امریکی محکمہ خارجہ نے جمعہ کو امریکا میں مقیم 1,350 سے زائد ملازمین کو برطرف کرنا شروع کر دیا ہے یہ اقدام صدر ڈونلڈ ٹرمپ کی انتظامیہ کی جانب سے اپنی سفارتی کور کو از سر نو تشکیل دینے کی ایک غیر معمولی کوشش کا حصہ ہے۔

ناقدین کا کہنا ہے کہ اس سے بیرون ملک امریکی مفادات کے دفاع اور فروغ کی امریکہ کی صلاحیت کمزور ہو گی۔

یہ چھانٹیاں، جو 1,107 سول سروس اور 246 فارن سروس افسران کو متاثر کرتی ہیں، ایسے وقت میں کی جا رہی ہیں جب واشنگٹن عالمی سطح پر کئی بحرانوں سے نبرد آزما ہے جیسا کہ روس-یوکرین جنگ، غزہ میں تقریباً دو سال سے جاری تنازعہ، اور اسرائیل اور ایران کے درمیان بڑھتی ہوئی کشیدگی کے باعث مشرق وسطیٰ میں تناؤ۔۔

محکمہ خارجہ کے ایک اندرونی نوٹس میں کہا گیا ہے کہ "محکمہ سفارتی ترجیحات پر توجہ مرکوز کرنے کے لیے اندرونی کارروائیوں کو ہموار کر رہا ہے۔” اس میں مزید کہا گیا ہے کہ "ملازمین کی تعداد میں کمی کو غیر بنیادی افعال، دہرائے جانے والے یا غیر ضروری دفاتر، اور ایسے دفاتر جہاں نمایاں کارکردگی حاصل کی جا سکتی ہے، کو متاثر کرنے کے لیے احتیاط سے تیار کیا گیا ہے۔”

نوٹس اور محکمہ خارجہ کے ایک سینئر اہلکار کے مطابق، رضاکارانہ علیحدگیوں سمیت مجموعی طور پر تقریباً 3,000 ملازمین کی کمی کی جائے گی، جو امریکہ میں مقیم 18,000 ملازمین میں سے ہے۔

یہ اقدام ٹرمپ کی جانب سے امریکی خارجہ پالیسی کو ان کے "امریکہ فرسٹ” ایجنڈے کے ساتھ ہم آہنگ کرنے کی کوشش کا پہلا قدم ہے۔ سابق سفارت کاروں اور ناقدین کا کہنا ہے کہ فارن سروس افسران کی برطرفی سے چین اور روس جیسے مخالفین کی بڑھتی ہوئی جارحیت کا مقابلہ کرنے کی امریکہ کی صلاحیت خطرے میں پڑ سکتی ہے۔

ڈیموکریٹک سینیٹر ٹم کین نے ایک بیان میں کہا کہ "صدر ٹرمپ اور وزیر خارجہ روبیو ایک بار پھر امریکہ کو کم محفوظ بنا رہے ہیں۔” کین نے مزید کہا کہ "یہ سب سے مضحکہ خیز فیصلوں میں سے ایک ہے جو ایسے وقت میں کیا جا سکتا ہے جب چین دنیا بھر میں اپنے سفارتی اثر و رسوخ میں اضافہ کر رہا ہے اور بیرون ملک فوجی اور نقل و حمل کے اڈے قائم کر رہا ہے، روس ایک خودمختار ملک پر کئی سالوں سے وحشیانہ حملہ جاری رکھے ہوئے ہے، اور مشرق وسطیٰ بحران سے بحران کی طرف بڑھ رہا ہے۔”

محکمہ کے واشنگٹن ڈی سی میں واقع صدر دفتر کے اندر کئی دفاتر قائم کیے گئے تھے تاکہ برطرف کیے جانے والے ملازمین اپنے بیجز، لیپ ٹاپ، ٹیلی فون اور ایجنسی کی دیگر ملکیت واپس کر سکیں۔ ان دفاتر پر "ٹرانزیشن ڈے آؤٹ پروسیسنگ” کے پوسٹر لگے ہوئے تھے۔ ایک کاؤنٹر کو "آؤٹ پروسیسنگ سروس سینٹر” کا نام دیا گیا تھا جس کے ساتھ ٹشو باکس کے ساتھ پانی کی چھوٹی بوتلیں رکھی ہوئی تھیں۔ ایک دفتر کے اندر، گتے کے ڈبے نظر آ رہے تھے۔

برطرف کیے جانے والے ملازمین کو بھیجی گئی پانچ صفحات پر مشتمل "سیپریشن چیک لسٹ” جس کو رائٹرز نے دیکھا، اس میں ملازمین کو بتایا گیا ہے کہ وہ جمعہ کو شام 5 بجے ای ڈی ٹی تک عمارت اور اپنی ای میلز تک رسائی کھو دیں گے۔ اس میں ملازمین سے کہا گیا ہے کہ وہ اپنی برطرفی سے قبل کئی اقدامات مکمل کریں۔

امریکی محکمہ خارجہ کی ترجمان ٹیمی بروس کا کہنا ہے کہ غزہ میں حالات معمول پر لانے کے لیے حماس کو ہتھیار ڈالنا اور مغوی رہا کرنا ہوں گے۔

ترجمان امریکی محکمہ خارجہ ٹیمی بروس کا کہنا ہے کہ غزہ کی صورت حال کی ذمہ دار حماس ہے، حماس نے جنگ بندی کے معاہدے کو متعدد مرتبہ توڑا ہے۔

انہوں نے کہا کہ صدر ٹرمپ کہہ چکے کہ عرب شراکت داروں کے ساتھ مل کر غزہ کی تعمیر نو کی جائے گی، وہ غزہ میں جنگ بندی کے لیے پرامید ہیں۔

ٹیمی بروس کا کہنا تھا کہ ہم نے تمام تنازعات میں شہریوں کی ہلاکت کی مذمت کی ہے۔

ان سے سوال کیا گیا کہ کیا امریکا کی یوکرین کو ہتھیاروں کی فراہمی روکنا مسائل پیدا نہیں کرے گی؟ جواب میں ٹیمی بروس نے کہا کہ ہتھیاروں کی فراہمی میں وقفہ کیا گیا ہے لیکن ساتھ دیگر اقدامات جاری ہیں۔

ترجمان امریکی محکمہ خارجہ نے کہا کہ چاہتے ہیں یورپ بھی اب اس معاملے میں مزید اقدامات کرے اور آگے آئے، مشرق وسطیٰ ہمیشہ کے لیے تبدیل ہوگیا ہے۔