Author: فاروق سمیع

کراچی: سپریم کورٹ نے گجر نالے سمیت تمام نالوں سے تجاوزات، کوآپریٹوہاؤسنگ سوسائٹی رفاہی پلاٹ پرشادی ہال، فٹ پاتھ،شاہراؤں پر تجاوزات کیس کا تحریری فیصلہ جاری کردیا۔

اے آر وائی نیوز کے مطابق سپریم کورٹ کراچی رجسٹری کی جانب سے  گجرنالےسمیت تمام نالوں سے تجاوزات کے خاتمےکے کیس کا تحریری حکم نامہ جاری کیا گیا، جس میں ہدایت کی گئی ہے کہ نالوں پر قائم ہر قسم کی تجاوزات کاخاتمہ کیاجائے۔

تحریری فیصلے میں کہا گیا ہے کہ نالوں پر قائم گھر، دکانیں،کمرشل تعمیرات سب گرائی جائیں۔ فیصلے میں لکھا گیا ہے کہ تجاوزات کےباعث بارشوں میں سیلابی صورت حال پیدا ہوئی، پانی نالوں میں جانےکے بجائےشہر میں گھومتا رہا۔ سپریم کورٹ نے گجرنالہ، محمودآباد نالہ،اورنگی نالہ پر سندھ ہائی کورٹ کےتمام حکم امتناع معطل کرتے ہوئے تمام فریقین کو آئندہ سماعت پر طلبی کے نوٹس جاری کردیے گیے۔

کراچی کو آپریٹوہاؤسنگ سوسائٹی رفاہی پلاٹ پرشادی ہال کاکیس

سپریم کورٹ نے رفاہی پلاٹ پر شادی ہال بنانے پر سوسائٹیز سے وضاحت طلب کی اور کمشنر، سوسائٹی کونوٹس جاری کیا۔ عدالت نے کمشنرکو جائزہ لینےکی ہدایت کرتے ہوئے حکم دیا کہ شادی ہال واقعی رفاہی پلاٹ پر قائم ہے تو اسے غیر قانونی تجاوزات میں شامل کر کے منہدم کردیں۔

تحریری فیصلے میں کمشنر کو آئندہ سماعت پر عمل درآمد اور پیشرفت رپورٹ جمع کرانے کی ہدایت کی گئی ہے۔

شہر بھرکےفٹ پاتھ، شاہراؤں پر تجاوزات کیس کا تحریری فیصلہ

سپریم کورٹ کراچی رجسٹری کی جانب سے جاری تحریر فیصلے میں ایڈمنسٹریٹر کے ایم سی کو ہر قسم کی تجاوزات کے خاتمے کو یقینی بنانے کی ہدایت کی گئی ہے۔

سپریم کورٹ نے فیصلے میں لکھا کہ کراچی میں تجاوزات کو تلاش کرنا کوئی مشکل عمل نہیں، ایم اےجناح روڈ پر سیکڑوں تجاوزات ہیں، شاہراہوں کی فٹ پاتھ پر قبضے قائم ہیں۔

مزید پڑھیں: نسلہ ٹاور کیس کا تحریری فیصلہ جاری

تحریری فیصلے میں ہدایت کی گئی ہے کہ پارکوں،کھیل کےمیدانوں میں درخت، سبزہ لگایا جائے، پارکوں کو سلاخیں لگا کر محفوظ بنایا جائے، پارکوں میں شہریوں کو پینےکا پانی اور واش روم سمیت دیگر سہولیات فراہم کی جائیں۔

عدالت نے حکم دیا کہ پارکوں اورکھیل کےمیدانوں میں لائٹ کے انتظامات کویقینی بنایاجائے، آئندہ سیشن میں ایڈمنسٹریٹرکےایم سی پیشرفت کےساتھ پیش ہوں۔

کراچی: انسداددہشت گردی عدالت نے 2018 میں پیش آنے والے انتظارقتل کیس کا بڑا فیصلہ سنا دیا ہے۔

عدالت نے فریقین کے دلائل مکمل ہونے اور شواہد کے بعد فیصلے میں دو پولیس اہلکاروں کو سزائےموت سنا دی ‏جب کہ 3انسپکٹر سمیت 6 اہلکاروں کو عمر قیدکی سزا سنائی ہے۔ ‏

