Author: حنا دیدار

  • دلیپ کمار نے کون سا پاکستانی ڈرامہ دیکھا تھا؟

    دلیپ کمار نے کون سا پاکستانی ڈرامہ دیکھا تھا؟

    کراچی: فلمی دنیا کے عظیم  اداکار کی موت نے دنیا بھر کے لوگوں کو سوگ میں مبتلا کردیا ہے اور ہر شخص دلیپ کمار کو اپنے انداز سے خراج تحسین پیش کررہا ہے۔

    آج صبح جب دلیپ کمار کے انتقال کی خبر سامنے آئی تو پہلے کسی کو یقین نہ آیا مگر پھر جب تصدیق ہوئی تو سب نے افسردگی کا اظہار کرتے ہوئے بالی ووڈ کے لیجنڈری اداکار کو شاندار انداز سے خراج تحسین پیش کیا۔

    سینئیر اداکار جاوید شیخ، غلام محی الدین اور فیصل قریشی کا لیجنڈ اداکار دلیپ کمار کی وفات پر ویڈیو پیغامات جاری کیے۔

    جاوید شیخ اور غلام محی الدین نے دلیپ کمار کے ساتھ گزاری حسین یادوں کا تذکرہ کیا جبکہ فیصل قریشی نے اُن کو شاندار الفاظ میں خراجِ تحسین پیش کرتے ہوئے مداحوں سے دعائے مغفرت کی اپیل کی۔

    جاوید شیخ کا کہنا تھا کہ ’دلیپ کمار صاحب ایک ہی تھے اور ایک ہی رہیں گے، اُن کے جانے سے پیدا ہونے والا خلا کوئی پُر نہیں کرسکے گا، اللہ تعالیٰ انہیں جوارِ رحمت میں جگہ دے‘۔

    جاوید شیخ نے دلیپ کمار کے ساتھ اپنی یادگار ملاقات کے حوالے سے بتایا کہ ’میرا اُن سے تھوڑی بہت ہی تعلق رہا، سنہ 1981 میں میری بھارت کے شہر ممبئی میں اُن سے پہلی ملاقات ہوئی،  چالیس سال قبل جب میں اداکار بھی نہیں بنا تھا تب بھی وہ میرے ساتھ محبت سے پیش آئے، وہ بہت محبت کرنے والے انسان تھے‘۔

    ’پھر وہ 1986 میں مجھے لندن میں ملے، وہاں فلم شوٹنگ کے دوران کسی نے اپنے گھر پر دعوت میں مدعو کیا تھا، جب وہاں میرا تعارف کرایا گیا تو دلیپ صاحب نے مجھے گلے لگا کر کہا کہ اس اداکار کو تو میں جانتا ہوں، جس پر میں ششدر رہا گیا تھا‘۔

    جاوید شیخ نے بتایا کہ ’وہاں سائرہ بانو بیٹھی ہوئی تھیں جنہوں نے بتایا کہ ہم نے تمھارے مکمل ڈرامے ان کہی کی کیسٹ منگوائی اور پھر ایک رات میں ہی دیکھیں، انہوں نے تمام لوگوں کی اداکاری اور کام کو بہت زیادہ پسند بھی کیا، پھر دلیپ صاحب سرکاری دعوت پر پاکستان آئے تو اسلام آباد میں اُن سے ملاقات ہوئی‘۔

    فیصل قریشی ’آج صبح دلیپ کمار کے حوالے سے خبر سُن کر بہت تکلیف ہوئی کیونکہ اُن کا  جنوبی ایشیا میں اداکاری کے میدان میں بہت بڑا نام تھا، شاید ہی کوئی شخص ایسا ہو جو دلیپ کمار کو نہ جانتا ہو، وہ آج ہمارے درمیان میں نہیں، جتنا ممکن ہو اُن کے لیے دعا کریں‘۔

