لاہور : پنجاب کے صوبائی دارالحکومت لاہور کو دنیا کا سب سے آلودہ شہر ترین قرار دے دیا گیا، لاہور کا ایئرکوالٹی انڈیکس 468 تک جا پہنچا۔
تفصیلات کے مطابق پنجاب کے دارالحکومت لاہور ایک بار پھر دنیا کا پہلا آلودہ ترین شہر بن گیا، ماحولیاتی آلودگی جانچنے والے ادارے کا کہنا ہے کہ لاہور کا ایئرکوالٹی انڈیکس 468 ہے۔
گزشتہ روز لاہور کا اوسط ایئر کوالٹی انڈیکس 309 تھا اورآج لاہور میں سب سے زیادہ ماڈل ٹاون متاثر ہے ، جس کا ایئرکوالٹی انڈیکس 684 ہے جبکہ گلبرگ کا ایئرکوالٹی انڈیکس 681 جبکہ پنجاب یونیورسٹی کے اطراف 532 ہے۔
طبی ماہرین نے کہا ہے کہ لاہور کے شہری کورونا ایس او پیز کو فالو کریں ، فضائی آلودگی سےگلے،آنکھ ،سانس کی بیماریوں میں اضافہ ہوتا ہے۔
ماہرین نے مشورہ دیا کہ سانس کے مریض احتیاط کریں، شہری ماسک اور گلاسز کا استعمال کریں۔
یاد رہے رواں ماہ کے آغاز میں محکمہ صحت پنجاب نے لاہور میں سموگ کی بڑھتی ہوئی سطح کے حوالے سے شہریوں کو خبردار کیا تھا کہ اسموگ سے آنکھوں میں جلن، گلا خراب اور سانس کی شکایات ہوسکتی ہیں۔
سیکرٹری صحت عمران سکندر بلوچ کا کہنا تھا لاہورمیں اسموگ کی صورتحال محفوظ حد سے تجاوز کرگئی، اسپتالوں کو فوری طور پر اسموگ کاؤنٹر متحرک کرنے کی ہدایات دے دی ہے۔
