Author: Hammad Hasan Syed

  • سرجانی میں پولیس کارروائی،فائرنگ سے ایک ملزم ہلاک

    سرجانی میں پولیس کارروائی،فائرنگ سے ایک ملزم ہلاک

    کراچی:شہر قائد کےعلاقےسرجانی میں پولیس مقابلےمیں فائرنگ سےملزم اکرام ہاشمی ہلاک ہوگیا،منگھوپیرمیں مشکوک ڈبےکوبم ڈسپوزل اسکواڈ نےکلیئرقراردےدیا،سہراب گوٹھ کی مویشی منڈی سےچارجعلسازگرفتار،ملزمان سےآٹھ لاکھ سےزیادہ مالیت کےجعلی نوٹ برآمدہوئے۔

    اےوی سی سی اورسی آئی اے پولیس نےگرفتارملزم کی نشاندہی پرسرجانی ٹاؤن میں چھاپہ مارکارروائی کی،جہاں ملزمان نےپولیس پرفائرنگ کردی اورزیرحراست ملزم اکرام ہاشمی ہلاک ہوگیا،ملزمان فائرنگ کرتےہوئےفرارہوگئے۔

    منگھوپیرمیں مشکوک ڈبےکوبم ڈسپوزل اسکواڈنےکلیئرقراردےدیا،ادھرسہراب گوٹھ کی مویشی منڈی سے چارجعلسازگرفتارجبکہ چارفرارہوگئے،ملزمان سےآٹھ لاکھ چھپن ہزارروپےمالیت کےجعلی نوٹ برآمدہوئے،ملزمان جانورکی خریداری کیلئےآئےتھے۔

  • بجلی کا کو ئی بل ادا نہیں کیا،عمران خان کا ٹو ئٹ

    بجلی کا کو ئی بل ادا نہیں کیا،عمران خان کا ٹو ئٹ

    اسلام آباد:میں نے بجلی کا کو ئی بل ادا نہیں کیا،عمران خان نے ٹو ئٹ میں وضاحت کر دی۔

    بجلی کا کو ئی بل ادا نہیں کیا پی ٹی آئی کے قائد عمران خان کا ٹو ئٹ، کپتان نے یہ وضا حت وفاقی وزیر اطلات و نشریا ت پرویز رشید کے اس بیان کے جواب میں کہی جس میں انہوں نے کپتان پر الزام عائد کیا تھا کہ انہوں نے زمان پارک لا ہور کے گھر کا بل ادا کردیا ہے۔

    عمران خا ن نے اپنے ٹو ئٹ میں یہ بھی کہا کہ زمان پارک والے گھر میں،میں نہیں میری ہمشیرہ اپنے خا وند حفیظ نیازی کے ہمراہ رہا ئش پذیر ہیں اور میرے بہنوئی حفیظ نیازی کا پی ٹی آئی سے کوئی تعلق نہیں اس لئےمیرے بل ادا کرنے کی بات میں کو ئی صداقت نہیں ہے۔

  • مال روڈ پرپی ٹی سی ایل کی عمارت میں اچانک آگ بھڑک اٹھی

    مال روڈ پرپی ٹی سی ایل کی عمارت میں اچانک آگ بھڑک اٹھی

    لاہور:مال روڈ پرپی ٹی سی ایل کی عمارت میں اچانک آگ بھڑک اٹھی،جس کی وجہ سےشہربھرمیں ٹیلی فون اورانٹرنیٹ کی سروس معطل ہوگئیں۔

    لاہورمال روڈ پرواقع پی ٹی سی ایل کی عمارت میں پانچویں منزل پر ہونے والی اچانک آتشزدگی سےعمارت کی تین منزلیں جل کرخاک ہو گئیں،جس کی وجہ سےشہربھرمیں ٹیلفون اورانٹرنیٹ کی سروس معطل ہوئگی،آگ پرکئی گھنٹوں کی کوششوں کےبعدقابو پالیاگیا۔

