Author: جہانگیر خان

کراچی : میڈیکل اسٹور سے ممنوعہ انجکشن بوسٹن کی بھاری مقدار برآمد کرلی گئی، یہ انجکشن مویشی کو دودھ کی پیداواربڑھانے کیلئے لگایا جاتا ہے۔

تفصیلات کے مطابق ڈرگ ریگولیٹری اتھارٹی اور ایف آئی اے نے کراچی میں مشترکہ کارروائی کی۔

کارروائی میں ملیر کراچی میں میڈیکل سٹور سے ممنوعہ امپورٹڈ انجکشن کی بھاری مقدار برآمد کرلی۔

ذرائع نے بتایا کہ میڈیکل اسٹور سے ممنوعہ انجکشن بوسٹن کا بھاری سٹاک ضبط کیاگیا ہے، ڈریپ، ایف آئی اے نےمیڈیکل سٹور پر کارروائی خفیہ اطلاع ملنے پر کی۔

یہ انجکشن مویشی کو دودھ کی پیداواربڑھانے کیلئے لگایا جاتا ہے، جو مویشی کی صحت کیلئے انتہائی نقصان دہ ہے۔

ڈریپ ذرائع نے کہا حکومت نے بوسٹن انجکشن کے استعمال پرپابندی عائد کر رکھی ہے، میڈیکل اسٹور سے برآمدانجکشن ایل جی چیم کوریا کا تیارکردہ ہے۔

میڈیکل اسٹور سے  انجکشن کے ایک بیچ کا سٹاک برآمد ہوا ہے تاہم میڈیکل اسٹور مالکان کے خلاف ڈریپ ایکٹ کے تحت کارروائی شروع کردی ہے۔

بوسٹن انجکشن ڈرگ ریگولیٹری اتھارٹی کے پاس رجسٹرڈ نہیں ہے، گوالے دودھ کی پیداوار بڑھانے کیلئے مویشی کو انجکشن لگاتے ہیں۔

اسلام آباد : ملک میں شہریوں کو بنیادی سہولتوں کی عدم فراہمی کو انسداد پولیو کی راہ کی میں رکاوٹ قرار دے دیا گیا۔

تفصیلات کے مطابق ملک سے پولیو وائرس ختم نہ ہونے کی وجوہات سامنے آگئیں ، شہریوں کو بنیادی سہولتوں کی عدم فراہمی انسداد پولیو کی راہ کی رکاوٹ ہے۔

ذرائع نے بتایا کہ جنوری 2023 کی پولیو مہم کےنتائج اےآر وائی نیوزنےحاصل کرلیے ، جنوری 2023میں کے پی سے پولیو ویکسین مخالف 1534کیس تھے۔

ذرائع کا کہنا تھا کہ خیبرپختونخوا میں 1534 والدین پولیو ویکسی نیشن سے انکاری تھے، شمالی وزیرستان کے 577 والدین پولیو ڈراپس پلانے کے مخالف تھے۔

ذرائع نے مزید بتایا کہ ضلع مہمند میں 346 والدین پولیو ویکسی نیشن سے انکاری تھے، کرک 465، بنوں کے61 والدین نے پولیو ویکسی نیشن سے انکار کیا، جنوبی وزیرستان کے85 والدین پولیو ڈراپس پلانے کے مخالف تھے۔

ذرائع کا کہنا تھا کہ ضلع کرک میں 465 والدین پولیو ویکسی نیشن سے انکاری تھے، کرک کی یو سی ایس جی خیل کےوالدین ویکسی نیشن سے انکاری تھے، کرک میں پختہ سڑک نہ بنوانے پروالدین نے ویکسی نیشن نہیں کرائی تھی۔

ذرائع کے مطابق ضلع مہمند یو سی کمالی میں 346 والدین نےپولیو ویکسی نیشن نہیں کرائی تھی، مہمندیو سی کمالی میں والدین بجلی کی عدم فراہمی پر ویکسی نیشن مخالف تھے۔

اس کے علاوہ جنوبی وزیرستان میں 85 والدین ، ساؤتھ وزیر یو سی زالئی میں باڑ مخالف 51 والدین ، ساؤتھ وزیر یو سی خمرنگ میں 34 والدین نے ویکسی نیشن نہیں کروائی تھی۔

خمرنگ کے والدین سکول، سڑک، صاف پانی نہ ملنے پر ویکسین مخالف تھے، بنوں کی یوسی کھنڈر خان خیل میں 61 والدین اور شمالی وزیرستان میں 577 والدین پولیو ویکسین کےمخالف تھے۔

ذرائع نے کہا بنوں یوسی کھنڈر خان خیل میں والدین اراضی تنازعات پر، میر علی میں 140 والدین موبائل سروس کی عدم فراہمی پر اور نارتھ وزیر یو سی میر علی میں 437 شہری ٹیوب ویل نہ ملنے پر ویکسین مخالف تھے۔