڈ کریں۔

وزیراعلیٰ سندھ نے چیف سیکرٹری کو ہدایت کی رمضان میں پولیس کا گشت بڑھایا جائے، عید کی شاپنگ کے لیےلوگ مارکیٹس جائیں گےسہولیات فراہم کریں اور اسٹریٹ لائٹس،ٹریفک مینجمنٹ اور سیکیورٹی یقینی بنائیں۔

مراد علی شاہ نے روڈ کٹنگ سینٹر لائیز کرنے کا فیصلہ کرتے ہوئے کہا شہر میں روڈ کٹنگ کی اجازت اب صرف میئر یا کمشنر دیں گے۔

وزیراعلیٰ سندھ نے عید کے بعد سوفٹ انکروچمنٹ ہٹانے کی ہدایت دے دی اور کہا لیاری میں جاری پانی کی لائن بچھانے کا کام جلد مکمل کیا جائے۔

وزیراعلیٰ سندھ نے میئر کراچی کو ہدایت کی کہ شہر کی اہم مارکیٹس کو خوبصورت کیا جائے، مجھے چار مارکیٹس اس مالی سال کے آخر تک مکمل کرکے دیں۔

چنیوٹ : بس اور مسافر ویگن میں ہولناک تصادم کے نتیجے میں 7 افراد جاں بحق اور 10 زخمی ہوگئے، مسافر وین سرگودھا سے فیصل آباد جا رہی تھی۔

تفصیلات کے مطابق پنجاب کے شہر چنیوٹ میں افسوسناک حادثہ پیش آیا، جہاں بس اور مسافر ویگن میں ہولناک ٹکر ہوئی، جس کے نتیجے میں سات افراد جاں بحق اور دس سے زائد زخمی ہوگئے۔

حادثہ سرگودھا روڈ لالیاں کے قریب پیش آیا، حادثہ اتنا شدید تھا کہ پانچ افراد موقع پر ہی جاں بحق ہوگئے، جبکہ دو نے دوران علاج دم توڑا۔

ریسکیو حکام کا کہنا ہے کہ مسافر وین سرگودھا سے فیصل آباد جا رہی تھی، مرنے والے تمام افراد وین میں سوار تھے تاہم زخمیوں کو مختلف اسپتالوں میں متنقل کرکے میڈیکل ایمرجنسی نافذ کردی گئی ہے۔

وزیراعلیٰ پنجاب مریم نواز شریف نے چنیوٹ کے قریب ٹریفک حادثے میں قیمتی انسانی جانوں کے ضیاع پر افسوس کا اظہار کرتے ہوئے زخمی مسافروں کو علاج کی بہترین سہولیات مہیا کرنے کی ہدایت جاری کردی۔

اسلام آباد : کے الیکٹرک صارفین کے لئے اچھی خبر آگئی ، فیول ایڈجسٹمنٹ کی مد میں بڑا ریلیف ملنے کا امکان ہے۔

تفصیلات کے مطابق کراچی کے لیے ماہانہ ایڈجسٹمنٹ میں بجلی کی قیمت میں کمی کا امکان ہے، کے الیکٹرک نے جنوری 2025 کی ماہانہ ایڈجسٹمنٹ کی درخواست نیپرا میں جمع کرادی ہے۔

کے ای نے جنوری کی ایڈجسٹمنٹ میں 4 روپے 84 پیسے فی یونٹ کمی مانگی ہے ، درخواست کے مطابق اس کمی سے 4 ارب 69 کروڑ 50 لاکھ روپے بنتے ہیں۔

نیپرا کے ای کی جنوری کی درخواست پر 20 مارچ کو سماعت کرے گی۔

یاد رہے نیشنل الیکٹرک پاور ریگولیٹری اتھارٹی (نیپرا) نے کے ای کی عبوری ماہانہ فیول چارجز ایڈجسٹمنٹ (ایف سی اے) کی درخواست پر اپنا فیصلہ جاری کیا تھا ، جس میں دسمبر 2024 کے لیے 3روپے فی کلو واٹ کا ریلیف دیا گیا ہے، یہ ریلیف صارفین کو اُن کے مارچ 2025ء کے بلوں کے ذریعے منتقل کیا جائے گا۔

ریگولیٹری اتھارٹی کے فیصلے کے مطابق ایف سی اے کا اطلاق لائف لائن صارفین، ڈومیسٹک پروٹیکٹڈ صارفین، الیکٹرک وہیکل چارجز اسٹیشنز (EVCS) اورپری پیڈ صارفین کے علاوہ تمام کیٹیگریز کے صارفین ہوگا جنہوں نے پری پیڈ ٹیرف کا انتخاب کیا ہے۔