Author: حسن حفیظ

لاہور: وزیر اعلیٰ پنجاب مریم نواز کی ایئر ایمبولینس سروس کے ذریعے پاراچنار میں بیمار خاتون کی زندگی بچا لی گئی۔

پاراچنار کی بیمار خاتون کو علاج کیلیے پاراچنار سے راولپنڈی اسپتال منتقل کر دیا گیا۔ مریم نواز کی ہدایت پر صوبائی وزیر صحت خواجہ عمران نذیر نے خاتون کو طبی امداد کیلیے ایئر ایمبولینس فوری طور پر پاراچنار بھجوائی تھی۔

خطرناک بیماری میں مبتلا خاتون کے بیٹے نے حکومت پنجاب سے سوشل میڈیا پلیٹ فارم ایکس کے ذریعے مدد کی اپیل کی تھی۔ نوجوان کی والدہ کو راولپنڈی الشفا اسپتال منتقل کیا گیا۔

یہ بھی پڑھیں: خیبر پختونخوا میں ایئر ایمبولینس سروس شروع کرنے کا فیصلہ

ماں کی جان بچانے پر ذیشان نے ایکس پر پنجاب حکومت کا شکریہ ادا کیا اور کہا کہ میری بیمار ماں کے علاج کا فوری ایکشن لینے پر وزیر اعلیٰ مریم نواز کا احسان مند رہوں گا۔

22 جولائی کو پاکستان کی تاریخ میں پہلی مرتبہ ریسکیو ایئر ایمبولینس سے مریض کی کامیاب منتقلی عمل میں لائی گئی تھی۔

میانوالی میں چھت سے گرنے والی خاتون کی ایئر ایمبولینس کے ذریعے بروقت راولپنڈی منتقلی کر کے جان بچائی گئی۔ 40 سالہ حلیمہ بی بی چھت سے گرنے کے باعث تشویشناک حالت میں تھی، ڈی ایچ کیو اسپتال میانوالی کے سرجن نے انھیں فوری علاج کے لیے راولپنڈی منتقل کرنے کا کہا تھا۔

ترجمان ریسکیو کا کہنا تھا کہ میانوالی میں ائیر ایمبولینس کی پہلی لینڈنگ ہوئی جس میں خاتون مریضہ کو ریسکیو کیا گیا، یہ ٹرائیل بیس آزمائشی سروس تھی، ایئر ایمبولینس کا باقاعدہ افتتاح جلد کیا جائے گا۔

مریض کے اہل خانہ نے مریم نواز کا شکریہ ادا کرتے ہوئے انہیں منتقلی میں سہولت فراہم کرنے پر "فرشتہ” قرار دیا تھا۔

آبادی میں تیز رفتار اضافے میں کمی اور اس کو پائیدار سطح تک لانے کیلئے کونسل آف کامن انٹرسٹ کے فیصلوں کے تحت بننے والے نیشنل ایکشن پلان پر عمل درآمد کو یقینی بنانا ہوگا ۔ اگر آبادی میں اضافے کی موجود صورتحال برقرار رہی تو 2050 تک پاکستان کو معیشت، تعلیم ، صحت اور انسانی وسائل کے شعبوں میں بہت سے مشکلات درپیش آئیں گی۔یہ بات یو این ایف پی اے کے تعاون سے پاپولیشن کونسل کے زیر اہتمام میڈیا کولیشن میٹنگ میں کہی گئی اس قومی نشست میں پاکستان بھر سے میڈیا سے وابستہ صحافیوں نے شرکت کی۔

اپنے خیر مقدمی کلمات میں پاپولیشن کونسل کے سینئر ڈائریکٹر ڈاکٹر علی میر نے کہا کہ اگر پاکستان نے ترقی کی منازل طے کرنی ہے تو ہمیں اپنی آبادی اور وسائل میں توازن پیدا کرنا ہوگا جس کیلئے سی سی آئی کے فیصلوں پر عمل درآمد کو یقینی بنانا ہوگا۔ دوسری صورت میں پاکستان کے موجودہ مسائل میں ابتری آنے کا خدشہ ہے۔ اس حوالے سے میڈیا کو اپنا اہم کردار ادا کرناہوگا اور خبروں کے ذریعے تیزی سے بڑھتی ہوئی آبادی اور اس سے پیدا ہو نے والے مسائل پر توجہ دلا کر حکومتوں کو خاندانی منصوبہ سازی کی سہولیات کی فراہمی میں بہتری لانے پر قائل کرنا ہوگا۔

