Author: جہانگیر خان

اسلام آباد : ڈرگ ریگولیٹری اتھارٹی آف پاکستان (ڈریپ) خون پتلا کرنے والی دوا کی فروخت اور استعمال پر پابندی عائد کردی۔

تفصیلات کے مطابق خون پتلا کرنے والی غیر معیاری دوا کی مارکیٹ میں سپلائی کا انکشاف سامنے آیا ، ڈرگ ریگولیٹری اتھارٹی آف پاکستان (ڈریپ) نے نیباکسو ٹیبلٹ کا پراڈکٹ ریکال الرٹ جاری کر دیا، جس میں نیباکسو ٹیبلٹ کا بیچ 263 غیر معیاری قرار دیا۔

ڈریپ نے ملک بھر میں نیباکسو 10 ایم جی کی فروخت اور استعمال پر پابندی عائد کرتے ہوئے کہا کہ 10 ایم جی ٹیبلٹ وینوو فارما ٹیکسلا کی تیار کرتا ہے۔

ڈرگ ٹیسٹنگ لیب راولپنڈی نے اس ٹیبلٹ کا بیچ غیر معیاری قرار دیا اور ٹیبلٹ کا سیمپل کوالٹی ٹیسٹ کے معیار پر پورا نہیں اترا۔

یہ ٹیبلٹ تھرمبوسزز، پلمنری امبولزم نامی مرض کی دوا ہے،تھرمبوسز، پلمنری امبولزم کے دوران خون میں لوتھڑے بنتے ہیں، نیباکسو ٹیبلٹ رگوں، پھیپڑوں میں خون کے لوتھڑے بننے سے روکتی ہے۔

یہ ٹیبلٹ ریواراکسوبان سالٹ سے تیار کی جاتی ہے لیکن غیر معیاری ٹیبلٹ کا استعمال علاج متاثر کر سکتا ہے۔

ڈریپ نے کمپنی کو نیباکسو کے متاثرہ بیچ کی مارکیٹ سپلائی روکنے کی ہدایت کرتے ہوئے کہا ہے کہ فارما کمپنی ٹیبلٹ کا متاثرہ بیچ مارکیٹ سے واپس منگوائے۔.

ڈریپ کی ریگولیٹری فیلڈ فورس کو مارکیٹ سرویلنس بڑھانے کی ہدایت کرتے ہوئے کہا ہے کہ فیلڈ فورس مارکیٹ سے جعلی نیباکسو ٹیبلٹ کا خاتمہ یقینی بنائے اور ریگولیٹری فورس مارکیٹ سے ٹیبلٹ کا متاثرہ بیچ ضبط کرے۔

ڈسٹریبیوٹرز سٹاک میں نیباکسو ٹیبلٹ کے متاثرہ بیچ کی جانچ کریں اور ٹیبلٹ کے متاثرہ بیچ کی شناخت پر ڈریپ کو اطلاع دی جائے ساتھ ہی کیمسٹ متاثرہ ٹیبلٹ بیچ کی سیل ترک، سٹاک واپس کریں، ڈاکٹرز اور مریض ٹیبلٹ کا متاثرہ بیچ استعمال نہ کریں۔

اسلام آباد : ایم ڈی کیٹ کا دوبارہ ٹیسٹ دینے والے طلبا کے لیے اہم خبر آگئی، ٹیسٹ 24 نومبر کو منعقد ہونا تھا۔

تفصیلات کے مطابق میڈیکل کالجز کے داخلہ ٹیسٹ ایم ڈی کیٹ کے ازسرنو انعقاد کا معاملہ لٹک گیا، زرائع نے بتایا کہ اسلام آباد میں ایم ڈی کیٹ ٹیسٹ ملتوی کرنے کا فیصلہ کرلیا گیا ، پی ٹی آئی کے احتجاج کے سبب ٹیسٹ ملتوی کرنے کا فیصلہ ہوا۔

