گوجرانوالہ : جلسے میں شرکت کےلیے جانے والی ن لیگی رہنما مریم نواز ایک مرتبہ پھر ٹول ٹیکس ادا کیے بغیر نکل گئیں۔
تفصیلات کے مطابق پاکستان مسلم لیگ نواز کی نائب صدر اور سابق وزیر اعظم نواز شریف کی صاحبزادی مریم نواز کی گاڑی موٹر وے پر ٹول ٹیکس دیے بغیر گوجرانوالہ میں داخل ہوگئیں۔
نظام کو درست کرنے کے دعوے کرنے والی ن لیگی رہنما مریم نواز کے ساتھ ساتھ قافلے میں شریک دیگر گاڑیوں نے بھی ٹول ٹیکس ادا نہیں کیا اور ایسے ہی چلی گئیں جبکہ قافلےکےشرکا کی جانب سے کوروناایس اوپیزکی خلاف ورزی کی جارہی ہے،قافلےمیں لیگی کارکنان میں سےکسی نےبھی ماسک نہیں پہناہوا۔
مریم نواز کو کل ٹول ٹیکس اور جرمانے کا بل بھیجوں گا
خیال رہے کہ مریم نواز گزشتہ برس جولائی میں منڈی بہاوالدین جلسے سے خطاب کےلیے جاتے ہوئے بھی ٹول ٹیکس دئیے بنا نکل گئیں تھیں جبکہ قافلے میں شامل افراد نے موٹر وے ٹول پر ہنگامہ آرائی کی بھی کوشش کی تھی۔
