Author: حسن حفیظ

لاہور: وزیراعلیٰ پنجاب کے انتخاب کیلئے ہوٹل میں ٹھہرے پی ٹی آئی رکن اسمبلی کے کمرے میں آگ لگ گئی۔

تفصیلات کے مطابق پنجاب کے دارلحکومت لاہور میں تحریک انصاف کے ارکان ہوٹل میں موجود ہے، ہوٹل میں ٹھہرے پی ٹی آئی رکن اسمبلی کے کمرے میں آگ لگ گئی ، آگ ڈرائیر مشین جلنے سے لگی۔

آگ لگنے کا واقعہ رکن اسمبلی ندیم عباس بارا کے کمرے میں پیش آیا ، رکن اسمبلی سوئے ہوئےتھے اور جلنے کی بو پر بیدار ہوئےاور آگ کے باعث کمرے میں دھواں سے بھر گیا۔

رکن اسمبلی کو پانی پھیک کر آگ بجھانے کی کوشش کے دوران کرنٹ بھی لگا ، رکن اسمبلی دھویں سے بھرے کمرے میں اسمبلی کارڈ ڈھونڈنے بھاگ پڑے۔

پی ٹی آئی رکن اسمبلی ندیم عباس بارا نے کہا کہ کمرے سے فوری کارڈ تلاش کیا ، بغیر کارڈ ووٹ ہی کاسٹ نہیں ہونا تھا اس لیے بھاگا۔

خیال رہے وزیراعلیٰ پنجاب کے انتخاب کے سلسلے میں پی ٹی آئی نے اپنے ارکان اسمبلی کو گلبرگ سے مال روڈ کے قریب ہوٹل منتقل کر دیا تھا۔

ذرائع کا کہنا ہے کہ عمران خان آج ہوٹل میں صوبائی پارلیمانی پارٹی کےارکان سے خطاب کریں گے۔

لاہور : سروسز اسپتال کے ہاسٹل سے نرس کی لاش برآمد ہوئی، سونیا کی ہلاکت کا تعین تاحال نہ ہو سکا تاہم مختلف پہلوؤں پر تحقیقات جاری ہے۔

تفصیلات کے مطابق پنجاب کے دارلحکومت لاہور میں سروسز ہسپتال کے نرسنگ ہوسٹل میں ایک نرس مردہ حالت میں پائی گئی۔

واقعے کے حوالے سے اسپتال انتظامیہ نے بتایا نرس کی شناخت سونیا کے نام سے ہوئی تاہم سونیا کی ہلاکت کا تعین تاحال نہ ہو سکا، مختلف پہلوؤں پر تحقیقات جاری ہے۔

انتظامیہ کا کہنا تھا کہ سونیا کی ڈیڈ باڈی کے قریب انجیکشن ملے ہیں، سونیا نیورولوجی ڈیپارٹمنٹ میں ڈیوٹی کرتی تھی۔

پولیس اور فرانزک ٹیمیں موقع پر پہنچ گئیں اور شواہد اکٹھے کیے جا رہے ہیں۔

وزیراعلیٰ پنجاب نے سروسزاسپتال کے ہاسٹل سے نرس کی لاش ملنے کے واقعے پر سی سی پی او لاہور سے رپورٹ طلب کرلی ہے۔

وزیراعلیٰ پنجاب حمزہ شہباز نے واقعے کی ہر پہلو سے تحقیقات کا حکم دیتے ہوئے کہا انکوائری کرکے رپورٹ پیش کی جائے اور واقعے کے تمام حقائق سامنے لائے جائیں۔