Author: جہانگیر خان

وفاقی حکومت نے صحرائے تھر کے عوام کو بڑا تحفہ دینے کا فیصلہ کیا ہے اور اس حوالے سے سندھ حکومت کو خط بھی لکھ دیا ہے۔

اے آر وائی نیوز کو ذرائع سے ملنے والی اطلاعات کے مطابق وفاقی حکومت نے تھر کے باسیوں کو صحت کی بہتر سہولتوں کی فراہمی کے لیے تھرپارکر میں اسپتال تعمیر کرنے کا فیصلہ کیا ہے اور اس سلسلے میں سندھ حکومت کو خط بھی لکھ دیا ہے۔

ذرائع نے بتایا کہ وفاقی حکومت نے تھرپارکر میں 200 بستروں پر مشتمل اسپتال تعمیر کرنے کا فیصلہ کیا ہے۔ وفاقی حکومت اسپتال کی تعمیر رواں سال 2025 میں ہی شروع کرنا چاہتی ہے اور اس حوالے سے وزارت قومی صحت نے چیف سیکریٹری سندھ کو خط بھی ارسال کیا ہے۔

خط میں کہا گیا ہے کہ وزیراعظم نے 2023 کے دورہ تھر میں وہاں اسپتال تعمیر کا اعلان کیا تھا اور اب حکومت اپنے اس اعلان پر عملدرآمد کرتے ہوئے فوری طور پر اسپتال تعمیر کرنے کی خواہشند ہے۔

ذرائع کا کہنا ہے کہ خط میں سندھ حکومت سے اسپتال کی تعمیر کے لیے موزوں مقام پر اراضی فراہم کرنے کا کہا گیا ہے۔ ساتھ ہی کہا گیا ہے کہ سندھ حکومت تھرپارکر اسپتال کی فزیبلٹی اسٹڈی اور پی سی ٹو تیار کرکے اسپتال کی تعمیر کا تخمینہ اور دورانیہ سے آگاہ کرے۔

وفاق تھرپارکر اسپتال مکمل کر کے سندھ حکومت کے حوالے کرے گا اور اس کے بعد اسپتال کے لیے بھرتیاں سندھ حکومت کرے گی۔

ذرائع نے بتایا کہ اسپتال کی تعمیر پر ڈیڑھ ارب روپے سے زائد لاگت آنے کا امکان ہے۔ اس اسپتال میں جدید ترین طبی سہولتیں فراہم کی جائیں گی۔ سٹی اسکین اور ایم آر آئی کی سہولت بھی دستیاب ہوگی۔

اسلام آباد: پاکستان کے چاروں صوبوں کی سیوریج لائنوں میں ایک بار پھر پولیو وائرس کی تصدیق ہوگئی۔

تفصیلات کے مطابق چاروں صوبوں کی سیوریج لائنیں ایک بار پھر پولیو وائرس سے آلودہ نکلیں ، ریجنل ریفرنس لیب نے 25 اضلاع کے سیمپلز میں پولیو کی تصدیق کردی ہے۔

زرائع نے کہا ہے کہ سیوریج لائنز کے سیمپلز میں وائلڈ پولیو وائرس ون پایا گیا ہے،پولیو ٹیسٹ کیلئے سیوریج لائنز سے سیمپلز 3 تا 12 فروری لئے گئے تھے۔

زرائع کا کہنا تھا کہ سندھ کے 13، بلوچستان 5 اضلاع کے ماحولیاتی نمونے، خیبرپختونخوا کے 3 ، پنجاب کے 4 اضلاع کی سیوریج پولیو پازیٹو نکلے جبکہ کوئٹہ، چمن، لورالائی، نوشکی، ژوب کی سیوریج پولیو پازیٹو ہے۔

پشاور، ڈی آئی خان، لکی مروت ، لاہور، راولپنڈی، فیصل آباد، گوجرانوالہ کی سیوریج میں پولیو وائرس پایا گیا ہے۔

زرائع کا کہنا تھا کہ کراچی سنٹرل، ایسٹ، کیماڑی، کورنگی، ملیر کی سیوریج پولیو پازیٹو ہے جبکہ حیدر آباد، بدین، جیک آباد، جامشورو ، میرپورخاص، سجاول، دادو، سکھر کی سیوریج پولیو سے آلودہ ہے۔

رواں سال ملک میں چھ پولیو وائرس کیس رپورٹ ہو چکے ہیں، جس میں سندھ سے چار، کے پی ایک اور پنجاب سے ایک پولیو کیس رپورٹ ہوا۔

اسلام آباد : پاکستان میں رواں سال کا تیسرا پولیو کیس سامنے آگیا، پولیو کیس سندھ کے ضلع لاڑکانہ سے رپورٹ ہوا۔

تفصیلات کے مطابق ملک میں رواں سال کا تیسرا پولیو کیس ضلع لاڑکانہ سےرپورٹ ہوا، این ای او سی نے بتایا کہ متاثرہ کیس میں وائلڈ پولیو وائرس ون کی تصدیق ہوئی ہے۔

این ای او سی کا کہنا تھا کہ رواں سال سندھ سے 2 اور کے پی سے ایک کیس رپورٹ ہوا ہے۔

