Author: حسن حفیظ

لاہور: محکمہ صحت پنجاب نے کہا ہے کہ صوبے بھر میں آج کرونا وائرس کے 484نئے کیسز سامنے آئے، جس کے بعد پنجاب میں مہلک وائرس کے مریضوں کی تعداد 89023 ہوگئی ہے۔

تفصیلات کے مطابق پنجاب میں روزانہ کی بنیاد پر رپورٹ ہونے والے کیسز میں بتدیج کمی دیکھی جارہی ہے، اس سے قبل ہر زور ایک ہزار سے پندرہ سو افراد کرونا سے متاثر ہوتے تھے جبکہ آج صرف 484 کیسز رپورٹ ہوئے۔

ترجمان ہیلتھ کیئر پنجاب کا کہنا ہے کہ لاہور میں 178نئے اور گجرات میں 46نئے کیس رپورٹ ہوئے۔ پنجاب میں کرونا سے مزید 8 اموات ہوئیں جس کے بعد کل تعداد2059ہوگئی، صوبے بھر میں اب تک 626367ٹیسٹ کیے جاچکے ہیں۔ کرونا کو شکست دینے والوں کی تعداد 64815 ہوگئی ہے۔

پاکستان میں کرونا سے اموات 5,386 ہو گئیں

صوبے میں نئے کیسز کچھ یوں رپورٹ ہوئے، لاہور میں 178، ننکانہ8، قصور3، شیخوپورہ5، راولپنڈی36، جہلم 7اور گوجرانوالہ میں17، سیالکوٹ29، نارووال1، گجرات46، حافظ آباد6، منڈی بہاؤالدین9، ملتان9، خانیوال1، فیصل آباد24، چنیوٹ2، ٹوبہ6اور جھنگ 3اور رحیم یار خان میں 11 کیسز سامنے آئے۔

اسی طرح سرگودھا16، خوشاب3، بھکر14، بہاولنگر3، بہاولپور20، ڈی جی خان3، مظفرگڑھ6، راجن پور 2،لیہ6، ساہیوال7، اوکاڑہ 1 اور پاکپتن میں 2 کرونا مریض سامنے آئے ہیں۔

لاہور: پنجاب حکومت نے صوبے بھر میں عائد کیے جانے والے لاک ڈاؤن میں مزید توسیع کا نوٹی فکیشن جاری کردیا۔

نمائندہ اے آر وائی نیوز کی رپورٹ کے مطابق وزارتِ داخلہ پنجاب کی جانب سے لاک ڈاؤن میں توسیع کا نوٹی فکیشن جاری کیا گیا جس میں بتایا گیا ہے کہ صوبے بھر میں نافذ ہونے والے لاک ڈاؤن میں پندرہ روز کی توسیع کردی گئی ہے۔

نوٹیفکیشن کا اطلاق فی الفور ہو گا جو کہ 30جولائی تک نافذ العمل رہے گا۔

نوٹی فکیشن کے مطابق پنجاب بھر میں 30 جولائی تک لاک ڈاؤن رہے گا جس کے دوران تعلیمی ادارے،شادی ہال،ریسٹورنٹ، پارک اورسینما ہال بدستور بند رہیں گے، سماجی و مذہبی اجتماعات، کھیلوں کےلیےجمع ہونےکی اجازت نہیں ہوگی۔

وزارت داخلہ کی جانب سے جاری کردہ نوٹی فکیشن کے مطابق کاروباری مقامات صبح 9 سےشام 7 بجے تک، پیرتاجمعہ کھلے رہیں گے جبکہ ہفتہ اتوار سخت لاک ڈاؤن ہوگا، میڈیکل اسٹور، پنکچر شاپ، آٹا چکی تندور،زرعی ورکشاپس 24 گھنٹے کھلی رکھنے کی اجازت ہو گی۔

واضح رہے کہ اس سے قبل 30 جون کو پنجاب حکومت نے لاک ڈاؤن میں 15 روز کی توسیع کرتے ہوئے 15 جولائی تک کے لیے لاک ڈاؤن نافذ کیا تھا۔

