Author: جہانگیر خان

اسلام آباد : پاکستان نے شعبہ صحت میں مزید عالمی امداد کے لیے یونیسیف، ڈبلیو ایچ او، یو این ڈی پی سے رابطے کرنے کا فیصلہ کرلیا۔

تفصیلات کے مطابق پاکستان نے شعبہ صحت میں مزید عالمی امداد طلب کرنے کا فیصلہ کرلیا۔

ذرائع وزارت صحت نے بتایا کہ امداد کے لیے عالمی اداروں سے رابطے تیز کیے جائیں گے، پاکستان یونیسیف، ڈبلیو ایچ او، یو این ڈی پی سے رابطے کرے گا۔

ذرائع کا کہنا تھا کہ دوران حمل استعمال ہونے والی دواؤں کی فراہمی کی اپیل کی جائے گی، پاکستان دوران زچگی استعمال ہونے والے طبی آلات فراہمی کی اپیل کرے گا۔

وزارت صحت نےکہا کہ پاکستان موسمی امراض کی دواؤں ، ویکسین فراہمی ، ٹائیفائیڈ، ملیریا، ڈائریا، ہیضہ کی دواؤں کی اپیل کرے گا۔

ذرائع کے مطابق پاکستان عالمی اداروں سے مچھر دانیاں، پانی صاف کرنے والی گولیاں، طبی آلات، غذائی ساشے فراہم کرنے کی درخواست کرے گا۔

ذرائع کا کہنا تھا کہ عالمی اداروں سے اینٹی بائیوٹک، ملٹی وٹامن ادویات فراہمی کی اپیل ہو گی تاہم عالمی اداروں کی جانب سے پاکستان کو ادویات، طبی آلات فراہمی جاری ہے۔

اسلام آباد : ڈاکٹروں نے تحریک انصاف کے رہنما شہباز گل کی سانس کی تکلیف کی وجہ جاننے کیلئے سٹی پلمونری اینجیوگرافی کرانے کا فیصلہ کرلیا۔

تفصیلات کے مطابق پمز اسپتال کی جانب سے تحریک انصاف کے رہنما شہباز گل کی صحت کے حوالے سے بتایا گیا ہے کہ شہبازگل کے معمول کےکلینیکل ٹیسٹ کیےجا رہے ہیں، ان کو چیسٹ انفیکشن، جسم درد اور گلے میں خراش کی شکایت ہے۔

پمز ذرائع نے کہا کہ شہبازگل کوچیسٹ انفیکشن کیلئے اینٹی بائیوٹک دوا دی جا رہی ہے اور ان کو باقاعدگی سے نیبولائز کیا جارہا ہے۔

پمز اسپتال کا کہنا تھا کہ شہباز گل کا بی پی ، شوگر، دھڑکن اور نبض کی رفتار معمول کے مطابق ہے۔

ذرائع کے مطابق ڈاکٹروں نے شہباز گل کی سانس کی تکلیف کی وجہ جاننے کے لئے سی ٹی پلمونری انجیوگرافی کرانے کا فیصلہ کیا ہے، جس سے پھیپھڑوں کی نالیوں کی جانچ ہو گی۔

ذرائع نے بتایا کہ شہبازگل کو کارڈیک سینٹر کے سنگل روم میں رکھا گیا ہے، ان کوکمرے میں اے سی، ٹی وی اور صوفے کی سہولت میسر ہے۔

پمز اسپتال کا کہنا ہے کہ شہبازگل کو اسپتال سے پرہیزی کھانا فراہم کیا جا رہا ہے، وہ کمرے میں صبح اور شام چہل قدمی کرتے ہیں۔

اسلام آباد : میڈیکل بورڈ کی تجویز پر تحریک انصاف کے رہنما شہباز گل کا ایچ آر سی ٹی اسکین کر لیا گیا ہے۔

تفصیلات کے مطابق پمز اسپتال میں میڈیکل بورڈ کی جانب سے تحریک انصاف کے رہنما شہباز گل کا دوسری بار طبی معائنہ کیا گیا۔

اسپتال ذرائع نے بتایا کہ شہباز گل کا بلڈ پریشر لیول معمول کے مطابق ہے، میڈیکل بورڈ کی تجویز پر شہباز گل کا ایچ آر سی ٹی اسکین کر لیا گیا ہے۔

پمز ذرائع کا کہنا ہے کہ شہباز گل کاسی ٹی سکین ریڈیالوجی ڈیپارٹمنٹ میں کیا گیا، میڈیکل بورڈ کو شہباز گل کی ٹیسٹ رپورٹس آج ملیں گی۔

ذرائع کے مطابق ٹیسٹ رپورٹس پر شہباز گل کو اسپتال سے لے جانے کا فیصلہ ہو گا۔

گذشتہ روز طبیعت خرابی کے باعث شہباز گل کو پمز اسپتال اسپتال منتقل کیا گیا تھا ، اسپتال ذرائع کا کہنا تھا کہ شہباز گل کی میڈیکل رپورٹ پر ڈاکٹرز کی مشاورت جاری ہے۔

ذرائع نے کہا تھا کہ ان کی مجموعی طور پر صحت تسلی بخش ہے، اور انھیں بدستور لو فلو آکسیجن دی جا رہی ہے، شہباز گل کے کچھ ٹیسٹ کے نتائج آنا باقی ہیں، جن میں کرونا رپورٹ بھی شامل ہے۔

گزشتہ رات ڈاکٹرز کی تجویز پر شہباز گل کی ای سی جی ٹیسٹ کیا گیا تھا، اسپتال ذرائع کا کہنا تھا کہ ان کی ای سی جی مکمل طور پر نارمل نہیں ہے، شہباز گل کو طویل عرصہ سے سانس کا عارضہ لاحق ہے۔