اسلام آباد : اسلام آباد ہائی کورٹ نے القادرٹرسٹ کیس میں چیئرمین پی ٹی آئی عمران خان کوشامل تفتیش ہونے کی ہدایت کردی۔
تفصیلات کے مطابق اسلام آباد ہائی کورٹ نے القادر ٹرسٹ کیس میں چیئرمین پی ٹی آئی عمران خان کوملی عبوری ضمانت کاتحریری حکمنامہ جاری کردیا۔
جس میں کہا گیا ہے کہ عمران خان تفتیش میں رکاوٹ ڈالیں تونیب ضمانت منسوخی کی درخواست کرسکتاہے، تفتیشی کو جب بھی ضرورت ہوعمران خان ان کےسامنےپیش ہوں۔
حکمنامے میں کہا ہے کہ ایڈووکیٹ جنرل اورایڈیشنل اٹارنی جنرل نےکہاآرٹیکل245کانفاذہےعمران خان کوریلیف نہیں مل سکتا، ایڈووکیٹ جنرل اورایڈیشنل اٹارنی جنرل کایہ موقف جارحانہ ہے۔
عدالتی حکم میں مزید کہا ہے کہ اس موقف کامطلب وہ بنیادی حقوق غصب کرناہےجوجمہوری اوراسلامی ریاست کی بنیادہیں ، تصورنہیں کیاجاسکتاایک ذمہ دارحکومت شہریوں کیلئےانصاف کی رسائی میں یہ رکاوٹ ڈالےگی۔
اسلام آباد ہائی کورٹ نے آرٹیکل245 کے نفاذ میں عدالت تک رسائی کے نکتےپر اٹارنی جنرل کو نوٹس جاری کرتے ہوئے اٹارنی جنرل پاکستان سے اہم آئینی نکتے پر معاونت طلب کرلی۔
عدالت نے کہا کہ ایڈووکیٹ جنرل اورایڈیشنل اٹارنی جنرل نےمتعلقہ فورم احتساب عدالت ہونےکااعتراض بھی اٹھایا، عمران خان کوسپریم کورٹ احکامات پرہائیکورٹ پیش کیا گیا، ایڈوکیٹ جنرل اورایڈیشنل اٹارنی جنرل کااعتراض درست نہیں، ہائی کورٹ کوڈآف کرمنل پروسیجر کی سیکشن561اے کے تحت بھی کیس سننےکااختیاررکھتی ہے۔
