Author: جہانگیر خان

اسلام آباد : بیچلر آف ڈینٹل سرجری کی معیاد 5سال کرنے کا فیصلہ واپس لے لیا گیا ، بی ڈی ایس ڈگری کی مدت میں توسیع کا فیصلہ ایک سال کیلئے معطل ہوا ہے۔

تفصیلات کے مطابق پی ایم ڈی سی نے بی ڈی ایس ڈگری کی مدت بڑھانے کے فیصلے پر یوٹرن لے لیا، ذرائع نے بتایا کہ بیچلر آف ڈینٹل سرجری کی معیاد پانچ سال کرنے کا فیصلہ واپس لے لیا گیا ہے۔

اس سلسلے میں ملک بھر کی میڈیکل و ڈینٹل جامعات کو تحریری احکامات جاری کردیئے ہیں اور رجسٹرار پی ایم ڈی سی نے میڈیکل و ڈینٹل جامعات کو مراسلہ بھجوا دیا ہے۔

مراسلے میں کہنا تھا کہ بی ڈی ایس ڈگری کی مدت میں توسیع کا فیصلہ ایک سال کیلئے معطل ہوا ہے، ایک سال میں پانچ سالہ بی ڈی ایس ڈگری کا طریقہ کار، نصاب تیار ہو گا، نیشنل میڈیکل، ڈینٹل اکڈیمک بورڈ 5 سالہ بی ڈی ایس کا نصاب تیار کرے گا۔

ذرائع نے کہا کہ بی ڈی ایس کورس کی مدت چار کے بجائے پانچ سال کرنے کا فیصلہ ہوا تھا، بی ڈی ایس کورس کی مدت میں توسیع کا فیصلہ 21 نومبر 2024 کو ہوا تھا تاہم ڈینٹل سرجنز ایسوسی ایشن کے دباو پر بی ڈی ایس بارے فیصلہ واپس ہوا۔

پی ایم ڈی سی ایگزیکٹو کمیٹی نے بی ڈی ایس ڈگری معاملے پر غور کیا ہے، پی ایم ڈی سی ایگزیکٹو کمیٹی نے بی ڈی ایس کا دورانیہ نہ بڑھانے کی تجویز دی، بی ڈی ایس کورس کے معاملے پر فریقین سے تفصیلی مشاورت ہوئی ہے اور فریقین کی مشاورت سے فیصلہ واپس لیا ہے۔

اسلام آباد : ملک میں عالمی برانڈز کی جعلی ادویات کی تیاری اور فروخت کے انکشاف کے بعد دو جعلی ادویات کے بیچز کی سیل، استعمال پر پابندی لگا دی گئی۔

تفصیلات کے مطابق ملک میں عالمی برانڈز کی جعلی ادویات کی تیاری اور فروخت کا انکشاف سامنے آیا، پنجاب حکومت نے صوبے میں جعلی ادویات کے خلاف بڑا کریک ڈاون کیا۔

عالمی برانڈز کے ناموں کی جعلی دوائیاں مختلف شہروں کو سپلائی ہوئی ہیں، پنجاب ڈرگ کنٹرول ڈائریکٹوریٹ نے مختلف شہروں میں کریک ڈاون کیا ہے،

ڈریپ نے بتایا کہ اینستھیزیا، اعضا سکڑنے کے علاج کی جعلی ادویات سپلائی کی گئی ہیں ، جعلی دوائیوں کے پیکٹس پر فرانس، جرمنی کے پتے درج ہیں، ڈرگ ٹیسٹنگ لیب پنجاب نے دونوں ادویات کے سیمپلز کو جعلی قرار دیا ہے۔

ڈریپ نے دو جعلی دوائیوں کے بیچز کی سیل، استعمال پر پابندی لگا دی اور پنجاب حکومت کی درخواست پر ڈریپ نے ریکال الرٹ جاری کر دیئے۔

الرٹ میں کہا ہے کہ کیٹامائن انجکشن 500 ایم جی کا بیچ 20158 جعلی ہے، یہ انجکشن بیہوشی کیلئے استعمال کیا جاتا ہے،انجکشن پیکٹ پر پان فارما فرانس کا پتہ درج ہے۔

اوکریوس انجکشن کا جعلی بیچ مختلف شہروں کو سپلائی ہوا ہے،جعلی اوکریوس سلوشن کی اطلاع روشے پاکستان نے دی ہے،اوکریوس سولوشن 300 ایم جی کا بیچ H0041B27 جعلی ہے۔

اوکریوس پیکٹ پر روشے ڈائیگناسٹک جرمنی کا پتہ درج ہے، جعلی بیچ مختلف شہروں کو سپلائی ہوا ہے۔

ڈرگ ریگولیٹری اتھارٹی نے جعلی اوکریوس سولوشن کی تصاویر جاری کر دیں ، روشے گلوبل نے اوکریوس کے جعلی بیچ کی تحقیقات کی ہیں، روشے گلوبل نے پاکستان میں دستیاب اوکریوس سولوشن کو جعلی قرار دیا ہے۔

روشے گلوبل نے اوکریوس کا اوریجنل بیچ 2020 میں ترکی سپلائی کیا تھا، اوکریوس سولوشن انسانی اعضا کے سکڑنے کے علاج کی دوا ہے ، انسانی اعضا سکڑنے کے علاج کی جعلی دوا کا استعمال جان لیوا ہو سکتا ہے۔

ڈریپ کا کہنا تھا کہ جعلی ادویات کا معیار اور افادیت غیر واضح ہوتی ہے، جعلی ادویات کے استعمال سے علاج متاثر ہو سکتا ہے۔