فیصلے میں عدالت نے عمرقید کےساتھ 2،2 لاکھ روپےجرمانےکا بھی حکم دیا ہے۔ ایک پولیس اہلکارغلام عباس کو ‏عدم شواہد پر بری کیا گیا۔

کراچی کے علاقے ڈیفنس میں انتظار قتل کا افسوسناک واقعہ پیش آیا تھا، جب اینٹی کار لفٹنگ فورس (اے سی ‏ایل سی) کے چار اہل کاروں نے نامعلوم کار پر فائرنگ کی، جس کے نتیجے میں ملائشیا سے آنے والا انتظار نامی ‏نوجوان جاں بحق ہو گیا تھا۔

خبر میڈیا میں آنے کے بعد اس پر شدید ردعمل آیا، تفتیش کے لیے جے آئی ٹی تشکیل دی گئی، مگر انتظار کے ‏والد نے اس پر عدم اعتماد کا اظہار کرتے ہوئے نئی جے آئی ٹی تشکیل دینے کا مطالبہ کیا تھا. فروری میں‌ ‏وزیراعلیٰ سندھ کی ہدایت پرنئی جےآئی ٹی کا نوٹیفکیشن جاری کیا گیا.‏

مارچ کے اوائل میں واقعے کی عینی شاہد مدیحہ کیانی کی ایک ویڈیو سامنے آئی، جسے کیس کی تفتیش میں‌ اہم ‏موڑ قرار دیا گیا تھا. اس ویڈیو کے بعد کیس میں‌ چند نئے نام سامنے آئے، البتہ بعد میں‌ مدیحہ کیانی نے بیان ‏دیا کہ اُنھوں‌ نے انتظار کے اہل خانہ کے دبائو میں‌ یہ ویڈیو بنائی تھی، یوں تفتیش عمل پھر ڈیڈلاک کا شکار ‏ہوگیا.‏

انتظار قتل کیس میں‌ تین انسپکٹرز سمیت آٹھ پولیس اہل کاروں‌ کو برطرف کر دیا گیا تھا برطرف کئے جانے والوں ‏میں انسپکٹرطارق رحیم، انسپکٹرطارق محمود اور انسپکٹر اظہر حسین شامل تھے۔

کراچی: بیکنگ کورٹ نے 9 سال بعد فراڈ کیس کا فیصلہ جاری کردیا، جس کے مطابق ایک ہی گھرانے کے تین افراد کو چودہ سال قید بامشقت کی سزا سنائی گئی ہے۔

اے آر وائی نیوز کے مطابق کراچی کی بینکنگ عدالت نے بینک  فراڈ کے مقدمےکا فیصلہ 9سال بعدسنا دیا۔ فیصلے کے مطابق مجرموں کو 14 سال قید بامشقت اور جرمانے کی سزا سنائی گئی ہے۔

عدالت نے جرم ثابت ہونے پر مرکزی ملزمہ کو 34 سال قید اور 15 کروڑ 70 لاکھ روپے جرمانہ عائدکیا اور حکم دیا کہ جرمانہ  ادا نہ کرنےکی صورت میں مزید 5سال قید میں رہنا ہوگا جبکہ ملزمہ کے والد کو 14 سال قید اور 50 لاکھ جرمانے اور بھائی کو 14 سال قید اور 50 لاکھ روپے جرمانے کی سزا سنائی ۔

عدالت نے مقدمےمیں نامزد ملزم رومان احسن کو عدم ثبوت کی بنیاد پر رہا کردیا گیا۔

ہاد رہے کہ کیس کی مرکزی ملزمہ نجی بینک میں بطور مینجر تعینات تھی، جو صارف کے اکاؤنٹ سے پیسے اپنے فیملی اکاؤنٹ میں منتقل کردیتی تھی۔ کیس میں ملزمہ کی والدہ بھی نامزد تھیں جو دوران ٹرائل انتقال کرگئی ہیں

ایف آئی اے بینکنگ سرکل میں 7 کروڑ روپے فراڈ کا مقدمہ 2012 میں بینک مینیجر کے خلاف درج کیا گیا تھا، جس کی تحقیقات ہوئی تو یہ بات سامنے آئی کہ فراڈ میں سارا گھرانہ ملوث ہے۔