Author: حسن حفیظ

پاپولیشن کونسل نےیو این ایف پی اے "میڈیا کولیشن برائے آبادی” کا اجلاس منعقد کیا جس کا موضوع تھا” پاکستان میں تولیدی صحت کے منظرنامے میں نئی پیش رفت اور میڈیا کا کردار”۔ اجلاس میں ملک کے تمام صوبوں سے تعلق رکھنےو الےوالے نمایاں میڈیا اداروں کےصحافیوں، مذہبی سکالرز اور طبی ماہرین نے شرکت کی اور میڈیا کے ذریعے خاندانی منصوبہ سازی اور تولیدی صحت میں بہتری لانے پر گفتگو کی گئی ۔

اس موقع پر خطاب کرتے ہوئے پاپولیشن کونسل کے ڈپٹی منیجر کمیونیکیشن، اکرام الاحد نے تیزی سے بڑھتی ہوئی آبادی اور خاندانی منصوبہ سازی کے حوالے سے ہونے والی حالیہ اہم پیش رفت کو اجاگر کیا جن میں اسلامی نظریاتی کونسل (CII) کا اعلامیہ ، جس نے ماں اور بچے کی صحت کے لیے بچوں کے درمیان مناسب وقفے کو اسلامی تعلیمات کے مطابق قرار دیا، وزیرِ اعظم کی جانب سے آبادی پر اعلیٰ سطحی کمیٹی کا قیام، مانعِ حمل ادویات پر سیلز ٹیکس کی چھوٹ اور قومی اسمبلی کی قرارداد جس میں آبادی کے بڑھتے ہوئے مسئلے کو قومی چیلنج تسلیم کیا گیا، شامل ہیں ۔

اس موقع پر خطاب کرتے ہوئے پاپولیشن کونسل کے سینئر ڈائریکٹر ڈاکٹر علی میر کا کہناتھا کہ اگرچہ تیزی سے بڑھتی ہوئی آبادی میں کمی لانے کیلئے حکومتی سطح پر ہونے والے اقدامات خوش آئند ہیں لیکن سماجی ومعاشی ترقی کے اشارئیوں کے حوالے سے دیکھا جائے تو صوبوں کے درمیان اور صوبوں کے اندر نمایاں عدم مساوات موجود ہیں جن میں بہتری لانے کیلئے میڈیا کر کردار انتہائی اہمیت کا حامل ہے۔ اس حوالے سے میڈیا کو حکومتی سطح پر لئے جانے والے اہم فیصلوں پر عمل درآمد کو یقینی بنانے میں اپنا کردار ادا کرنا ہوگا۔

میٹنگ سے خطاب کرتے ہوئے ،سوسائٹی آف آبسٹیٹریشنز اینڈ گائناکالوجسٹس آف پاکستان (SoGP) کی انفارمیشن سیکرٹری اور پاکستان اکیڈمی آف فیملی فزیشنز (PAFP) کی سینئر نائب صدر ڈاکٹر صائمہ زبیر نے کہا: "پاکستان میں زچگی کے دوران اموات کی شرح فی ایک لاکھ زندہ پیدائش پر تقریباً 180 ہے جبکہ نوزائیدہ بچوں کی اموات کی شرح فی ہزار پیدائش پر 64 ہے۔ ہر سال تقریباً 38 لاکھ غیر ارادی حمل ہوتے ہیں جو خواتین کی زندگیوں کو خطرے میں ڈالتے ہیں۔ اگر بچوں کی پیدائش میں 24 ماہ کا وقفہ رکھا جائے تو نوزائیدہ اموات میں پچاس فیصد تک کمی ممکن ہے۔”

اجلاس کے شرکاء نے اس بات پر اتفاق کیا کہ مذہبی حمایت، سیاسی عزم اور مالی سہولت کا امتزاج ایک غیر معمولی موقع ہے اور اس حوالے سے ہونے والے حکومتی اقدامات خوش آئند ہیں جس کو میڈیا کے ذریعے اجاگر کرکے پاکستان کو ایک صحت مند اور پائیدار مستقبل کی جانب لے جا یا جاسکتا ہے

