کراچی:الطاف حسین نے سیاسی بحران کےحل کیلئےجنرل راحیل شریف کی ثالثی کاخیرمقدم کرتے ہوئے کہا ہے کہ آرمی چیف انیس سو بانوے میں متحدہ اور فوج کے مابین پیدا کی گئی غلط فہمیوں کا خاتمہ کرلیں تو یہ بھی ملکی خدمت ہوگی۔
ایم کیو ایم کے قائد الطاف حسین کا کہنا تھا کہ آرمی چیف نےمصالحت کےلیےآگے بڑھ کر پاکستان کی خدمت کی ہے،آرمی چیف کے اس مثبت اقدام سےملک بڑے خون خرابے اور نقصان سے بچ گیا۔
ایم کیو ایم کے قائد کا کہنا تھا کہ وہ مصالحت کےاس عمل کو مکمل سپورٹ کرتے ہیں، آرمی چیف سے اپیل کرتےہوئےالطاف حسین نےکہا کہ ہم پاکستان اورپاک فوج سے محبت کرنے والے لوگ ہیں آرمی چیف انیس سو بانوے میں متحدہ اور فوج کے درمیان پیدا کی گئی غلط فہمیوں کا خاتمہ کر لیں تو یہ بھی ملکی خدمت ہو گی۔