الرٹ میں ہدایت کی گئی کہ پنجاب حکومت جعلی ادویات کی روک تھام کیلئے مزید اقدامات کرے، ریگولیٹری فیلڈ فورس پنجاب کی مارکیٹ میں سرویلنس یقینی بنائے، پنجاب حکومت جعلی ادویات کے سپلائی چین کی جامع تحقیقات کرے۔

ڈریپ نے ریگولیٹری فیلڈ فورس کو مارکیٹ سے جعلی ادویات کے خاتمے کی ہدایت کردی۔

اسلام آباد : وزارت توانائی  نے کے الیکٹرک صارفین سے 8 مختلف قسم کے ٹیکسز وصول کیے جانے کا اعتراف کر لیا، جس میں 4 مختلف قسم کے جی ایس ٹی وصول کیے جانے کا انکشاف ہوا۔

تفصیلات کے مطابق کے الیکٹرک کی جانب سے بجلی بلوں پر وصول کیے جانے والے ٹیکسز کی تفصیلات قومی اسمبلی میں پیش کردی گئیں۔

وزارت توانائی نے کے الیکٹرک صارفین سے 8 مختلف قسم کے ٹیکسز وصول کیے جانے کا اعتراف کر لیا اور صارفین سے 4 مختلف قسم کے جی ایس ٹی وصول کیے جانے کا انکشاف کیا۔

دستاویز میں بتایا گیا کہ کے ای صارفین سے جی ایس ٹی، مزید جی ایس ٹی، اضافی جی ایس ٹی اور خوردہ فروش جی ایس ٹی کی مد میں وصولی کی جا رہی ہے، صارفین سے گزشتہ ایک سال کے دوران نارمل جی ایس ٹی کی مد میں 102 ارب 43 کروڑ روپے وصول کیے گئے۔

دستاویز مین کہا گیا کہ صارفین نے مزید جی ایس ٹی کی مد میں 3 ارب 14 کروڑ، اضافی جی ایس ٹی کی مد میں 11 ارب 87 کروڑ روپے ادا کیے اور کے ای نے خوردہ فروش جی ایس ٹی کی مد میں 1 ارب 83 کروڑ روپے وصول کیے۔

صارفین نے انکم ٹیکس کی مد میں 30 ارب 26 کروڑ روپے جبکہ ود ہولڈنگ نیٹ میٹررنگ کی مد میں 61 کروڑ اور ٹی وی لائیسنس فیس کی مد میں 1 ارب 15 کروڑ روپے وصول کیے گئے۔

اسلام آباد : بیرون ملک جانے والے خواہشمند میڈیکل طلبا پر بڑی پابندی عائد کردی گئی اور روانگی رجسٹریشن سے مشروط کر دی۔

تفصیلات کے مطابق حکومت نے بیرون ملک جانے والے میڈیکل طلبا کی رجسٹریشن کا فیصلہ کرلیا، ذرائع نے بتایا کہ طلبا کی بیرون ملک روانگی رجسٹریشن سے مشروط کر دی گئی ہے، اب ایم بی بی ایس، بی ڈی ایس کیلئے باہر جانے والوں کی رجسٹریشن لازم ہوگی۔

ذرائع کا کہنا تھا کہ پی ایم ڈی سی بیرون ملک جانے والے طلبا رجسٹرڈ کرے گی، طلبا پی ایم ڈی سی رجسٹریشن کے بغیر بیرون ملک نہیں جا سکیں گے۔

ذرائع نے کہا کہ بیرون ملک جانے والے طلبا کی سہولت کیلئے رجسٹریشن کا فیصلہ ہوا ہے، طلبا پی ایم ڈی سی ایکٹ کے تحت رجسٹرڈ ہوں گے۔

ذرائع کا مزید بتانا تھا کہ باہر جانے طلبا کی رجسٹریشن پی ایم ڈی سی ویب سائٹ پر ہو گی اور سال 2025 میں بیرون ملک جانے والے طلبا پر فیصلے کا اطلاق ہوگا۔

ذرائع کے مطابق پی ایم ڈی سی باہر جانے کے خواہشمند میڈیکل طلبا کو گائیڈ کرے گی اور باہر جانے والے طلبا کو مصدقہ فارن میڈیکل کالج بارے رہنمائی دی جائے گی۔

رجسٹریشن کا مقصد بیرون ملک جانے والے طلبا کی حفاظت یقینی بنانا ہے کیونکہ 2024 میں کرغزستان میں پاکستانی طلبا پر تشدد کے واقعات سامنے آئے تھے، رجسٹریشن کا مقصد پی ایم ڈی سی سے مصدقہ کالجز میں داخلے یقینی بنانا ہے۔

ذرائع نے کہا کہ میڈیکل طلبا کی بیرون ملک معیاری تعلیم یقینی بنانے کیلئے فیصلہ ہوا ہے، فارن میڈیکل کالجز میں زیرتعلیم پاکستانی طلبا مشکلات کا سامنا کرتے ہیں اور غیر مصدقہ فارن میڈیکل کالجز کے طلبا کو وطن واپسی پر مشکلات ہوتی ہیں جبکہ غیر مصدقہ فارن میڈیکل کالجز کی ڈگریوں کی رجسٹریشن میں مسائل ہوتے ہیں۔

ہزاروں پاکستانی طلبا فارن میڈیکل کالجز میں زیر تعلیم ہیں، پاکستانی میڈیکل طلبا چین، کیوبا، وسطی ایشیائی ممالک میں زیرتعلیم ہیں۔