Author: حسن حفیظ

لاہور : تعلیمی اداروں میں گرمیوں کی چھٹی کے حوالے سے طلبا کے لیے بڑی خبر آگئی ، اب چھٹیاں یکم جون کے بجائے کب ہوں گی، تاریخ کا اعلان کردیا ہے۔

تفصیلات کے مطابق ہیٹ ویو کے پیش نظر تعلیمی اداروں میں چھٹیاں دینے کا معاملے پر اہم پیش رفت سامنے آئی، گرمیوں کی چھٹیوں کی تاریخ ایک بار پھر تبدیل کردی گئی ہے۔

شدید گرمی کےباعث اسکول سات روز کیلئے بند کرنے کااعلان کردیاگیا اور نجی اور سرکاری اسکول پچیس سے اکتیس مئی تک بند کرنے کا نوٹیفکیشن جاری بھی کردیا ہے۔

صوبائی وزیرتعلیم کےمطابق یہ فیصلہ ہیٹ ویو کے خدشے کے باعث کیا گیا ہے تاہم جن اسکولوں میں امتحان ہورہے ہیں انہیں کھولنے کی مشروط اجازت ہوگی۔

محکمہ اسکول ایجوکیشن پنجاب نے نوٹیفیکشن جاری کردیا ، وزیر تعلیم پنجاب رانا سکندر حیات نے بتایا کہ گرمیوں کی چھٹیاں یکم جون کے بجائے 22 مئی سے دینے کا فیصلہ کیا ہے ، اس حوالے سے نجی اسکولز کی بڑی تعداد نے رابطہ کیا اور نجی اسکولز میں امتحانات کے پیش نظر رواں ہفتے کھولنے کی اجازت دی گئی۔

رانا سکندر حیات کا کہنا تھا کہ آئندہ ہفتے گرمی کی شدت زیادہ ہے، جس کے پیش نظر محکمہ تعلیم نے پی ڈی ایم اے سے مشاورت کی، مشاورت کے بعد چھٹیوں کی تاریخ 22 سے 25 مئی کی گئی، چھٹیوں سے متعلق نیا نوٹیفکیشن آج یا کل تک جاری کر دیا جائے گا۔

لاہور : تعلیمی اداروں میں گرمیوں کی چھٹیوں کا اعلان کرتے ہوئے اسکول کے اوقات کار تبدیل کردیے گئے۔

تفصیلات کے مطابق تعلیمی اداروں میں گرمیوں کی چھٹیوں کے حوالے سے بڑی خبر آگئی۔

اسکولز ایجوکیشن پنجاب نے ہیٹ ویو کے پیش نظر گرمیوں کی چھٹیوں کا اعلان کردیا، اس حوالے سے جاری نوٹیفیکیشن میں کہا گیا کہ یکم جون سے چودہ اگست تک گرمیوں کی چھٹیاں ہوں گی۔

محکمہ اسکولز ایجوکیشن نے یکم جون تک اسکول کے اوقات کار تبدیل کردیے اور اسکولوں کے نئے اوقات کار کا نوٹیفیکیشن بھی جاری کردیا گیا۔

نوٹیفیکیشن کے مطابق تعلیمی ادارے صبح سات بجے سے ساڑھے گیارہ بجے تک کھلیں گے، جمعہ کے روز صبح سات بجے سے ساڑھے دس بجے تک اسکول کھلیں گے۔

لاہور: پنجاب حکومت نے مہنگائی کی ماری عوام کو ریلیف دینے کے لیے اہم منصوبہ تیار کرلیا ہے۔

تفصیلات کے مطابق پنجاب حکومت نے گھر گھر مفت دوائیں پہنچانے کا منصوبہ تیار کرلیا ہے لیکن نجی کورئیر کمپنی نے دیہاتوں میں مقیم مریضوں تک ادویات پہنچانے سے معذرت کرلی۔

ذرائع نے بتایا کہ نجی کورئیر کے ذریعے مفت دواؤں کی فراہمی بڑے شہروں تک ہوگی، پنجاب حکومت نے نجی کورئیر کمپنی سے ادویات پہنچانے کی خدمات لی ہیں تاہم کورئیر کمپنی کے شہروں تک محدود ہونے پرمنصوبے میں تبدیلی کی گئی ہے۔

دوسری جانب وزیر صحت پنجاب خواجہ سلمان رفیق نے کہا ہے کہ امراض قلب، ٹی بی، ہیپاٹائٹس کے مریضوں کو دوائیں گھروں تک پہنچانے کا فیصلہ کیا گیا۔

وزیر صحت پنجاب نے بتایا کہ منصوبے کو دو فیز میں تقسیم کرنے کا پلان ہے، پہلے فیز میں دوائیں شہروں کے مریضوں تک مفت پہنچیں گی جبکہ دوسرے فیز میں دوائیں دیہاتوں کے مریضوں تک پہنچائیں گے،۔

وزیر صحت پنجاب خواجہ سلمان رفیق نے مزید کہا کہ نجی کورئیر کمپنی سے معاہدہ پیپرا رولز کے مطابق کررہے ہیں۔

سروسز اسپتال میں مالی سال 2022 سے 2024 تک مبینہ طور پر کروڑوں روپے کی بے ضابطگیوں کا انکشاف ہوا ہے۔

تفصیلات کے مطابق لاہور کی سروسز اسپتال میں کروڑوں کے نقصان کا انکشاف ہوا ہے جس کے لیے وزیر صحت نے انکوائری کمیٹی تشکیل دیدی ہے۔

وزیر صحت سلمان رفیق نے بتایا کہ کمیٹی سروسز اسپتال میں 2 سال کا آڈٹ کرے گی، کمیٹی 7 روز کے اندر اپنی سفارشات محکمہ صحت کو پیش کرے گی۔

رپورٹ کے مطابق سابق ایم ایس ڈاکٹر منیر نے سرجیکل گلووز عام مارکیٹ سے ڈبل قیمت پر خریدے، ہول سیل مارکیٹ میں اینسل کمپنی کا ایک گلووز 174 روپے کا مل رہا ہے جبکہ عام مارکیٹ سے اسی کمپنی کا ایک گلووز 190 روپے کا مل رہا ہے لیکن سروسز اسپتال  انتظامیہ نے ایک سرجیکل گلووز 330 روپے میں خریدا ہے۔

رپورٹ کے مطابق سپتال انتظامیہ نے بلک میں 8 کروڑ 31 لاکھ 60 ہزار کے گلووز خریدے اور من پسند کمپنی سے کک بیک کی خاطر فوری 5 کروڑ 13 لاکھ 69 ہزار کی ادائیگی بھی کردی۔

رپورٹ کے مطابق مہنگے داموں میں گلووز خریدنے سے قومی خزانے کو 3 سے 4  کڑور کا نقصان ہوا جبکہ ری ویمپنگ میں آپریشن تھیٹر بند ہونے کے باوجود بلا جواز گلووز خریدے گئے۔