Author: فائزہ شاہ

لاہور : مسلم لیگ ن کے رہنما حنیف عباسی نے ایف بی آر افسران کو گاڑیاں نہ دینے کے معاملے پر سوال کیا کہ کیا افسران گدھا گاڑی پر جا کر ٹیکس اکٹھا کریں گے۔

تفصیلات کے مطابق مسلم لیگ ن کے رہنما حنیف عباسی نے اپنے بیان میں کہا کہ گزشتہ دنوں ایف بی آر کی گاڑیوں پر شور مچا ہے ، ایف بی آر افسران کو گاڑیاں نہیں دیں گے تو وہ ٹیکس کیسے اکٹھا کریں گے۔

ان کا کہنا تھا کہ ملک کی برآمدات بڑھ رہی ہے شرح سود کو کم کیا گیا ہے ، اب اس پر امریکااور روس میں مقابلہ بڑھ گیا ہے اور امریکی سرمایہ کار پاکستان میں سرمایہ کاری کر رہے ہیں۔

ن لیگی رہنما نے مزید کہا کہ پاکستان سے اب گالم گلوچ کی سیاست ختم ہونی چاہیے، ہم سب پہلے پاکستانی ہیں اور اس کی حفاظت ہم سب پر فرض ہے، یہ ملک ہمیشہ قائم رہے گا،یہاں کی معدنیات پرہر کسی کو اس کا حصہ ملے گا۔

مزید پڑھیں : ایف بی آر نے 1010 گاڑیوں کی خریداری کا معاملہ روک دیا

خیال رہے فیڈرل بورڈ آف ریونیو (ایف بی آر) نے سینیٹ کی قائمہ کمیٹی برائے خزانہ کی ہدایات پر عملدرآمد کرتے ہوئے افسران کیلیے 1010 گاڑیوں کی خریداری کا معاملہ روک دیا ہے۔

چیئرمین ایف بی آر راشد لنگڑیال نے اپنے بیان میں کہا تھا کہ خزانہ کمیٹی کو مطمئن کرنے تک گاڑیاں نہیں خریدیں گے، کمیٹی پہلے پیپرا رولز پر پیپرا اتھارٹی کو بلائے، جب تک پیپرا رولز پر کمیٹی مطمئن نہیں گاڑیوں کی خریداری منجمد رہے گی

اسلام آباد : جوڈیشل کمشین نے پشاورہائی کورٹ کیلئے دس ایڈیشنل ججز کی منظوری دے دی، جس میں 2 ڈسٹرکٹ اینڈ سیشن ججز اور 8 وکلاشامل ہیں۔

تفصیلات کے مطابق چیف جسٹس یحییٰ آفریدی کی زیرصدارت جوڈیشل کمیشن کا اجلاس ہوا ، اجلاس میں جوڈیشل کمیشن ایجنڈے کے مطابق پشاورہائیکورٹ کیلئے ایڈیشنل ججزکے ناموں پرغورکیا گیا۔

جوڈیشل کمشین نے پشاورہائی کورٹ کیلئے دس ایڈیشنل ججز کی منظوری دے دی ، دوڈسٹرکٹ اینڈ سیشن ججزاورآٹھ وکلا کے ناموں کی منظوری دی گئی۔

اعلامیے میں کہا گیا کہ کے مطابق ڈسٹرکٹ اینڈ سیشنز ججز فراح جمشید اور انعام اللہ خان کی منظوری دی گئی۔

اس کے علاوہ ایڈوکیٹ محمد طارق آفریدی عبد الفیاض، سبط اللہ خان، صلاح الدین، صادق علی، مدثر امیر، محمد اورنگزیب اور قاضی جواد احسان اللہ کے ناموں کی منظوری دی گئی۔

اعلامیہ میں کہا گیا ہے کہ ایڈیشنل ججز کے ناموں کی منظوری کمیشن کی اکثریت سے کی گئی، جن امیدواروں کو اکثریت حاصل نہیں ہوئی، انہیں مستقبل کی آسامیوں کے لیے دوبارہ نامزد کیا جائے گا۔

ذرائع کے مطابق کمیشن نے ایجنڈے کے مطابق ججز کی منظوردی تاہم چیف جسٹس پشاورہائیکورٹ نے دس ججزکی تقرری کا مطالبہ کیا۔

ذرائع کا کہنا ہے کہ چیف جسٹس یحییٰ آفریدی نے چیف جسٹس پشاور ہائی کورٹ کی رائے سے اتفاق کیا جبکہ بیرسٹرگوہر، علی ظفراوروزیرقانون کے پی کی نے اضافی تعیناتی کی مخالفت کی۔