    ڈیسی اولاہورکاکہناہےکہ ابتدائی طورآتشزدگی کی وجہ شارٹ سرکٹ معلوم ہوگئی ہے، عمارت میں آتشزدگی سے کونی نقصان نہیں ہوا

  • اٹلی:ہالی وڈکےمشہوراداکارجارج کلونی رشتہ ازدواج میں منسلک

    اٹلی:ہالی وڈکےمشہوراداکارجارج کلونی رشتہ ازدواج میں منسلک

    اٹلی میں ہالی وڈکےمشہوراداکارجارج کلونی رشتہ ازدواج میں منسلک ہوگئے۔

    اٹلی کے شہر وینس میں مشہور امریکی فلم ساز اور ہدایت کارجارج کلونی برطانوی ماہر قانون اَمل عالم الدین سے رشتہ ازدواج میں منسلک ہوگئے،وینس گرینڈ کنال کے سیون سٹار ہوٹل میں ہالی وڈ کےستاروں مشہور اور اہم شخصیات سمیت مہمانوں کی بڑی تعداد نے شرکت کی،شادی کی تقریب کو پرکشش بنانےکیلئےمہمانوں کو کشتیوں کے ذریعے امن کینال ریزورٹ تک لایا گیا۔

  • ایم کیو ایم کے قائد الطاف حسین کا آج شام اہم خطاب کا اعلان

    ایم کیو ایم کے قائد الطاف حسین کا آج شام اہم خطاب کا اعلان

    کراچی:ایم کیو ایم کے قائد الطاف حسین نے کہا ہے کہ وہ آج شام نائن زیرو پر قوم سے اہم خطاب کریں گے، جب بھی پارٹی میں صفائی کی بات کی اسٹیبلشمنٹ حرکت میں آگئی، سمجھ نہیں آتا اسٹیبلشمنٹ کو ایم کیو ایم سے کیا بیر ہے؟

    ایم کیو ایم کے قائد الطاف حسین کا اے آر وائی نیوز سے خصوصی گفتگو میں کہنا تھا کہ وہ جب بھی تنظیم نو کا آغاز کرتے ہیں، اسٹیبلشمنٹ کی حرکتیں تیز ہوجاتی ہیں ۔

    ایم کیو ایم کے قائد کا کہنا تھا کہ وہ نہیں سمجھ سکےکہ اسٹیبلشمنٹ کو ایم کیوایم سے کیا بیر ہے، الطاف حسین نے کہا ہے کہ وہ چاہتے ہیں کہ ساتھیوں کو اہم باتوں سے آگاہ کردیں۔

    ایم کیو ایم کے قائد کا کہنا تھا کہ ان کے کارکنوں کو بلا جواز گرفتار کیا جارہا ہے۔

  • دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    دہشت گردکسی ایم پی اےکےدفترمیں منصوبہ بندی نہیں کرتے،فیصل سبزواری

    کراچی:ایم کیو ایم کے رکن صوبائی اسمبلی فیصل سبزواری کہتےہیں رینجرز نے ان کے دفتر پرچھاپہ مارا دہشت گردکسی ایم پی اےکےدفترمیں منصوبہ بندی نہیں کرتے۔

    گلشن معمار میں رینجرز کے ایم کیو ایم کے دفتر پرچھاپے کے بعد رکن صوبائی اسمبلی فیصل سبزواری نےمیڈیا کو بتایا کہ یہ ان کا اور رکن قومی اسمبلی مزمل قریشی کا دفتر ہے ان کا کہنا تھا کہ دہشت گردکسی ایم پی اےکےدفترمیں منصوبہ بندی نہیں کرتے۔

    فیصل سبزواری کے مطابق جس وقت چھاپہ مارا گیا اس وقت پارٹی کا تنظیمی اجلاس ہورہاتھا اور رینجرز اہلکاروں نے انھیں بھی دفتر جانے سے روکا،ان کا کہنا کہ اگر انھوں نے جرم کیا توتنہا انھیں ذمہ دارٹھہرایاجائے کارکنان کو گرفتا نہ کیا جائے۔