زرائع کا کہنا تھا کہ ایس زیڈ بی ایم یونیورسٹی نے پی ایم ڈی سی انتظامیہ کو آگاہ کر دیا ہے ، اسلام آباد میں ایم ڈی کیٹ ٹیسٹ 24 نومبر کو منعقد ہونا تھا تاہم اب اسلام آباد میں ٹیسٹ آئندہ ماہ ہوگا۔

زرائع نے کہا کہ ا ٹیسٹ کے انعقاد کیلئے حتمی تاریخ کا تعین نہیں ہوا تاہم ٹیسٹ کیلئے 8 اور 15 دسمبر کی تاریخیں زیرغور ہیں۔

ذرائع کا مزید کہنا تھا کہ ایم ڈی کیٹ کیلئے ڈیٹ شیٹ ایس زیڈ بی ایم یونیورسٹی جاری کرے گی۔

اسلام آباد ہائیکورٹ نے ایک ماہ میں ایم ڈی کیٹ دوبارہ لینے کا حکم دیا تھا ، ایس زیڈ بی ایم یونیورسٹی نے اسلام آباد ہائیکورٹ اپیل کر رکھی ہے۔

ایم ڈی کیٹ کیلئے امیدواران کی دوبارہ رجسٹریشن کا عمل مکمل ہے، اسلام آباد میں اٹیسٹ کیلئے 17597 امیدوار رجسٹرڈ ہیں، تاہم رجسٹریشن میں امیدواران کی تعداد نمایاں کم ہوئی ہے۔

زرائع کے مطابق گذشتہ رجسٹرڈ 5310 طلبا ٹیسٹ نہیں دے رہے، گذشتہ کم نمبرز والے طلبا ٹیسٹ نہیں دے رہے کیونکہ کم نمبرز والے بیشتر طلبا بیرون ملک جا چکے ہیں جبکہ 190 سے زائد نمبرز والے طلبا ٹیسٹ نہیں دے رہے۔

زرائع کا مزید بتانا تھا کہ عدالت سے رجوع کرنے والے بیشتر طلبا دوبارہ ایم ڈی کیٹ دے رہے ہیں۔

اسلام آباد : پاکستان میں ڈینگی وائرس کیسز کی تعداد 20 ہزار سے تجاوز کرگئی جبکہ 10 اموات رپورٹ ہوئیں۔

تفصیلات کے مطابق موسم سرما کی آمد کے باوجود ڈینگی مچھر قابو نہ آ سکا ، ملک بھر میں ڈینگی کیسز و اموات رپورٹ ہونے کا سلسلہ جاری ہے۔

ذرائع نے بتایا کہ قومی ادارہ صحت نے ملک گیر ڈینگی کیسز کی رپورٹ تیار کرلی ہے ، رپورٹ 1 جنوری تا 15 نومبر کے کیسز پر مشتمل ہے۔

زرائع کا کہنا ہے کہ رواں برس کے ڈینگی وائرس کیسز کی تعداد 20 ہزار سے تجاوز کرگئی ، رواں سال ملک بھر میں 20057 کیسز رپورٹ ہو چکے ہیں جبکہ ڈینگی سے 10 اموات رپورٹ ہو چکی ہیں۔

ذرائع نے کہا کہ سندھ، جی بی حکومت نے وفاق کو رواں سال کا ڈینگی ڈیٹا شیئر نہیں کیا تاہم رواں سال کے بیشتر کیسز کا تعلق بلوچستان سے ہے، بلوچستان سے 6958 کیس سامنے آئے تاہم ہلاکت رپورٹ نہیں ہوئی۔

رواں سال پنجاب میں 5405 کیسز اور 8 اموات ، خیبر پختونخوا سے 3649 کیسز، 2 اموات رپورٹ ہوئیں۔

آزادکشمیر 245 کیسز، سابقہ فاٹا سے 46 کیسز اور اسلام آباد سے 3754 کیس تاہم کوئی اموات رپورٹ نہیں ہوئیں۔

