مہمند ایجنسی میں دھماکے میں دو افراد جان سے گئے اور پولیو ورکر شدید زخمی ہوا، وزیر اعلیٰ پنجاب محمد شہباز شریف کی مہمند ایجنسی دھماکے کی شدید مذمت کی، وزیر اعلیٰ کا دھماکے میں قیمتی انسانی جانوں کے ضیاع پر اظہار افسوس کیا انھوں نے کہا کہ انسداد پولیو ورکرز کو نشانہ بنانا قابل مذمت فعل ہے،پولیٹیکل انتظامیہ نےعلاقے کو گھیرے میں لے کر تحقیقات شروع کر دی ہے۔
مجسمہ سازوں نے پرانی گاڑیوں اور دیگر ناکارہ اشیاء سے جانوروں کے دیدہ زیب مجسمے بنانےمیں بے مثال مہارت حاصل کرلی ہے،اورآج کل لوہےکی اشیاءٹوٹے ہوئے ٹرک اورگاڑیاں،پرانے ٹِن کین اوردیگرناکارہ پرزوں کواس طرح ویلڈنگ کیا جاتا ہےکہ وہ فن پارے کی شکل میں ڈھل جاتے ہیں،چھوٹے چھوٹے پرزوں کو یکجا کرکے بنائے گئے مختلف سائز ان منفرد مجسموں کی خوبصورتی اور انفرادیت دیکھنے والوں کی توجہ اپنی جانب فوراً ہی کھینچ لیتی ہے۔
غیرملکی خبرایجنسی کے مطابق کینیڈا کی پارلیمنٹ میں شدت پسند تنظیم داعش پرحملوں کے خلاف ووٹنگ میں داعش پرحملوں کے حق میں ایک سوستاون اورمخالفت میں ایک سوچونتیس ووٹ ڈالے گئے۔
کینیڈا کے وزیراعظم اسٹیفن ہارپرنے کہا کہ داعش بین الاقوامی خطرہ ہے اورکینیڈا بھی اس سے محفوظ نہیں،شدت پسند تنظیم کے خاتمے کے لئے اتحادیوں کےساتھ مل کرکارروائی کریں گے،دوسری جانب ترکی میں داعش کے خلاف مظاہروں کے دوران پولیس سے جھڑپوں میں چودہ افراد ہلاک ہوگئے جس کے بعد تین شہروں میں کرفیو نافذ کردیا گیا ۔
درد کو زائل کرنے والی ادویات وقتی طورپردرد سےنجات حاصل کرنےمیں مفیدثابت ہوتی ہیں لیکن پین کلرادویات سےصحت پرمنفی اثرات مرتب ہوتے ہیں، پین کلرادویات کوسراور پٹھوں کےدردسمیت جوڑوں کےدرد اوردیگر پرانی اورشدید تکالیف کےعلاج کے طور پر ہر روزاستعمال کیاجاتا ہے۔
پین کلرکی زیادتی آٹیریل فیبریلیشن یعنی اختلاج قلب کا سبب بنتی ہے،آٹیریل فیبریلیشن کی کیفیت میں دل کی دھڑکن میں بےقاعدگی پیداہوتی ہے اورباربار چکر آنے اور سانس لینے میں تنگی محسوس ہوتی ہے یا پھر بعض اوقات دل کی دھڑکن بھی بند ہوجاتی ہے، پین کلرکی زیادتی سے دل کے جان لیوا دورے کا خطرہ تین گنا اورفالج کے حملے کاخطرہ چار گنا بڑھ جاتاہے۔
امریکی حکومت کے خلاف مقدمہ قائم کر تے ہوئے ٹوئٹرنےکہا ہےکہ صارفین کی حساس معلومات حاصل کرنا آزادی حق کے اظہار کی خلاف ورزی ہے، شمالی کیلیفورنیا میں ایف بی آئی اورامریکی محکمہ انصاف کیخلاف دائر مقدمہ میں ٹوئیٹرکا موقف ہےکہ وہ ٹیکنالوجی کمپنیوں پر صارفین کی حساس معلومات کا تحفظ یقینی بنانا چاہتی ہیں، امریکی حکومت صارفین کوباخبر رکھے کہ ان کی ذاتی معلومات کیسے استعمال اورشیئر کی جاتی ہیں،اس حوالے سے ٹوئیٹر نے امریکی حکومت کو شفافیت پر ایک رپورٹ شائع کرنے کیلئےبھیجی ہے جسے اب تک شائع نہیں کیاگیا۔
