برطانوی سائنسدانوں کی جانب سے کی گئی تحقیق کےمطابق نیند کی کمی بیشتردماغی امراض کا باعث بنتی ہےجن میں الزائمر،ڈیمینیشیا کےمریضوں کی کثیرتعداد شامل ہے،تحقیق میں یہ بھی کہا گیا ہے کہ نیند کی کمی انسانی جسم میں موجود مدافعتی نظام،دل،وزن اور یادداشت کو بھی متاثرکرتی ہے، بروقت اورمناسب نیند لےکران تمام امراض سےمحفوظ رہا جاسکتا ہے۔
غیرملکی خبرایجنسی کے مطابق ایک شخص نے وائٹ ہاؤس کا جنگلہ پھلانگ کر اندر گھسنےکی کوشش کی تو سیکورٹی الارم بج اٹھے اور مشتبہ شخص کو حراست میں لے لیا گیا۔
اس وقت باراک اوباما وائٹ ہاؤس میں موجود نہیں تھے،حراست میں لئے گئے شخص سے پوچھ گچھ شروع کر دی گئی ہے۔
اسمارٹ لاک ایسا تالا ہےجس کی چابی اسمارٹ فون میں ہے،اسمارٹ فون کی مدد سے بلیو ٹوتھ اور وائی فائی کےذریعے تالا کھولا اوربند کیا جاسکتا ہے،ا سمارٹ فون چوری یا گم ہو جائے یا اس کا ڈیجیٹل پروگرام کام نہ کررہا ہو تو اس کےساتھ عام تالے جیسی ایک چابی بھی دستیاب ہے،چابی گھمائیے اورتالا کھول لیجئے۔
ہالی وڈ فلم ڈولفن ٹیل ٹو،ڈولفن ٹیل نامی فلم کا سیکوئیل ہےجس میں شکارکانشانہ بننے ڈولفن اوراس کی دیکھ بھال کرنےوالےشخص کے درمیان تعلق کو فلمایا گیا ہے، فلمی ماہرین کی جانب سے اس فلم کو ہفتے میں سب سے زیادہ بزنس کرنےوالی فلم قراردیا جارہاہے،اسی طرح ہالی وڈ فلم نو گڈ ڈیڈ کو ہفتے میں دوسرے اور گارجین آف دی گلیکسی کو تیسرے نمبر پر شائقین کی توجہ حاصل کرنے میں کامیابی حاصل کریں گی جس کے بعد گارجین آ ف دی گلیکسی کی کل آمدنی پانچ سو اٹھاون ملین ڈالرسے بھی تجاوز کرجائے گی۔
پاکستان مسلم لیگ ق کےرہنما چوہدری پرویزالہیٰ نےگجرات میں سیلاب متاثرہ علاقوں کا دورہ کیا، چوہدری پرویز الہیٰ نے سیلاب متاثرین میں راشن اور دیگر ضروریات زندگی کی چیزیں تقسیم کیں، چوہدری پرویزالہیٰ کا کہنا تھا کہ شریف برادران ہیلی کاپٹرز میں سیلاب متاثرہ علاقوں کا دورہ کرتے ہیں، نیچے آتے ہیں تو لوگ ان کا گلا پکڑتے ہیں۔
چوہدری پرویزالہیٰ نے کہا کہ حکمرانوں کو لوگوں کےاصل مسائل نظرنہیں آتے، موجودہ حکمرانوں نے سارا پیسہ جنگلہ بس سروس پر لگا دیا۔
چوہدری پرویزالہیٰ نے مزید کہا کہ گزشتہ سیلاب میں دیئے گئے چیک بھی ابھی کیش نہیں ہوئے۔
رات گئے لاہورمیں آزادی چوک کے قریب فیکٹری میں اچانک آگ بھڑک اٹھی، جس نے دیکھتے ہی دیکھتےپوری عمارت کو اپنی لپیٹ میں لےلیا۔
ریسکیوعملےنےفوری کار راوئی کرکے آگ کو مزید پھیلنےسے روک دیا گیا اور قریبی عمارتوں کو آگ سےبچا لیا گیا، کسی جانی نقصان کی اطلاع نہیں ملی۔
فیکٹری اُس وقت بند تھی اور ورکرز اپنے گھروں کو جا چکے تھے، ریسکیو زرائع کا کہنا ہے کہ آگ شارٹ سرکٹ کے سبب لگی۔
متحدہ قومی مومنٹ کے قائد الطاف حسین نےاپنے ایک بیان میں کہا ہےکہ پروپیگنڈا کیا جارہا ہےکے ایم کیو ایم کے کچھ لوگ فرقہ ورانہ قتل غارت گری میں ملوث ہیں،آئی ایس آئی،ایم آئی،آئی بی یاکسی بھی ایجنسی کےپاس ثبوت ہیں توسامنےلائے اور ثابت ہونے پر ایم کیو ایم کےملوث افراد کو سرعام پھانسی دے دیں،الطاف حسین کا کہنا تھا کہ اگر الزامات لگانے والےالزامات ثابت نہ کرسکے تو الزامات لگانے والوں کو لٹکایا جائے۔
