لندن میں دریائے ٹیمز پر پانچ میٹرلوپ پرسائیکل چلانےکا شاندارمطاہرہ کیا گیا۔
دنیا بھر میں خطرناک اسٹنٹ کا مظاہرہ کرنے میں شہرت یافتہ اٹھائیس سالہ اسکوٹش اسٹنٹ ڈینی میکاسکل نے لوپ پرسائیکل چلانےکا چیلنج قبول کیا تھا۔
ڈینی میکاسکل نے لوپ پر شاندار مظاہرہ کیا،اس منفرد اسٹنٹ کی ویڈیو کو انٹر نیٹ پر مختصروقت میں چھ کروڑ لوگوں نے دیکھا۔
لیاری کے مختلف علاقوں میں پولیس اوررینجرز نے خفیہ اطلاع پر چھاپہ مار کارروائیاں کیں جہاں گینگ وارکے ملزمان کی جانب سے سخت مزاحمت کا سامنا ہوا،مقابلوں کے بعدملزمان لالہ اورنگی، نعیم کالو اوریونس مادی مارے گئے۔
پولیس نے ملزمان سے بڑی تعدادمیں اسلحہ برآمدکیا،لالہ اورنگی کی گرفتاری پردس لاکھ روپے انعام مقرر تھا۔
رابطہ کمیٹی پاکستان اور لندن کے مشترکہ اجلاس میں دہشت گردی کے خلاف جاری جنگ اورملک کی مجموعی صورتحال پر تبادلہ خیال کیاگیا۔
قائد ایم کیو ایم نے اجلاس میں ریٹائرڈ فوجی افسران پر مشتمل ایڈوائزری کمیٹی تشکیل دینے کی تجویز سے بھی اتفاق کیا،کمیٹی دہشت گردی کے خلاف جنگ کو کامیابی کے ساتھ آگے بڑھانے کیلئے اعلیٰ فوجی حکام کو سفارشات بھیجے گی۔
اس موقع پرالطاف حسین کا کہنا تھا کہ وطن کی سلامتی کیلئے فوج جب پکارے گی ہم ایک لمحہ ضائع نہیں کریں گے،الطاف حسین نے دہشت گردی کے خلاف جنگ کے باعث اپنے گھروں سے نقل مکانی کرنے والے خاندانوں کو درپیش مشکلات پران سے دلی ہمدردی کا اظہار کیا اور مخیرحضرات سے اپیل کی وہ آگے بڑھیں اور متاثرین کا ہاتھ تھامیں۔
اس موقع پر الطاف حسین نےرکنیت سازی مہم کی تفصیلات بھی معلوم کیں۔
نزلہ، زکام سےبچنےکیلئے کھانے سے پہلےہاتھوں اوربرتنوں کو اچھی طرح دھوئیں۔
چھ ماہ تک کے بچوں کو زکام سے بچاؤ کے حفاظتی ٹیکے ضرور لگوائیں۔
سردیوں میں ایسےکاموں سے پرہیزکرنا چاہیئے جن سے دھول پیدا ہو۔
تازہ سبزیاں اور پھل وٹامن سی بچاؤ کا بہترین ذریعہ ہیں۔
وٹامن سی سے بھرپورغذائیت فوری طور پرلگنے والے انفیکشن کوختم کردیتی ہے۔
مچھلی اورانڈوں کااستعمال بھی سردی میں نزلہ زکام سے بچاسکتےہیں۔
جبکہ جسم کو گرم رکھنے کیلئے صبح کےوقت ورزش کو معمول بنالیں۔
فیض احمد فیض کو ہم سے بچھڑے تیس برس بیت گئے ہیں۔
فیض احمد فیض غالب اور اقبال کے بعد اردو کے سب سے عظیم شاعر ہیں، فیض احمد فیض انیس سو گیارہ میں سیالکوٹ میں پیدا ہوئے، آپ کا نام فیض احمد اور تخلص فیض تھا۔ انہوں نے ابتدائی تعلیم آبائی شہر سے ہی حاصل کی، اس کے بعد گورنمنٹ کالج لاہور سے انگریزی میں ایم اے اور اورینٹل کالج سے عربی میں بھی ایم اے کی ڈگری حاصل کی۔
انیس سو تیس میں لیکچرار کی حیثیت سے ملازمت کا آغاز کیا۔ اس کے کچھ عرصے بعد وہ برٹش آرمی میں بطور کپتان شامل ہوگئے اور محکمہ تعلقات عامہ میں فرائض انجام دیئے۔اور لیفٹیننٹ کرنل کے عہدے سے فوج کو خیرباد کہا۔ اس کے بعد وہ واپس شعبہ تعلیم سے منسلک ہوگئے۔
