Author: Hammad Hasan Syed

  • واشنگٹن:سینیئرسفارتکار رابن ایل رافیل  کے خلاف جاسوسی کا الزام

    واشنگٹن:سینیئرسفارتکار رابن ایل رافیل کے خلاف جاسوسی کا الزام

    واشنگٹن:سینیئرامریکی سفارتکار رابن ایل رافیل کو مشکوک قرار دیتے ہوئے ان کے خلاف جاسوسی کے الزام میں تحقیقات شروع کردی گئی ہیں۔

    امریکا کی وفاقی تحقیقاتی ایجنسی ایف بی آئی نے واشنگٹن میں رابن رافیل کے گھر کی تلاشی لی جبکہ محکمہ خارجہ میں ان کےدفترکو بھی سیل کردیا گیا ہے،وزارت خارجہ کےحکام کےمطابق رابن رافیل سےغیرملکی طاقتوں کیلئےجاسوسی کےمعاملے کی تحقیقات کی جارہی ہیں۔

    تاہم رابن رافیل پراب تک باقاعدہ کوئی الزام عائد نہیں کیا گیا،رابن رافیل کے ترجمان کا کہنا ہے کہ وہ تفتیشی حکام سے تعاون کر رہی ہیں،ایف بی آئی کے ترجمان نے رابن رافیل سے تفتیش کی خبرپر تبصرے سے انکار کردیا ہے۔

    دفتر خارجہ کی ترجمان جین ساکی کا کہنا ہے کہ قانون نافذ کرنے والے ادارے معاملے کی تحقیقات کر رہے ہیں اور محکمہ خارجہ اس حوالے سے انہیں پورا تعاون فراہم کر رہا ہے۔

  • برسلز:حکومت مخالف مظاہرہ،مظاہرین نے پولیس پرہلہ بول دیا

    برسلز:حکومت مخالف مظاہرہ،مظاہرین نے پولیس پرہلہ بول دیا

    برسلز:بیلجیم میں حکومت کےخلاف ہزاروں افراد سڑکوں پرنکل آئے،مظاہرین کا پولیس پر پتھراؤ اور کئی گاڑیاں توڑ ڈالیں۔

    برسلز میں مظاہرین نےحکومت کی پالیسیوں کے خلاف مارچ کیا، پارلیمنٹ اسکوائر پر پولیس اور مظاہرین کے درمیان تصادم ہوا، مظاہرین نے پولیس پر ہلہ بول دیا اورشاہراہوں پر کھڑی گاڑیوں کو توڑ ڈالا۔

    مظاہرین کو منتشر کرنے کیلئے پولیس نے آنسو گیس کے شیل فائرکئے اور واٹر کینن کا استعمال کیا، اس موقع پر پولیس نے ہتھے چڑھنے والے احتجاجیوں کی خوب درگت بھی بنائی۔

  • پی آئی اے ملازمین کا احتجاج کا اعلان

    پی آئی اے ملازمین کا احتجاج کا اعلان

    اسلام آباد:پی آئی اے کے ملازمین نے تنخواہوں کی عدم ادائیگی کے خلاف آج سےاحتجاج کا اعلان کردیا ہے۔

    قومی ائیر لائن کا مالی بحران شدت اختیار کر گیا ساڑھے پندرہ ہزار ملازمیں کو تنخواہ ادا نہیں کی جاسکی جس پے ملازمین نے آج احتجاج کا اعلان کر دیا،احتجاج کے باعث اندرون اور بیرون ملک پروازوں کا آپریشن متاثر ہونےکا خطرہ ہے۔

    پیپلز یونٹی آف پی آئی اے نے بھی جمعہ کو احتجاج کا اعلان کردیا ہے،پیپلز یونٹی آف پی آئی اے کے رہنما ہدایت اللہ کے مطابق ملازمین کی تنخواہوں کی عدم ادائیگی کے باعث ہیڈآفس سمیت ملک بھرکے ریجنل آفسز میں بھی احتجاج کیا جائےگا۔

  • ہاررفلم اِنٹودی وڈز کا میوزیکل ٹریلر ریلیز کردیاگیا

    ہاررفلم اِنٹودی وڈز کا میوزیکل ٹریلر ریلیز کردیاگیا

    ہالی وڈ سسپنس اینڈ ہارر فلم اِن ٹو دی وڈز کا میوزیکل ٹریلر جاری کردیا گیا ہے۔

    پریوں اور چڑیلوں کے کرداروں پر مشتمل فلم کی کہانی ایک ایسے جوڑے کےگردگھومتی ہے،جسے اولاد کی خواہش ایک جادوگرنی کے پاس لےجاتی ہے، جادوگرنی کے چنگل میں پھنس کر یہ جوڑا کن مصائب کا شکار ہوتا ہے اورمصیبت کا شکار یہ جوڑا جادوگرنی کے چنگل سے نکلنے کیلئے کیا کیا جتن کرتا ہے۔اس کیلئے پچیس دسمبر کا انتظار کرنا پڑیگا

