Author: جہانگیر اسلم

اسلام آباد : سینئر صحافی ایاز امیر کے بیٹے شاہنواز امیر کے خلاف بیوی کے قتل کا مقدمہ درج کرلیا گیا۔

تفصیلات کے مطابق اسلام آباد میں تھانہ شہزاد ٹاؤن کی حدود چک شہزاد میں خاتون کے قتل کے واقعے کا مقدمہ سینئر صحافی ایاز امیر کے بیٹے شاہنواز امیر کے خلاف درج کرلیا گیا۔

متعلقہ تھانے کے ایس ایچ او کی مدعیت میں قتل کا مقدمہ درج کیا گیا، جس میں کہا گیا ہے کہ موقع پرپہنچا تو ثمینہ نامی خاتون نے بتایا اس کے بیٹے نے بیوی کو قتل کر دیا ہے۔

ایف آئی آر میں بتایا گیا کہ ٹیم گرفتاری کیلئے اندر گئی توملزم نےخودکوکمرےمیں بندکرلیا، کمرہ کھولنے کے بعد ملزم شاہ نواز کو قابو کیاگیا۔

مقدمے کے متن کے مطابق ملزم نے بتایا کہ اس نے لڑائی کے دوران بیوی کے سر پر ڈمبل مارا، مقتولہ کی لاش کو واش روم میں چھپایا گیا تھا۔

ایس ایچ او کا کہنا تھا کہ ملزم شاہ نوازنےآلہ قتل صوفےکےنیچےچھپادیاتھا تاہم ملزم کی نشاندہی پر آلہ قتل ڈمبل برآمد کیا گیا۔

ایف آئی آر میں بتایا گیا کہ ڈمبل کے اوپر خون اور بال لگےہوئےتھے، ملزم کا کہنا تھا کہ اس نے اہلیہ پر ڈمبل کے متعدد وار کیے۔

یاد رہے گذشتہ روز صحافی اور سیاستدان ایازامیر کے بیٹے شاہنوازامیرکو بیوی کے قتل کےالزام میں حراست میں لیا گیا تھا۔

پولیس کا کہنا تھا کہ شاہنوازامیر کی کینیڈین نژاد سارہ سے تیسری شادی تھی، مقتولہ سارہ کاپولی کلینک اسپتال میں پوسٹ مارٹم کیا گیا، جہاں سر سمیت جسم کےمختلف حصوں پرزخموں کےنشانات کی تصدیق ہوئی تاہم قتل کی وجہ کاتعین نہ ہوسکا۔

مقتولہ سارہ کی موت کے تعین کے لئے فرانزک ٹیسٹ کرانےکا فیصلہ کیا گیا، ڈاکٹرزنے فرانزک کیلئے سارہ کے اعضا کے سیمپلزحاصل کرلئے، جوپنجاب سائنس ایجنسی لاہور بھجوائے جائیں گے۔

واقعے پر صحافی ایاز امیر کا کہنا تھا کہ ایسا صدمہ کسی کو نہ اٹھانا پڑے۔

اسلام آباد : اسلام آباد ہائی کورٹ نے وزارت خارجہ کو امریکا میں ڈاکٹر عافیہ صدیقی کی بہن فوزیہ صدیقی کی حفاظت یقینی بنانے کی ہدایت کردی۔

تفصیلات کے مطابق اسلام آباد ہائی کورٹ میں امریکی جیل میں قید پاکستانی ڈاکٹر عافیہ صدیقی کی رہائی سے متعلق کیس کی سماعت ہوئی ، جسٹس سردار اعجاز اسحاق خان نے کیس کی سماعت کی۔

درخواست گزار کی جانب سے وکیل ڈاکٹر ساجد قریشی عدالت کے سامنے پیش ہوئے ، دفتر خارجہ کی جانب سے پراگریس رپورٹ اسلام آباد ہائی کورٹ میں جمع کرائی گئی۔

حکام دفتر خارجہ نے بتایا کہ ڈاکٹر فوزیہ ڈپلومیٹک پاسپورٹ چاہتی ہے ، عدالت نے فوزیہ صدیقی کے وکیل سے استفسار کیا آپ کیوں ڈپلومیٹک پاسپورٹ چاہتے ہیں ؟

وکیل فوزیہ صدیقی نے بتایا کہ خوف اور ڈر ہے کہ وہاں کچھ ہو سکتا ہے اس لیے ڈپلومیٹک پاسپورٹ چاہ رہے ہیں ، عدالت نے وکیل سے مکالمے میں کہا کہ آپ پہلے اپلائی کریں ویزہ حاصل کریں۔

وکیل کا کہنا تھا کہ دفتر خارجہ عدالت کے سامنے فوزیہ صدیقی کی مکمل حفاظت کی ضمانت دے دے ، جس پر عدالت نے کہا کہ اگر یہ امریکہ میں جائیں تو وہاں ایمبیسی میں رہ سکتے ہیں ؟

نمائندہ خارجہ حکام نے کہا میں امریکہ میں موجود قونصل جنرل سے بات کر لیتا ہوں تو عدالت نے فوزیہ صدیقی کے وکیل سے کہا کہ آپ کو دفتر خارجہ پر اعتماد رکھنا چاہیے وہ آپ کی مدد کر رہے ہیں، کوشش کر رہے ہیں آہستہ آہستہ بہتر نتائج ہوں آپ ویزہ تو اپلائی کریں۔

دفتر خارجہ فوزیہ صدیقی کو ویزہ فراہمی میں سہولت فراہم کرنے کے لیے تیار ہیں ، فوزیہ صدیقی کے ویزہ حصول کی سپورٹ کے لیے امریکی ایمبیسی کو وزارت خارجہ نے لکھا بھی ہے ، وزارت خارجہ حکام کے مطابق فوزیہ صدیقی کو قانون کے مطابق ڈپلومیٹک پاسپورٹ جاری نہیں کر سکتے۔

عدالت نے ڈاکٹر فوزیہ صدیقی کو امریکی ویزہ کے لیے اپلائی کرنے کی ہدایت ہوئے کہا وزارت خارجہ امریکا میں فوزیہ صدیقی کی حفاظت یقینی بنانے کے لیے اقدامات کرے۔

بعد ازاں اسلام آباد ہائی کورٹ نے کیس کی مزید سماعت تین ستمبر تک ملتوی کردی۔