ARYNews.tv | Urdu – Har Lamha Bakhabar

Author: Hammad Hasan Syed

  • مبشرلقمان کےگھراوردفتر پرچھاپے،صحافی براداری کا احتجاج

    مبشرلقمان کےگھراوردفتر پرچھاپے،صحافی براداری کا احتجاج

    کراچی:اے آر وائی نیوز کے سینئر اینکر مبشر لقمان کے گھر اور دفتر پر پولیس کے چھاپوں کے خلاف صحافی براداری کی جانب سے شدید مذمت کی جارہی ہے۔

    مبشر لقمان کے گھر اور دفتر پر پولیس کے چھاپے،صحافی براداری بنی سراپا احتجاج،پی ایف یو جے کے صدر رانا اعظم نےچھاپوں کی شدید مذمت کرتے ہوئے کہا کہ صحافی براداری لاہورمیں احتجاجی مظاہرہ کرے گی۔

    سینئر صحافی اسد کھرل کا کہنا ہے کہ پولیس نے چھ چھاپے مارے ہیں اس پر پرچہ ہونا چاہیئے، لالہ اسد پٹھان کا کہنا ہے کہ صحافیوں کو سچ بولنے کی سزا دی جارہی ہے۔

    مبشر لقمان کے گھر اور دفتر پر چھاپوں پر ڈسکہ،ٹانک ،دادو اورکوٹ مومن کی صحافی تنظیموں نے شدید مذمت کی ہے۔

  • ایم کیوایم سندھ حکومت سے الگ، استعفے بھجوا دیئے

    ایم کیوایم سندھ حکومت سے الگ، استعفے بھجوا دیئے

    کراچی: بلاول بھٹو کے بیانات پر ایم کیوایم نے گزشتہ روز سندھ حکومت سے علیحدگی کا اعلان کیا اور اپنے استعفے بھجوادیئے ہیں،ایم کیو ایم کے دو وزرا نے اپنے استعفے گورنرسندھ ڈاکٹرعشرت العباد خان جبکہ دومشیروں اورایک معاون خصوصی نے اپنا استعفی وزیراعلی سندھ قائم علی شاہ کوبھیج دیا ہے۔

    ایم کیوایم نے گزشتہ روزسندھ حکومت سےعلیحدگی کا اعلان کیا تھا جس کے بعد ایم کیوایم کے وزیرصحت ڈاکٹرصغیراحمد اور صنعت وتجارت کے وزیرعبد الرئوف صدیقی نے اپنے استعفے گورنرسندھ کوارسال کردیئے جبکہ مشیروں میں کھیل کے مشیرعادل صدیقی اورامورنوجوانان کے مشیرفیصل سبزواری اورمحکمہ اوقاف کے معاون خصوصی عبد الحسیب نے اپنے استعفے وزیراعلی سندھ قائم علی شاہ کوبھجوادیئے ہیں۔

    دوسری جانب ایم کیوایم آج سندھ اسمبلی میں اپوزیشن بینچوں کی الاٹمنٹ کیلئے درخواست بھی جمع کرائے گی جبکہ اپوزیشن لیڈرکےنام کے حوالے سے رابطہ کمیٹی لندن اورپاکستان میں آئندہ اجلاسوں میں غورکیا جائیگا۔

    ذرائع کےمطابق ایم کیوایم کی جانب سےاپوزیشن لیڈرکیلئے فیصل سبزواری، ڈاکٹرصغیراحمد، محمد حسین اور خواجہ اظہارالحسن کے نام زیرغورہیں تاہم حتمی فیصلہ رابطہ کمیٹی کےاجلاس میں کیا جائیگا۔

    اس سے قبل خورشید شاہ کے بیان پرخالد مقبول صدیقی کا کہنا تھا کہ ایم کیوایم صوبوں کے مطالبے سے دستبردار نہیں ہوگی، لفظ مہاجرکوگالی دینے کا انجام صوبہ ہوگا، خالدمقبول صدیقی نے کہا کہ بھٹو کاوارث بھٹو ہوسکتا ہے زرداری نہیں۔

  • لاہور:معروف قوال آصف علی سنتھو نے سروں کا جادو جگایا

    لاہور:معروف قوال آصف علی سنتھو نے سروں کا جادو جگایا

    لاہور:پاکستان نیشنل کونسل آف آرٹس کے زیر اہتمام محفل سماع کااہتمام کیا گیا، جس میں معروف قوال آصف علی سنتھو نے سروں کا جادو جگایا۔

    حضرت امیر خسروکی ایجاد اور فن موسیقی کی سب سے معتبر صنف قوالی کا سفر پاکستان سمیت دنیا بھر میں نسل در نسل کامیابی سے پروان چڑھ رہا ہے پی این سی اے اور شاکرعلی میوزیم کے زیر اہتمام قوالی نائٹ منعقد کی گئی۔

    محفل سماع میں ملک کے معروف گائیک استاد آصف علی سنتھو قوال پارٹی نے اپنے فن کا مظاہرہ کیا اس موقع پر انہوں نے اپنے استاد نصرت فتح علی خاں کی مقبول غزلیں اور قوالیاں بھی پیش کیں۔