    رکن صوبائی اسمبلی نے مطالبہ کیاکہ گرفتار کارکنان کو فوری طور پر چھوڑا جائے۔

  • ایم کیوایم کےدفتر پرچھاپےکی الطاف حسین کی مذمت

    ایم کیوایم کےدفتر پرچھاپےکی الطاف حسین کی مذمت

    کراچی:ایم کیو ایم کے قائد الطاف حسین نےکہا ہے کہ اسلام آباد میں ٹی وی اسٹیشن،پارلیمنٹ ہاؤس پرحملے کرنےوالوں کےساتھ نرمی کی جارہی ہےجبکہ ایم کیوایم کے پرامن کارکنوں کو بلا جواز گرفتارکیا جا رہا ہے۔

    گلشن معمار کراچی میں ایم کیو ایم کے ارکان اسمبلی کے رابطہ دفتر پر رینجرز کے چھاپے کی مذمت کرتے ہوئے الطاف حسین نے کہا کہ کالعدم تنظیموں کے دہشت گرد کھلے عام دہشت گردی کررہے ہیں لیکن ایسے عناصرکے خلاف کارروائی کےبجائے ایم کیوایم کے دفاتر پرچھاپےمارے جارہے ہیں۔

    الطاف حسین کا کہنا تھا کہ اسلام آبادمیں ٹی وی اسٹیشن،پارلیمنٹ ہاؤس اوردیگر سرکاری عمارتوں پرحملے کرنے والوں کے ساتھ تونہایت نرمی سے پیش آیا جارہا ہے لیکن پرامن سیاسی سرگرمیاں انجام دینے والے ایم کیوایم کے کارکنوں کو بلاجوازگرفتار کر کے تشد کا نشانہ بنایا جارہاہے،ان کا کہنا تھا کہ ایسا طرزِ عمل  لوگوں میں محبتوں کے بجائے نفرتوں کوجنم دے گا۔

    الطاف حسین نے صدرر پاکستان،وزیراعظم،وفاقی وزیرداخلہ اور وزیرِاعلیٰ سندھ سےمطالبہ کیا کہ ایم پی اے آفس سے گرفتارکئے گئے کے تمام کارکنوں کو رہا کیاجائے۔

  • شہبازشریف کومنانےکےلیےبیس لاکھ طلب کئے،عاصم ملک

    شہبازشریف کومنانےکےلیےبیس لاکھ طلب کئے،عاصم ملک

    کراچی:فیوچر کنسرن کےمالک عاصم ملک کہتےہیں کہ سترہ سال میں ان کے خلاف ایک کیس بھی نہیں بنا وزیراعلی پنجاب اور رانا مشہود کےمطالبات نہیں مانے تو ایک دن میں پینتیس کیس دائرکر دیئےگئے اور کاروبارمیں نقصان پہنچانےکی دھمکیاں دی گئیں۔

    فیوچر کنسرن کےمالک عاصم ملک نے اے آر وائی نیوز کے پروگرام ’’کھراسچ ‘‘ میں انکشافات کرتے ہوئے کہا کہ رانا مشہود نےمیری اہلیہ کی مقبولیت سے خائف ہوکر ن لیگ میں شمولیت اختیارکرنے کاکہااور پنجاب اسمبلی میں مدرسوں میں جدیدتعلیم دینے کی قراردادسے پیچھے ہٹنے کامطالبہ کیا،انکار کی صورت میں مجھےکاروباری نقصان پہنچانے کی دھمکی دی گئی۔

    عاصم ملک کا اپنی گفتگو میں انکشاف کرتے ہوئے کہنا تھا کہ رانا مشہود نےبتایا کہ آپ کے انکار پرشہبازشریف ناراض ہیں شہبازشریف کومنانےکےلیےبیس لاکھ طلب کئے اور برطانیہ جا کرعمران خان کے خلاف ثبوت لانے کا مطالبہ کیا۔

    رانا مشہود کے بار بار مطالبات سےتنگ آکر کہا کہ میری ملاقات وزیراعلیٰ سے کروادیں وہ خودکہ دیں تو مطالبات پورے کر دونگا،ملاقات میں شہبازشریف نےکہاجو رانامشہود کہہ رہیں وہ کریں۔

