Author: جہانگیر اسلم

اسلام آباد : عدالت نے خاتون جج دھمکی کیس میں چیئرمین پی ٹی آئی عمران خان کے ناقابل ضمانت وارنٹ گرفتاری کل تک معطل کر دیئے۔

تفصیلات کے مطابق سیشن کورٹ میں خاتون جج دھمکی کیس میں پی ٹی آئی چیئرمین عمران خان کے ناقابل ضمانت وارنٹ کے فیصلے پر نظرثانی اپیل پر سماعت ہوئی۔

عمران خان کے وکلاعلی بخاری اور فیصل چوہدری عدالت میں پیش ہوئے ، وکیل فیصل چوہدری نے عدالت کو بتایا کہ اسلام آباد ہائیکورٹ میں عمران خان کی 7 ضمانت کی درخواستوں کو منظور کیا گیا ، ضمانت کی درخواستوں کو عمران خان سے سکیورٹی واپس لیئے جانے کے باعث منظور کیا گیا۔

وکیل کا کہنا تھا کہ عمران خان سے سابق وزیراعظم کی سکیورٹی بھی واپس لے لی گئی ، ہائیکورٹ نےبھی عمران خان سے سیکورٹی واپس لیئے جانےپر تفصیلات طلب کی ہیں۔

فیصل چوہدری نے مزید کہا کہ عمران خان کے ناقابل ضمانت وارنٹ کے فیصلے میں قانونی خامیاں ہیں ، ناقابل ضمانت وارنٹ گرفتاری معطل نہیں ہوتے تو لاہور جیسی صورتحال ہوگی۔

سیشن جج سکندر خان نے عمران خان کے وارنٹ گرفتاری کل تک معطل کر دیئے اور فریقین کو نوٹسز جاری کرتے ہوئے سماعت کل تک ملتوی کردی۔

یاد رہے گذشتہ روز ڈسٹرکٹ اینڈسیشن کورٹ نے خاتون جج کو دھمکی دینے کے کیس میں چیئرمین پی ٹی آئی عمران خان کے ناقابل ضمانت وارنٹ گرفتاری جاری کردیے تھے اورعمران خان کو 18 اپریل کو عدالت پیش کرنے کا حکم دیا تھا۔

اسلام آباد : سیشن عدالت نے توشہ خانہ کیس میں چیئرمین پی ٹی آئی عمران خان کی آج حاضری سے استثنیٰ کی درخواست منظور کرتے ہوئے کیس کی سماعت 29 اپریل تک ملتوی کردی۔

تفصیلات کے مطابق اسلام آباد کی ڈسٹرکٹ اینڈ سیشن کورٹس کے ایڈیشنل سیشن جج ظفر اقبال نے چیئرمین پی ٹی آئی عمران خان کے خلاف توشہ خانہ کیس کی سماعت کی۔

عمران خان کے وکلا نے چیئرمین پی ٹی آئی کی آج حاضری سے استثنیٰ کی درخواست دائر کرتے ہوئے مؤقف اختیار کیا کہ آج بھی اسلام آباد بار کی ہڑتال ہے اور 3 روز سے ہڑتال چل رہی ہے۔

جس پر وکیل امجد پرویز نے کہا کہ وکلا کی ہڑتال میں عمران خان تو شامل نہیں، اگروکیل ملزم ہڑتال پر ہوتے تو عمران خان کو کمرہ عدالت میں ہونا چاہیے تھا، ٹرائل کی اسٹیج پر ملزم کی کمرہ عدالت میں حاضری لازم ہوتی ہے، عمران خان کو آنا چاہیے اگر ان کے وکیل ہڑتال پر جانا چاہتے ہیں۔

اس موقع پر عمران خان کے وکیل خواجہ حارث نے کہا کہ عمران خان کی جان کو خطرہ ہے، حکومت نے عمران خان سے سکیورٹی واپس لے لی ہے، چیف جسٹس اسلام آباد ہائی کورٹ نے عمران خان کی سیکیورٹی واپس لینے کی رپورٹ طلب کی ہے۔

خواجہ حارث نے بتایا عمران خان سیکیورٹی خدشات کے باعث عدالت میں موجود نہیں ہیں، وہ ویڈیو لنک کے ذریعے بھی عدالت میں پیش ہوسکتے ہیں لہٰذا عمران خان کی حاضری سے استثنیٰ کی درخواست منظور کی جائے تاہم دیگر عدالتی کارروائی جاری رکھیں گے۔

وکلا کے دلائل پر جج نے استفسار کیا کہ مشترکہ مشاورت سے عدالتی سماعت سے متعلق بتا دیں، اس پر وکیل فیصل چوہدری نے کہا کہ رمضان کے بعد توشہ خانہ کی سماعت رکھ لیں، کیا جلدی ہے؟

