شمالی وزیرستان: تحصیل دتہ خیل میں امریکی ڈرون حملے میں آٹھ افراد ہلاک ہوگئے۔
زرائع کے مطابق امریکی ڈرون طیاروں نے رات تین بجے کے قریب تحصیل دتہ خیل کے گاؤں ڈوگا ماداخیل میں ایک کمپاؤنڈ پر چارمیزائل فائر کیے، حملے میں مبینہ طور پر کچھ اہم عسکریت پسند کمانڈروں سمیت آٹھ ہلاکتوں کی اطلاع ہے۔
ذرائع کے مطابق ہلاک ہونے والوں کا تعلق طالبان سے ہے اور جس کمپاؤنڈ کو نشانہ بنایا گیا وہ پنجابی طالبان کے زیر استعمال تھا۔
کراچی: جناح اسپتال کے شعبہ اطفا ل میں دو سیاسی جماعتوں کے کارکنوں میں تصادم کے بعد نامعلوم افراد نےاسپتال کے باہر فائرنگ کردی، جس کے نتیجے میں افرا تفری مچ گئی اس دوران علاج نہ ملنے سے ایک بچہ دم توڑ گیا۔
اسپتال ذرائع کےمطابق لڑائی کا آغاز اسپتال کے سیکیورٹی گارڈ کے ساتھ تنازعے سے ہوا،جو بڑھتے بڑھتے دو سیاسی جماعتوں کے کارکنوں کے درمیان تصادم کی صورت اختیارکر گیا ،واقع کے بعد نامعلوم افراد نے اسپتال کے باہر ہوائی فائرنگ کردی۔
اس دوران علاج کے لئے لایا گیا ایک بچہ بھی مناسب علاج نہ ملنے کے باعث دم توڑ گیا، اطلاع ملنے پر پولیس اور رینجرز موقع پر پہنچی تاہم کوئی گرفتاری عمل میں نہیں آئی جبکہ مسلح ملزمان فرار ہوگئے۔
پولیس کے مطابق جائے وقوعہ سے نائن ایم ایم پستول کی گولیاں ملی ہیں جبکہ جناح اسپتال کے سیکیورٹی گارڈ بھی فرارہیں۔
کراچی:انڑمیڈیاکرکٹ ٹورنامنٹ کےفائنل میں اے آر وائی نیوزنےایکسپریس نیوز کو دس وکٹوں سےشکست دیکر ٹائٹل اپنے نام کرلیا۔
کراچی کےحنیف محمداسٹیڈیم میں کھیلے گئےانڑمیڈیاکرکٹ ٹورنامنٹ میں اے آر وائی نیوزنےناقابل شکست رہتے ہوئےٹرافی اپنے نام کی۔
پہلےمیچ میں اے آر وائی نیوزنےشوبزالیون اورپھرجیو نیوزکو روندتےہوئےایونٹ کے فائنل میں جگہ بنائی،ایکسپریس نیوزکیخلاف فائنل میں بھی اے آر وائی نیوزنے شاندار کھیل کا مظاہرہ کیا۔
ایکسپریس نیوزنے مقررہ اوورزمیں پچاس رنز بنائے،مطلوبہ ہدف اے آر وائی نیوزنے بغیر کسی وکٹ کے تیسرے اووز میں حاصل کرتے ہوئےانٹرمیڈیا کرکٹ ٹورنامنٹ کا ٹائٹل اپنے نام کیا۔
کراچی:پیپلز پارٹی کےرہنماسینیٹرعبدالرحمان ملک نے گورنرہاؤس میں گورنر سندھ ڈاکٹر عشرت العبادخان سےملاقات کی اوراہم امورپربات چیت کی۔
دونوں رہنمائوں کے درمیان صوبےاورشہرمیںامن و امان کے قیام اور ترقی کے سفر کوجاری رکھنے کے لئے مشترکہ طور پرکام کرنےکےعزم کا بھی اعادہ کیا گیا۔
دونوں رہنماؤں نےعزم ظاہرکیا کہ صوبے کی دونوں بڑی سیاسی جماعتوں کے درمیان باہمی ربط، سیاسی رواداری اور ہم آہنگی کو فروغ اور صوبے و شہر میں امن و امان کے قیام کے لئے جاری اقدامات کو مزید موئثر بنایا جائے گا۔
کراچی:ایم کیوایم کے رہنما ڈاکٹر خالد مقبول صدیقی نےکہا ہےکہ الطاف حسین اپنے حصے کا انقلاب لاچکے ہیں۔
حیدر آبادمیں افطار ڈنرکےشرکاسےخطاب کرتے ہوئےان کا کہنا تھا آج کل جس انقلاب کا ذکر کیا جارہا ہےاس انقلاب کے لیے کسی خون ریزی کی ضرورت نہیں،انقلاب میں شمولیت کیلئے ایم کیو ایم کو بھی دعوتیں دی جارہیں ہیں۔
خالد مقبول صدیقی کا کہنا تھا کہ ریکارڈ کےلیے بتا دینا چاہتا ہوں کہ الطاف حسین اپنے حصہ کا انقلاب لا چکے ہیں،انکا کہنا تھا کہ پسماندہ علاقوں سےغریب اورمتوسط طبقے کےافراد کو اسمبلیوں میں بھیجنا شروع کردیں انقلاب آجائے گا، حکومت اور چہروں کی تبدیلی میں ہماری دلچسپی نہیں ہے،اگر کوئی نظام کی تبدیلی کیلئے آگے آیا تو ہم اس جدوجہد میں ہراول دستے کا کردار اداکریں گے۔
اسلام آباد:حکومت نے پاکستان انٹرنیشنل ایئرلائنزکی نجکاری کیلئےتاریخیں دے دی ہیں،قومی ادارے کے قیمتی اثاثےہی نجی تحویل میں نہیں جائیں گے بلکہ ہزاروں ملازمین بھی بے روزگار ہوجائیں گے۔