فیض نے قلم کاری کا آغاز شاعری سے کیا اور اردو اور پنجابی میں شاعری کی، بعد میں وہ صحافت سے منسلک ہوگئے اور صدائے حق بلند کی، فیض احمد فیض اردو ادب میں ایک ایسا ممتاز نام ہیں، جنہوں نے سیاسی اور سماجی مسائل کو مختلف احساسات سے جوڑتے ہوئے یادگار رومانوی گیتوں کا حصہ بنا دیا۔
فیض احمد فیض کی تخلیقات میں نقش فریادی، دست صبا، نسخہ ہائے وفا، زندان نامہ، دست تہہ سنگ، سروادی سینا، مرے دل مرے مسافرسمیت درجنوں شعری مجموعے اور تصانیف شامل ہیں۔ ان کے ادبی مجموعوں کا انگریزی ، فارسی، روسی ، جرمن اور دیگر زبانوں میں بھی ترجمہ کیا جا چکا ہے۔
انہوں نے ادبی صورتحال اور ملکی حالات پر مضامین بھی تحریر کئے، جو بعد میں کتابی شکل میں شائع ہوئے۔فیض احمد فیض شروع سے ہی انقلابی ذہن کے حامل تھے، وہ ایک طویل عرصے تک انجمنِ ترقی پسند مصنفین کے سرگرم رکن رہے اورآمریت اور ظلم کے خلاف قلمی جہاد کے ساتھ ساتھ عملی کردار بھی ادا کیا۔
فیض احمد فیض کی اعلیٰ ادبی خدمات کے صلے میں حکومت پاکستان کی طرف سے انہیں ملک کا سب سے بڑا سول ایوارڈ نشانِ امتیاز اور سوویت یونین کی جانب سے لینن پرائزعطا کیا گیا۔ اس کے علاوہ انہیں نگار ایوارڈ اور پاکستان ہیومن رائٹس سوسائٹی کی طرف سے امن انعام سے بھی نوازا گیا۔
ان کے اشعار کی انقلاب آفرینی آج بھی جذبوں کو جلا بخشنے کا ذریعہ ہے۔ فیض نے شخصی آزادی اور حقوق کی آواز کچھ اس طرح بلند کی کہ وہ سب کی آواز بن گئی ، فیض نوبل پرائز کے لیے بھی منتخب ہوئے۔
فیض احمد فیض مارچ انیس سو اکیاون میں راولپنڈی سازش كیس میں گرفتار بھی ہوئے، آپ نے چار سال سرگودھا، ساھیوال، حیدر آباد اور كراچی كی جیل میں گزارے۔ آپ كو 2 اپریل 1955 كو رہا كر دیا گیا ، زنداں نامہ كی بیشتر نظمیں اسی عرصہ میں لكھی گئیں۔
زنداں نامہ كی بیشتر نظمیں اسی عرصہ میں لكھی گئیں، وہ بیس نومبر انیس سو چوراسی کو تہتر برس کی عمر میں خالق حقیقی سے جا ملے اور لاہور ہی میں گلبرگ کے قبرستان میں آسودہ خاک ہوئے۔
جو رُکے تو کوہ گراں تھے ہم جو چلے تو جاں سے گزر گئے
رہ یار ہم نے قدم قدم تجھے یادگار بنا دیا
ملک میں نئے صوبوں کی تشکیل کے سلسلے میں ایم کیو ایم اور تحریک صوبہ ہزارہ سمیت دیگرجماعتوں کےدرمیان معا ہدہ طے پا گیا اعلان ایبٹ آباد معائدے کے تحت،ملک میں نئے انتظامی یونٹس لسانی نہیں بلکہ انتظامی بنیادوں پر بنیں گے۔
مختلف سیاسی جماعتوں پر مشتمل بین الصوبائی رابطہ کمیٹی قائم کر دی گئی،کمیٹی میں رشید گوڈیل،بیرسٹر سیف،تحریک صوبہ ہزارہ کے سلطان العارفین،پی اے ٹی کے نصیر خان جدون،بہاولپورسرائیکی صوبہ کے عبدالرزاق عباسی ایڈوکیٹ اور جے یو آئی ف سے محمد مصطفیٰ شامل ہیں،بابا حیدر زما ن کمیٹی چیئرمین ہوں گےایبٹ آباد میں مشترکہ پریس کانفرنس میں ایم کیو ایم کے رہنما رشید گوڈیل کا کہنا تھا،ملک میں نئے صوبے عوامی طاقت کے زورپر ضرور بن کر رہیں گے۔
