Author: جہانگیر اسلم

اسلام آباد : اسلام آباد ہائی کورٹ نے کل پی ٹی آئی رہنما فواد چوہدری کو عدالت میں پیش کرنے کا حکم دے دیا، جسٹس میاں گل حسن اورنگزیب نے احکامات جاری کیے۔

تفصیلات کے مطابق اسلام آباد ہائی کورٹ میں عدالتی حکم کے باوجود پی ٹی آئی رہنما فواد چوہدری کی گرفتاری کے خلاف درخواست پر سماعت ہوئی، جسٹس میاں گل حسن اورنگزیب نے سماعت کی۔

وکیل فیصل چوہدری نے بتایا کہ اس عدالت نے فواد چوہدری کو گرفتاری سے روکا تھا لیکن اس کے باوجود اسلام آباد پولیس نے فواد چوہدری کو گرفتار کر لیا ، سپریم کورٹ میں پولیس کو بتایا لیکن انہوں نے عدالتی حکم کو نہیں مانا۔

چیف جسٹس عامر فاروق کے حکم نامے کی کاپی عدالت کے سامنے پیش کی گئی، وکیل کا کہنا تھا کہ آئی جی اسلام آباد کورٹ میں تھے ان کی موجودگی میں یہ آرڈر ہوا تھا ، عدالت نے آئی جی کو حکم دیا تھا کہ وہ فواد چوہدری کو گرفتار نہیں کریں گے۔

اسلام آباد ہائی کورٹ نے کل پی ٹی آئی رہنما فواد چوہدری کو عدالت میں پیش کرنے کا حکم دے دیا، جسٹس میاں گل حسن اورنگزیب نے احکامات جاری کیے۔

آئی جی اسلام آباد اور ڈسٹرکٹ مجسٹریٹ کو کل کے لئے نوٹس جاری کرتے ہوئے کہا ڈسٹرکٹ مجسٹریٹ ریکارڈ کے ساتھ عدالت کے سامنے پیش ہو۔

اسلام آباد : پاکستان تحریک انصاف کی رہنما شیریں مزاری کی جیل سے پمز اسپتال منتقلی کے لئے اسلام آباد ہائیکورٹ میں درخواست دائر کردی گئی۔

تفصیلات کے مطابق ایم پی او کے تحت گرفتاری پی ٹی آئی رہنما شیریں مزاری جیل میں بیماری کا شکار ہے ، جس کے پیش نظر شیریں مزاری کی پمز منتقلی کے لئے اسلام آباد ہائی کورٹ میں درخواست دائر کردی گئی۔

ایمان مزاری ایڈوکیٹ نے اپنی والدہ کی طرف سے درخواست دائر کی ، جس میں درخواست گزار ایمان مزاری کی درخواست پر آج ہی سماعت کی استدعا کی ہے۔

درخواست میں کہا گیا ہے کہ شیریں مزاری کو ہائی بلڈ پریشر ، فوڈ پوائزننگ ، پاؤں پر سوجن ہے، وہ 72 سال کی ہیں اور اڈیالہ جیل میں ان کا علاج ممکن نہیں۔

درخواست میں استدعا کی گئی کہ عدالت شیریں مزاری کو علاج کے لئے پمز منتقلی کا حکم دے۔

یاد رہے 12 مئی کو اسلام آباد پولیس نے پاکستان تحریک انصاف (پی ٹی آئی) کی سینئر نائب صدر ڈاکٹر شیریں مزاری کے گھر پر چھاپہ مار کر انہیں بیٹی کے سامنے گرفتار کرلیا تھا۔

شیریں مزاری کی گرفتاری سے قبل ان کی بیٹی ایمان مزاری نے ایک ٹوئٹ میں بتایا تھا کہ شیریں مزاری گھر میں موجود ہیں، پولیس نے گھر کا محاصرہ کر رکھا ہے۔

شیریں مزاری کی بیٹی نے لکھا تھا کہ 50 پولیس افسران اور اہلکار گھر کا دروازی توڑ رہے ہیں۔

اسلام آباد : عدالت نے چیئرمین پی ٹی آئی عمران خان کے خلاف عدت میں نکاح کیس کی درخواست ناقابل سماعت قرار دے دی۔

تفصیلات کے مطابق اسلام آباد کی عدالت میں چیئرمین پی ٹی آئی عمران خان اور بشریٰ بی بی کے خلاف عدت میں نکاح کے کیس کی سماعت ہوئی۔

سول جج نصرمِن اللہ نے محفوظ شدہ فیصلہ سنا دیا، فیصلے میں عدالت نے عمران خان کے خلاف عدت میں نکاح کیس کی درخواست ناقابل سماعت قرار دے دی۔

عدالتی فیصلے میں کہا گیا کہ عدت میں نکاح کے کیس کی درخواست عدالت کے دائرہ اختیار سے باہر ہے۔

اس سے قبل سماعت میں وکیل درخواست گزار راجہ رضوان عباسی نے بتایا کہ عمران خان اوربشریٰ بی بی کے خلاف شکایت ہے، عدت کے دوران شادی قانونی نہیں ہے۔