    غلام محی الدین ’مجھے صبح خبروں کے ذریعے دلیپ کمار کے انتقال کی خبر ملی، میری بھی وہی کیفیت تھی جو اُن کے دنیا بھر میں موجود لاکھوں کروڑوں مداحوں کی تھی، اُن کا دنیا سے چلے جانا ہمارے لیے تکلیف دہ ہے‘۔

    ’دلیپ کمار اپنی مثال آپ فنکار تھے، اُن کا جنوبی ایشیا کے فنکاروں میں کسی سے موازنہ کیا ہی نہیں جاسکتا کیونکہ انہوں نے جتنی کوالٹی فلمیں کیں یہ اعزاز کسی اور آرٹسٹ کے پاس نہیں ہے، فلم انڈسٹری کے پروڈیوسر اور ڈائریکٹرز کو اس بات کا اچھے سے علم تھا کہ مشکل اور مختلف کردار صرف دلیپ صاحب ہی ادا کرسکتے ہیں‘۔

    علاوہ ازیں پاکستانی اداکاروں ریما، علی ظفر ، عدنان صدیقی، اعجاز اسلم سمیت دیگر نے دلیپ کمار کی موت پر افسوس کا اظہار کیا ہے۔

  • کراچی کی مویشی منڈی میں خوبصورت بیلوں کی جوڑی مرکز نگاہ بن گئی

    کراچی کی مویشی منڈی میں خوبصورت بیلوں کی جوڑی مرکز نگاہ بن گئی

    عید قرباں کی آمد آمد ہے اور ملک بھر میں قربانی کے جانوروں کی فروخت کا سلسلہ شروع ہوچکا ہے، ایسے میں بیلوں کی ایک جوڑی نے خریداروں کو حیران کر رکھا ہے۔

    تفصیلات کے مطابق کراچی کی سپر ہائی وے پر قائم مویشی منڈی میں یوں تو 1 لاکھ کے قریب جانور موجود ہیں لیکن ان میں دو بیلوں کی جوڑی سب کی توجہ کا مرکز بنی ہوئی ہے۔

    پنجاب کے شہر رحیم یار خان سے لائے گئے بیل شیزی اور شہزادی کا وزن بالترتیب 10 اور ساڑھے 9 من ہے۔

    مالکان کا کہنا ہے کہ انہوں نے ان بیلوں کا خاص خیال رکھا ہے اور سارا سال انہیں گھی، بادام اور مکھن کھلاتے رہے ہیں۔

    ان بیلوں کی قیمت 11 لاکھ رکھی گئی ہے جس نے شہریوں کو پریشان بھی کیا ہے تاہم شاندار بیل خریداروں کی توجہ کا مرکز ہیں۔

  • موڈرنا ویکسین سندھ میں کہاں اور کن کو لگائی جارہی ہے؟

    موڈرنا ویکسین سندھ میں کہاں اور کن کو لگائی جارہی ہے؟

    محکمہ صحت سندھ کو امریکن ویکسین موڈرنا کے ڈوز موصول ہو گئی، موڈرنا ویکسین کراچی ‏ایکسپو سینٹر اور خالق دینا ہال پہنچا دی گئی ہے۔ ‏

    اندرون سندھ میں صرف جامشورو میں موڈرنا ویکسین دستیاب ہے۔ امریکن ویکسین موڈرنا دو ڈوز ‏پر مشتمل ہے اور 28 روز بعد دوسرا ڈوز لگایا جائے گا۔

    موڈرنا صرف بیرون ممالک سفر کرنے والے افراد کو لگائی جائے گی، ویکسین کے لیے شہری ‏پاسپورٹ، ویزا و دیگر کوائف ہمراہ دکھا کلر ویکسین کروا سکیں گے۔ ‏

    سندھ میں اس وقت چینی ویکسین سائنو فارم، سائنو ویک لگائی جارہی ہے جب کہ سنگل ڈوز ‏ویکسین کین سائنو بھی چند سینٹرز پر دستیاب ہے امریکن ویکسین ایسٹرا زینیکا بھی چند سینٹرز پر ‏دستیاب ہے۔ فائزر صرف ڈاؤ میں کینسر، جگر و دل کے عارضے میں مبتلا افراد کو لگائی جارہی ‏تھی۔