    راب مارشل کی ہدایت کاری میں بننےوالی اس خوبصورت تصوراتی فلم میں جانی ڈیپ بھیڑیے جبکہ اینا کینڈرک سنڈریلا کا روپ دھارے نظر آئیں گی۔

  • بلاول کا قائم علی شاہ اورمنظور وسان کو شوکاز نوٹس جاری

    بلاول کا قائم علی شاہ اورمنظور وسان کو شوکاز نوٹس جاری

    لندن:پاکستان پیپلز پارٹی کے نو جوان قائد بلاول بھٹو زرداری نے وزیراعلیٰ قائم علی شاہ اوراہم وزیر منظور وسان کو شو کاز نوٹس اور سات دن کےاندر تحریری جواب طلب کر لیا۔

     تھرمیں قحط سالی کے نقصانات سےمتعلق مبینہ رپورٹ جاری کرنے پربلاول بھٹو نے وزیراعلیٰ سندھ اورمنظوروسان کوشوکاز نوٹس جاری کردیئے، اپنے سیاسی کیریر کے آغاز میں بلاول بھٹو زرداری کا اپنی پارٹی میں یہ پہلا جارحانہ قدم ہے۔

    بلاول نے پیپلز پارٹی میں اپنے انکلز کو شو کاز نوٹس جاری کرکے محترمہ بے نظیر بھٹو کی یاد تازہ کردی، جب محترمہ نے پارٹی کی قیا دت سنبھالی تو انہیں بھی اپنے انکلز کو شو کاز نوٹس جاری کرنے پڑے تھے، کہا جاتا ہےکہ بےنظیر شہید کے اس بولڈ اقدام نے ہی انہیں اور پارٹی کو سیاسی دوام بخشا۔


    s

  • کراچی:پولیس کی کارروائی، پانچ ملزمان گرفتار

    کراچی:پولیس کی کارروائی، پانچ ملزمان گرفتار

    کراچی: شہر قائد کے مخلتلف علاقوں میں پولیس نے کارروائی کرتے ہوئے پانچ ملزمان کو گرفتارجبکہ اسلحہ اورمسروقہ سامان برآمد کرلیا۔

    کراچی میں تیموریہ اور بریگیڈ کےعلاقوں میں پولیس نے جرائم پیشہ عناصر کے خلاف کارروائی کرتے ہوئےچارملزمان کوگرفتار کرلیا،پولیس کے مطابق گرفتارملزمان سےاسلحہ اورچھینی گئی موٹرسائیکل برآمد کی گئی ہیں،ملزمان ڈکیتی اور اسٹریٹ کرائم کی متعدد وارداتوں میں مطلوب تھے۔

    شارع نورجہاں میں پولیس نے کارروائی کرتے ہوئے ایک بھتہ خور کو گرفتار کرلیا، بھتہ خور کا تعلق گینگ وارسے بتایا گیا ہےجبکہ ایڈن سوسائٹی میں بھتہ نہ دینے پرملزمان نے دکان کے مالک اور ملازم کو چھریوں کے وار کرکے زخمی کردیا۔

  • لاہور: دو بسوں میں تصادم، 4مسافر جاں بحق

    لاہور: دو بسوں میں تصادم، 4مسافر جاں بحق

    لاہور:فیض پورانٹرچینج کے قریب دو بسوں میں تصادم سے چار مسافرجاں بحق جبکہ بیس زخمی ہوگئے۔

    فیض پورانٹرچینج کےقریب سگیاں پل پر دو بسیں تیزرفتاری کے باعث آپس میں ٹکرا گئیں، تصادم کے بعد ایک بس الٹ گئی، المناک حادثے میں چارمسافر موقع پر ہی جاں کی بازی ہارگئے جبکہ بیس افراد زخمی ہوئے، جنہیں میؤ اسپتال منتقل کیا گیا ہے۔

    ریسکیو ذرائع کےمطابق متعدد مسافروں کی حالت تشویشناک بتائی جارہی ہے، بد قسمت بس کے پی کے سے راؤنڈ اجتماع میں شرکت کیلئے آرہی تھی۔