میڈیا کے نمائندوں نے حکومت سے پرزور مطالبہ کیا کہ وہ ملک کے مستقبل کو محفوظ بنانے اور ملکی ترقی کے لیے بچوں کی صحت، غذائیت اور معیاری تعلیم کی فراہمی کیلئے اقدامات کو ترجیح دے۔ ان اقدامات میں بچوں کی بقا کو یقینی بنانا، ذہنی نشوونما میں بہتری کیلئے صحت کی بہتر سہولیات اور غذائی قلت کا خاتمہ ، مساوی تعلیمی مواقع کی فراہمی، اور بچوں کی ضروریات کے مطابق بجٹ سازی شامل ہیں۔ ان مقاصد کے حصول کی ایک کلیدی حکمتِ عملی یہ ہے کہ والدین کو اپنے وسائل کے مطابق خاندان کی منصوبہ سازی کا اختیار دیا جائے، تاکہ غیر ارادی حمل ، قبل از وقت یا کم وقفے والی حمل کی صورتوں سے بچا جا سکے۔ ان مقاصد کے حصول کیلئے خاندانی منصوبہ سازی کی خدمات تک مؤثر اور آسان رسائی فراہم کرنا بہت ضروری ہے اور حکومت کی ذمہ داری بھی ہے ۔ یہ متفقہ مؤقف میڈیا کولیشن میٹنگ کے دوران سامنے آیا، جس کا اہتمام پاپولیشن کونسل نے یو این ایف پی اے کے تعاون سے کیا تھا۔

اپنے ابتدائی کلمات میں، ڈاکٹر علی میر، سینئر ڈائریکٹر، پاپولیشن کونسل نے میڈیا کے کردار کو اجاگر کرتے ہوئے کہا کہ پائیدار ترقی کےحصول میں میڈیا کا کردار انتہائی اہمیت کا حامل ہے ۔ اُن کا کہنا تھا، خاندانی منصوبہ سازی دراصل اس بات کو یقینی بنانے کا عمل ہے کہ ہر بچہ نہ صرف زندہ رہے بلکہ صحت مند رہے اور معیاری تعلیم حاصل کرکے ملک و قوم کی ترقی میں اپنا کردار بھی ادا کرے”۔ ڈاکٹر علی میر نے خاندانی منصوبہ سازی کے بجٹ میں اضافے کی ضرورت کو اجاگر کرتے ہوئے اس حوالے سے میڈیاکے کردار کی اہمیت پر زورد یا۔

میٹنگ میں پاپولیشن کونسل کے ڈپٹی منیجر اکرام الا حد نے اعداد و شمار پیش کرتے ہوئے بتایا کہ پاکستان میں روزانہ تقریباً 675نوزائید ہ بچوں کی اموات ہوتی ہیں جو کہ دو ہوائی جہازوں کے کریش کرنے کے برابر تعداد ہے لیکن میڈیا میں اس اہم مسئلے کو مناسب کوریج نہیں دی جاتی۔دوسری جانب 2 کروڑ 60 لاکھ بچے اسکولوں سے باہر ہونے کی وجہ سے پاکستان آوٹ آف سکول چلڈرن کی تعداد کے حوالے سے دنیا میں دوسرے نمبر پر ہے۔ بچوں میں غذائی قلت کی شرح خطرناک حد تک بلند ہے – پانچ سال سے کم عمر کے 40 فیصد بچوں کا قد عمر کے لحاظ سے کم ہے ۔ غذائیت میں کمی بھی بچوں کی ذہنی صلاحیت پر اثر انداز ہوتی ہےا ور یہی وجہ ہے کہ پاکستانی بچے اپنی مکمل صلاحیت کا صرف 41 فیصد حاصل کرپاتے ہیں۔

ملکی جی ڈی پی میں بجٹ کی شرح کے حوالے سے دیکھا جائے تو پاکستان کا صحت اور تعلیم کابجٹ عالمی معیار (بالترتیب 6 فیصد اور 7 فیصد) سے کہیں کم ہے، اور ہم بھارت اور ایران جیسے ہمسایہ ممالک سے بھی پیچھے ہیں۔ تاہم، پاپولیشن کونسل کی رپورٹ Pakistan @2050 کے اعدادوشمار کے مطابق اگر 2030 تک آبادی میں اضافے کی شرح 1.2 فیصد تک کم کی جائے تو 2050 تک جی ڈی پی میں 1.7 فیصد پوائنٹس کا اضافہ اورفی کس آمدنی میں دُگنا اضافہ ممکن ہے۔ اسی طرح آبادی میں اضافے کی شرح میں کمی لا کر اسکول سے باہر بچوں کی شرح میں30فیصدکمی لائی جاسکتی ہے ۔

