Author: Hammad Hasan Syed

جاوید ہاشمی مارچ سےعلیحدہ نہیں ہوئے،شیریں مزاری

لاہور:تحریک انصاف کےصدرمخدوم جاوید ہاشمی آزادی مارچ سےالگ ہوکرملتان چلے گئے ہیں،شیریں مزاری کہتی ہیں جاوید ہاشمی مارچ سےعلیحدہ نہیں ہوئے اعجازچودھری کہتے ہیں جاویدہاشمی خودافواہوں کی تردیدکرینگے

تحریک انصاف کےصدرجاوید ہاشمی لانگ مارچ کے حوالے سےتحفظات پر پارٹی چئیرمین عمران خان اورشاہ محمود قریشی سے اختلافات کے بعد قیادت سے ناراض ہوکر ملتان واپس چلے گئے ہیں۔

تحریک انصاف کےصدر جاوید ہاشمی کی آزادی مارچ سےعلیحدگی کی اطلاعات کے بعد ترجمان تحریک انصاف شیریں مزاری نےجاویدہاشمی کےآزادی مارچ سےمتعلق اطلاعات کو بےبنیاد قرار دیا ہے۔

آزادی مارچ پر پوری قیادت متفق ہے اور کوئی اختلاف موجود نہیں ہے، جبکہ تحریک انصاف پنجاب کےصدراعجازچودھری کا میڈیا سےگفتگومیں کہنا تھا کہ جاوید ہاشمی طبیعت ناسازہونےکی بنا پرآرام کررہے ہیں ،طبیعت ٹھیک ہونے پر خود میڈیا سے گفتگو کریں گےاورآزادی مارچ کی قیادت کریں گے۔

اگست 13, 2014
الطاف حسین کی کنٹینرز،ٹرالرز اوردیگررکاوٹیں ہٹانے کی اپیل

کراچی:متحدہ قومی موومنٹ کےقائد الطاف حسین نےوزیراعظم میاں نوازشریف اوروزیراعلیٰ پنجاب میاں شہباز شریف سے پرزورمطالبہ کیاہےکہ وہ لاہور کے مختلف علاقوں میں کھڑےکئےگئےکنٹینرز،ٹرالرزاوردیگررکاوٹوں کوہٹانےکےفوری احکامات جاری کریں۔

اپنے بیان میں الطاف حسین نے کہاکہ گزشتہ کئی روزسےلاہورشہرمیں پولیس وانتظامیہ نے جگہ جگہ رکاوٹیں کھڑی کردی ہیں جس سےروزگار،کاروباراورملازمت پرجانے والے افرادکو شدید مشکلات کاسامناہے۔

ان رکاوٹوں سے سب سے زیادہ متاثر یومیہ اجرت پر کام کرنے والے وہ غریب مزدور اورمحنت کش ہیں جو ہرروزمحنت کرکے اپنے اہل خانہ کاپیٹ پالتے ہیں،اس کے ساتھ ساتھ شاہراہیں دن بندہونےسےمریضوں کواسپتال لانے لیجانےمیں بھی شدید دشواریوںکاسامناہے۔

جناب الطاف حسین نے حقوق انسانی کی تمام تنظیموں،سول سوسائٹی کی تمام انجمنوں، وکلاء برادری اورمختلف شعبہ ہائے زندگی سےتعلق رکھنےوالےافرادسے بھی اپیل کی کہ و ہ حکومت کی جانب سےاٹھائے گئے ان ظالمانہ اورآمرانہ اقدامات کےخلاف اپنے ظرف و ضمیرکے مطابق آواز احتجاج بلندکریں۔

اگست 13, 2014
کراچی میں جرائم پیشہ افراد کی سرگرمیاں جاری

کراچی:شہر قائد کےعلاقےکریم آباد اورشادمان ٹاون میں لوٹ مارکرنے والےڈاکووں پر شہریوں کا تشدد،ایک ڈاکو ہلاک،لیاری میں مقابلےمیں ایک ملزم مارا گیا۔

کراچی میں جرائم پیشہ افراد کی سرگرمیاں جاری ہیں،پولیس کےمطابق کریم آباد میں دو ڈاکودوکان میں لوٹ مار کررہے تھےکہ شہریوں نے پکڑ کرتشدد کا نشانہ بنایا جس کے نتیجے میں ایک ڈاکو ہلاک ہوگیا جبکہ دو سرے ڈاکو کو شہریوں نے تشدد کے بعد پولیس کے حوالے کردیا،شادمان ٹاؤن میں بھی شہریوں نے لوٹ مار کرنے والے ایک ڈاکو کو پکڑ کر تشدد کا نشانہ بنایا اور پولیس کے حوالے کردیا ملزم کے قبضے سے اسلحہ اورموٹر سائیکل بھی برآمد ہوئی پولیس کے مطابق دو ڈاکو ایک شہری سے لوٹ مار کر رہے تھے کہ قریب ہی موجود لوگوں نے ڈاکوؤں کو پکڑ لیا اور تشدد کا نشانہ بنایا ۔

