Author: جہانگیر اسلم

پاکستان ریلوے اور اسٹیٹ لائف کے مابین مسافروں کی انشورنس بارے معاہدہ طے پا گیا۔

تفصیلات کے مطابق معاہدہ پر دستخط کے دوران وزیر ریلوے خواجہ سعد رفیق نے ورچوئل طور پر شرکت کی۔ وفاقی وزیر نے ریلوے افسران کو نواب شاہ حادثہ میں جاں بحق افراد کے گھر جا کر ان کے لواحقین کی تصدیق کی ہدایت کی۔
جاں بحق افراد کی انشورنس کی رقم ان کے گھر جا کر ادا کی جائے۔ زخمی افراد کو بھی انشورنس کی رقم ملے گی۔

چیف ایگزیکٹو افسر ریلوے شاہد عزیز کا کہنا ہے کہ ریلوے اور اسٹیٹ لائف کے درمیان انشورنس پر معاہدہ ہو گیا ہے ریلوے مسافروں کا انشورنس بڑھا دیا گیا ہے انشورنس کی رقم 15لاکھ سےبڑھا کر25لاکھ کر دی گئی ہے، معذوری کی صورت میں 3 لاکھ روپےکا انشورنس کور ہو گا۔

دوسری جانب سیکٹری ریلویز مظہر علی شاہ نے ریلویز کارکردگی پر بریفنگ دیتے ہوئے کہا کہ ایم ایل ون کو جوائنٹ اکنامک کمیٹی سی پیک میں لے کر گیے۔ سی پیک کے زریعہ مارکیٹ شئیر کو 4% سے 20% تک لائے گے ایم ایل ون کے ٹریک کو ایسا بنا رہے ہیں جو موسم میں بچا رہے۔

انہوں نے کہا کہ افغانستان میں مزار شریف تک ریلوے لائن ہے چھ سات ماہ سے اسی پر لگے تھے کہ اس کو کنیکٹ کیسے کر سکتے ہیں، ریلوے میں 46 نئی کوچز لے کر آئے ہیں سارے بجٹ کا صرف 5% ہی بچتا ہے جس سے ہم ریلوے چلاتے ہیں ریلوے واحد ادارہ ہے جو پنشن جیب سے دے رہا یے۔

ترجمان سول ایوی ایشن اتھارٹی نے واضح کیا ہے کہ سول ایویشن کی جانب سے مسافروں کے لیے پولیو ویکسینیشن کارڈ کی کوئی شرط نہیں رکھی گئی۔

ترجمان کا کہنا ہے کہ عوام الناس سے درخواست ہے کہ وہ پولیو کارڈ حاصل کرنے کے لئے کسی بھی غیر مصدقہ آن لائن پیشکش پر کان نہ دھریں، مسافر بالخصوص آن لائن عناصر کو نظر انداز کریں جو اپنے آپ کو مختلف ایئرلائنز کا نمائندہ ظاہر کرتے ہوں۔

ترجمان کے مطابق اس انتباہ کا مقصد مسافروں کو پولیو کارڈ کے نام پر موقع پرست مفاد پرستوں کے ہاتھوں آن لائن ہونے والے فراڈ سے بچانا ہے۔ مختلف میڈیا پلیٹ فارمز پر دیکھا جانے والا لیٹر اسلام اباد ایئرپورٹ کی اندرونی خط و کتابت تھی جو منسوخ ہو چکا اس بات کو بلکل واضح کیا جاتا ہے کہ مزکورہ لیٹر کسی بھی طرح پولیو سے متعلق ٹریول ایڈوائزری نہیں۔

انہوں نے کہا کہ سافروں سے التماس ہے کہ جس ملک کے سفر کا ارادہ رکھتے ہوں ایئرلائن سے اس ملک کی ہیلتھ بالخصوص پولیو ویکسینیشن پالیسی بارے ضرور پوچھیں۔