لاہور: پنجاب کے 7 شہروں کے مختلف علاقوں میں اسمارٹ لاک ڈاؤن نافذ کر دیا گیا، سیکرٹری پرائمری اینڈ سیکنڈری ہیلتھ کیئر کیپٹن (ر) محمد عثمان نے اسمارٹ لاک ڈاؤن کا نوٹیفکیشن جاری کر دیا۔

سیکرٹری پرائمری اینڈ سکینڈری ہیلتھ کیئر ڈیپارٹمنٹ کے مطابق لاہور، ملتان، فیصل آباد، گوجرانوالہ، سیالکوٹ، گجرات اور راولپنڈی کے علاقوں میں اسمارٹ لاک ڈاون کیا گیا جو آج رات 12 بجے سے 24 جولائی تک لاگو رہے گا۔

لاہور میں A2 بلاک ٹاؤن شپ،EME سوسائٹی، چونگی امر سدھو کا بازار سے ملحقہ علاقہ بند رہے گا، پنجاب گورنمنٹ سرونٹ ہاوسنگ اسکیم، واپڈا ٹاؤن، جوہر ٹاؤن Cبلاک اور گرین سٹی میں اسمارٹ لاک ڈاؤن کر دیا گیا ہے۔

فیصل آباد میں وارث پورہ چوک، ڈی ٹائپ کالونی، منڈی کوارٹرعلامہ اقبال کالونی،رضا آباد،رضا گارڈن، ایڈن گارڈن،عبداللہ گارڈن،النجف کالونی کے کمرشل اور رہائشی علاقوں، مسلم ٹاؤن بی بلاک، مسلم ٹاؤن آئی، مدینہ ٹاؤن کے w,x اور y بلاک،آمنہ آباد،نصار کالونی سمن آباد،پیپلز کالونی 1 میں اسمارٹ لاک ڈاؤن لگا دیا گیا۔

جڑانوالہ میں لاہور روڈ سے ملحقہ تمام گلیاں اور نیا بازار، مین بازار خرریانوالہ بشمول سلطان مارکیٹ، نیو شاپنگ سنٹر، مین بازار، موککانا مارکیٹ،مسجد بازار،چرچ سے نشاط سنیماچوک تک کا روڈ کو بند کر دیا گیا ہے۔

گوجرانولہ کے علاقے واپڈا ٹاؤن،پیپلز کالونی،w،y،xاور z بلاک میں لاک ڈاؤن کیا گیا ہے جب کہ ملتان میں سوئی ناردرن گیس پائپ لائنز لمیٹڈ (SNGPL) کالونی، پیران غائب روڈ، حور بناسپتی ملز، کسٹم آفس/کالونی کلمہ چوک کو بند کیا گیا ہے۔

سیالکوٹ تحصیل ڈسکہ میں توصیف مارکیٹ، الیوسف پلازہ، روراس روڈ میانہ پورہ، قیوم اسٹریٹ،شہاب پورہ اور مظفر پور میں سمارٹ لاک ڈاؤن کیا گیا ہے۔

راولپنڈی کے علاقے ڈھوکی کھابہ، گلستان کالونی، رینج روڈ ایریا، لین 4 پی آئی کالونی میں بھی سمارٹ لاک ڈاؤن لگادیا گیا۔

سیکرٹری پرائمری اینڈ سکینڈری ہیلتھ کیئر کیپٹن (ر) محمد عثمان کے مطابق اسمارٹ لاک ڈاؤن ایریا میں بنیادی اشیاء ضروریہ بدستور میسر رہیں گی، اسمارٹ لاک ڈاؤن کا مقصد زیادہ کیسز والے علاقوں سے لوگوں کی آمدورفت کو محدود کرنا ہے، زیادہ متاثر ہونے والوں علاقوں میں اسمارٹ لاک ڈاؤن سے ہی کورونا سے زیادہ لوگوں کو متاثر ہونے کے خطرے سے بچا یا جا سکتا ہے۔