اسلام آباد : پاکستان فیڈرل یونین آف جرنسلٹس (پی ایف یو جے) نے پیکا ایکٹ متنازع ترمیم کیخلاف کل ملک گیر احتجاج کی کال دے دی۔

تفصیلات کے مطابق پیکا ایکٹ متنازع ترمیم کیخلاف پاکستان فیڈرل یونین آف جرنسلٹس (پی ایف یو جے) نے کل ملک گیراحتجاج کی کال دے دی۔

سیکریٹری جنرل پی ایف یوجے ارشدانصاری نے کہا کہ پیکا ایکٹ ڈریکونین قانون ہے ، ملک بھر میں کل پریس کلبز کے باہر احتجاج کیا جائے گا۔

ان کا کہنا تھا کہ آئین کی روح کے منافی قانون کو تسلیم نہیں کیا جائے گا، حکومت سے کہاتھا پیکاایکٹ ترمیم سے پہلے اسٹیک ہولڈرز سے مشاورت کی جائے۔

پی ایف یوجے نے مزید کہا کہ ہماری اپیل کو نظرانداز کرکے ایوان سے پیکاایکٹ میں متنازع ترمیم منظور کرائی گئی۔

مزید پڑھیں : صحافتی تنظیموں کا پیکا ایکٹ ترمیمی بل کیخلاف ملک گیر احتجاج اور عدالت سے رجوع کرنے کا اعلان

یاد رہے صحافتی تنظیموں نے متنازع پیکا ایکٹ ترمیمی بل کو مسترد کرتے ہوئے اس کے خلاف ملک گیر احتجاج اور عدالت سے رجوع کرنے کا اعلان کیا تھا۔

پاکستان فیڈرل یونین آف جرنسلٹس (پی ایف یو جے)، پاکستان براڈکاسٹر ایسوسی ایشن (پی بی اے)، سی پی این ای، ایمنڈ، اے پی این ایس کی جوائنٹ ایکشن کمیٹی کا اجلاس ہوا ہے۔ اس اجلاس میں متنازع پیکا ایکٹ ترمیمی بل کو مسترد کرتے ہوئے اس کے خلاف احتجاجی تحریک شروع کرنے اور عدالت سے رجوع کرنے کا اعلان کیا تھا۔

جوائنٹ ایکشن کمیٹی کے جاری اعلامیہ میں کہا گیا تھا کہ حکومت مشاورت کے بغیر متنازع بل منظور کرا کر وعدہ خلافی کی مرتکب ہوئی۔ پیکا ایکٹ ترمیمی بل کا محور صرف سوشل میڈیا نہیں بلکہ اس کا ہدف الیکٹرانک اور پرنٹ میڈیا کے ڈیجیٹل پلیٹ فارمز بھی ہیں۔

جوائنٹ ایکشن کمیٹی کا کہنا تھا کہ کسی قانون کیخلاف نہیں لیکن مشاورت کے بغیر قانون سازی قبول نہیں۔ پیکا ایکٹ ترمیمی بل کا مقصد اختلاف رائے کو جرم بنا دینا ہے۔ حکومت اسٹیک ہولڈرز سے مشاورت چاہتی ہے، تو سینیٹ میں بل موخر کرے۔

صحافی تنظیموں نے متنبہ کیا تھا کہ اگر پیکا ایکٹ ترمیمی بل موخر نہ کیا گیا تو احتجاجی لائحہ عمل پر عملدرآمد شروع کر دیں گے۔

جوائنٹ ایکشن کمیٹی کا کہنا تھا کہ سینیٹ میں بل پیش کیا گیا تو اجلاس کے موقع پر احتجاج کیا جائے گا اور ملک گیر احتجاج کی کال بھی دی جائے گی۔

اسلام آباد : ایڈیشنل رجسٹرار نذر عباس نے انٹراکورٹ اپیل واپس لینے کی استدعا کردی اور عدالت کو بتایا کہ توہین عدالت کا نوٹس واپس لے لیا گیا ہے۔

تفصیلات کے مطابق سپریم کورٹ میں ایڈیشنل رجسٹرار کی توہین عدالت کارروائی کیخلاف انٹراکورٹ اپیل پر سماعت ہوئی۔

جسٹس جمال مندوخیل کی سربراہی میں 6 رکنی بینچ نے سماعت کی، دوران سماعت نذر عباس نے انٹراکورٹ اپیل واپس لینے کی استدعا کردی۔

جسٹس جمال مندوخیل نے ریمارکس دیئے آپ اپنا دعویٰ واپس لے سکتے ہیں درخواست نہیں، درخواست اب ہمارے سامنے لگ چکی ہے۔