سال 2024 میں ملک بھرسے 74 کیس رپورٹ ہوئے تھے، جن میں خیبرپختونخوا سے 22 ، بلوچستان سے27 ، سندھ سے23 ، پنجاب سے ایک اور اسلام آباد سے ایک کیس سامنے آیا تھا۔

یاد رہے ملک کے 8 اضلاع کے ماحولیاتی نمونوں میں پولیو وائرس کی تصدیق ہوئی تھی، ذرائع وزارت صحت کے مطابق بلوچستان اور خیبر پختونخوا کے ماحولیاتی نمونوں میں پولیو وائرس پایا گیا ہے، رواں سال یہ تیسری بار ماحولیاتی نمونے پولیو پازیٹو نکلے ہیں۔

سیوریج لائنز کے سیمپلز میں وائلڈ پولیو وائرس ون پایا گیا ہے، ٹیسٹ کے لیے سیوریج سے سیمپلز 15 تا 24 جنوری لیے گئے تھے، بلوچستان سے 5 اور کے پی کے سئ 3 اضلاع کے سیمپلز پولیو پازیٹیو نکلے ہیں۔

اسلام آباد : میڈیکل اور ڈینٹل کالجز کے طلبا اور والدین کیلئے فیس کے حوالے سے اچھی خبر آگئی کیونکہ فیس سے متعلق عوامی تشویش پائی جاتی ہے۔

تفصیلات کے مطابق پاکستان میڈیکل و ڈینٹل کونسل کی کونسل نے ہنگامی اجلاس طلب کرلیا ، جس میں نجی میڈیکل و ڈینٹل کالجز کی فیس پر غور کیا جائے گا۔

ترجمان پی ایم ڈی سی نے بتایا کہ نجی میڈیکل کالجوں کی فیس پر فریقین سمیت نجی میڈیکل وڈینٹل کالجز کے نمائندوں اور ماہر تعلیم سے مشاورت ہوگی۔

ترجمان کا کہنا تھا کہ عوامی خدشات دور کرنے کیلئے منظم فیس اسٹرکچر نافذ کیا جائے گا، منظم فیس اسٹرکچر کے نفاذ کا مقصد شفافیت اور انصاف یقینی بنانا ہے، کونسل منصفانہ و معیاری فیس پالیسی کوحتمی شکل دے گی۔

پی ایم ڈی سی کونسل اجلاس کے حتمی فیصلے کا اعلان کرے گی، کونسل کا مقصد نجی میڈیکل کالجوں کی غیرضروری زائد فیسوں کو روکنا ہے۔

ترجمان نے کہا کہ نجی میڈیکل وڈینٹل کالجوں کی فیس سے متعلق عوامی تشویش پائی جاتی ہے، میڈیکل تعلیم میں شفافیت اور انصاف کویقینی بنایا جائے گا، میڈیکل طلبا کیلئے معیاری تعلیم تک رسائی کیلئے پرعزم ہیں۔

ترجمان کے مطابق پی ایم ڈی سی مساوی تعلیمی مواقع کی فراہمی کیلئے پرعزم ہے،نجی میڈیکل وڈینٹل کالجز پر فیس نہ لینے کی پابندی عائد ہے،سینیٹ کمیٹی نے نجی میڈیکل کالجز کی فیس وصولی پرپابندی کی سفارش کی تھی۔

Currency Rates in Pakistan Today- پاکستان میں آج ڈالر کی قیمت

اسلام آباد : حکومتی وزرا کی قومی اسمبلی میں عدم حاضری کے باوجود پیپلزپارٹی رولز میں بڑی ترمیم لے آئی۔

تفصیلات کے مطابق قومی اسمبلی کا اجلاس ہوا ، پیپلز پارٹی رکن اسمبلی آغا رفیع اللہ نے قومی اسمبلی رولز میں ترمیم پیش کی۔

پیپلز پارٹی نے رولز 39،247 اور 2 میں ترمیم تجویز کردی ، مجوزہ ترمیم کے تحت پارلیمنٹری سیکریٹریز کے اختیارات کو محدود کردیا گیا ہے۔

ترمیم میں تجویز دی گئی ہے کہ وفاقی کابینہ آرٹیکل 91 کے تحت قومی اسمبلی کو جواب دہ ہیں اور ہنگامی صورتحال میں اسپیکر کی پیشگی منظوری لینا لازمی ہوگی جبکہ پیشگی منظوری پر پارلیمنٹری سیکریٹری کو وزارت پارلیمانی امور سپرد کرنے کی اجازت ہوگی۔

پیپلز پارٹی نے رولز 39 میں بھی ترمیم کی تجویز دے دی، جس میں کہا کہ وفاقی وزرا اپنے عہدے سے متعلق بنیادی ذمہ داریاں نمٹانے کے پابند ہوں گے۔

اسپیکر کی پیشگی منظوری سے پارلیمانی سیکریٹری کو وزارتی امور سر انجام دینے کی اجازت ہوگی اور پارلیمانی سیکریٹری کو جاری نوٹس کی معیاد متعلقہ وزارت یا ڈویژن کے ضمن میں ختم ہوگی۔

ڈپٹی اسپیکر قومی اسمبلی نے مجوزہ ترمیم کمیٹی کے سپرد کردیں۔