Author: جہانزیب علی

واشنگٹن : ترجمان امریکی محکمہ خارجہ نے عمران خان کے وارنٹ گرفتاری سے متعلق سوال کا جواب دینے سے گریز کرتے ہوئے کہا کہ یہ سوال پاکستانی عوام کیلئے ہے ،امریکا کیلئے نہیں۔

تفصیلات کے مطابق امریکی محکمہ خارجہ کے ترجمان نیڈپرائس  کی پریس بریفنگ کے دوران صحافی نے عمران خان کےوارنٹ گرفتاری سےمتعلق سوال کیا؟

جس پر نیڈ پرائس نے کہا کہ یہ سوال پاکستانی عوام کیلئے ہے ،امریکا کیلئے نہیں۔

ترجمان امریکی محکمہ خارجہ کا کہنا تھا کہ پاکستان میں جمہوری،آئینی، قانونی اصولوں کی حمایت کرتےہیں۔

افغان مہاجرین کے حوالے سے انھوں نے کہا کہ افغان مہاجرین کیخلاف کریک ڈاؤن پر پاکستان سےبات کررہےہیں، تمام ریاستیں افغان پناہ گزینوں سےمتعلق اپنی اپنی ذمہ داریوں کوپوراکریں۔

نیڈ پرائس نے روز دیا کہ مہاجرین کو ایسی جگہ نہ بھیجا جائے، جہاں انہیں ظلم وستم کاسامناہو۔

یاد رہے ترجمان امریکی محکمہ خارجہ نیڈ پرائس نے پریس کانفرنس میں عمران خان کے الزامات کے سوال پر کہا تھا کہ عمران خان کے الزامات سے متعلق تبصرہ نہیں کروں گا۔

نیڈ پرائس کا کہنا تھا کہ الزامات آنے کے بعد اس پر کئی بار بات ہوئی، الزامات میں کبھی کوئی حقیقت نہیں تھی، پاکستان میں کسی سیاسی رہنما یا جماعت کوکسی پرفوقیت نہیں دیتے۔

واشنگٹن : امریکی محکمہ خارجہ کے ترجمان نیڈ پرائس کا کہنا ہے کہ امریکا پاکستان کیساتھ اقتصادی وتجارتی تعلقات کو مثالی بنانے کا خواہشمند ہے۔

تفصیلات کے مطابق ترجمان امریکی محکمہ خارجہ نیڈ پرائس نے میڈیا بریفنگ دیتے ہوئے کہا کہ امریکا اور پاکستان کے درمیان مضبوط تجارتی تعلقات ہیں، امریکا پاکستان کیساتھ اقتصادی و تجارتی تعلقات کو مثالی بنانے کا خواہشمند ہے۔

نیڈ پرائس کا کہنا تھا کہ پاک امریکا سرمایہ کاری کے لیے وزارتی اجلاس جاری ہے، پاک امریکا وزارتی اجلاس کی میزبانی امریکی تجارتی نمائندے نے کی۔

ترجمان امریکی محکمہ خارجہ نے کہا کہ پاک امریکا مضبوط تجارتی واقتصادی تعلقات وقت کی ضرورت ہیں، معاشی استحکام کی بدولت پاکستان حالیہ سیلاب کی تباہی سےنبردآزماہوسکتاہے۔

انھوں نے بتایا کہ اجلاس میں امریکی کاروباری اداروں کو پاکستان میں تجارتی مواقع سےآگاہ کیاجارہاہے، پاک امریکا تجارتی تعلقات کو مزید فروغ دینے کیلئے کوشاں ہیں۔

نیڈ پرائس نے مزید کہا کہ دودہائیوں میں پاکستان میں سرمایہ کاری کرنےوالوں میں امریکاسرفہرست ہے، پاکستان میں 80امریکی کمپنیوں میں ایک لاکھ20ہزارسےزائدملازمتیں فراہم کی گئیں ہیں۔

امریکی ترجمان کا کہنا تھا کہ پاکستان کیساتھ توانائی،زرعی آلات،دیگرشعبوں میں تجارت کےفروغ کی ضرورت ہے، پاکستان کےساتھ ایک سال میں ہماری سرمایہ کاری میں تقریباً 50 فیصداضافہ ہوا۔

انھوں نے کہا کہ دہشت گردی کیخلاف امریکا اورپاکستان کےمشترکہ مفادات ہیں۔

نیڈ پرائس نے روز دیا کہ افغان طالبان وعدوں کی پاسداری کریں اور اس بات کو یقینی بنائیں کہ کالعدم ٹی ٹی پی، القاعدہ، داعش خطے کے استحکام کو نقصان نہ پہنچائیں۔