قومی فضائی ادارے پی آئی اے کو نیلام کردیا جائے گا، حکومت نےاصولی فیصلہ کرلیا ہے، وزیرنجکاری محمدزبیرکا کہنا ہےقومی مفادمیں سخت معاشی فیصلےکرنےسےگریز نہیں کیا جائے گا۔
غیر ملکی ادارےسےانٹروی میں ان کا کہنا رتھا، پی آئی کی نجکاری کاعمل بائیس جولائی سے شروع ہوگا، جب نجکاری کے لئے مالیاتی مشیران کی تقرری ہوگی، آئندہ سال جون تک نجکاری کامکمل کرلیاجائے گا۔
وزیرنجکاری کا کہناہےادارےمیں پچاس فیصد ملازمین اضافی ہیں،جن کی نجکاری سے پہلے چھانٹی ہوگی،محمدزبیرکہتےہیں اس وقت پی آئی اے میں سولہ ہزار چھ سو ملازمین ہیں،یعنی ایک طیارے کےلئےچھ سو ملازمین، حالانکہ دنیا بھر میں ایک طیارے پردوسوتک ملازمین ہوتے ہیں۔
محمد زبیر کا کہنا تھا کہ نجکاری سے پہلے پی آی اے کی ری استرکچرنگ کی جائے گی، پی آئی اے کی نجکاری سے ہزاروں مزدوروں کوبےروزگارہونےکاخدشہ ہے،ملازمتوں سےعلیحدہ کئےجانےوالوں کیلئےبھی پلاننگ کی گئی ہے۔
برمنگھم:برطانیہ کےشہربرمنگھم میں فلسطین سولیڈیرٹی کمپین کی جانب سے غزہ میں اسرائیل کی جارحیت کےخلاف احتجاجی مظاہرہ کیا گی۔
برمنگھم میں کیے گئے احتجاجی مظاہرےکےشرکا نےاسرائیل کی طرف سے فلسطینیوں پر جاری حملوں کی مذمت کی اوران کوفوری طور پربند کرنےکامطالبہ کیا۔
اس موقع پرمظاہرین نے بی بی سی کےدفترکےباہراحتجاج کیااو برمنگھم قونصل ہاوس تک مارچ بھی کیا۔
اسلام آباد:صدرمملکت ممنون حسین نےاےآروائی نیوز سندھ کےبیوروچیف کوفون کرکے فیض اللہ خان کی رہائی میں بھرپورتعاون کی یقین دہانی کرائی ہے۔
صدرممنون حسین نے ایس ایم شکیل سےافغانستان میں اےآروائی کے اسیررپورٹر فیض اللہ خان کی رہائی کےمسئلہ پربات کی۔
صدرممنون حسین نےکہا کہ حکومت فیض اللہ کےمعاملے پربھرپورمدد کرے گی، فیض اللہ کی رہائی کیلئےہرممکنہ اقدامات کیےجائیں گے،
صدر مملکت نے کہا کہ حکومت افغان وزارت خارجہ سےرابطےمیں ہے اور ضرورت پڑی تو وہ فیض اللہ کی رہائی کیلئےافغان صدر سے بھی رابطہ کرینگے۔
لاہور:حضرت علیؑ کی یوم شہادت کے موقع پر لاہور میں جلسوسوں کے لیے خصوصی سیکورٹی پلان مرتب کر لیا گیا ہے، لاہور پولیس کے پندرہ سو سے زائد اہلکار مرکزی جلوس کی سیکورٹی پر تعینات ہوں گے۔
حضرت علیؑ کے یوم شہادت کے موقع پر امام بارگاہ مبارک حویلی سے برآمد ہونے والے مرکزی جلوس کی نگرانی کے لیے سخت ترین سیکورٹی انتظامات کیے گئے ہیں۔
مرکزی جلوس کے روایتی راستوں پر پولیس اہلکاروں کے تعیناتی کے ساتھ ساتھ سی سی ٹی وی کیمروں سے بھی جلوس کی نگرانی کی جائے گی، امام بارگاہ کربلا گامے شاہ پر بوقت افطار ختم ہونے والے مرکزی جلوس کی نگرانی پر پندرہ سو پولیس اہلکار تعینات رہیں گے۔
کمشنر لاہور کی سربراہی میں ہونے والے اجلاس میں اکیس رمضان کو حضرت علیؑ کی شہادت کی مناسبت سے برآمد ہونے والے دیگر درجنوں جلوسوں کو بھی اے کٹیگری سیکورٹی فراہم کرنے کا فیصلہ کیا گیا ہے۔
تاحال لاہور انتظامیہ نے اکیس رمضان کو موبائل فون سروس بند کرنے کا فیصلہ نہیں کیا۔
اب آپ کو ڈاون لوڈنگ کے وقت ان چاہے سافٹ ویئر اور ٹول بارز سے نجات مل سکتی ہے۔
انچیکنگ نامی ایک چھوٹا سا سافٹوئیر ڈاؤنلوڈ کرلیں، ڈاؤنلوڈ کرنے کے بعد کسی بھی عام پروگرام کی طرح اسے اپنے کمپیوٹر پرانسٹال کرلیں، یہ سافٹوئیر بیک گراؤنڈ میں چلتا رہے گا اور جب بھی آپ کوئی نیا پروگرام انسٹال کرنے لگیں گے تو یہ اس کے انسٹالر کا جائزہ لے گا ، اگر اس میں کوئی اضافی سافٹوئیر یا ٹول بار کی آپشن موجود ہوگی تو یہ خود ہی اسے ان چیک کر دے گا۔