رواں سال جنوری میں ملک بھر میں 15 کیسز ، فروری کے دوران ملک بھر میں 69 کیسز، مارچ کے دوران ملک میں 251، اپریل 2310 کیسز، مئی کے دوران 3932، جون میں 404 کیس رپورٹ ہوئے۔

رواں سال جولائی کے دوران ملک میں 134 کیسز، ایک ہلاکت ، اگست کے دوران ملک میں 222 کیس، ایک ہلاکت ، ستمبر کے دوران ملک میں 3455 کیس، 7 اموات ، اکتوبر کے دوران ملک میں 5205 کیس، ایک ہلاکت اور ماہ نومبر کے دوران ملک میں 1451کیسز سامنے آئے ہیں۔

رواں سال ملک میں ڈینگی سے پہلی ہلاکت جولائی میں رپورٹ ہوئی تھی، ڈسب سے زیادہ 7 اموات ستمبر میں ہوئیں جبکہ سال 2023 کے دوران ملک میں 21016 کیسز اور 3 اموات ہوئی تھیں۔

اسلام آباد : صوبائی حکومتیں آوارہ کتوں سے نمٹنے میں ناکام ہوگئیں ، ایک ہفتے کے دوران 7000 سے زائد شہری آوارہ کتوں کا نشانہ بنے۔

تفصیلات کے مطابق راہ چلتے شہریوں کے آوارہ کتوں کا نشانہ بننے کا سلسلہ جاری ہے ، گزشتہ ہفتے ملک بھر میں سات ہزار سے زائد شہری نشانہ بنے۔

ذرائع این آئی ایچ نے بتایا کہ گذشتہ ہفتے ملک بھر سے 7090 سگ گزیدگی کیسز رپورٹ ہوئے ، ملک بھر میں سب سے زیادہ پنجاب کے شہری آوارہ کتوں کا نشانہ بنے۔

گزشتہ ہفتے پنجاب میں 3929 ، سندھ میں 2252 ، خیبرپختونخوا 541، بلوچستان میں 222 اور آزادکشمیر میں 138 سگ گزیدگی کے کیسز سامنے آئے۔

سندھ میں سگ گزیدگی کے زیادہ 255 کیس دادو سے رپورٹ ہوئے ، اس کے علاوہ گھوٹکی 202، سانگھڑ 189، نوشہرو فیروز 180، شکارپور 168،خیرپور 159،کشمور 151 شہری کتوں کے حملوں میں زخمی ہوئے۔

اس دوران کراچی ایسٹ 13، سنٹرل سے سگ گزیدگی کا 1 کیس ، کراچی ملیر سے سگ گزیدگی کے 47 کیس، کراچی ویسٹ میں 49 سگ گزیدگی کے کیسز رپورٹ ہوئے تاہم کیماڑی، کورنگی، ساوتھ سے گذشتہ ہفتے کتے کاٹے کیس رپورٹ نہیں ہوئے۔

ٹانک 560 اور شانگلہ میں 16 شہری ،پشاور میں 14، باجوڑ 13 شہری کتوں کا نشانہ بنے جبکہ پنجاب، بلوچستان حکومت نے سگ گزیدگی کیسز کا ڈیٹا فراہم نہیں کیا۔

اسلام آباد : پاکستان میں پولیو وائرس کا ایک اور کیس سامنے آنے کے بعد کیسز کی تعداد 50 ہوگئی۔

تفصیلات کے مطابق ملک میں پولیو وائرس کاایک اورکیس سامنے آگیا، نیشنل ریفرنس لیب کی خیبرپختونخوا سے پولیو کیس کی تصدیق کردی ہے ، جس کے بعد رواں سال کے پولیو کیسزکی تعداد50ہوگئی ہے۔

ذرائع کا کہنا تھا کہ پولیوپازیٹیو20 ماہ کی بچی کاتعلق ضلع ٹانک سےہے، بچی میں وائلڈپولیووائرس ٹائپ ون کی تصدیق ہوئی ہے،ذرائع