    محکمہ صحت سندھ کی جانب سے ماڈرنا کووڈ ویکسین خالق دینا ہال پہنچا دی گئی۔ ایم ایس ‏سروسز اسپتال ڈاکٹر فرحت عباس کا کہنا ہے کہ ماڈرنا ویکسین عوام کو لگانے کا عمل شروع کر دیا ‏گیا ہے، ماڈرنا ویکسین کینسر، زیابطیس، بلڈ پریشر میں مبتلا افراد کے لگائی جائے گی۔

    انہوں نے کہا کہ بیرون ملک جانے والے افراد کو ویزا دیکھنے کے بعد ماڈرنا ویکسین لگائی جائے ‏گی۔

  • معروف ڈرامہ نگار اسما نبیل خالقِ حقیقی سے جا ملیں

    معروف ڈرامہ نگار اسما نبیل خالقِ حقیقی سے جا ملیں

    کراچی: معروف ڈرامہ نگار اسما نبیل خالقِ حقیقی سے جا ملیں، انہیں کینسر کا مرض لاحق تھا، ان کی نمازجنازہ جامعہ مسجد کلفٹن میں اداکی جائے گی۔

    تفصیلات کے مطابق معروف اسکرین رائٹر، شاعرہ اور پروڈیوسراسمانبیل انتقال کرگئیں ، وہ کینسر کے مرض میں مبتلا تھیں، ان کی ان کی نمازجنازہ جامعہ مسجد کلفٹن میں اداکی جائے گی۔

    اسما نبیل نے کئی مقبول ڈرامے لکھے، انھوں نے شوبز میں ڈرامہ نگاری کے علاوہ پروڈکشن کے شعبے میں بھی قسمت آزمائی جبکہ انہیں شاعری سے بھی شغف تھا ، ان کے مشہور ڈراموں میں خدا میرا بھی ہے، خانی، باندی اور دیگر شامل ہیں۔ ش

    وبز شخصیات نے اسما نبیل کی موت کو شوبز انڈسٹری کیلئے ناقابل تلافی نقصان قرار دیا ہے، اداکار واسع چوہدری، فہد مصطفی، اعجاز اسلم سمیت دیگر افراد نے افسوس کا اظہار کیا ہے۔

    یاد رہے گذشتہ روز معروف اداکار انور اقبال طویل علالت کے بعد کراچی میں انتقال کرگئے تھے ، وہ گردوں کی تکلیف میں ایک عرصے سے مبتلا تھے۔

    چند دن قبل سوشل میڈیا پر اداکار انور اقبال کی ایک تصویر وائرل ہوئی تھی جس میں وہ اسپتال کے بستر پر موجود ہیں، اس تصویر پر انھوں نے سخت برہمی کا اظہار کیا تھا کہ ان کی اجازت کے بغیر ان کی تصویر لی گئی۔

  • پی پی رکن اسمبلی سے شادی کا دعویٰ کرنے والی  حریم شاہ نے نئی ویڈیو جاری کردی

    پی پی رکن اسمبلی سے شادی کا دعویٰ کرنے والی حریم شاہ نے نئی ویڈیو جاری کردی

    کراچی : ٹک ٹاک اسٹار حریم شاہ نے حسن شاہ کے ساتھ وائرل ہونے والی ویڈیو اور تصاویر پر خاموشی توڑ دی اور کہا میراکسی سےکوئی تعلق نہیں، جو ہے اس کا اقرار کر چکی ہوں۔

    تفصیلات کے مطابق ٹک ٹاک اسٹار حریم شاہ نے نئی ویڈیو جاری کردی، جس میں انھوں نے حسن شاہ کے ساتھ وائرل ہونے والی ویڈیو اور تصاویر کے حوالے سے وضاحت کرتے ہوئے کہا ہے کہ ویڈیو میں کہا کہ کسی سے نام نہ جوڑا جائے، میرا کسی سے کوئی تعلق نہیں، ہوتا تو اقرار بھی کرتی ، جس سے تعلق ہے اسکا اقرار کرچکی ہوں۔