    دنیا بھر میں قوالی کے فن کو متعارف کروانے والے گائیک آصف علی سنتھو کے فن سے محظوظ ہونے کیلئے شائقین موسیقی کی بڑی تعداد میوزیم میں موجود تھی۔

  • ایپل کا دنیا کا اسمارٹ ترین آئی فون بنانے کا دعویٰ

    ایپل کا دنیا کا اسمارٹ ترین آئی فون بنانے کا دعویٰ

    ایپل نے دنیا کا اسمارٹ ترین آئی فون بنانےکا دعویٰ کردیا ہے۔

    ایپل انتظامیہ کےمطابق نیا اسمارٹ ائیر ٹوفون پنسل سے زیادہ سلم ہے،یہ آئی پیڈچھ اعشاریہ ایک ملی میٹرموٹا ہے اور آئی پیڈ صارف کے فنگر پرنٹس شناخت کرسکے گااس کےعلاوہ اس میں پہلی بار اینٹی ریفلیکٹیو کوٹنگ استعمال کی گئی ہے جودن کی روشنی میں بھی سکرین کوسہولت سے دیکھنے میں مدد دیتی ہے۔

    ائیر ٹو میں آٹھ میگا پکسل کا کیمرا نصب کیا گیا ہے جو سلو موشن ویڈیو بنا سکتا ہے، دلکش فیچرز اور خصوصیات کے باعث اس کی قیمت چارسو ننانوے ڈالرز مقرر کی گئی ہے۔

  • نیویارک: ماضی کا مشہور تھیٹر شو”اون دی ٹاؤن” پیش کردیا گیا

    نیویارک: ماضی کا مشہور تھیٹر شو”اون دی ٹاؤن” پیش کردیا گیا

    نیویارک : ماضی کا مشہور تھیٹر شو”اون دی ٹاؤن”ایک بار پھر عوام کے لیے پیش کردیا۔

    تھیٹر شو”اون دی ٹاؤن” اورکیسٹرا،ڈانس،گلوکاری اورمزاح سے بھرپور ہے جسے انیس سو چالیس میں عوام میں بے پناہ مقبولیت حاصل ہوئی،تھیٹرشو میں پیش کی جانے والی کہانی محبت کی تلاش میں نکلنے والے سیلرز پرمبنی ہے۔

    تھیٹرمیں نمایاں اداکاری کرنے والے سیلر کا کردار انیس انچاس میں بننے والی فلم سے مقبول ہوا،تھیٹر شو میں موسیقی کی بیس دُھنیں شامل کی گئیں جبکہ فنکاروں نے شاندار پرفارمنس،ڈانس اورطنزومزاح پر شائقین سے وصول کی،ستر سال پیش بعد کیے جانے تھیٹر شوکوعوام نے بے پناہ سراہا۔

  • ابوجا:مغوی طالبات کی رہائی کیلئےحکومت اوربوکوحرام میں معاہدہ

    ابوجا:مغوی طالبات کی رہائی کیلئےحکومت اوربوکوحرام میں معاہدہ

    ابوجا:نائجیرین حکومت نے شدت پسند تنظیم بوکو حرام کے آگے گھٹنے ٹیک دیئے،اسکول طالبات کی رہائی کیلئے حکومت اور شدت پسندوں کے درمیان معاہدہ طے پا گیا۔

    میڈیا رپورٹس کے مطابق نائیجرین شدت پسند تنظیم بوکو حرام نے دوسو سے زائد طالبات کی رہائی کے بدلے جیل میں قید ساتھیوں کی رہائی کا مطالبہ کررکھا تھا، حکومت نے بوکو حرام کے ساتھ معاہدے کی تصدیق کی ہے تاہم معاہدے کی تفصیلات بتانے سے انکار کردیاہے،حکومتی ترجما ن کا کہنا تھا کہ باغیوں اورحکومت کے درمیان جنگ بندی کا معاہدہ طے پایا ہے اور بوکو حرام نے یقین دلایا ہے کہ وہ اغوا کی گئی طالبات کو چھوڑ دیں گے۔

  • ٓآفریدی کا فرسٹ کلاس کرکٹ میں واپسی کا فیصلہ

    ٓآفریدی کا فرسٹ کلاس کرکٹ میں واپسی کا فیصلہ

    کراچی:شاہد آفریدی کا کہنا ہے کہ وہ سابق چئیرمین پی سی بی اعجازبٹ کے بیان پر تبصرہ نہیں کرنا چاہتے،فرسٹ کلاس کرکٹ میں واپسی کا فیصلہ بیٹنگ میں بہتری کےلئےکیا ہے۔

    شاہد آفریدی کافی عرصے سے اپنی بیٹنگ کو لےکر پریشان ہیں،خراب بیٹنگ کے سبب وہ ہمیشہ تنقید کی زد میں رہتے ہیں،گزشتہ دنوں سابق چئیرمین پی سی بی اعجاز بٹ نے بھی انہیں تنقید کا نشانہ بنایا تھا،تاہم شاہد افٓریدی نے ان کی بات کا بلکل برا نہیں مانا۔

