Author: فیض اللہ خان

انسداد دہشت گردی کراچی کی عدالت نے گینگ وار سرغنہ عزیر بلوچ کو ایک اور کیس میں بری کر دیا۔

پیر کے روز چاکیواڑہ اور کلاکوٹ تھانے پر حملے سے متعلق کیس کی سماعت ہوئی تو گینگ وار سرغنہ عذیربلوچ، زبیر بلوچ اور ذاکر ڈاڈا کو عدالت میں پیش کیا گیا۔

تفتیشی افسر نے عدالت کے روبرو موقف اختیار کیا کہ 2013 میں عزیربلوچ کی ہدایت پر نامزد ملزمان نے تھانوں پر حملہ کیا تھا۔

عدالت نے تفتیشی افسر کا موقف سننے کے بعد عدم ثبوت کی بنا پر تمام ملزمان کو بری کرنےکا حکم دے دیا۔

لیاری گینگ وار کےسرغنہ عذیر بلوچ کیخلاف 64 کیسز زیرِ سماعت ہیں جس میں سے عزیر بلوچ اب تک تقریباً 18 کیسز سے بری ہو چکا ہے۔

رواں سال 4 جنوری کو انسداددہشت گردی کی عدالت نے 2 رینجرز اہلکاروں کے قتل کیس میں ملزمان عذیربلوچ کو عدم ثبوت کی بنا پر بری کردیا تھا۔

پولیس کا کہنا تھا کہ ملزموں کیخلاف پاک کالونی تھانےمیں قتل کیس کامقدمہ درج ہے، قتل کامقدمہ 2013میں درج ہوا تھا۔

کراچی: انسداددہشت گردی عدالت میں نقیب اللہ قتل کیس آخری مراحل میں داخل ہو گیا۔

منگل کے روز انسداد دہشت گردی کی عدالت میں نقیب اللہ قتل کیس کی سماعت ہوئی جس میں تفتیشی افسر ڈاکٹر رضوان پیش ہوئے بیان ریکارڈ کروایا۔

عدالت میں جیو فینسنگ سی ڈی آر رکارڈ سمیت اہم شواہد پیش کر دیےگئے۔ وکیل نے بتایا کہ پیش کردہ شواہد سے راؤ انوارکی جائے وقوعہ پر موجودگی ثابت ہوتی ہے۔

عدالت میں ڈاکٹر رضوان کے بیان پر وکلا نے جرح مکمل کرتے ہوئے کہا کہ آئندہ سماعت پرملزمان کےبیان رکارڈ کئے جائیں گے۔ عدالت نے مزیدسماعت 24مارچ تک ملتوی کر دی۔

یاد رہے نومبر 2020 میں موبائل سی ڈی آر ایکسپرٹ نے نقیب اللہ قتل کیس میں سابق ایس ایس پی ملیر راؤ انوار کی وقوعہ سے عدم موجودگی کا بیان دیتے ہوئے کہا تھا کہ راؤ انوار جائےوقوعہ پر مقابلے کے وقت موجود نہیں تھے، یہ افسران مقابلہ ختم ہونے کے بعدپہنچے۔

یاد رہے جنوری 2019 کو ایس ایس پی ملیر راؤ انوار کی سربراہی میں پولیس ٹیم نے شاہ لطیف ٹاؤن میں پولیس مقابلہ کا دعویٰ‌ کیا تھا، ٹیم کا مؤقف تھا کہ خطرناک دہشت گردوں کی گرفتاری کے لیے اس کارروائی میں‌ پولیس نے جوابی فائرنگ کرتے ہوئے چار ملزمان کو ہلاک کیا تھا، ہلاک ہونے والوں میں نوجوان نقیب اللہ بھی شامل تھا۔