وکیل راجہ رضوان عباسی کا کہنا تھا کہ جنوری 2018 میں بشریٰ بی بی عدت میں تھیں طلاق نومبر میں ہوئی، اگر شادی قانونی تھی تو دوبارہ شادی کیوں کی۔

جس پر جج نے کہا کہ شادی لاہور میں ہوئی اس عدالت کا دائرہ کار کیسے بنتا ہے تو وکیل کا کہنا تھا کہ اگر کسی کو گولیاں ایک جگہ،موت دوسری جگہ ہوتی ہے تو دونوں جگہ ٹرائل ہو سکتا ہے۔

راجہ رضوان عباسی نے بتایا کہ بنی گالہ سے شادی کیلئے گئے نکاح لاہور میں ہوا، عمران خان ،بشریٰ بی بی اسلام آباد کی حدود میں رہتے رہے، نکاح خواں کو بھی اسلام آباد سے نکاح کرانے کیلئے لے جایا گیا۔

وکیل نے مزید کہا کہ فروری 2018 میں نکاح دوبارہ اسلام آباد میں پڑھایا گیا، عدت پوری کرنے کے بعد ہی نکاح کیا جاسکتا ہے، عدت کا دورانیہ اس لئے ہوتا ہے کہ شاید خاتون کے اختلافات شوہر سے ختم ہو جائیں۔

راجہ رضوان عباسی کا کہنا تھا کہ طلاق حلال ہے لیکن ناپسندیدہ عمل ہے، عمران خان وزیراعظم بننے کیلئے بےتاب تھے اس لیے عدت میں نکاح کیا گیا۔

درخواست گزار کے وکیل نے کہا کہ نکاح کا عمل اسلام آباد سے شروع ہوا اس لئے معاملہ اس عدالت کے دائرہ اختیار میں آتا ہے، اس کیس کے حوالے سے مناسب شواہد بھی موجود ہیں۔

اسلام آباد : اسلام آباد کی عدالت میں عدت میں نکاح کے کیس میں درخواست گزار کے وکیل نے کہا کہ عمران خان وزیراعظم بننے کیلئے بےتاب تھے اس لیے عدت میں نکاح کیا گیا۔

تفصیلات کے مطابق اسلام آباد کی ڈسٹرکٹ اینڈ سیشن کورٹ میں چیئرمین پی ٹی آئی عمران خان اور بشریٰ بی بی کیخلاف عدت میں نکاح کےکیس کی سماعت ہوئی۔

سیشن کورٹ کےسینئر سول جج نصر من اللہ بلوچ نے کیس کی سماعت کی ، وکیل درخواست گزار راجہ رضوان عباسی نے بتایا کہ عمران خان اوربشریٰ بی بی کے خلاف شکایت ہے، عدت کے دوران شادی قانونی نہیں ہے۔

وکیل راجہ رضوان عباسی کا کہنا تھا کہ جنوری 2018 میں بشریٰ بی بی عدت میں تھیں طلاق نومبر میں ہوئی، اگر شادی قانونی تھی تو دوبارہ شادی کیوں کی۔

جس پر جج نے کہا کہ شادی لاہور میں ہوئی اس عدالت کا دائرہ کار کیسے بنتا ہے تو وکیل کا کہنا تھا کہ اگر کسی کو گولیاں ایک جگہ،موت دوسری جگہ ہوتی ہے تو دونوں جگہ ٹرائل ہو سکتا ہے۔

راجہ رضوان عباسی نے بتایا کہ بنی گالہ سے شادی کیلئے گئے نکاح لاہور میں ہوا، عمران خان ،بشریٰ بی بی اسلام آباد کی حدود میں رہتے رہے، نکاح خواں کو بھی اسلام آباد سے نکاح کرانے کیلئے لے جایا گیا۔

وکیل نے مزید کہا کہ فروری 2018 میں نکاح دوبارہ اسلام آباد میں پڑھایا گیا، عدت پوری کرنے کے بعد ہی نکاح کیا جاسکتا ہے، عدت کا دورانیہ اس لئے ہوتا ہے کہ شاید خاتون کے اختلافات شوہر سے ختم ہو جائیں۔

راجہ رضوان عباسی کا کہنا تھا کہ طلاق حلال ہے لیکن ناپسندیدہ عمل ہے، عمران خان وزیراعظم بننے کیلئے بےتاب تھے اس لیے عدت میں نکاح کیا گیا۔

درخواست گزار کے وکیل نے کہا کہ نکاح کا عمل اسلام آباد سے شروع ہوا اس لئے معاملہ اس عدالت کے دائرہ اختیار میں آتا ہے، اس کیس کے حوالے سے مناسب شواہد بھی موجود ہیں۔

عدالت نے عمران خان اور بشریٰ بی بی کے خلاف عدت میں نکاح کی درخواست کے قابل سماعت ہونے پر دلائل مکمل ہونےپرفیصلہ محفوظ کرلیا۔