    ان کا کہنا تھا کہ میرے سوشل میڈیا سے اگر کسی کے ساتھ ویڈیو اپلوڈ دیکھی ہے تو مقصد اسے پروموٹ کرنا تھا۔

    یاد رہے حریم شاہ نےعروسی لباس میں اپنی تصاویر شیئر کرتے ہوئے پی پی رکن سندھ اسمبلی سے شادی کا دعویٰ کیا تھا ، جس کے بعد ایک تصویر شیئرکی جس میں مردانہ ہاتھ کے اوپر زنانہ ہاتھ تھا۔

    حریم شاہ کی ہاتھ والی تصویر کے بعد ہر پی پی رہنما دوسرے سے پوچھ رہا کہیں یہ اس کا ہاتھ تو نہیں لیکن مرتضٰی وہاب اور سعیدغنی نے کہاتھا کہ ان کے ہاتھ صاف ہیں۔

    خیال رہے تاجر حسن اقبال نے دعویٰ کیا تھا کہ حریم شاہ نے جس ہاتھ پر اپنا ہاتھ رکھنے کا دعویٰ کیا وہ ان کا ہے۔

  • موسمیاتی تبدیلی : امریکہ میں لاکھوں چارجنگ اسٹیشنز قائم کرنے کا فیصلہ

    موسمیاتی تبدیلی : امریکہ میں لاکھوں چارجنگ اسٹیشنز قائم کرنے کا فیصلہ

    نیو یارک : دنیا میں پیدا ہونے والی نئی موسمیاتی تبدیلیوں سے نمٹنے کے لئے امریکہ میں 5لاکھ الیکٹرک گاڑیوں کے چارجنگ اسٹیشنز قائم کرنے کا فیصلہ کیا گیا ہے۔

    اس حوالے سے فارین پریس سینٹر کی جانب سے منعقدہ کلائمیٹ چینج 2021ورچول رپورٹنگ ٹور میں شریک یو ایس اسٹیٹ ڈیپارٹمنٹ کے اسپیشل پریڈینشئیل اینوائے برائے موسمیاتی تبدیلی کے سینئیر ایڈوائیزر جونیتھن پرشنگ نے کہا کہ صدر جوبائیڈن نے امریکہ میں پانچ لاکھ چارنجنگ اسٹیشن بنانے کا منصوبہ بنایا ہے۔

    انہو ں نے کہا اس منصوبہ سے شہریوں میں الیکٹرک گاڑی کی بیٹری ختم ہونے کی پریشانی دور ہوجائے گی۔ جبکہ ساتھ ساتھ صارفین اور مینوفیکچررز کے لئے مراعات دینے پر بھی غور کیا جارہا تاکہ گاڑیاں زیادہ سے زیادہ بنیں اور خریدی جاسکیں۔

    ورچول ٹور میں ملکی غیر ملکی صحافیوں سے مخاطب ہوتے ہوئے جونیتھن پرشنگ نے کہا کہ امریکہ کا ٹرانسپورٹ سیکٹر گرین ہاؤس گیس ایمیشنز کی سب سے بڑی وجہ ہے۔

    سینئیر ایڈوائیزر نے یو ایس کے انٹرنیشنل کلائمیٹ پالیسی کے حوالے سے بریفنگ دیتے ہوئے کہا کہ نہ صرف انرجی سیکٹر بلکہ زمین کا استعمال، جنگلات اور صنعتی سرگرمیوں سے ایمیشنز کو بھی کم کرنے کی ضرورت ہے۔

    صنعت کاری سے جہاں ہمیں خاصہ فائدہ ہوا ہے وہیں یہ کچھ نقصانات کا بھی باعث بنا جو ہمیں دنیا کا تیزی سے اضافہ ہوتا درجہ حرارت وجہ سے جنگلات میں آتشزدگی، سیلاب، بڑھتی گرمی اور دیگر موسمی مسائل کی صورت میں متاثر کر رہیں۔