واشنگٹن : ترجمان امریکی محکمہ خارجہ نیڈ پرائس کا کہنا ہے کہ کسی پروپیگنڈے اور غلط معلومات کو پاک امریکا تعلقات میں حائل نہیں ہونے دیں گے۔

تفصیلات کے مطابق ترجمان امریکی محکمہ خارجہ کے ترجمان نیڈ پرائس نے پریس کانفرنس کرتے ہوئے کہا کہ پاکستان کے ساتھ دیرینہ تعلقات کو اہمیت دیتے ہیں۔

نیڈ پرائس کا کہنا تھا کہ امریکہ پاکستان سے دو طرفہ تعلقات کو اہم سمجھتا ہے ، کسی پروپیگنڈے اور غلط معلومات کو دو طرفہ تعلقات میں حائل نہیں ہونے دیں گے۔

امریکی ترجمان نے کہا کہ پاکستان امریکا کا قابل قدر شراکت دار ہے، ہم نے مسلسل کہا ہے کہ الزامات میں کوئی صداقت نہیں ، ہمارے مفاد کے لیے خوشحال، جمہوری پاکستان اہم ہے۔

ان کا مزید کہنا تھا کہ پاکستان کے ساتھ سیکیورٹی تعلقات ہمارے لئے اہم ہیں اور پاکستان کیلئے موجود خطرات ہمارے لئے بھی خطرہ ہیں۔

بھارت میں بی بی سی کے دفاتر پر چھاپوں کے سوال پر نیڈ پرائس نے کہا کہ دہلی میں بی بی سی کے دفاتر کی تلاشی کی رپورٹ سے آگاہ ہیں، دنیا بھر میں میڈیا کی آزادی کی حمایت کرتے ہیں۔

واشنگٹن : امریکی محکمہ خارجہ کے ترجمان نیڈ پرائس کا کہنا ہے کہ عمران خان کے الزامات میں کبھی کوئی حقیقت نہیں تھی۔

تفصیلات کے مطابق ترجمان امریکی محکمہ خارجہ نیڈ پرائس نے پریس کانفرنس میں عمران خان کے الزامات کے سوال پر کہا کہ عمران خان کے الزامات سے متعلق تبصرہ نہیں کروں گا۔

نیڈ پرائس کا کہنا تھا کہ الزامات آنے کے بعد اس پر کئی بار بات ہوئی، الزامات میں کبھی کوئی حقیقت نہیں تھی، پاکستان میں کسی سیاسی رہنما یا جماعت کوکسی پرفوقیت نہیں دیتے۔

یاد رہے اس سے قبل بھی امریکا نے سابق وزیراعظم عمران خان کے الزامات کو مسترد کرتے ہوئے کہا تھا کہ پہلے بھی کہہ چکے کہ ان کے الزامات میں کوئی صداقت نہیں۔

بعد ازاں ترجمان امریکی وزارت خارجہ ویندنٹ پٹیل نے کہا تھا کہ امریکہ پاکستان کے ساتھ دیرینہ تعلقات چاہتا ہے، ہم پر لگائے گئے الزامات میں قطعی صداقت نہیں۔

ترجمان امریکی وزارت خارجہ نے کہا تھا کہ کسی ایک یا دوسری سیاسی جماعت کے امیدوار پرکوئی پوزیشن نہیں رکھتے، پرامن آئینی و جمہوری اقدار کو برقرار رکھنے کی حوصلہ افزائی کرتے ہیں۔

ان کا کہنا تھا کہ پروپیگنڈا، جھوٹی اور بے بنیاد اطلاعات کو دوطرفہ تعلقات کی راہ میں نہیں آنے دیں گے۔

واشنگٹن :امریکی محکمہ خارجہ کے کونسلر ڈیرک شولے نے عمران خان سے بات چیت کے سوال پر کہا کہ عمران خان نے پاک امریکا تعلقات کی حساسیت کو مجروح کیا۔

تفصیلات کے مطابق امریکی محکمہ خارجہ کے کونسلر ڈیرک شولے سے اے آر وائی نیوز کے نمائندے نے سوال کیا کہ کیا الزامات کے بعد امریکا عمران خان سے بات چیت کیلئے تیار ہے؟

جس پر ڈیرک شولے کا کہنا تھا کہ  ہم عمران خان کے تمام الزامات کو مسترد کرتے ہیں ، عمران خان کے الزامات لوگوں کی توجہ ہٹانےکی کوشش تھی۔

عمران خان نے پاک امریکا تعلقات کی حساسیت کو مجروح کیا لیکن ہماری پالیسی پاکستان میں کسی ایک سیاسی جماعت کیلئے نہیں۔

امریکی محکمہ خارجہ کے کونسلر نے کہا کہ کوئی بھی پارٹی اقتدار میں آئے ہم اس سے بات کریں گے۔