Author: فرید قریشی

لندن: پاکستان تحریک انصاف کی جانب سے حسن نواز کے دفتر کے باہر مظاہرہ کررہی ہے، جہاں ن لیگ اور پی ٹی آئی کارکنان آمنے سامنے آگئے۔

تفصیلات کے مطابق پاکستان مسلم لیگ ن کی سینئر قیادت کا اجلاس لندن میں جاری ہے، جس کیلئے وزیراعظم شہباز شریف اور وزراء بھی لندن میں موجود ہیں۔ اس موقع پر پاکستان تحریک انصاف کے کارکن حسن نواز کے دفتر کے باہر احتجاجی مظاہرہ کیلئے جمع ہونا شروع ہوئے تو اس کے جواب میں مسلم لیگ ن کے کارکن بھی وہاں پہنچ گئے، جس کے بعد دونوں جانب سے ایک دوسرے کے خلاف نعرے بازی شروع ہوگئی۔

اوورسیز پاکستانی چور  چور امپورٹڈ حکومت نامنظور کے نعرے لگاتے  رہے، جبکہ ن لیگی ارکان بھی تحریک انصاف کے خلاف نعرہ بازی کرتے رہے، اس موقع پر امن و امان برقرار رکھنے کے لئے پولیس بھی موجود ہے۔

لندن میں شہباز شریف اور وزرا کی آمد پر اورسیز پاکستانیوں کا حتجاج۔ PTI اور ن لیگ کے کارکن آمنے سامنے۔ پی ٹی آئی کے سپوٹرز چور چور، امپورٹڈ حکومت نا منظور کے نعرے لگاتے رہے، لیگی کارکن ڈھول کی تھاپ پر دھمال، بھنگڑے ڈالتے اور اپنے قائد کی آمد پر خوشی کا اظہار کرتے رہے۔ pic.twitter.com/gJX1p78B7S

— Ather Kazmi (@2Kazmi) May 11, 2022

یہ بھی پڑھیں: پی ٹی آئی برطانیہ کا مظاہرہ، ن لیگ کا اجلاس نامعلوم مقام پر منتقل

خیال رہے کہ مسلم لیگ ن کی قیادت کا اجلاس سابق وزیراعظم نواز شریف کے صاحبزادے حسن نواز کے دفتر میں ہونا تھا، تاہم تحریک انصاف کے احتجاج کے باعث اجلاس کا مقام تبدیل کرتے ہوئے اسے نامعلوم مقام پر منتقل کردیا تھا۔

نواز شریف اور وزیراعظم شہباز شریف کے درمیان ون آن ون ملاقات بھی نامعلوم مقام پر ہوئی ہے، ملاقات کے بعد نواز شریف کی سربراہی میں ن لیگی رہنماؤں کا اجلاس بھی جاری ہے جس میں خواجہ آصف، خواجہ سعد رفیق، اسحاق ڈار، مریم اورنگزیب، رانا ثناءاللہ سمیت دیگر  رہنما موجود ہیں ، ذرائع کا کہنا ہے کہ اجلاس میں اہم فیصلے کیے جائیں گے۔

لندن: مسلم لیگ ن کے قائد اور سابق وزیراعظم نواز شریف کا کہنا ہے کہ فارن فنڈنگ کیس کا فیصلہ اگر پی ٹی آئی کے خلاف آیا تو پوری پارٹی ختم ہوجائے گی۔

اے آر وائی نیوز کے مطابق سابق وزیراعظم نواز شریف نے لندن میں مولانا فضل الرحمان کے بھائی ضیا الرحمان سے ملاقات کے بعد میڈیا سے گفتگو کرتے ہوئے کہا کہ فارن فنڈنگ کیس کا فیصلہ پی ٹی آئی کے خلاف آتا ہے تو پوری پارٹی ختم ہوجائے گی ممبر شپ ختم ہوجائے اس لیے پہلے سے ہی استعفے دلا دیے تاکہ لگے کہ پہلے ہی استعفے دیے تھے۔

انہوں نے کہا کہ صدر ملک کا ہوتا ہے اسے ملک کا سوچنا چاہیے، صدر کیسے حلف لینے سے انکار کرسکتا ہے، عارف علوی کے اقدام کو قوم کیسے تسلیم کرے گی۔

سابق وزیراعظم نے کہا کہ کبھی نہیں سوچا تھا کہ پاکستان اس حال کو پہنچے گا جس حال میں آج ہے، ملک میں لوگ بھوک سے مر رہے ہیں، لوگ بچوں کو پال نہیں سکتے۔

انہوں نے کہا کہ ہم نے بڑی محنت سے پاکستان کو کھڑا کیا تھا اسحاق ڈار نے معیشت کھڑی کی، نواز شریف نے عمران خان کا نام لیے بغیر کہا کہ اس شخص نے زمین بوس کردی۔

ن لیگی قائد نے کہا کہ اس نے الیکشن سے پہلے بھی جھوٹے وعدے کیے اور اس کے بعد بھی جھوٹے وعدے کیے گئے۔