  • وادی ہنزہ کی خوبصورتی ، ثقافت اور اقدار خطرے میں

    وادی ہنزہ کی خوبصورتی ، ثقافت اور اقدار خطرے میں

    گلگت: قدرت کے حسین نظاروں سے سجی جنت نظیر وادی ہنزہ کی خوبصورتی ، ثقافت اور اقدار خطرے میں پڑ گیا ہے۔

    کرونا کیسز میں کمی آنے کے بعد این سی او سی کی جانب سے شمالی علاقہ جات میں سیاحت کو ایس او پیز کے تحت کھولا جاچکا ہے، جس کے باعث ہزاروں کی تعداد میں سیاح پاکستان کی جنت نظیر وادیوں کا رخ کررہے ہیں۔

    تاہم کچھ ناخوشگوار واقعات نے لوگوں کو افسردہ کردیا ہے جس پر لوگ سوشل میڈیا پلیٹ فارم کے زریعے اس پر ناگواری کا اظہار کررہے ہیں، اسی طرح کا ایک واقعہ ہنزہ میں پیش آیا ہے، جہاں میوزک فیسٹیول میں منشیات کا استعمال اور بے ہودگی پھیلانے کا انکشاف ہوا ہے۔

    ہنزہ میں ہونے والے میوزک فیسٹیول پر مقامی لوگوں نے اظہار برہمی کیا اور اسے وادی ہنزہ کی ثقافت کی توہین قرار دیا۔مقامی افراد کہتے ہیں کہ مقامی سیاحوں کو ہنزہ کے لوگوں نے ہمیشہ خوش آمدید کہا ہے، ہمارا شکوہ یہ ہے کہ مقامی سیاح ہنزہ میں سیر و تفریح کے بعد علاقے کو آلودہ کرتے ہیں، جس کے باعث علاقے میں جگہ جگہ کچرے کے ڈھیر بننے لگے ہیں، یہی نہیں کچھ ایسی نامناسب سرگرمیوں بھی ہوئی، جس کے باعث مقامی لوگوں کے احساسات مجروح ہوئے۔

    مقامی افراد کا شکوہ ہے کہ ایک جانب مقامی لوگ ہنزہ میں سیاحت کے فروغ کے لئے کوشاں ہیں، تو دوسری جانب ہمارے اپنے ملک کے لوگ اسے نقصان پہنچارہے ہیں۔

    کنیڈین وی لاگر روزی گیبریل نے بھی اس مسئلہ کی نشاندہی سوشل میڈیا کے پلیٹ فارم پر کی، جس کے بعد سوشل میڈیا میں یہ مسئلہ زیر بحث ہے۔

  • سیاحتی مقامات پر کچرے سے آلودگی ، روزی گیبریل  سیاحوں کے رویے سے سخت نالاں

    سیاحتی مقامات پر کچرے سے آلودگی ، روزی گیبریل سیاحوں کے رویے سے سخت نالاں

    کینیڈین ولاگر روزی گیبریل پاکستان کے سیاحتی مقامات کو کچرے سے آلودہ کرنے کے خلاف میدان میں آگئی اور کہا شمالی علاقہ جات کی طرف جانے والے لوگ بہت زیادہ کچرا پھیلارہے ہیں۔

    تفصیلات کے مطابق گلگت بلتستان میں واقع وادی ہنزہ جو اپنی خوبصورتی کے باعث سیاحوں کی توجہ کا مرکز بنی ہوئی ہے وہیں وادی ہنزہ میں آلودگی کے مسائل کا سامنا بھی ہے۔

    روزی گیبریل نے سماجی رابطے کی ویب سائٹ انسٹاگرام پر وادی ہنزہ میں سیاحوں کی جانب سے آلودگی پھیلانے کی تصاویر اور مقامی افراد کے ساتھ گفتگو کے اسکرین شاٹس شیئر کیے اور اس بات پر روشنی ڈالی کہ کس طرح پاکستان کے شمالی علاقوں میں آنے والے لوگ بہت زیادہ کوڑے دان چھوڑ کر آلودگی میں اضافے میں حصہ ڈال رہے ہیں۔