عمران خان کے وکیل نے نے سماعت دو ہفتوں تک ملتوی کرنے کی تجویز دی جس پر عدالت نے مزید سماعت 29 اپریل تک ملتوی کرتے ہوئے عمران خان کی آج حاضری سے استثنیٰ کی درخواست منظور کرلی۔

اسلام آباد : چیئرمین پی ٹی آئی عمران خان کے خلاف مقدمات کی تفصیلات عدالت میں جمع کرادی گئیں ، جس میں بتایا کہ اسلام آباد میں عمران خان کیخلاف 29مقدمات درج ہیں۔

تفصیلات کے مطابق اسلام آباد میں چیئرمین پی ٹی آئی عمران خان کے خلاف مقدمات کی تفصیل فراہمی کی درخواست پرسماعت ہوئی۔

چیف جسٹس عامر فاروق نے عمران خان کی درخواست پر سماعت کی ، عمران خان کی جانب سےوکیل فیصل فریدچوہدری عدالت کےسامنےپیش ہوئے۔

اسلام آباد میں عمران خان کے خلاف درج مقدمات کی تفصیلات عدالت میں جمع کرادی گئی ، جس میں بتایا گیا کہ اسلام آباد میں عمران خان کیخلاف 29مقدمات درج ہے۔

اسٹیٹ کونسل نے بتایا کہ اسلام آبادپولیس نے عمران خان کے خلاف 28 مقدمات درج کر رکھے ہیں اور ایف آئی اے میں عمران خان کے خلاف ایک مقدمہ درج ہے۔

رپورٹ میں کہا گیا ہے کہ ترنول پولیس اسٹیشن میں درج مقدمات کو ختم کر دیا گیا ہے جبکہ عمران‌ خان کا دیگر مقدمات میں ٹرائل عدالتوں میں زیر التوا ہے۔

اسلام آباد : چیئرمین پی ٹی آئی عمران خان نے اسلام آباد ہائی کورٹ میں ضمانت قبل ازگرفتاری کیلئے 7 مختلف درخواستیں دائر کردیں۔

تفصیلات کے مطابق چیئرمین پی ٹی آئی عمران خان نے ضمانت قبل ازگرفتاری کیلئے 7 مختلف درخواستیں دائر کردیں۔

عمران خان کچھ دیرمیں بائیومیٹرک اورسماعت کیلئےاسلام آبادہائیکورٹ پیش ہوں گے ، درخواست میں پولیس اور وفاق کو فریق بنایا گیا ہے۔

درخواست میں مؤقف اختیار کیا گیا کہ سیاسی انتقام کانشانہ بناتےہوئےمقدمات درج کئے گئے ، عدالت فریقین کودرخواست گزار کی گرفتاری سے روکے۔

غیرمعمولی حالات کی روشنی میں سنگین خطرات کو مدنظررکھاجائے اور عدالت میری درج مقدمات میں ضمانت قبل ازگرفتاری منظور کرے۔

دوسری جانب اسلام آباد ہائی کورٹ نے عمران خان کی 7عبوری ضمانت کی درخواستوں پر 2، 2 اعتراضات عائد کردیئے ، اسلام آباد ہائی کورٹ کے رجسٹرار آفس نے 2،2 اعتراضات عائد کئے۔

رجسٹرارآفس نے اعتراض اٹھایا کہ عمران خان نےبائیو میٹرک نہیں کرایا اور ٹرائل کورٹ سے پہلے ہائیکورٹ میں کیسے درخواست دائر ہوسکتی ہے۔

اسلام آباد : ممنوعہ فنڈنگ کیس میں چیئرمین پی‌ ٹی آئی عمران خان کی ضمانت کا فیصلہ اسلام آباد ہائی کورٹ میں چیلنج کردیا گیا۔

‌تفصیلات کے مطابق ایف آئی اے نے فارن ایکسچینج ایکٹ کے تحت درج مقدمے میں سابق وزیراعظم عمران خان کیخلاف ضمانت منسوخی کے لئے اسلام آباد ہائیکورٹ میں درخواست دائر کردی۔

ایف آئی اے نے اسپیشل پراسیکیوٹررضوان عباسی کے ذریعے بینکنگ کورٹ کے 28 فروری کے فیصلے کو چیلنج کیا ہے۔

ایف آئی اے کی عمران خان کی ضمانت منسوخی کی اپیل آج ہی سماعت کے لیے مقرر کردی گئی۔

درخواست میں کہا گیا ہے کہ بینکنگ کورٹ کا فیصلہ خلاف قانون ہے، بنکنگ کورٹ کا فیصلہ کالعدم قرار دے کر عمران خان کی ضمانت منسوخ کی جائے۔

جسٹس محسن اختر کیانی اور جسٹس طارق محمود جہانگیری آج اپیل پر سماعت کریں گے۔

خیال رہے 28 فروری کو بینکنگ کورٹ نے سابق وزیراعظم عمران خان کی ممنوعہ فنڈنگ کیس میں ضمانت کنفرم کی تھی۔