رواں سال ٹانک سےپولیووائرس کادوسراکیس رپورٹ ہواہے، پولیوکیس کاجینیاتی تعلق جولائی میں ٹانک سےرپورٹ شدہ کیس سے ہے۔

رواں سال بلوچستان سے 24 ، سندھ سے 13 ، کے پی سے 11 کیسزرپورٹ ہوئےہیں جبکہ رواں سال پنجاب ایک اسلام آبادسےایک پولیوکیس رپورٹ ہوا ہے۔

مزید پڑھیں : انسداد پولیو کے عالمی سپریم بورڈ کے وفد کا پاکستان کے دورے کا فیصلہ

یاد رہے پاکستان میں پولیو کے پھیلاؤ پرانسداد پولیو کے عالمی سپریم بورڈ کا وفدبیس نومبرکو پاکستان پہنچے گا، دورہ پاکستان میں اہم فیصلے متوقع ہیں۔

اوورسائٹ بورڈ ڈاکٹرکرسٹوفر ایلیس کی زیر سربراہی اسلام آباد آئے گا اور 22 نومبر تک پاکستان میں قیام کرے گا۔

پولیو اوور سائٹ بورڈ کی اسلام آباد،راولپنڈی میں ملاقاتیں ہوں گی جبکہ پولیو اوور سائٹ بورڈ کی صوبائی حکام سے ملاقاتیں شیڈول ہیں۔

اسلام آباد : پاکستان میں پولیو کے پھیلاؤ پرانسداد پولیو کے عالمی سپریم بورڈ کا وفدبیس نومبرکوپاکستان پہنچے گا، دورہ پاکستان میں اہم فیصلے متوقع ہیں۔

تفصیلات کے مطابق پاکستان میں پولیو کے پھیلاو نے عالمی سطح پر خطرے کی گھنٹی بجا دی، ذرائع نے بتایا کہ انسداد پولیو کے عالمی سپریم بورڈ نے پاکستان کے دورے کا فیصلہ کرلیا ، پولیو کےعالمی اداروں کا اعلیٰ سطح وفد رواں ماہ پاکستان آئے گا۔

ذرائع کا کہنا تھا کہ پولیو اوور سائٹ بورڈ 20 نومبرکواسلام آباد پہنچے گا، اوورسائٹ بورڈ ڈاکٹرکرسٹوفر ایلیس کی زیر سربراہی اسلام آباد آئے گا اور 22 نومبر تک پاکستان میں قیام کرے گا۔

پولیو اوور سائٹ بورڈ کی اسلام آباد،راولپنڈی میں ملاقاتیں ہوں گی جبکہ پولیو اوور سائٹ بورڈ کی صوبائی حکام سے ملاقاتیں شیڈول ہیں، دورہ پاکستان میں اہم فیصلے متوقع ہیں۔

ذرائع این ای او سی نے کہا کہ حکومت اوور سائٹ بورڈ کو پولیو کی صورتحال پر اعتماد میں لے گی، بورڈ کی پولیو کے حالیہ تیز پھیلاؤ کی وجوہات پر بریفنگ ہوگی۔

پولیو نیشنل ایمرجنسی آپریشن سینٹر کا کور گروپ عالمی وفد کو بریفنگ دے گا، عالمی بورڈ کو بگ کیچ اپ ویکسی نشین مہم پر بریفنگ دی جائے گی، وفدکو نیشنل پولیو ایمرجنسی ایکشن پلان 25-2024 پر اعتماد میں لیا جائے گا۔

اوور سائٹ بورڈ پاکستان سے انسداد پولیو کیلئے ڈومور کا مطالبہ کرے گا اور پاکستان کو انسداد پولیو کیلئے فنڈنگ کی یقین دہانی کرائے گا۔

اوور سائٹ بورڈ عالمی سطح پر انسداد پولیوسےمتعلق سپریم فیصلہ ساز ادارہ ہے، رواں سال پاکستان میں 49پولیو کیس، سیکڑوں پازیٹو سیوریج سیمپلزنکلے ہیں۔