    انھوں نے اس پوسٹ کو ‘نارتھ کو صاف رکھیں’ کا نام دیا اور کہا "آپ اپنے ملک کو تباہ کریں گے۔ پاکستان کو سیاحت کے عروج کے ساتھ ہی ایک بڑھتی ہوئی پریشانی کا سامنا ہے، جسے فوری طور پر حل کرنے کی ضرورت ہے۔

     

    View this post on Instagram

     

    A post shared by Rosie Gabrielle (@rosiegabrielle)

    روزی گیبریل نے لکھا کہ جہاں کورونا کے باعث بین الاقوامی سفر کے مواقع محدود ہوئے، وہیں لوگ شمالی علاقہ جات کی طرف جانے پر مجبور ہوئے ہیں لیکن یہ لوگ بہت زیادہ کچرا پھیلارہے ہیں اور اپنے ساتھ ‘برے رویے، منشیات، فحاشی، ڈانس پارٹیز لارہے ہیں’۔

    کینیڈین ولاگر نے پاکستان کے شمالی علاقوں کے سفر سے متعلق اپنا تجربہ شیئر کرتے ہوئے کہا کہ وہ مقامی سیاحوں سے پریشان ہوئی تھیں اور انہیں دیگر مقام تلاش کرنے پڑے تھے۔

    ان کا کہنا تھا ک مقامی افراد کو سیاحوں کا استقبال کرنا اچھا لگتا ہے ،وہ لوگ میوزیکل ایونٹس اور ورکشاپس کا خیرمقدم کرتے ہیں، لیکن اب جو ہورہا ہے اسے ثقافت کے لیے خطرہ سمجھا جارہا ہے۔

    خیال رہے کہ ہیوی بائیک پردنیا گھومنے کا عزم رکھنے والی کینیڈین بلاگر تین سال قبل پاکستان آئیں تھیں، وہ یہاں آکر پاکستانی ثقافت اور لوگوں کی محبت میں اس قدر گرفتار ہوئیں کہ انہوں نے 2019 میں اسلام قبول کرنے کا اعلان کیا اور پھر مملکتِ خداد میں ہی رہائش اختیار کرلی تھی

  • کراچی والے ہوشیار ہوجائیں !   گرج چمک کے ساتھ بارش کی پیشگوئی

    کراچی والے ہوشیار ہوجائیں ! گرج چمک کے ساتھ بارش کی پیشگوئی

    کراچی : محکمہ موسمیات نے مون سون کے پہلے اسپیل کے حوالے سے کہا ہے کہ ۔کراچی میں 18 اور 19جون کو گرج چمک کے ساتھ درمیانہ درجہ کی بارش کا امکان ہے

    تفصیلات کے مطابق محکمہ موسمیات نے سندھ بھر میں مون سون کےپہلے اسپیل سے متعلق پریس ریلیز جاری کردی ہے ، جس میں بتایا گیا ہے کہ سندھ کے اضلاع سکھر ، لاڑکانہ ، شکارپور ، جیکب آباد اور گھوٹکی میں 16-17جون کو گرج چمک کے ساتھ بارشوں کو امکان ہے۔

    محکمہ موسمیات کا کہنا ہے کہ 17 سے 19 جون کو سندھ کے تمام اضلاع میں گرج چمک کے ساتھ درمیانہ سے تیز بارش اور کراچی میں 18 اور 19جون کو گرج چمک کے ساتھ درمیانہ درجہ کی بارشیں متوقع ہیں۔

    اس سے قبل محکمہ موسمیات نے جون کے آخری ہفتہ سے مون سون بارشوں کی پیشگوئی کرتے ہوئے کہا تھا کہ مون سون کاپہلااسپیل 27جون سے 30جون تک متوقع ہے اور رواں سال بھی معمول سےزیادہ بارشوں کاامکان ہے۔