    بوم بوم افریدی نے اے آر وائی نیوز سے خصوصی بات کرتے ہوئے کہا کہ وہ اعجاز بٹ کے بیان پر کوئی تبصرہ نہیں کرنا چاہتے،ان کا کہنا تھا کہ بیٹنگ کی خامیوں کو دور کرنے کے کیلئے انہوں نے فرسٹ کلاس کرکٹ میں واپسی کا فیصلہ کیا ہے،آفریدی سیزن میں اپنی ڈیپارٹیمنٹل ٹیم کی نمائندگی کریں گے،بوم بوم بطور کپتان کھیلیں گےیا کھلاڑی یہ فیصلہ نہیں ہوا ہے،آفریدی نے آخری مرتبہ ڈومیسٹک کرکٹ دوہزار دس میں کھیلی تھی۔

  • ویسٹ انڈیزکی ٹیم کا بھارت کا دورہ مکمل کرنے سےانکار

    ویسٹ انڈیزکی ٹیم کا بھارت کا دورہ مکمل کرنے سےانکار

    نئی دہلی:ویسٹ انڈیزپلیئرز ایسوسی ایشن اوربورڈ کےدرمیان مالی تنازعے کے باعث ویسٹ انڈیز ٹیم نے بھارت کا دورہ مکمل کرنے سےانکار کردیا۔

    ویسٹ انڈین پلیئرز ایسوسی ایشن اور بورڈ کے درمیان پیسوں کا تنازعہ شدت اختیار کرگیا ہے،جس نے ویسٹ انڈین ٹیم کو دورہ بھارت ادھورا چھوڑنے پر مجبورکردیا، کرکٹ بورڈ سے مالی معاملات حل نہ ہونے کہ وجہ سے ویسٹ انڈیز ٹیم نے بھارت کے خلاف سیریز کے بقیہ میچز کھیلنے سے انکارکردیا ہے۔

    دونوں ٹیموں کے درمیان چوتھا ون ڈے دورے کا آخری میچ ہوگا،ویسٹ انڈیز اور بھارت کے درمیان اب مزید ایک ون ڈے،ایک ٹی ٹوئنٹی اورتین ٹیسٹ میچز اب نہیں ہوں گے۔

    ویسٹ انڈیز کے متبادل کے طور پر بی سی سی آئی نے سری لنکن بورڈ سے رابط کیا،جس کا مثبت جواب دیتے ہوئے سری لنکا نے بھارت سے پانچ ون ڈے میچز کھیلنے کی حامی بھرلی۔

  • بغداد :چارکاربم حملے، 47افراد جاں بحق

    بغداد :چارکاربم حملے، 47افراد جاں بحق

    بغداد: عراق کا دارالحکومت بغداد پے درپےچار کاربم دھماکوں سے گونج اٹھا، سینتالیس افراد جاں بحق سوسے زائد زخمی ہوگئے۔

    پہلا دھماکا بغداد کے مشرقی علاقے طالبیہ میں ہوا،جہاں خودکش حملہ آور نے بارود سے بھری کار پولیس چیک پوسٹ سے ٹکرادی، دھماکے کے نتیجے میں دس سیکورٹی اہلکار مارے گئے۔

    الدولائی میں ریسٹورنٹ کے قریب ہونے والے دو خود کش کار بم حملوں میں انیس افراد جاں بحق اوردرجنوں زخمی ہوگئے۔

    حریہ میں ہونے والے دھماکے میں سات افراد جان سےگئے، اقوام متحدہ کے مطابق بغداد میں رواں ماہ کے دوران چار سوسے زائد افراد پر تشدد واقعات میں لقمہ اجل بن چکے ہیں۔

  • اسمارٹ واچ میں ٹائپنگ کرنا بھی ممکن

    اسمارٹ واچ میں ٹائپنگ کرنا بھی ممکن

    مائیکرو سافٹ نے صارفین کی سہولت کےلئے اسمارٹ واچ میں نئی ایپلیکیشن متعارف کروائی دی ہے، جس کی بدولت اب ٹائپنگ کرنا مزید آسان ہوگیا ہے۔

    مائیکرو سافٹ کے بنائے گئے نئے ایپلیکیشن کو اینالوگ کی بورڈ کا نام دیا گیا ہے، مائیکرو سافٹ کا کہنا ہےاس ایپلیکیشن میں ایسا ہینڈ رائٹنگ ٹول تیار کیا گیا ہے، جس کی مدد سے اب اسمارٹ واچز میں بھی موبائل کی طرح انگلی کے ذریعے ٹائپ کیا جاسکتا ہے۔

    کمپنی کے مطابق اینالوگ کی بورڈ نامی ایپ خود کار طریقے سے الفاظ کی اسپیلنگ بھی درست کرتا ہے، جس سےغلطی کا امکان ختم ہو جائیگا ۔