Author: جہانگیر خان

اسلام آباد: ملک میں عید الضحیٰ سے قبل کانگو وائرس کے پھیلنے کے خبر نے سنسنی پھیلا دی ہے۔

ذرائع کے مطابق طبی ماہرین نے بڑی عید کے موقع پر کانگو وائرس کےپھیلاؤ کا خدشہ ظاہر کیا ہے، اس سلسلے میں قومی ادارہ صحت کی جانب سے ہدایت نامہ جاری کردیا گیا ہے، جسے ماہرین نے تیار کیا ہے، ہدایت نامہ کا مقصد شہریوں و طبی ماہرین کو کانگو بارے معلومات فراہم کرناہے۔

ہدایت نامے میں کہا گیا ہے کہ عیدالاضحیٰ سے قبل مویشیوں کی ملک گیر نقل وحمل ہوتی ہے اور انسانوں کا جانوروں سے میل جول بڑھ جاتاہے جس کے باعث کانگو وائرس کےپھیلاؤ کاخدشہ ہوتا ہے۔

یہ بھی پڑھیں: کورونا کا خطرہ ٹلا نہیں، ملک میں نئے ویریئنٹ کی تصدیق

این آئی ایچ کے ماہرین کی جانب سے تیار کردہ ہدایت نامے میں کہا گیا کہ کانگو وائرس مویشی کی کھال سےچپکی چیچڑ میں پایاجاتا ہے، گائے،بکری، بھیڑوں،پالتو جانوروں کی جلد کانگو وائرس کی پناہ گاہ ہے، چیچڑ کی وجہ سے یہ وائرس ایک سے دوسری جگہ منتقل ہوتا ہے۔

ہدایت نامے میں بتایا گیا کہ نیرو وائرس انسانوں کو کانگو بخار لاحق ہونےکا سبب بنتا ہے جس کے باعث انسان ہیموریجک بخار میں مبتلا ہوتا ہے، اس بخار سے ہلاکتوں کی شرح10تا40فیصدہوسکتی ہے۔

ہدایت نامے میں کہا گیا کہ وائرس کا پھیلاؤ روکنےکیلئے بروقت اقدامات ناگزیرہیں اور بروقت حفاظتی اقدامات سے اس کا پھیلاؤ روکناممکن ہے۔

وزارت قومی صحت میں بڑے عہدوں پر تبادلے کردیے گئے ہیں، وزارت کے ڈائریکٹر جنرل ٹیکنیکل اور سربراہ کامن منیجمنٹ یونٹ کو عہدوں سے ہٹادیا گیا ہے۔

اے آر وائی نیوز کے مطابق وزارت قومی صحت میں بڑے عہدوں پر تبادلے کردیے گئے ہیں اور وزرات کے ڈائریکٹر جنرل ٹیکنیکل اور سربراہ کامن منیجمنٹ یونٹ کو ان کے عہدوں سے ہٹا دیا گیا ہے۔

اس حوالے سے وزارت صحت کے ذرائع نے اے آر وائی نیوز کو بتایا ہے کہ سربراہ کامن منیجمنٹ یونٹ بشیر کیتھران اور ڈائریکٹر جنرل ٹیکنیکل کو ان کے عہدوں سے ہٹا دیا گیا ہے جب کہ گریڈ 20 کی ڈاکٹر سبینہ عمران درانی کی خدمات قومی ادارہ صحت کو واپس کردی گئی ہیں۔

ذرائع کے مطابق گریڈ 20 کے بشیر کھیتران جوائنٹ سیکرٹری وزارت قومی صحت ہیں اور انہیں سربراہ کامن منیجمنٹ کا اضافی چارج سونپا گیا تھا۔

ذرائع نے بتایا کہ کامن مینجمنٹ یونٹ ن لیگ کے دور حکومت میں تشکیل پایا تھا اور قومی انسداد ٹی بی، ایڈز، ملیریا پروگرام کامن مینجمنٹ یونٹ کا حصہ ہیں، ڈاکٹر ناصر کامن مینجمنٹ یونٹ پروگرام کے بانی سربراہ تھے جب کہ ڈاکٹر عامر اکرام ، ڈاکٹر صفدر رانا سربراہ سی ایم یو رہ چکے ہیں۔

پاکستان میں کورونا کے نئے ویریئنٹ بی ڈاٹ فور اور بی ڈاٹ فائیو کی تصدیق ہوئی ہے اس وائرس کے پھیلاؤ کی رفتار تیز ہے۔

اے آر وائی نیوز کو ذرائع نے بتایا ہے کہ ملک میں کورونا کے نئے ویریئنٹ بی ڈاٹ فور اور بی ڈاٹ فائیو کی تصدیق ہوئی ہے جو کہ اومیکرون کے سب ویرینٹ ہیں اور اس وائرس کے کیسز مسلسل رپورٹ ہورہے ہیں۔

قومی ادارہ صحت کے ذرائع کے مطابق اس وائرس کے پھیلاؤ کی رفتار تو تیز ہے تاہم بی ڈاٹ فور اور بی ڈاٹ فائیو زیادہ مہلک نہیں ہیں اور تمام کورونا ویکسین ان دونوں ویریئنٹ کے خلاف مؤثر ہیں۔

این آئی ایچ ذرائع کے مطابق کورونا کے بی ڈاٹ فور اور بی ڈاٹ فائیو ویریئنٹ کے کیسز اب تک ملک کے مختلف شہروں میں رپورٹ ہوچکے ہیں اور مسلسل ہورہے ہیں۔

واضح رہے کہ عالمی ادارہ صحت اس حوالے سے پہلے ہی انتباہ دے چکا ہے کہ دنیا سے اب تک کورونا وائرس کا مکمل خاتمہ نہیں ہوا ہے۔

گزشتہ ماہ عالمی ادارہ صحت کے سربراہ ٹیڈروس ایڈہانوم نے کہا تھا کہ دنیا سے اب تک کورونا وائرس کا مکمل خاتمہ نہیں ہوا ہے، اس نے ہر موڑ پر ہمیں حیران کیا ہے اس لیے اب بھی وائرس سے احتیاط لازم ہے۔

یہ بھی پڑھیں: کرونا کے حوالے سے عالمی ادارہ صحت نے خبردار کردیا

ان کا کہنا تھا کہ کرونا وبا مکمل طور پر ختم نہیں ہوا، اس وقت بھی دنیا کے 70 ممالک میں کورونا کیسز میں اضافہ ہو رہا ہے۔ کورونا وائرس نے ہر موڑ پر ہمیں حیران کیا ہے اس لیے تاحال مہلک وائرس سے متعلق کسی قسم کی پیشن گوئی کرنے کے قابل نہیں ہوسکے ہیں۔