لیاری کے علاقے دریا آباد میں رینجرز نے خفیہ اطلاع پر چھاپہ مارا، ملزم نے فائرنگ کردی،فائرنگ کے تبادلے میں ایک ملزم ہلاک ہوگیا جس کی شناخت ناد عرف ملا نادر کے نام سے ہوئی،ترجمان رینجرز کے مطابق ہلاک ملزم نو سے زائد افراد کی ٹارگٹ کلنگ میں ملوث تھا۔

اگست 12, 2014
وزیراعظم کا آج کا خطاب آخری خطاب ہوگا،فیض الاسلام

لاہور:پاکستان عوامی تحریک کے ترجمان فیض الاسلام نےکہا ہےکہ حکومت کےدن گنےجاچکے ہیں،وزیراعظم آج قوم سےآخری خطاب کریں گے۔

اکستان عوامی تحریک کے ترجمان فیض الاسلام نے منہاج القرآن سیکریٹریٹ میں میڈیا سےگفتگو میں کہا ہےکہ وزیراعظم کا آج کاخطاب قوم سےان کا آخری خطاب ثابت ہوگا۔

فیض الاسلام نےکہا کہ حکمران کنٹینروں کےپہاڑلگالیں،انقلاب کےسیلاب کا راستہ نہیں روک سکتے۔

ترجمان عوامی تحریک نے کہا کہ چودہ اگست کو ہرحال میں اسلام آباد پہنچیں گےاورعوام کوانقلاب کی نوید سنائیں گے۔

اگست 12, 2014
وزیراعظم نواز شریف آج قوم سے خطاب کریں گے

اسلام آباد:وزیراعظم نوازشریف آج قوم سےخطاب کریں گے،جس میں وزیراعظم ملک کی سیاسی صورتحال پرقوم کواعتماد میں لیں گے۔

وزیراعظم پاکستان کےمعاون خصوصی عرفان صدیقی کا کہنا ہے کہ وزیراعظم اپنے خطاب میں حکومت کی کارکردگی قوم کےسامنے رکھیں گے اورسیاسی صورتحال پر قوم کواعتماد میں لیں گے۔

وزیراعظم کے خطاب کا وقت رات آٹھ بجےطے ہوا ہے، وزیراعظم یہ خطاب ایسے وقت کر رہے ہیں جب پاکستان تحریک انصاف اور پاکستان عوامی تحریک آزادی اور انقلاب مارچ کرنے جا رہی ہیں۔

عمران خان نے وزیراعظم کے استعفے اور وسط مدتی انتخابات کا مطالبہ کررکھا ہے، اورحکومت کی جانب سے بات چیت کی پیشکش مستردکر رکھی ہے۔

اگست 12, 2014
مشہورکامیڈین رابن ولیم انتقال کرگئے

ہالی ووڈ کےمشہورکامیڈین رابن ولیم تریسٹھ برس کی عمرمیں انتقال کرگئے

امریکی اداکاررابن ولیم گزشتہ روزاپنےگھرمیں مردہ حالت میں پائےگئےہیں پولیس کے مطابق ان کی موت دم گھٹنےسے ہوئی ہے جبکہ پولیس کو خودکشی کا بھی شبہ ہے۔

ان کے خاندانی ذرائع کےمطابق وہ کچھ دنوں سے شدید ذہنی ڈپریشن کا شکار تھے،رابن ولیم اکیس جولائی انیس اکیاون میں امریکی شہر شکاگو میں پیدا ہوئے انہوں نے تھیٹر اورٹی وی کےعلاوہ بچوں کی کئی مشہورامریکی فلموں میں بھی کام کیا جن میں ان کی شہرہ آفاق فلم جمان جی شامل ہے جبکہ دیگرفلموں میں نائٹ ایٹ دا میوزیم،پوپائے، ہک، جیک، فلابر اورٹوائزشامل ہیں انہوں کئی کارٹون فلموں میں بھی اپنی آواز کے جادو جگائے۔

اگست 12, 2014
آزادی مارچ کرنا عمران خان کا جمہوری حق ہے،سراج الحق

لاہور:امیرجماعت اسلامی سراج الحق نے کہا ہے کہ آزادی مارچ کرنا عمران خان کا جمہوری حق ہےمگر وہ پاکستان میں آئین جمہوریت اورآزادیوں کےساتھ ہیں۔

لاہورمیں عمران خان سےملاقات کےبعد میڈیا سے گفتگو کرتے ہوئے سراج الحق نے کہا کہ حکومت نے پنجاب اوراسلام آباد میں کنٹینرلگا کراپنی خوفزدگی پوری دنیا میں عیاں کردی ہے،احتجاج کرنااورآزادی مارچ نکالتے ہوئےاسلام آباد تک جانا عمران خان کا جمہوری حق ہے وہ اس بات سے خائف ہیں کہ احتجاج کےنتیجےمیں کہیں جمہوریت ڈی ریل نہ ہو جائے۔

