Author: جہانزیب علی

واشنگٹن : سابق امریکی سینیٹر براؤن بیک نے بھارت میں مذہبی آزادی کی خلاف ورزیوں پرتشویش کا اظہار کرتے ہوئے کہا بھارت اقلیتوں کیلئے خطرناک ملک بنتا جارہا ہے۔

تفصیلات کے مطابق سابق امریکی سینیٹراورمذہبی آزادی کے علمبردار سیم براؤن بیک نے انٹرویو میں بھارت میں مذہبی آزادی کی خلاف ورزیوں پرتشویش کا اظہار کیا، سیم براؤن بیک ٹرمپ انتظامیہ میں مذہبی آزادی کےسفیربھی رہ چکےہیں۔

براؤن بیک نے کہا کہ بھارت میں100سے زائد گرجا گھروں کوجلادیاگیاہے اور مودی حکومت کہتی ہےکہ یہ نفرت پرمبنی واقعہ نہیں، نفرت کے واقعات نہیں تو اقلیتوں کے ہوٹل کیوں جلائے گئے۔

ریپبلکن ممبر کا کہنا تھا کہ بھارت میں مسلمانوں کاقتل عام کیاجارہاہے، بھارت میں ہندوتواپروان چڑھ رہاہے اور بھارت اقلیتوں کیلئےخطرناک ملک بنتاجارہاہے۔

سیم براؤن بیک نے مزید کہا کہ مذہبی آزادی کامعاملہ بھارت کیلئےسیاہ داغ بن چکاہے، دنیا کی بڑی جمہوریت امریکی کمشنرزتک کوویزےنہیں دیتی۔

ان کا کہنا تھا کہ امریکی حکومت بھارت سےمتعلق مفادات کازیادہ سوچ رہی ہے، امریکاسوچتاہےبھارت کوچین کےمقابلےمیں مضبوط کرناہے، بھارت بھی کہتا ہے چین کےمقابلے امریکا کو ان کی ضرورت ہے۔

ریپبلکن ممبر نے کہا کہ ہمیں اپنی اقدارکیلئےکھڑارہنا پڑے گا، بھارت کیخلاف فیصلےنہ کرنےسےامریکاکی ساکھ متاثرہورہی ہے۔

واشنگٹن : امریکی کمیشن برائے بین الاقوامی مذہبی آزادی نے بھارت کو تشویشناک ممالک کی فہرست میں شامل کرنے کا مطالبہ کرتے ہوئے کہا مودی حکومت ہندوتوا پالیسی پر کام کر رہی ہے۔

تفصیلات کے مطابق امریکی کمیشن کے نائب چیئرمین فریڈرک ڈیوی نے اے آر وائی نیوز کو انٹرویو دیتے ہوئے کہا کہ بھارت کوتشویشناک ممالک کی فہرست میں شامل نہیں کیاگیا، امریکی محکمہ خارجہ کے فیصلے پر سخت تشویش ہے، 3 سال سے بھارت کو تشویشناک ممالک میں شامل کرنے کا مطالبہ کررہے ہیں۔

فریڈرک ڈیوی کا کہنا تھا کہ مودی حکومت کا مسلمانوں سمیت دیگر اقلیتوں سے رویہ بدسلوک ہے، مودی حکومت بھارت کوہندو ریاست بنانا چاہتی ہے، امریکی محکمہ خارجہ کو واضح کردیا بھارت کو تشویشناک ممالک میں ڈالنا ہوگا۔

نائب چیئرمین امریکی کمیشن نے کہا کہ بھارت کےمعاملےپروزیر خارجہ ٹونی بلنکن سےملاقات کی ہے، امریکی حکومت کے بھارت سے مفادات جڑے ہوئے ہیں، مفادات کی وجہ سے امریکا بھارت کیخلاف فیصلے لینے سے ہچکچارہا ہے۔

ان کا کہنا تھا کہ ٹونی بلنکن کو بتادیا امریکی کمیشن ان کے فیصلے سے اتفاق نہیں کرتا، بھارت کو تشویشناک ممالک میں شامل کرنے سے مفادات متاثر نہیں ہوں گے، ہم یہ معاملہ امریکی حکومت کے سامنے اٹھاتے رہیں گے۔

فریڈرک ڈیوی نے کہا کہ بھارت مذہبی آزادی کےامریکی کمشنرزکوویزےبھی جاری نہیں کررہا، مودی حکومت ہندوتواپالیسی پرکام کررہی ہے۔

امریکی کمیشن نے بابری مسجد کی جگہ مندر کی تعمیر پر تشویش کا اظہار کیا ، فریڈرک ڈیوی کا کہنا تھا کہ مسجد کی جگہ پر مندر تعمیر کرنامذہبی آزادی کی خلاف ورزی ہے، مودی حکومت کا مسجد پر مندر تعمیر کرنے کا جشن قابل قبول نہیں۔

نائب چیئرمین امریکی کمیشن نے سوال کیا کہ مودی حکومت نے آئین میں سکھ کمیونٹی کوہندوقراردیا جس پر وہ احتجاج کرتے ہیں، مودی حکومت کسی کمیونٹی پراپنا مذہب مسلط نہیں کر سکتی، اقلیتوں کومحفوظ کرنےکیلئےپاکستان کو موثراقدامات کرنےکی ضرورت ہے، پاکستان میں اقلیتوں پرمظالم کی خبروں پرغمزدہ ہیں۔