میٹنگ میں ملک کے تمام صوبوں سے تعلق رکھنے والے صحافیوں نے اس بات پر زور دیا کہ خاندانی منصوبہ سازی تمام ترقیاتی اشاریوں میں بہتری کے لیے محرک کا کردار ادا کرتی ہے۔ میڈیا کولیشن ممبرز نے جدید اور طویل مدتی مانع حمل طریقوں کی رسائی میں اضافے ، مانع حمل ادویات پر ٹیکس کے خاتمے اور مفت و لازمی تعلیم سے متعلق آئین کے آرٹیکل 25-A پر عملدرآمد کو یقینی بنانے پر زور دیا ۔ اس موقع پر خواتین اور بچوں کی صحت ، تعلیم اور غذائی ضروریات کو سامنےرکھتے ہوئے بجٹ سازی کی ضرورت کو بھی ناگزیر قرار دیا گیا

لاہور : گوجرہ کالج آف نرسنگ میں رشوت لیکر ڈگریوں پر جعلی مہریں لگا کر تصدیق کرنیوالا لائبریرین پکڑا گیا۔

تفصیلات کے مطابق گوجرہ کالج آف نرسنگ میں ڈگریوں کی جعلی تصدیق کا اسکینڈل منظر عام پر آگیا ، رشوت لیکر ڈگریوں پر جعلی مہریں لگا کر تصدیق کرنیوالا لائبریرین پکڑا گیا۔

لائبریرین علی اکبر نے43 طلبہ سے 5 لاکھ 59 ہزار روپے رشوت وصول کی، محکمہ اسپیشلائزڈ ہیلتھ پنجاب نے علی اکبر کو سرکاری ملازمت سے فارغ کر دیا ہے۔

43 طلبہ کی اسناد کی جعلی تصدیق میں کالج انتظامیہ کو ملوث قرار دیتے ہوئے لائبریرین علی اکبر کیخلاف اینٹی کرپشن میں مقدمہ درج کرنے کی سفارش کردی۔

یاد رہے گذشتہ سال جعلی ڈگری ثابت ہونے پر ڈی جی نادرا ذوالفقار احمد کو ملازمت سے فارغ کردیا گیا تھا ، ایم بی اے ڈگری پر دستخط کرنے والے امریکی یونیورسٹی کے صدر ہی نہیں تھے۔

بی بی اے ڈگری میں کالج کا دیا ہوا نام ڈگری کے اجرا کے وقت کچھ اور تھا، نادرا کی درخواست پر ہائیر ایجوکیشن کمیشن نے ڈگری کی انکوائری کی تاہم نادرا کیجانب سے اظہار وجوہ کے نوٹس پر ذوالفقار احمد تسلی بخش جواب دینے میں ناکام رہے تھے۔

لاہور : سیکرٹری صحت پنجاب نے جنرل اسپتال کی ہیڈ نرس کو نوکری سے فارغ کردیا، نرس نے ملازمین کو اسپتال میں کام روکنے پر اکسایا۔

تفصیلات کے مطابق اسپتالوں کے آوٹ ڈور بند کرنے والے عملے کے خلاف کاروائی شروع کردی گئی۔

سیکرٹری صحت پنجاب نے جنرل اسپتال کی ہیڈ نرس کو نوکری سے فارغ کردیا، جاری مراسلے میں کہا کہ ہیڈ نرس خالدہ تبسم نے اوپی ڈی بند کرواکر مریضوں کو مشکل میں ڈالا اور دیگر ملازمین کو اسپتال میں کام روکنے پر اکسایا۔

مراسلے میں کہنا تھا کہ اسپتال کی انتظامیہ کے احکامات کی خلاف ورزی کی گئی، ہیڈ نرس نے اسپتال میں ریلیوں کا انعقاد کیا، اسپتال کا کام متاثر ہوا۔

محکمہ صحت پنجاب نے کہا کہ ہیڈ نرس خالدہ تبسم نے گرینڈ ہیلتھ الائنس کے دھرنے میں محکمے کے مخالف تقاریر بھی کیں، پیڈ ایکٹ کے تحت ہیڈ نرس خالدہ تبسم کو نوکری سے برخاست کیا ہے۔

خیال رہے گرینڈ ہیلتھ الائنس ہسپتالوں میں آوٹ ڈور ہڑتال جاری ہے، سرکاری ٹیچنگ ہسپتالوں میں معمول کے آپریشن بھی رک گئے ،علاج معالجے کی بدترین بندش سے مریض پریشان ہوگئے جبکہ آپریشن نہ ہونے کی وجہ سے انسانی زندگیاں خطرے میں پڑگئیں۔