سراج الحق نےکہا کہ انکی جماعت پاکستان میں جمہوریت آزادیوں اورآئین کے حق میں ہے۔

اگست 12, 2014
پرویزمشرف کےمعاملے پرحکومت کاغور

کراچی:سابق صدر پرویز مشرف کے معاملے پرحکومت نےغورکرنا شروع کردیا ہے،ذرائع کا کہنا ہے کہ اگلے دو ہفتےمیں اس حوالےسےکوئی فیصلہ ہوسکتا ہے۔

ذرائع کےمطابق حکومت نے پرویزمشرف کےمعاملے پرغورکرنا شروع کردیا ہے جس کے لیے اس نے اپنے قانونی ماہرین سے مشورہ شروع کردیا ہے۔

ذرائع کا کہنا ہے کہ بعض حکومتی حلقوں کواعلیٰ حکام نے مشورہ دیا ہے کہ پرویز مشرف کا معاملہ جلد نمٹا لیا جائے،ذرائع کےمطابق سپریم کورٹ سےکہا جائےگا کہ مشرف کےبیرون ملک جانے پرحکومت کو کوئی اعتراض نہیں،ذرائع کا کہنا ہے کہ اس حوالے سے آئندہ دو ہفتے بہت اہم ہیں۔

اگست 12, 2014
پی ٹی آئی،پی اے ٹی کا مشترکہ اجلاس آج ہوگا

لاہور:چودہ اگست کی حکمت عملی طے کرنےکیلئے پاکستان تحریک انصاف اور پاکستان عوامی تحریک کا مشترکہ اجلاس آج ہوگا۔

آزادی اورانقلاب مارچ پرحکومتی حلقوں میں ہلچل کےبعد پاکستان تحریک انصاف اور پاکستان عوامی تحریک بھی لائحہ عمل طے کر رہی ہیں،انقلاب مارچ روکنےکیلئےپنجاب حکومت نےسرجوڑے ہیں توعمران خان، ڈاکٹر طاہر القادری، چوہدری برادران اور شیخ رشید کی گرفتاری کی باتیں بھی ہورہی ہیں،جس کے جواب میں چودہ اگست کی حکمت عملی طے کرنے کے لیے پی ٹی آئی اورپی اے ٹی کا مشترکہ اجلاس طلب کر لیا گیا ہے۔

تحریک انصاف کی جانب سے شاہ محمود قریشی، جہانگیر ترین اوراعجاز چودھری شریک ہوں گےجو پی اے ٹی کے رہنماؤں ڈاکٹر رحیق عباسی، خرم نواز گنڈا پور،شیخ زاہد فیاض اورقاضی فیض کے ساتھ حکمت عملی طے کریں گے۔

تحریک انصاف کا وفد علامہ طاہرالقادری سے ملاقات بھی کرے گا، بتایا جارہا ہے کہ پی ٹی آئی کےسربراہ عمران خان آج شام داتا دربار حاضری دیں گے۔

اگست 12, 2014
پاکستان سمیت دنیا بھرمیں سپ مون کا دلکش نظارہ کیا گیا

کراچی:پاکستان سمیت دنیا بھرمیں سپرمون کا دلکش نظارہ کیا گیا،سال کا سب سے بڑاچاند دیکھ دنیا بھر کے لوگ محظوظ ہوئےاورخوب ہلہ گلہ کیا۔

چاند کا زمیں پراترنا آنا کسی شاعر نے بھی کیاخوب کہاتھا تاہم سپرمون کا نظارہ شاعر کے اشعار کی ہی ترجمانی کرتا ہے،سپرمون کہلانے والا یہ چاند زمین کے زیادہ قریب ہونے کی وجہ سے معمول سے چودہ فیصد زیادہ بڑا اور تیس فیصد زیادہ روشن ہوتاہے۔

اس سال دنیا بھرمیں لاکھوں افراد نے سپرمون کا دلکش نظارہ کیا،۔پاکستان میں سیکڑوں افراد نےرات دس بج کر چوالیس منٹ پر سپرمون کا نظارہ کیا، چھوٹے بڑھےسب سپر مون کو دیکھنے کی غرض سے اپنی چھتوں پر پہنچ گئےاور سال کا سب سے بڑا چاند دیکھ کر بچے تو خاص کر دنگ رہ گئے،جب کے دنیا بھرمیں چاند کے مداحوں نے سپرمون کے نظارے کیلئے خاص تقریبات کا اہتما کیا تھا،جس میں چاند کے نظارے کے ساتھ نوجوانوں نے خوب ہلہ گلہ کیا۔

: یہ دنیا بھر سے کچھ حیرت انگیز تصاویر ہیں

لندن

مالٹا

امریکہ

کراچی: فوٹوگرافر: سید سعود ظفر

ناسا

اگست 11, 2014