واشنگٹن : امریکی محکمہ خارجہ کی ترجمان ٹیمی بروس نے کہا ہے کہ شکر ہے بھارت اور پاکستان کےدرمیان جنگ بندی ہوچکی ہے، صدر ٹرمپ پاک بھارت نسل درنسل جنگ کو حل کرنا چاہتے ہیں۔
واشنگٹن میں پریس کانفرنس کرتے ہوئے ترجمان امریکی محکمہ خارجہ ٹیمی بروس کا کہنا تھا کہ انڈر سیکریٹری ایلیسں ہوکر کی پاکستانی سفارتی وفد سےملاقات ہوئی ہے۔
پاکستانی سفارتی وفد سے ملاقات میں پاک بھارت جنگ بندی کی حمایت کا اعادہ کیا گیا، شکر ہے بھارت اور پاکستان کے درمیان جنگ بندی ہوچکی ہے۔
ترجمان امریکی محکمہ خارجہ ٹیمی بروس نے پریس بریفنگ میں بتایا کہ پاکستانی وفد سے دہشت گردی کیخلاف تعاون، دوطرفہ تعلقات پر گفتگو ہوئی۔
حیران نہیں ہونا چاہیے کہ جب صدر ٹرمپ کسی معاملے کو حل کرنا چاہیں، ٹرمپ پاکستان بھارت اختلافات، نسل درنسل جنگ کو حل کرنا چاہتے ہیں، صدر ٹرمپ واحد شخص ہیں جولوگوں کومذاکرات کی میز پر لائے۔
ترجمان امریکی محکمہ خارجہ کا کہنا تھا کہ دنیا صدرٹرمپ کو جانتی ہے میں ان کے منصوبوں پر زیادہ بات نہیں کرسکتی، یہ ایک دلچسپ وقت ہے کہ اگرہم مخصوص تنازع میں کسی نقطہ پرپہنچ جائیں۔
انہوں نے کہا کہ مجھےامید ہےکہ صدر ٹرمپ پاکستان بھارت کا مسئلہ بھی حل کرلیں گے، معاملے پر نائب صدر وینس اور وزیرخارجہ مارکو روبیو کے بھی شکر گزار ہیں۔