اس موقع پر پاپولیشن کونسل کی تازہ ترین رپورٹ "پاکستان @2050” کے اعدادوشمار پیش کرتے ہوئے پاپولیشن کونسل کی مینیجر ریسرچ ڈاکٹر صائمہ بشیر کا کہنا تھا کہ اس تحقیق میں پاکستان کے مستقبل کے حوالے سے دو مختلف تخمینے پیش کیے گئے ہیں۔ پہلا تخمینے میں اگرپاکستان کی آبادی اس طرح بڑھتی رہی تو 2050 تک پاکستان آبادی تقریباً386 ملین ہو جائے گی لیکن پاکستان اگر سی سی آئی کے فیصلوں پر عمل درآمد کرتا ہے اور آبادی میں اضافے کی رفتار میں کمی لاتا ہے تو آبادی 338ملین تک محدود رہے گی۔ اسی طرح موجود ہ صورتحال رہی تو 2050 تک 115 ملین نئی ملازمتوں کی ضرورت ہوگی جبکہ سی سی آئی کے فیصلوں پر عمل درآمد سے یہ تعداد 97 ملین تک محدود رہے گی۔ معیشت کے لحاظ سے دیکھا جائے تو سی سی آئی کے فیصلوں پر عمل کرکے شرحِ بارآوری کو 2.2 فیصد کی سطح پر لا کر جی ڈی پی گروتھ کو5.1 فیصد تک بڑھایا جا سکتا ہے جو کہ موجودہ صورتحال کے تسلسل کے نتیجے میں صرف 3.4 فیصد تک محدود رہے گی۔ دوسری جانب موجود صورتحال کے تسلسل سے فی کس ماہانہ آمدنی 27ہزار رہے گی جس کو سی سی آئی کے فیصلوں پر عمل درآمد سے 36ہزار تک بڑھایا جا سکتا ہے۔

قومی میڈیا کولیشن کی نشست سے خطاب کرتے ہوئے پاپولیشن کونسل کے ڈپٹی مینیجر کمیونیکیشن اکرام الاحد نے کہا کہ آبادی میں تیزی سے بڑھتا ہوا اضافہ معیشت، صحت، ماحولیات اور تعلیم، کو متاثر کر رہا ہے جس کیلئے فوری ایکشن لینے کی ضرورت ہے۔ آبادی میں تیزی سے اضافے سے خواتین کی صحت پر منفی اثرات مرتب ہو رہے ہیں، جو نہ صرف ان کی زندگیوں بلکہ معاشرے کو بھی متاثر کر رہے ہیں۔ آبادی میں تیزی سے اضافہ ماحولیاتی تبدیلیوں کے منفی اثرات میں اضافہ کر رہا ہے جس سے معاشرے کے غریب اور پسماندہ طبقات سب سے زیادہ متاثر ہو رہے ہیں۔

میٹنگ میں شریک صحافیوں نے آبادی کی رفتار کو پائیدار سطح پر لانے کیلئے اعدادوشمار کی بنیاد پر رپورٹنگ کرنے کے عزم کا اعادہ کی

لاہور: محکمہ ہائیر ایجوکیشن نے بھی موسم سرما کی چھٹیوں کا اعلان کر دیا۔

تفصیلات کے مطابق تمام سرکاری ونجی کالجز اور یونیورسٹیز میں موسم سرما کی تعطیلات کا اعلان کیا گیا ہے۔ تمام سرکاری ونجی کالجز اور یونیورسٹیز میں تعطیلات 24 دسمبر سے 5 جنوری تک ہوں گی۔

پنجاب اسکولز

اے آر وائی نیوز کے مطابق محکمہ تعلیم پنجاب کی جانب سے جاری کئے گئے نوٹیفکیشن میں کہا گیا ہے کہ پنجاب کے تمام اسکولوں میں تعطیلات 20 کے بجائے 23 دسمبر سے ہوں گی۔

محکمہ تعلیم پنجاب کے نوٹیفکیشن کے مطابق موسم سرما کی تعطیلات23 دسمبر سے 10 جنوری تک ہوں گی۔

خیبرپختونخوا

محکمہ تعلیم خیبرپختونخوا کے مطابق کے پی کے میدانی علاقوں میں اسکول 22 دسمبر سے 31 دسمبر تک بند رہیں گے جبکہ صوبے کے پہاڑی علاقوں میں اسکول 22 دسمبر سے 28 فروری تک بند رکھنے کا اعلان کیا گیا ہے۔

بلوچستان

بلوچستان کے تعلیمی اداروں میں 16دسمبر سے موسم سرما کی تعطیلات کا آغاز ہو گیا ہے، محکمہ تعلیم بلوچستان کے مطابق کوئٹہ سمیت 20 اضلاع کے اسکول، کالج اور جامعات بند ہو گئی ہیں۔

نوٹیفکیشن کے مطابق کوئٹہ کے سرد علاقوں میں تعطیلات 28 فروری تک جاری رہیں گی جبکہ گرم علاقوں میں موسم سرما کی 10 روزہ تعطیلات کا اعلان کیا گیا ہے۔ نوٹیفکیشن کے مطابق بلوچستان کے گرم علاقوں میں تعطیلات یکم جنوری سے 10 جنوری تک ہوں گی۔

سندھ

محکمہ تعلیم سندھ نے موسم سرما کی تعطیلات کا اعلان کر دیا ہے جس کے مطابق صوبے بھر کے تعلیمی اداروں میں 21 دسمبر سے 31 تک تعطیلات ہوں گی۔ فیصلے کا اطلاق تمام نجی و سرکاری اداروں پر ہوگا۔