سوشل میڈیا پر چلنے والی مہم کے بعد اس واقعے کے خلاف عوامی تحریک شروع ہوئی، جس کے نتیجے میں‌ پولیس مقابلے کی تحقیقات شروع ہوئیں، ایس ایس پی رائو انوار کو عہدے سے معطل کرکے مقابلہ کو جعلی قرار دے گیا تھا۔

نقیب قتل کی تفتیش کرنے والی مشترکہ تحقیقاتی کمیٹی نے راؤ انوار کو نقیب اللہ کے ماورائے عدالت قتل کا ذمہ دار ٹھہرا یا گیا تھا، بعد ازاں انسداد دہشت گردی کی عدالت نے مرکزی ملزم اور سابق ایس ایس پی ملیر راؤ انوار کو رہا کردیا تھا۔

کراچی کے علاقے اورنگی ٹاؤن میں مسافر بس میں خاتون پر تشدد کے معاملے پر متاثرہ خاتون کا بیان سامنے آگیا۔

اے آر وائی نیوز کے مطابق کراچی کے علاقے اورنگی ٹاؤن میں گزشتہ روز بس میں خاتون کو تھپڑ مارنے کی ویڈیو وائرل ہوئی تھی جس پر پولیس نے نوٹس لیتے ہوئے بس کو تحویل میں لے کر کنڈیکٹر کو طلب کرلیا تھا۔

A CCTV footage has captured a bus conductor beating a woman passenger in Mominabad area of Karachi! @sindhpolicedmc8 should identify the culprit and take action (visual via @ahmedfaridi2 )pic.twitter.com/9gxEqi9aVR

— Naimat Khan (@NKMalazai) March 4, 2022

پولیس کے مطابق تشدد کرنے والا شخص اور متاثرہ خاتون ٹریفک پولیس چوکی پہنچے اور اپنا بیان ریکارڈ کروادیا۔

متاثرہ خاتون کا کہنا تھا کہ تشدد کرنے والا شخص کاشف میرا رشتہ دار ہے، نقاب اتارنے اور موبائل نہ دینے پر اس نے مجھ پر تشدد کیا تھا۔

خاتون کا کہنا ہے کہ یہ ہمارے گھر کا معاملہ ہے کوئی کارروائی نہیں چاہتے۔

پولیس حکام کا کہنا ہے کہ بس ڈرائیور اور کنڈیکٹر نے بھی پولیس کو بیان ریکارڈ کروادیا ہے بس تاحال چوکی میں بند ہے۔

کراچی کی مسافر بس میں خاتون کو تھپڑ مارنے کے واقعے پہ پولیس حرکت میں آئی کنڈیکٹر ڈرائیور اور بس پکڑ لی پولیس کیمطابق تھپڑ کنڈیکٹر نے نہیں خاتون کیساتھ موجود اسکے کزن نے مارا ، خاتون کا بیان سامنے آگیا ہے pic.twitter.com/df21NCn4tH

— Faizullah Khan (@FaizullahSwati) March 5, 2022

اس سے قبل بس کے مالک نے پولیس چوکی پہنچ کر بتایا تھا کہ اس واقعے میں بس کنڈیکٹر ملوث نہیں، ویڈیو میں نظر آنے والا مرد اور خاتون بس میں ایک ساتھ سوار ہوئے اور فقیر کالونی کے اسٹاپ پر اترے تھے۔

ان کا کہنا تھا کہ ویڈیو کی ابتدا میں دیکھا جا سکتا ہے کہ نیلے رنگ کے لباس میں ملبوس کنڈیکٹر پہلے ہی بس سے نیچے اتر چکا ہے۔ تشدد کا یہ واقعہ خاتون اور سفید لباس میں موجود شخص کےدرمیان پیش آیا، اس سے بس کنڈیکٹر کا کوئی تعلق نہیں ہے۔

سیکشن افسر کا کہنا تھا کہ پولیس نے شواہد دیکھنے کے بعد بس کنڈیکٹر کو رہا کر دیا البتہ مسافر بس اب بھی پولیس کی تحویل میں ہی ہے۔