Author: کامل عارف

کراچی میں اسپیشل انویسٹی گیشن یونٹ نے کارروائی کرتے ہوئے سادہ لوح افراد کو بے وقوف بنا کر لوٹنے والے جعلی پیر کو ساتھیوں سمیت گرفتار کرلیا ہے۔

اے آر وائی نیوز کے مطابق پولیس کے اسپیشل انویسٹی گیشن یونٹ نے کراچی کے علاقے گلستان جوہر میں کارروائی کرکے جعلی پیر اور اس کے 4 ساتھیوں کو گرفتار کرلیا جو پیسہ ڈبل کرنے کا جھانسہ دے کر سادہ لوح افراد کو لوٹا کرتے تھے۔

گرفتار ملزمان نے دوران تفتیش بتایا کہ ملزمان کا ایک ساتھی کسی بھی عام شہری کو روک کر اس سے پوچھتا کہ کیا یہاں کوئی قریب بڑا پیر ہے۔ اسی دوران ان کا دوسرا ساتھی آکر بتاتا کہ ہاں ایک بڑے پیر صاحب ہیں اور میں بھی ان کے پاس ہی جا رہا ہوا، آپ بھی چلیں۔

دونوں ملزمان اسی بہانے شہری کو بھی اپنے ساتھ گاڑی میں بٹھا کر جعلی پیر کے پاس لے جاتے اور اس سے ملاقات کراتے۔ جہاں شعبدہ باز جعلی پیر رومال یا ٹیشو پیپر کو آگ لگا کر اپنے ہاتھ کی مہارت دکھاتا۔

پولیس کے مطابق ملزمان کا گروہ پچاس افراد پر مشتمل ہے اور اس کارروائی میں ان میں سے 5 کارندے گرفتار ہوئے ہیں۔

پولیس کے مطابق ملزمان نوشہرو فیروز سے گاڑی کرائے پر لے کر کراچی آتے تھے۔ شہری پر بھروسہ قائم کرنے کے لیے ملزمان کا ایک ساتھی عام شہری بن کر ڈرامے میں شامل ہوتا تھا اور اپنا جعلی سونا دکھا کر کہتا کہ میرا سونا بھی ڈبل ہوگیا ہے۔ ان کے جھانسے میں آکر سادہ لوح شہری اپنا پیسہ اور سونا لے کر پیر کے پاس پہنچ جاتے تھے۔

کراچی پولیس نے کامیاب کارروائی کرتے ہوئے موبائل فون ایکسپرٹ سافٹ وئیر انجینئر سمیت چھ ڈاکوؤں کو گرفتار کرلیا ہے۔

پولیس کی جانب سے جاری بیان میں بتایا گیا کہ بلال کالونی اور سرسید پولیس نے مشترکہ کارروائیاں کے دوران موبائل فون ایکسپرٹ سافٹ ویئر انجینئرسمیت چھ ڈاکوؤں کو گرفتار کرلیا۔

پولیس کے مطابق ملزمان ڈسٹرکٹ سینٹرل میں مختلف وارداتوں میں ملوث تھے، گرفتار ملزم میں عطا سافٹ ویئر انجینئر اور ای ایم ای آئی تبدیل کرنے کا ماہر ہے۔

یہ بھی پڑھیں: کراچی : میمن گوٹھ میں مسلح افراد نے شہری کو گولیاں ماردیں

اس کے علاوہ ملزم ستار اور دیدار وائٹ کرولا گینگ کے مرکزی ملزمان بھی ہیں، دونوں ملزمان بینک سے کیش لیکر نکلنے والے شہریوں کو لوٹتے تھے۔

چند روز قبل بھی ملزمان نے سچل کے علاقے میں ستر لاکھ روپےچھینے تھے، گرفتار ملزمان سے اسلحہ ، پندرہ چھینے ہوئے موبائل فون،لیپ ٹاپ اور کمپیوٹر برآمد کیا گیا ہے۔

ملزمان سے مزید تفتیش کے لئے انہیں متعلقہ تھانے منتقل کردیا گیا ہے اور تفتیش کا آغاز کردیا گیا ہے۔

 پاکستان میں لوگ ہنی ٹریپ کا شکار ہونے لگے پولیس بھی ڈاکوؤں کے طریقہ کار سے پریشان ہوگئی۔

اے آر وائی نیوز کے مطابق ملک میں لوگ ہنی ٹریپ کا شکار ہورہے ہیں ڈاکوؤں کی جانب سے دلفریب زنانہ آواز نکال کر لوگوں کو ورغلا کر اغوا کیا جاسکتا ہے۔

سندھ کے شہر کشمور، گھوٹکی کے کچے کے ڈاکو زنانہ آواز میں ورغلاتے ہیں جو لوگ جھانسے میں آجاتے ہیں انہیں یرغمال بنا کر تاوان طلب کیا جاتا ہے۔

پولیس نے سندھ بارڈر پر بینرز لگادیے جبکہ پبلک بسوں میں بھی اعلانات کیے جارہے ہیں۔

پنجاب پولیس کی جانب سے ہنی ٹریپ سے بچاؤ کے لیے مہم جاری ہے جبکہ پولیس کا کہنا ہے کہ اعلانات سے 60 افراد کو بچانے میں کامیاب ہوئے ہیں۔