جسٹس اطہر من اللہ نے استفسار کیا آپ اپنی اپیل کیوں واپس لینا چاہتے ہیں؟ نذرعباس کے وکیل نے بتایا کہ توہین عدالت کا نوٹس واپس لے لیا گیا ہے۔

جس پر جسٹس جمال مندوخیل کا کہنا تھا کہ ایسا تھا تو آپ پہلے بتا دیتے، جسٹس اطہر من اللہ نے سوال کیا کیا توہین عدالت کارروائی ختم ہونے کا آرڈر آچکاہے؟

نذر عباس کے وکیل نے جسٹس منصور کا فیصلہ پڑھ کر سنایا، جس کے بعد سپریم کورٹ نے ایڈیشنل رجسٹرار توہین عدالت کیس میں اپیل نمٹا دی ، عدالت نے کہا انٹرا کورٹ اپیل واپس لینے پرنمٹائی جاتی ہے، وجوہات الگ سے جاری کی جائیں گی۔

جسٹس اطہر من اللہ اور جسٹس شاہد وحید نے الگ وجوہات کے نکتے پر فیصلے سے اختلاف کیا اور کہا الگ سے وجوہات دینے کی ضرورت نہیں۔

جسٹس جمال مندوخیل نے کہا جس علاقہ سےتعلق رکھتا ہوں وہاں روایات کاخیال رکھا جاتا ہے، بدقسمتی سے اس مرتبہ روایات کابھی خیال نہیں رکھا گیا، ہم آرڈر کریں اور فل کورٹ نہ بنے تو ایک اورتوہین عدالت شروع ہوجائے گی۔

اسلام آباد : چیئرمین پبلک اکاؤنٹس کمیٹی جنید اکبر خان نے آگے کا لائحہ عمل بتاتے ہوئے کہا کہ ہمارے پاس احتجاج سے متعلق3 آپشنز ہیں۔

تفصیلات کے مطابق چیئرمین پبلک اکاؤنٹس کمیٹی جنید اکبر خان نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا حکومت کا رویہ نہ بدلا تو دوبارہ احتجاج کریں گے۔

انھوں نے عمران خان کی جانب سے 8 فروری کو احتجاج کی کال پر بتایا کہ ہمارے پاس احتجاج سےمتعلق3آپشنزہیں، صوابی، دوسرا آپشن اضلاع میں احتجاج کا ہے، تیسراآپشن یہ ہےکہ ہم تیاری کے ساتھ احتجاج کیلئے نکلیں گے۔

چیئرمین پبلک اکاؤنٹس کمیٹی کا کہنا تھا کہ تینوں آپشن پر پارٹی قیادت مشاورت کر رہی ہے، پارٹی جوٹاسک دے گی پورا کرنے کی کوشش کروں گا۔

انھوں نے مزید کہا کہ پہلے دن سے کہہ رہے ہیں اداروں اورعوام میں فاصلے بڑھ رہے ہیں، ہمارامؤقف تھا جن کے پاس اختیارات ہیں ان سے بات کریں گے، یہ کسی کو وزیر نہیں بنا سکتے ان کے پاس کیا اختیارات ہوں گے۔

جنید اکبر خان کا کہنا تھا کہ ڈیلور نہ کر سکا تو چیئرمین پی اے سی سے استعفیٰ دیدوں گا، وسائل لوٹنے والے کا تعلق اپنی پارٹی سے ہی کیوں نہ ہو کارروائی کروں گا۔

انھوں نے بتایا کہ پی ڈبلیوڈی میں حکومتی شکایات کیخلاف میں کھڑا ہوا اور کچھ لوگ ناراض ہوئے تھے۔

اسلام آباد : سابق سینیٹر مشتاق احمد نے عافیہ صدیقی کی رہائی کی درخواست مسترد ہونے کی ذمہ دار حکومت کو ٹہرادیا۔

تفصیلات کے مطابق سابق سینیٹر مشتاق احمد نے اسلام آباد ہائی کورٹ میں میڈیا سے گفتگو کرتے ہوئے کہا کہ حکومت بھرپور کوشش کر رہی ہے کہ کسی طرح عافیہ صدیقی رہا نہ ہو، جو درخواست مسترد ہوئی اس کی براہ راست ذمہ داری حکومت پر عائد ہوتی ہے۔

سابق سینیٹر کا کہنا تھا کہ یہ چاہتے ہیں کہ ہم مایوس ہو جائیں لیکن کسی صورت مایوس نہیں ہوں گے ، ہم انشااللہ اس جدوجہد کو جاری رکھیں گے جب تک عافیہ صدیقی رہا نہ ہو جائے۔

