Author: حسن حفیظ

لاہور: وفاقی حکومت کے بڑے اسپتال میں صحت کارڈ بند کردیا گیا، کارڈ پر علاج کے مریضوں کو شیخ زید اسپتال مفت ادویات نہیں دے رہا۔

تفصیلات کے مطابق شیخ زید اسپتال کی انتظامیہ کی بڑی نااہلی کے باعث صحت کارڈ کمپنی نے اسپتال میں دفاتر بند کردیے، اسٹیٹ لاِئف انشورنس کمپنی نے شیخ زید اسپتال کے سربراہ کو آگاہ کردیا ہے۔

اسٹیٹ لائف انشورنش کمپنی کا کہنا ہے کہ کارڈ پر علاج کے مریضوں کو شیخ زید اسپتال مفت ادویات نہیں دے رہا، مریضوں کو ادویات نجی فارمیسز سے خریدنی پڑ رہی ہیں۔

کمپنی نے کہا کہ مریضوں کو طبی آلات بھی نجی فارمیسیز سے خریدنی پڑررہی ہے، صحت کارڈ کا مقصد ہی مریضوں کا مفت علاج ہے تاہم مریضوں کو جیب سے ادویات خریدنے کی وجہ سے صحت کارڈ بند سہولت بند کررہے ہیں۔

ذرائع نے بتایا کہ اسپتال میں ادویات دستیاب نہ ہونے کے باوجود کارڈ کمپنی سے رقم وصول کی گئی، شیخ زید اسپتال نے سٹیٹ لائف انشورنس کمپنی سے بلز کلیم کیے مگرا دوائی مریض نے باہر سے خریدی۔

انتظامیہ شیخ زید اسپتال کا کہنا ہے کہ فںڈز کی کمی کی وجہ سے اسپتال میں ادویات کی قلت ہے، اسپتال نے مختلف ٹھیکیداروں کی ادائیگیاں کرنی ہیں۔

پنجاب ہیلتھ کمپنی نے کہا کہ وفاقی حکومت کے اسپتال کے ساتھ مزید کام نہیں کریں گے، کارڈ پر مریضوں کا جیب سے خرچہ قابل قبول نہیں۔

Gold Price in Pakistan Today- پاکستان میں آج سونے کی قیمت

لاہور: پنجاب کی حدود میں قائم 6 ائیرپورٹس پر مشبہ منکی پاکس مسافروں کیلیے قرنطینہ سینٹرز بنانے کا فیصلہ کیا گیا ہے۔

وزیر اعلیٰ پنجاب مریم نواز کی ہدایت پر صوبائی وزرائے صحت خواجہ سلمان رفیق اور خواجہ عمران نذیر نے لاہور ائیرپورٹ میں منکی پاکس اسکریننگ کاؤنٹر و دیگر ایریاز کا دورہ کیا۔ اس موقع پر سربراہ ٹیکنیکل گروپ پروفیسر جاوید اکرم بھی صوبائی وزراء صحت کے ہمراہ تھے۔

بیرون ملک سے آنے والے مسافروں کیلیے قائم منکی پاکس کی اسکریننگ سہولیات کا جائزہ لیا گیا جبکہ اجلاس میں بیماری کی روک تھام کیلیے چند اہم فیصلے کیے گئے۔

اجلاس میں فیصلہ کیا گیا کہ صوبے کی حدود میں قائم 6 ائیرپورٹس پر مشبہ منکی پاکس مسافروں کیلیے قرنطینہ سینٹرز بنائے جائیں گے۔

صوبائی وزرائے صحت نے کہا کہ عالمی ادارہ صحت (ڈبلیو ایچ او) کے منظور شدہ پروٹوکولز کے مطابق ائیرپورٹس پر قرنطینہ سینٹرز کیلیے جگہ مختص کی جا رہی ہے، دیگر مسافروں اور ملازمین کو قرنطینہ سینٹرز میں داخلے کی اجازت نہیں دی جائے گی۔

انہوں نے بتایا کہ ایئرپورٹس پر تعینات وفاقی و صوبائی عملہ کی منکی پاکس سے بچاؤ کی ویکسینیشن کی جائے گی، محکمہ صحت کے ڈاکٹرز، نرسز اور پیرامیڈیکس کی منکی پاکس کے حوالے سے ٹریننگ کروانے کا فیصلہ کیا گیا ہے۔

ان کا کہنا تھا کہ اسپتالوں میں قرنطینہ وارڈز بھی قائم کیے جائیں گے، سول ایوی ایشن کی جانب سے تمام ایئرلائنز کو منکی پاکس کے حوالے سے ایس او پیز پر عمل درآمد کروانے کی ہدایت کی گئی ہے۔

لاہور : وزیراعلیٰ پنجاب کے پسندیدہ سیکریٹری صحت علی جان کو عہدے سے ہٹا دیا گیا، علی جان پرپنجاب بھر کے اسپتالوں سے 62 ملازمین کو برطرف کرانے کا الزام ہے۔

تفصیلات کے مطابق وزیراعلیٰ پنجاب مریم نواز کے پسندیدہ بیورو کریٹ ہونے کے باوجود سیکرٹری صحت علی جان کو عہدے سے ہٹا دیا گیا۔

مریم نواز نے صوبے بھر کے اسپتالوں کی مانیٹرنگ کیلئےایم پی ایز نامزد کئے تھے، سیکرٹری ہیلتھ علی جان نے وائس چانسلرز، پرنسپلز اور میڈیکل سپرنٹنڈنٹس کی کانفرنس میں نامزد اراکین اسمبلی کو صرف اور صرف وزٹ کی حد تک محدود رکھنے کے احکامات جاری کئے۔

علی جان نےتقرریاں وتبادلے اور چھٹی سمیت کوئی کام ایم پی ایز کے کہنے پر نہ کرنے کاکہا تھا جبکہ سیکرٹری ہیلتھ علی جان نےحکم جاری کیا اراکین اسمبلی کی سفارشوں کا ریکارڈ رکھا جائے۔

متعدد اراکین نے سیکرٹری صحت کیخلاف اسمبلی میں تحریک التوا جمع کرائی تھی، تحریک التوا میں بتایا گیا تھا پنجاب بھرکے ہسپتالوں سے 62 سے زائد ملازمین کو سیکرٹری علی جان نے برطرف کردیا تھا۔

صوبائی اسمبلی پنجاب شوکت بھٹی نے تحریک میں بتایا کہ کرپشن میں ملوث افسران کو چن چن کر سیکرٹری صحت علی جان نے اہم تعیناتیاں دیں تھیں۔