ہزارہ صوبہ تحریک کے بابا حیدرزمان کا کہنا تھا ہزارہ صوبہ کے عوام نے صوبے کے قیام کیلئے اپنی جانوں کا نذرانہ پیش کیا۔
روس کی ایک کمپنی یوٹا نے بنایا ہے جس کی سب سے بڑی خوبی اسکا دو طرفہ ڈسپلے ہے یعنی اس کے آگے اور پیچھے دونوں طرف اسکرین ہے۔
اس فون میں پیش کی جانے والی پچھلی اسکرین نوٹیفیکیشن ڈسپلے اور ایپ کی فعالیت کو وسیع کرنے میں استعمال ہو گی،اس فون کی آگے کی اسکرین پانچ انچ اور پچھلی اسکرین چار اعشاریہ سات انچ جبکہ بیک کیمرہ آٹھ میگا پکسل اور فرنٹ کیمرہ دو میگا پکسل پر مشتمل ہے۔
یوٹا فون تین دسمبر کو اس فون کو لندن میں لانچ کرنے کا ارادہ رکھتی ہے۔
بلاشبہ ذائقےدار شہد کاروزانہ استعمال اچھی صحت کی ضمانت ہے،غذائیت سےبھرپورشہدوٹامن سی،معدنیات اورانزائم کی ایک مضبوط ڈھال بناتاہےجومختلف بیماریوں سےبچاتی ہے۔
شہد کو ناشتے کے علاوہ قدرتی علاج کے طور پر بھی استعمال کیا جاتا ہے،شہد فوری طور پر توانائی دینے کے ساتھ مدافعاتی نظام کو مضبوط بناتا ہے،شہد گلے کی خراش،کھانسی وغیرہ میں بھی مفید ہے۔
شہد صحت مند جلد اور بالوں کیلئے بہترین غذا ہے،شہد جلد پر داغ اور دھبے دور کرتا ہے، شہدجلد کا روکھا پن اور جلد کی دیگر بیماریوں کےلئے بھی اکثیر ہے۔
گرم پانی میں شہد ملا کر سر میں لگانے سے خشکی اور بالوں کا ٹوٹنا رُک جاتا ہے۔
آرمی چیف جنرل راحیل شریف نے امریکا کے نائب وزیر دفاع رابرٹ ورک اورہم منصب مارٹن ڈیمپسی اوراعلیٰ فوجی حکام سے ملاقات کرتے ہوئے طویل مدتی تعلقات پربات چیت کی۔
عسکری زرائع کے مطابق آرمی چیف کے دورہ امریکا کا مقصد دونوں افواج میں اعتماد بحال کرناہے،ملاقات میں آرمی چیف نے حقانی نیٹ ورک پر اپنا موقف پیش کیا،آرمی چیف نے کہا کہ پاک آرمی کا حقانی نیٹ ورک کی خلاف کارروائی نہ کرنے کا تاثر بے بنیاد ہے۔
دوسری جانب امریکی افواج نے دہشت گردی کے خلاف پاکستانی فوج کی کوششوں کو سراہا،امریکی حکام نے آرمی چیف کو باور کرایا کہ افغانستان میں پائیدارامن کے قیام کیلئے امریکی فوج پاکستانی فوج کا تعاون چاہتی ہے۔
پاک آرمی کا وفد جنرل راحیل شریف کی قیادت میں کل کیپیٹل ہل کا دورہ کرے گا جبکہ آرمی چیف امریکی کانگریس کے اراکین سے بھی ملاقاتیں کریں گے۔
بھرپور مزاح پر مبنی فلم ڈمب اینڈ ڈمبرٹو کے سیکیوئل نےامریکی باکس آفس پر ہلچل مچادی، 1.38 ملین ڈالر کا بزنس سمیٹتے ہوئے کامیڈی فلم نےمیدان مارلیا۔
ڈمب اینڈ ڈمبرٹوانیس سو چورانوے میں بننے والی فلم ڈمب اینڈ ڈمبر کا سیکوئیل ہے،فلم کی کہانی بیس سال آگے بڑھنے کے بعد دوبارہ دونوں بیسٹ فرینڈز ہینری اور لولائیڈ کے گرد گھوم رہی ہے جو ہیری کی گمشدہ بیٹی کی تلاش میں ہیں۔
فلم کے مرکزی کرداروں میں مشہور فنکار جم کیری اورجیف ڈینیئل شامل ہیں ۔