انھوں نے مزید کہا کہ ڈاکٹر عافیہ صدیقی ضرور رہا ہوں گی یہ صرف اپنی بدنامی کے اندر اضافہ کر رہےہیں۔

مزید پڑھیں : جوبائیڈن نے ڈاکٹر عافیہ صدیقی کی رحم کی اپیل مسترد کردی

خیال رہے اسلام آباد ہائی کورٹ کو آگاہ کیا گیا تھا کہ سابق امریکی صدر جوبائیڈن نے ڈاکٹر عافیہ صدیقی کی رحم کی اپیل مسترد کردی اور پاکستان سے قیدیوں کی رہائی کیلئے معاہدے سے بھی انکار کردیا ہے۔

جس پر جسٹس سردار اعجاز اسحاق نے ریمارکس دیئے امریکاہمیں ہماری اوقات دکھارہاہےسابق امریکی صدرنےبیٹےکی سزاتومعاف کردی لیکن ہمارےقیدی کورہانہ کیا۔

اسلام آباد : پی ایف یوجے کے صدر افضل بٹ کا کہنا ہے کہ پیکا ایکٹ ترمیمی بل ہمارے لیے زندگی موت کا معاملہ ہے، اسی ہفتے احتجاجی تحریک شروع ہوگی۔

تفصیلات کے مطابق پی ایف یوجے کے صدر افضل بٹ نے اے آر وائی نیوز کے پروگرام باخبر سویرا میں پیکا ایکٹ کے حوالے سے گفتگو کرتے ہوئے کہا کہ حکومت نے یقین دہانی کرائی تھی جب بھی قانون لائیں گے مشاورت کریں گے۔

صدر پی ایف یوجے نے بتایا کہ پچھلےدورحکومت میں بھی پیکا ایکٹ کو ہم نے چیلنج کیا تھا، پچھلےدورحکومت میں پیکاایکٹ کیخلاف فرحت اللہ بابر،مریم اورنگزیب بھی درخواست لائے تھے۔

افضل بٹ کا کہنا تھا کہ بدقسمتی ہے کوئی جماعت اپوزیشن میں ہوتو میڈیا اس کی آنکھ کا تارا ہوتا ہے۔

مزید پڑھیں : صحافتی تنظیموں کا پیکا ایکٹ ترمیمی بل کیخلاف ملک گیر احتجاج اور عدالت سے رجوع کرنے کا اعلان

انھوں نے کہا کہ بدقسمتی سے ہماری حکومت ہر دن کےساتھ اقدامات کرتی ہے لیکن حکومتیں مستقبل میں بہتری کیلئے اقدامات نہیں کرتی ، ہوسکتاہے اس بل میں کوئی اچھی چیزیں بھی ہوں لیکن دیکھنایہ چاہیے کہ اس قسم کے بل کوصحافی بہترکرسکتاہے یا کوئی اور۔

پی ایف یوجے کے صدر نے مزید بتایا کہ صحافی تنظیموں سے کسی سطح پر بھی پیکا ایکٹ میں ترمیم پر مشاورت نہیں ہوئی، ماضی میں پی ٹی آئی دورمیں میڈیا ڈیولپمنٹ اتھارٹی کے نام پر بل لایا جارہاتھا، ہم نے میڈیاڈیولپمنٹ اتھارٹی بل کیخلاف کیمپ لگایا تھا، اس کیمپ میں اپوزیشن جماعتیں ن لیگ،پی پی،ایم کیوایم سمیت دیگرجماعتیں آئیں۔

ان کا کہنا تھا کہ پی ٹی آئی دورکی اپوزیشن جماعتوں نے وعدہ کیاتھا کالے قانون ختم کریں گے لیکن حکومت نے پیکاایکٹ ترمیمی بل کیخلاف ہماری احتجاجی کال پرتوجہ نہیں دی۔

افضل بٹ نے بتایا کہ صحافیوں نے پیکاایکٹ ترمیمی بل کو مسترد کردیا ہے اس بل کا مقصد یہ ہے کہ صحافت چھوڑ کر فروٹ ،سبزیوں کا ٹھیلا لگالیں، گزشتہ روزجوائنٹ ایکشن کمیٹی میں لائحہ عمل طے کیاگیا ہے، آج پی ایف یو جے کا بھی پیکاایکٹ ترمیمی بل کے معاملے پر اجلاس ہوگا۔

انھوں نے کہا کہ پیکا ایکٹ ترمیمی بل ہمارے لیے زندگی موت کا معاملہ ہے، اسی ہفتے احتجاجی تحریک شروع ہوگی۔