ایم کیو ایم کے قائد نے کہا ہے کہ فوج اورعسکری اداروں نےجو جہادی گروپ بنائے وہی آج شہریوں کو مار رہے ہیں وقت کا تقاضہ ہے کہ مسلح افواج کےاندرموجود انتہا پسند عناصر کے خلاف کاروائی کی جائے۔
ایم کیو ایم کے قائد نے کہا کہ ایسے تمام مدرسے جہاں نوجوانوں کی برین واشنگ کرکے انہیں دہشت گردی کی ترغیب دی جاتی ہے، ان سے آہنی ہاتھوں سے نمٹاجائے۔
الطاف حسین کا کہنا تھا کہ الزامات لگا کراصل مجرموں کو بچانے کی کوشش کی جارہی ہے،انہوں نے ہمیشہ شعیہ سنی بھائی چارے اور اتحاد بین المسلین کی بات کی ہے۔
ٹینس کی دنیا کا ذکر ہو تواکثرافراد کےذہن میں سب سے پہلےجس کھلاڑی کا نام آئے گا وہ یقیناً روجر فیڈرر ہی ہوں گےاگرچہ یہ سوئس اسٹار رواں برس ابھی تک کوئی گرینڈ سلیم ٹورنامنٹ جیتنےمیں توکامیاب نہیں ہوسکے تاہم وہ دولت کمانے کےمعاملے میں باقی تمام کھلاڑیوں کو ضرورشکست دینےمیں کامیاب ہوگئے ہیں۔
امریکی جریدے فوربز کی طرف سے جاری کردہ رپورٹ کےمطابق راجر فیڈررایک سال کے دوران سب سے زیادہ کمانے والے ٹینس کھلاڑی ہیں،جنھوں نے جولائی 2013 سے جون 2014 کے عرصے میں 56.2 ملین ڈالرز کمانے میں کامیاب رہے،دیگر کھلاڑیوں میں نوواک جوکووچ،رافیل نڈال،کی نشکوری،اینڈی مرے،لی نا،وکٹوریہ آذرینکا،سرینا ولیمز،کیرولین ووزنائیکی،ماریہ شراپوا شامل ہیں ۔
امریکی ویب سائیٹ میں شائع ہونے والی رپورٹ کےمطابق امریکی ماہرین کی تحقیق سے ثابت ہوتا ہےکہ ٹماٹر میں پایا جانے والا آکسیڈنٹ اور لائکوپین ہڈیوں کو مضبوط رکھنے میں فائدہ مند ثابت ہوتے ہیں۔
اس کے استعمال سے خواتین کو ہڈیوں اورجوڑوں کےدرد کی شکایت نہیں ہوتی،ٹماٹر کا استعمال جسم میں کولیسٹرول کی سطح کو برقرار رکھتا ہےجس سےامراض قلب کے خدشات کم ہوتے ہیں اور بڑھتے ہوئے وزن کو قابو میں رکھتا ہے۔
سائنسدانوں کا کہنا ہےکہ ٹماٹرکا استعمال کرنےوالےلوگوں کو ضعیف العمری میں الزائمر کی بیماری لاحق ہونے کےبھی خدشات کم ہوتے ہیں اوریہ مختلف اقسام کے کینسر سے بھی بچاتا ہے جس کی وجہ سے اسے بلاشبہ دنیا کا سب سے صحت مند پھل قرار دیا جاسکتا ہے۔
قائداعظم محمد علی جناح کے چھیاسٹھویں یوم وفات کےموقع پر اپنےایک بیان میں جناب الطاف حسین نے بانی پاکستان کو زبردست خراج عقیدت پیش کرتے ہوئے کہاکہ ایم کیوایم،ملک میں مذہبی رواداری اورفرقہ وارانہ ہم آہنگی کا فروغ چاہتی ہےتاکہ ملک میں قومی یکجہتی کو پروان چڑھایا جاسکے،ایم کیوایم چاہتی ہےکہ قائداعظم محمد علی جناح کی تعلیمات کےمطابق پاکستان کو جمہوری، لبرل،روشن خیال مملکت بنایاجائےاور ملک میں ایسےمعاشرے کا قیام عمل میں لایاجائے جہاں بلاامتیاز رنگ ونسل،زبان،قومیت، مسلک اورمذہب تمام شہریوں کو اپنے اپنےعقائد کےمطابق عبادت کرنےاور زندگی گزارنےکاحق حاصل ہو،ملک سےمذہبی انتہاءپسندی اورفرقہ واریت کا خاتمہ ہو،غیرمسلم پاکستانیوں سمیت تمام شہریوں کو برابری کی بنیاد پر حقوق ملیں اورپاکستان ترقی وخوشحالی کی راہ پر گامزن ہوسکے۔