سان فرانسسکو: خالصتان مہم کے قائد گرپتونت سنگھ پنوں کا کہنا ہے کہ بھارت قاتلانہ حملوں سے ہمیں ڈرا نہیں سکتا، بیرون ملک سکھ رہنماؤں پر قاتلانہ حملوں کے بعد خالصتان تحریک اور مضبوط ہوئی۔

تفصیلات کے مطابق خالصتان مہم کے قائد گرپتونت سنگھ پنوں نے اے آر وائی نیوز سے خصوصی بات چیت کرتے ہوئے کہا کہ خالصتان ریفرنڈم کامقصد جمہوری طریقے سے خالصتان حاصل کرنا ہے، میں دلیروں کےشہرمیں رہتاہوں جہاں اظہاررائےکی آزادی ہے۔

گرپتونت سنگھ پنوں کا کہنا تھا کہ بھارت قاتلانہ حملوں سے ہمیں ڈرا نہیں سکتا، بیرون ملک سکھ رہنماؤں پر قاتلانہ حملوں کے بعد خالصتان تحریک اور مضبوط ہوئی، مرنے کا خوف ہوتا تو یہ کام ہی نہ کرتے۔

خالصتان مہم کے قائد نے کہا کہ خالصتان ریفرنڈم میں پہلی مرتبہ نوجوانوں نے بھرپور شرکت کی، بھارت اگر آج پنجاب میں ریفرنڈم کرائے تو 90 فیصد سکھ خالصتان کیلئے ووٹ دیں گے۔

ان کا کہنا تھا کہ ہم پرتشدد تحریک کے حق میں نہیں، جمہوری طریقے سے خالصتان حاصل کریں گے،خالصتان بنانے میں بھارت جتنی دیر کرے گا اتنے ہی اس کے ٹکڑے ہوں گے۔

گرپتونت سنگھ نے مزید کہا کہ بھارت پنجاب میں کسانوں کا معاشی قتل کر رہا ہے، مقبوضہ کشمیرکی طرح بھارتی پنجاب میں بھی غیرپنجابیوں کو آباد کیا جارہا ہے۔

واشنگٹن: ہوم لینڈ سیکیورٹی نے امریکی امیگریشن نظام کو ٹوٹ پھوٹ کا شکار قراردیتے ہوئے کہا کہ بدقسمتی سےاس ٹوٹے ہوئے امیگریشن سسٹم کوصرف امریکی کانگریس ہی ٹھیک کرسکتی ہے۔

تفصیلات کے مطابق ہوم لینڈ سیکیورٹی کے اسسٹنٹ سیکریٹری بلاس نونیز نیٹو نے پریس کانفرنس کی اس موقع پر صدربائیڈن کی نائب معاون کیٹی ٹوبن اور وسطی امریکا کے نائب معاون وزیرخارجہ بھی موجود تھے۔

اسسٹنٹ سیکریٹری ہوم لینڈ سیکیورٹی بلاس نونیز نے کہا کہ امریکی امیگریشن نظام ناقص ہے، امیگریشن نظام ٹھیک کرنے کیلئے دونوں جماعتوں کومذاکرات کرنا ہوں گے۔

واشنگٹن: امریکی سرحدوں سے غیر قانونی طور پر داخل ہونے والے تارکین وطن کا معاملہ! امریکی ہوم لینڈ سیکیورٹی ڈیپارٹمنٹ کے اسسٹنٹ سیکریٹری بلاس نونیز کی پریس کانفرنس#ARYNews pic.twitter.com/hK5hAi5gOK

— ARY NEWS (@ARYNEWSOFFICIAL) November 25, 2023

بلاس نونیز کا کہنا تھا کہ امیگریشن اورسیاسی پناہ کےقوانین فرسودہ ہوچکےہیں، واشنگٹن سرحدوں پرموجودبحران سے نمٹنے کیلئے کانگریس کرداراداکرے۔

سینیٹ میں اس معاملے پرہونےوالی دوطرفہ بات چیت خوش آئندہے، کانگریس نےدہائیوں سےامیگریشن اورپناہ کےقوانین کواپ ڈیٹ نہیں کیا، اراکین کانگریس سےمطالبہ ہےوہ ان قوانین کواپ ڈیٹ کرنے کیلئے کام کریں، کوئی ایک سیاسی جماعت امیگریشن بحران سے نہیں نمٹ سکتی۔

نونیز نے ٹیکساس اورایریزونا کے ریپبلکن گورنرز کے اقدامات پر بھی مایوسی کااظہار کرتے ہوئے کہا کہ سرحدپرکچھ گورنرز کی جانب سے کیے اقدامات مایوس کن ہیں، ری پبلکن گورنرزکےاقدامات تارکین وطن،افسران کوخطرےمیں ڈال رہےہیں۔

ان کا مزید کہنا تھا کہ ہم نےان این جی اوز،ریاستی،مقامی حکومتوں کی مددکیلئےایک بلین ڈالرسےزائدرقم تقسیم کی، بدقسمتی سےاس ٹوٹے ہوئے امیگریشن سسٹم کو صرف امریکی کانگریس ہی ٹھیک کرسکتی ہے۔