Author: حسن حفیظ

اسلاہور: اسپتال ذرائع نے نواز شریف کی کرونا ویکسی نیشن اندراج کے حوالے سے تفصیلات جاری کردیں۔

اے آر وائی نیوز  کو اسپتال ذرائع سے موصول ہونے والی اطلاع کے مطابق ویکسی نیشن اندراج کرانے والاشخص بیرون ملک مقیم ہے، جس نے نوازشریف کا شناختی کارڈ نمبر واٹس ایپ پر بھیج کر اندراج کرایا۔

اسپتال ذرائع کے مطابق نوید نامی شخص نے اسپتال ملازم عادل کو شناختی کارڈ نمبر بھیجا اور والد کی بیماری کا کہہ کر ویکسین کا اندراج کرایا۔ ذرائع کے مطابق شناختی کارڈ کی تفصیلات چیک کئے بغیرملازمین نے اندراج کیا، نوید نامی شخص کچھ عرصہ قبل لاہور میں مقیم تھا۔

ذرائع کے مطابق نوید نے مقامی اسپتال میں جان پہچان اور ذاتی تعلقات کو استعمال کر کے کرونا ویکسین کا اندراج کروایا اور والد کا نام نوازشریف کے شناختی کارڈ پر درج کروایا۔

دوسری جانب نیشنل کمانڈ اینڈ کنٹرول اتھارٹی کے سربراہ اور وفاقی وزیر اسد عمر نے کہا کہ ’نواز شریف کے جعلی ویکسین سرٹیفیکٹ کا علم نہیں، عین ممکن ہے نواز شریف نے جعلی ویکسین کرا لی ہو، نواز شریف کی زیادہ شہرت جعلی کاموں کی رہی ہے اُن کی ماضی کی سب رپورٹس بھی جعلی تھیں، جن میں کیلبری فونٹ اور جعلی پلیٹ لیٹس کی رپورٹ شامل ہیں۔

آبادی کے لحاظ سے پاکستان کے سب سے بڑے صوبے پنجاب میں ویکسین نہ لگوانے والے افراد کے خلاف گھیرا ‏تنگ کیا جارہا ہے۔

ویکسینیشن کے مقرر کردہ اہداف حاصل کرنے کے لئے حکمت عملی مزید سخت کرنے کا فیصلہ کیا ہے۔22 ستمبر ‏سے پابندیوں کا اطلاق پنجاب کے تمام 36 اضلاع میں کیا جائے گا اس حوالے سے محکمہ صحت پنجاب میں ‏نوٹیفیکیشن جاری کر دیا ہے۔

ویکسینیشن اہداف حاصل کرنے کے لئے تمام محکموں اور سیکٹرز کو مختلف تاریخیں تفویض کی گئی ہیں جس ‏کے مطابق تمام سیکٹرز اپنی تفویض کردہ تاریخوں کے مطابق مکمل ویکسینیشن یقینی بنائیں مقرر کردہ آخری ‏تاریخ کے بعد تمام سیکٹرز میں بغیر ویکسینیشن کسی فرد کو کوئی سہولت نہیں دی جائے گی۔

نوٹیفکیشن میں کہا گیا ہے محکمہ تعلیم سے منسلک افراد( اساتذہ، انتظامیہ اور ٹرانسپورٹ سٹاف) 30 ستمبر تک ‏مکمل ویکسینشن یقینی بنائیں گے بیرون اور اندرون ملک سفر کرنے والے افراد اورہوٹلز، ریسٹورنٹس اور شادی ہالز ‏میں داخلے کے لئے 30 ستمبر تک کی تاریخ مقرر کی گئی ہے۔

قومی شاہراہوں پر پبلک ٹرانسپورٹ، ( بین الصوبائی، شہروں کے اندر اور مابین چلنے والی گاڑیوں) میٹرو، بی آرٹی ، ‏اورینج ٹرین میں سفر کے لئے 31 اکتوبر تک مکمل ویکسین لگوانا لازم ہوگا۔

کاروباری مراکز میں داخلے اور ہوٹلز اور ریسٹ ہاوسز میں بوکنگ کے لئے 30 ستمبر تک مکمل ویکسینیشن لگوانا ‏ضروری ہو گا۔ سیکرٹری عمران سکندر بلوچ

تمام نجی اور سرکاری دفاتر میں کام کرنے والے افراد کے لئے 15 اکتوبر تک ویکسینیشن کروانا لازم ہو گا۔ ٹرین ‏اور موٹروے پر سفر کے لئے15 اکتوبر تک مکمل ویکسینیشن لگوانے کی شرط عائد کی گئی ہے۔

ہر قسم کی پبلک ٹرانسپورٹ میں اور ٹرمینلز پر کام کر نے والے افرادکے لئے 15 اکتوبر تک مکمل ویکسینیشن ‏لگوانا لازم ہو گا۔ 17 سال سے زائد عمر کے افراد کے لئے 31 اکتوبر ویکسینیشن مکمل کروانے کی شرط عائد کی ‏گئی ہے مقرری تاریخ کے بعد ویکسینیشن کے بغیر کسی بھی سیکٹر میں کوئی سہولت فراہم نہیں کی جائے گی۔‎ ‎
‏
ٹریفک ، موٹروے، ہائی وے پولیس اور ضلعی انتظامیہ ان قوانین پر عملدرآمد اور چیکنگ کی ذمہ دار ہو گی۔ ‏

لاہور: عوام کے لئے خوشخبری ہے کہ روسی ساختہ ویکسین ایکسپو سینٹر میں مفت کھول دی گئی ہے۔

کورونا وائرس سے بچاؤ کے لیے مؤثر ترین روسی ویکسین اسپوتنک وی اب عوام کو مفت دستیاب ہو گی۔ ایکسپو ‏سینٹر لاہور میں شہری روسی ویکسین بغیر کسی چارجز اور فیس کے لگوا سکتے ہیں۔

اس سے قبل سپوٹنک ویکسین12ہزار روپےمیں لگوائی جاتی رہی ہے۔ روسی ساختہ ویکسین پہلےصرف پرائیویٹ ‏اداروں سےلگوائی جارہی تھی۔

روسی ساختہ ویکسین کی دوسری ڈوز 21 روز بعد لگے گی۔

ملک بھر میں کورونا ویکسین لگانے کا عمل جاری ہے ، نیشنل کمانڈ اینڈ آپریشن سینٹر نے سماجی رابطے کی ویب سائٹ ٹوئٹر پر اپنے پیغام میں کہا کہ پاکستان میں پہلی ڈوزلگوانےوالےافرادکی تعداد 7کروڑ ہو گئی ، گزشتہ روزملک میں8 لاکھ 90 ہزار 980 افراد کو ڈوز لگائی گئی ، اب تک7 کروڑ 4 لاکھ 2 ہزار 987 ویکسین کی خوراکیں لگائی جا چکی ہے۔

یاد رہے پاکستان میں کورونا کی چوتھی لہر میں کمی آنا شروع ہوگئی ہے ، ملک میں گزشتہ 24 گھنٹوں کے دوران مزید 73افراد انتقال کر گئے اور 2714 نئے کیسز رپورٹ ہوئے۔