بھارتی فورسز نے سیالکوٹ کے چارواہ اور ہڑپال سمیت سرحدی علاقوں میں شہریوں پر گولے برسائے، جس کے نتیجےمیں کئی شہری جان سے گئےاور متعدد زخمی ہوئے۔
پاکستان نے بھارت کی جانب سے جنگ بندی کی خلاف ورزی پرشدید تشویش کا اظہار کرتے ہوئے اقوام متحدہ کے فوجی مبصر کے سامنےاحتجاج کیا، مشیرخارجہ سرتاج عزیز کا کہنا تھا کہ بھارت سات روز سے ایل اوسی اور سرحد سے متصل آبادیوں پر فائرنگ کررہا ہے۔
ایل او سی پر تعینات سیکٹرکمانڈر نے کہا کہ کوئی بھی خوشی کا تہوار ہو بھارت جارحیت سے باز نہیں آتا، بھارت نے رواں برس سیز فائر کی اکتیس مرتبہ خلاف ورزی کی اور کئی آبادیوں کونشانہ بنایا۔
اقوام متحدہ میں پاکستان کےمستقل مندوب مسعود خان نے مطالبہ کیا کہ بھارت کوبلااشتعال فائرنگ سے روکا جائے، انہوں نے یہ بھی بتایا کہ پاکستان فائرنگ سے متاثرہ افراد کی اقوام متحدہ کے مبصرین سے ملاقات بھی کرائے گا۔
ترکی کے مختلف شہروں میں داعش کے خلاف کرد شہریوں نے زبردست احتجاج کیا ، پولیس نے مظاہرین کو منتشر کرنے کے لئے گولیاں اورآنسو گیس کے شیل فائر کئے، جس کی زد میں آکرچودہ شہری مارے گئے۔
کرد شہری شام میں ترکی کی سرحد کے قریب واقع کرد قصبے کو بانی پر قبضے کے بعد حکومت کا شدت پسند تنظیم کے خلاف کاروائی نہ کرنے پراحتجاج کر رہے تھے۔
سالانہ فیسٹیول میں بریڈپٹ،شیالابیوف،لاگن لرمن سمیت دنیا بھر سےایک سو اڑتالیس فلمی ستارے جلوہ افروز ہونگے، میلےکا باقاعدہ آغاز برطانوی ماہر ریاضیات ایلن ٹرننگ کی زندگی پرمبنی فلم دی امیٹیشن آف گیم سے ہوگا ،جبکہ جنگ عظیم دوئم میں جرمنی سے لڑنے والےپانچ امریکی فوجیوں پر بنائی گئی ایکشن سے بھر پور فلم فیوری بھی میلے کی رونق بڑھائے گی۔
پولیس کے مطابق لیاری کےعلاقے کمہارواڑہ میں دو گروپوں کے درمیان فائرنگ کا تبادلہ ہوا جس کی زد میں آکر ایک شخص جان سے گیا،تاہم جس کی شناخت نہ ہوسکی، کمہار واڑہ میں ہی لوٹ مار کی واردات کے دوران مزاحمت کر نے پر ڈکیتوں نے فائرنگ کرکےایک شخص کو زخمی کردیا،نیو کراچی کے علاقے اللہ والی چورنگی کے قریب گھرکے باہر بیٹھا پچیس سالہ نوجوان فائرنگ سے موت کی ابدی نیند سو گیا۔a
فیس بک نےعالمی آبادی کے دو تہائی حصے تک انٹرنیٹ کی سہولت پہنچانے کے لیے شمسی توانائی سے اُڑنے والے ڈرون استعمال کرنے کا فیصلہ کیا ہے،فیس بک حکام کا کہناہے کہ ڈرون سے دنیا کے ایسے علاقوں میں وائی فائی کے ذریعے مفت انٹرنیٹ فراہم کریں گے،جہاں پر موجودہ دورمیں بھی میں انٹرنیٹ تک رسائی نہیں ہے۔