Author: جہانگیر خان

اسلام آباد: چین سے کورونا ویکسین کی مزید دو کھیپس پاکستان پہنچ گئیں۔

اے آر وائی نیوز کے مطابق ذرائع وزارت صحت کا کہنا ہے کہ چین سے کورونا ویکسین کی مزید دو کھیپس پاکستان پہنچی ‏ہیں، چین سے کورونا ویکسین کی 11 لاکھ 95 ہزار ڈوز لائی گئی ہیں۔

ذرائع وزارت صحت کے مطابق کین سائینو ویکسین کی 1 لاکھ 95 ہزار ڈوز گزشتہ رات پہنچی ہیںِ جبکہ سائینو ویک ویکسین کی ‏‏10 لاکھ ڈوز لے کر طیارہ اسلام آباد پہنچ گیا۔

ذرائع کا کہنا ہے کہ چین سے لائی گئی کورونا ویکسین حکومت نے چین سے خریدی ہیں۔

واضح رہے کہ وفاقی حکومت نے ویکسین کی فراہمی میں بہتری کے بعد آج سے سے 30سال اور اس سے زائد عمر کے ‏افراد کی ویکسینیشن کی رجسٹریشن شروع کرنے کا اعلان کیا ہے۔

اس سے قبل حکومت نے 40سالہ افراد کو واک ان ویکسینیشن کی سہولت دینے کا فیصلہ کیا تھا، شہری کسی بھی سینٹر سے ‏ویکسی نیشن کراسکتے ہیں۔

اسد عمر کا کہنا تھا کہ بزرگوں سے ویکسینیشن شروع کرنےکی وجہ عالمی سطح پرمحدودفراہمی ہے، ایک اور وجہ ملک ‏میں ویکسی نیشن کی گنجائش بھی ہے، مستقل کوشش سے ویکسین کی فراہمی ،گنجائش دونوں مسلسل بڑھ رہی ہے۔

خیال رہے ملک میں40 سال سے زائد عمر افراد کی ویکسینیشن کا آغاز3 مئی سےہوا تھا تاہم ملک بھر میں ابتک تقریباً 4 ملین ‏افراد کی ویکسی نیشن ہو چکی ہے۔

بیرون ملک سے آنے والے کوورنا مریض پکڑنے کےلیے انوکھا فیصلہ سامنے آیا ہے۔ سراغ رساں کتے ‏ایئر پورٹ پر کورونا مریض کی نشاندہی کریں گے۔

یہ فیصلہ جعلی کورونا رپورٹس سے پاکستان آنے والے مسافروں میں کورونا کیسز سامنے آنے کے ‏بعد کیا گیا ہے۔
اسلام آباد ایئر پورٹ پر سراغ رساں کتوں کی تعیناتی کی منظوری دے دی گئی ہے اور سراغ رساں ‏کتے ایئر پورٹ پر کورونا مریض کی نشاندہی کریں گے۔

پاک فوج ایئر پورٹ انتظامیہ کو تربیت یافتہ کتے فراہم کرے گی، سراغ رساں کتے12مئی سےتعینات ‏ہوں گے، اسلام آبادایئرپورٹ انتظامیہ نےاےسی سی ٹیم کوداخلےکی اجازت دے دی ہے۔

وزارت صحت کی 4رکنی ٹیم اسلام آبادایئرپورٹ پرتعینات ہوگی، وزارت صحت کی ٹیم مشتبہ ‏مسافرسےکورونا ٹیسٹ کیلئےنمونہ لےگی۔ ایئرپورٹ پروزارت صحت کی ٹیم دوشفٹوں میں تعینات ‏رہےگی۔

مختلف ممالک میں کتوں کوکورونامریضوں کی نشاندہی کی تربیت دی گئی ہے۔مختلف ممالک میں ‏ایئرپورٹ پرتربیت یافتہ کتوں سےمددلی جارہی ہے۔

دوسری جانب جعلی کورونا رپورٹس پر پاکستان سفر کرنے کے واقعات کا سول ایوی ایشن اتھارٹی ‏نے ‏نوٹس لے لیا۔ ‏
‏
پاکستان میں کام کرنے والی تمام ایئر لائنز کیلئے نئی ہدایات جاری کر دی گئیں۔ سول ایو ی ایشن ‏کا ‏کہنا ہے کہ کچھ مسافروں نے جعلی پی سی آر منفی ٹیسٹ رپورٹ پر پاکستان کا سفر کیا ایسے ‏‏مسافروں نے ساتھ سفر کرنے والوں کو بھی خطرے میں ڈالا۔

سی اے اے کے مطابق ان واقعات سے کورونا پر قابو پانے کی قومی سطح پر کی جانے والی ‏‏کوششوں کو بھی نقصان پہنچا، پاکستان آنے والے مسافرتصدیق شدہ لیبارٹریز سے ہی کورونا ٹیسٹ ‏‏کرائیں۔

سول ایوی ایشن کا کہنا ہے کہ درست کیوآرکوڈ کے بغیر کسی مسافر کی منفی رپورٹ قبول نہیں ‏‏کی جائے گی اور رپورٹ کی کاپی قابل قبول نہیں ہوگی، ایسے مسافر جو پاس ٹریک ایپ میں ‏‏رجسٹرڈ نہ ہوں وہ پاکستان سفر کے اہل نہیں۔

سی اےاے نے کہا ہے کہ تمام ایئرلائینز ہدایات پر سختی سے عملدرآمد کروائیں، سول ایوی ایشن ‏‏کے ساتھ ایئرلائن آپریٹرز،اسٹیک ہولڈرز کی بھی ذمہ داری ہے۔

ڈرگ ریگولیٹری اتھارٹی پاکستان (ڈریپ) نے کورونا ادویات مہنگی فروخت والوں کے گرد شکنجہ ‏کسنے کا فیصلہ کر لیا۔

کورونا علاج میں استعمال ہونے والی ادویات کی قیمتیں مقرر کرکے فہرست جاری کر دی گئی۔ ‏ڈریپ نے کورونا ادویات کی پرائس لسٹ آفیشل ویب سائٹ پر جاری کی ہے۔

سی ای او ڈریپ ڈاکٹر عاصم رؤف کے مطابق کورونا کی مختلف مقدار اور کمپنیز کی 36 ادویات ‏کی قیمتیں مقرر کی ہیں، اینٹی وائرل انجکشنز، اینٹی بائیوٹک ٹیبلٹس، کیپسول کی قیمت مقرر کی ‏گئی ہے۔

انہوں نے کہا کہ کورونا سے متعلقہ 27 انجکشنز، 7 ٹیبلٹس، 2 کیپسول کی قیمت مقرر کی ہے۔ ‏ریمیڈیسویر، ایکٹیمرا انجکشن کی زیادہ سے زیادہ قیمت مقرر کی گئی۔ ایکٹیمرا 200 ایم جی ‏انجکشن کی قیمت 39689 مقرر ہے۔

ایکٹیمرا 400 ایم جی انجکشن کی قیمت 79378 اور ریمیڈیسویر انجکشن کی قیمت 5680 روپے ‏مقرر کی گئی ہے۔

سی ای او ڈریپ کا کہنا ہے کہ زائد قیمت پر ادویات کی فروخت خلاف قانون تصور کی جائے گی، ‏زائد قیمت، بلیک مارکیٹنگ والوں کو سخت سزائیں دی جائیں گی، کورونا ادویات بارے شکایات، ‏رہنمائی کیلئے فوکل پرسن مقرر ہیں شہری خریداری سے قبل فوکل پرسن سے ادویات کی قیمت ‏معلوم کریں۔