    محکمہ موسمیات کے مطابق مون سون کاسیزن جولائی سےستمبر3ماہ پرمشتمل ہوتاہے، اس دوران جنوبی وشمالی پنجاب اورسندھ میں معمول سے زائد بارشیں ہوں گی، جس کے باعث پنجاب، سندھ ،کےپی میں اربن فلڈنگ کے خدشات ہیں۔

  • پشاور چڑیا گھر کے بعد کراچی چڑیا گھر میں بھی فیلو ہرن کے 9 بچوں کی پیدائش (ویڈیوز)

    پشاور چڑیا گھر کے بعد کراچی چڑیا گھر میں بھی فیلو ہرن کے 9 بچوں کی پیدائش (ویڈیوز)

    کراچی: گزشتہ ایک ماہ کے دوران پشاور چڑیا گھر میں ہرن کے 8 بچوں کی پیدائش کے بعد کراچی چڑیا گھر میں بھی فیلو ہرن کے 9 بچوں کی پیدائش ہوئی ہے۔

    کراچی چڑیا گھر میں موجود سفید ہرن، جس کے ہاں ایک بچے کی پیدائش ہوئی ہے

    اے آر وائی نیوز کے مطابق کراچی چڑیا گھر میں فیلو ڈیئر کے ہاں 9 بچوں کی پیدائش ہوئی ہے، براؤن اور سفید ڈیئر سے بھی ایک ایک بچے کی پیدائش ہوئی ہے، نئے مہمانوں کی آمد سے چڑیا گھر میں رونق اور بڑھ گئی ہے۔

    رواں ماہ کے آغاز میں پشاور چڑیا گھر میں کالا ہرن اور فیلو ہرن نے بچوں کو جنم دیا تھا، چڑیا گھر انتظامیہ کا کہنا تھا کہ کالے ہرن (جس کو انگریزی میں بلیک بک کہا جاتا ہے) اور فیلو ہرن نے ایک ایک بچے کو جنم دیا۔

    کراچی زو میں براؤن ہرن کے ہاں بھی ایک بچے کی پیدائش ہوئی ہے

    صرف ایک مہینے میں پشاور چڑیا گھر میں مختلف نسلوں کی ہرنیوں کے ہاں 8 بچے پیدا ہوئے۔ چڑیا گھر کے ویٹرنری ڈاکٹر عبدالقادر نے بتایا تھا کہ کالے ہرن کا شمار قیمتی جانوروں میں ہوتا ہے اور پاکستان میں اس کی تعداد بہت کم ہے۔

    ڈاکٹر قادر کا کہنا تھا کہ کامیاب افزائش کی وجہ سے پشاور چڑیا گھر میں جانوروں کی تعداد میں اضافہ ہو رہا ہے۔

    ادھر، لاہور چڑیا گھر میں 18 مئی کو شیرنی کے بچوں کی پیدائش ہوئی تھی، انتظامیہ کا کہنا ہے کہ شیرنی نے اپنے بچوں کو تاحال دودھ نہیں پلایا، جس کے باعث ویٹرنری ڈاکٹرز کی زیر نگرانی تین بچوں کی نگہداشت کی جا رہی ہے، تاہم کمزور قوتِ مدافعت کے باعث ان بچوں کی صحت متاثر ہو رہی ہے۔

    انتظامیہ کے مطابق ویٹرنری ایکسپرٹ ڈاکٹر عاصم خالد کی معاونت سے شیر کے بچوں کا علاج جاری ہے، چڑیا گھر کے ڈائریکٹر کا کہنا ہے کہ ان بچوں کی نگہداشت کے لیے ویٹرنری عملہ 24 گھنٹے تعینات کیا گیا ہے۔

    انھوں نے کہا انسانوں کی طرح جنگلی جانور بھی بیمار ی کا شکار ہو سکتے ہیں، اس لیے ان کی بھرپور نگہداشت ضروری ہے۔