  • اندھیرے میں روشنی دینے والےجوتے بنالئے گئے

    اندھیرے میں روشنی دینے والےجوتے بنالئے گئے

    تاریکی میں راستہ تلاش کرنے کے لیے اب ٹارچ کی ضرورت نہیں رہی،کیونکہ اب روشنی والے جوتے تیارکرلئے گئے ہیں ۔

    ماہرین نے اندھیروں کا خاتمہ جوتوں سے کر ڈالا، جوتوں اور چپلوں کی صنعت سے وابستہ ماہرین نے ایسے جوتے اورچپلیں بنالی ہیں جو روشنی بھی دے سکتی ہیں۔ ان جوتوں میں چھوٹے چھوٹے بلب لگے ہوتے ہیں جو اندھیرے میں چلنے کے لئے بڑے مددگار ہیں۔

    یہ جوتے نا صرف روشنی دیتے ہیں بلکہ پانی میں خراب ہونے سے بھی محفوظ ہیں اور ضرورت پڑنے پرانہیں دھویا بھی جاسکتا ہے، یہ بیٹری آپریٹڈ لائٹ دینے والے جوتے مارکیٹ میں دیدہ زیب رنگوں اوربچوں کی مناسبت سے طرح طرح کے ڈیزائن میں بھی دستیاب ہوں گے۔

  • ترقی کےلئےتمام سیاسی جماعتوں کوملکر کام کرنا ہوگا,براک اوباما

    ترقی کےلئےتمام سیاسی جماعتوں کوملکر کام کرنا ہوگا,براک اوباما

    واشنگٹن:امریکی پارلیمنٹ کے وسط مدتی انتخابات میں واضح اکثریت حاصل ہونے پر ری پبلکنز پارٹی کو مبارکباد دیتے ہوئے صدر براک اوباما نےکہا ہے کہ ملک کی ترقی کےلئےتمام سیاسی جماعتوں کو یکجاہوکرکام کرنا ہوگا۔

    سینٹ میں حکمراں جماعت ڈیموکریٹس کی آٹھ سالہ برتری کےخاتمےکےبعد ریپبلکنز کو انتخابات میں جیت پرمبارک باد دیتےہوئے امریکی صدر براک اوباما کا کہنا تھا کہ وہ امریکا کی ترقی کیلئے ری پبلکنزکی تجاویزکا خیرمقدم کرینگے،تاہم اگرکوئی متنازعہ بل منظورکیا گیا تو وہ اپنے خصوصی اختیاراستعمال کرینگے۔

    امریکی صدر نے کہا کہ اگلےدوبرس بھی عوام کی خدمت اولین ترجیح رہے گی۔

    اس موقع پر امریکی صدر نے کانگریس سے مشرق وسطیٰ میں شدت پسندی کے خاتمے کیلئے مزید فنڈز کی اپیل بھی کی، وسط مدتی انتخابات کے نتائج کے مطابق اپوزیشن پارٹی ری پبلکن نے سینیٹ میں ڈیموکریٹکس کی سات نشستیں چھین لیں، جس کے بعد سینٹ میں اسکی نشستوں کی تعداد باون ہوگئی جبکہ ایوان نمائندگان میں ری پبلکنز کے دوسو چالیس ارکان ہیں۔

  • او جی ڈی سی ایل کے بتیس کروڑشیئرز فروخت کرنے کی منظوری

    او جی ڈی سی ایل کے بتیس کروڑشیئرز فروخت کرنے کی منظوری

    اسلام آباد:وفاقی کابینہ کی نجکاری کمیٹی کےخصوصی اجلاس میں آئل اینڈ گیس ڈویلپمنٹ کمپنی لمیٹڈ کے بتیس کروڑ شیئرفروخت کرنے کی منظوری دے دی گئی ہے۔

    وزیرخزانہ اسحاق ڈار کی زیرصدارت وفاقی کابینہ کی نجکاری کمیٹی کا خصوصی اجلاس ہوا،اجلاس میں او جی ڈی سی ایل کےدس فی صد حصص کی فلورپرائس مقررکرنے پرغورکیاگیا،نجکاری کمیشن کےاعلامیےکے مطابق حکومت او جی ڈی سی ایل کے بتیس کروڑبیس لاکھ شیئرز فروخت کرناچاہتی ہے۔

    نجکاری کمیشن کی سفارش کے بعد او جی ڈی سی ایل کےفی شیئرکی فلورپرائس دوسوسولہ روپےمقررکی گئی،فلور پرائس پرحصص کی فروخت سات نومبرتک مکمل کی جائے گی۔

    اجلاس میں وزیر پیٹرولیم شاہد خاقان عباسی، وفاقی وزیراطلاعات پرویز رشید اور وزیرِ تجارت خرم دستگیربھی شریک ہوئے۔