    عاصم ملک نے پروگرام کھرا سچ میں بتایا کہ مطالبات نہ ماننے پر رانامشہود نے میرے خلاف ہائی کورٹ میں پٹیشن دائرکی،اس موقع پرعاصم ملک یہ بھی کہا کہ رانامشہود حلف اٹھا کرکہہ دیں کہ ویڈیو جعلی ہے تو پیچھے ہٹ جاونگا۔

  • سائنس فکشن فلم دی میزرنر نے ریلیز ہوتے ہی دھوم مچا دی

    سائنس فکشن فلم دی میزرنر نے ریلیز ہوتے ہی دھوم مچا دی

    باکس آفس پرایڈونچرسےبھرپورفلم دی میزرنر نے ریلیز ہوتے ہی دھوم مچا دی،سائنس فکشن  فلم نے تین دن میں بتیس ملین ڈالر کما کر سب کو پیچھے چھوڑ دیا۔

    ہالی ووڈ باکس آفس پرسائنس فکشن فلم دی میزرنر نے کامیابی کےجھنڈے گاڑ دیئے ہیں، فلم نے تین دنوں میں مداحوں کواپنےسحرمیں جکڑ کربتیس ملین ڈالرکمالئے ہیں، فلم نے امریکی سینما گھروں میں ریلیز ہوتے ہی باکس آفس پرپہلی پوزیشن حاصل کرلی ہے،فلم ”اے واک امنگ دی ٹومب اسٹون” اس ہفتے دوسرے نمبر پر رہی، جس نے تیرہ ملین ڈالر کا بزنس کیاجبکہ باکس آفس پر گیارہ ملین ڈالر کما کر تیسرے نمبر پرآنے والی کامیڈی سے بھرپورفلم”دس از دی ویئرآئی لیویو” ہے۔

  • پاکستان میں ٹیکنوکریٹ حکومت بنائی جائے،الطاف حسین

    پاکستان میں ٹیکنوکریٹ حکومت بنائی جائے،الطاف حسین

    لندن:ایم کیو ایم کے قائد الطاف حسین نےکہا ہے کہ ان کی خواہش ہےکہ ملک میں دو سال کیلئے ٹیکنوکریٹ حکومت بنائی جائے،جوملک میں تطہیرکا عمل شروع کرے۔

    گورنر پنجاب محمد سرورسے لندن میں ملاقات کےبعد پریس کانفرنس سے خطاب میں الطاف حسین کاکہنا تھا کہ پاکستان کوچوروں،لٹیروں اور موروثی سیاست کرنےوالوں کی ضرورت نہیں ہے۔ پاکستان میں جاری دھرنوں کے حوالےسےالطاف حسین کا کہنا تھا کہ سیاسی صورتحال کا باعزت طریقےسے راستہ نکالاجائے بحران کوحل کرنے کےلئےاہم کیو ایم ہمہ وقت حاضر ہے،اس موقع پر ایم کیو ایم کے قائد نے کہا کہ پاکستان میں دوسال کےلیے ٹیکنوکریٹ حکومت بنائی جائے جو بلا تفریق لوگوں کا احتساب کرے۔

    گورنرپنجاب چوہدری سرورکا میڈیا سے گفتگو میں کہنا تھا کہ ہم سب چاہتےہیں ملک میں جمہوریت ڈی ریل نہ ہو دھرنے والےملک کےمفادکےلیے لچک پیداکریں،گورنر پنجاب کا کہنا تھا کہ افواج پاکستان دہشت گردوں کےخلاف کارروائی میں مصروف ہیں ایسے وقت میں تمام سیاسی رہنما اختلافات بھلاکرآئی ڈی پیزاورسیلاب زدگان کی مددکریں۔.

    گورنرپنجا ب نے آئی ڈی پیز اور سیلاب ذدگان کی مدد کرنے پر بیرون ملک رہنے والے پاکستانیوں کا شکریہ ادا کیا۔