یہ فلم 2019ء میں ریلیز ہونے والی کام یاب ترین فلم "جوکر” (joker) کا ایک ایسا سیکوئل ہے، جس کو دیکھنے کے بعد یہ اندازہ ہوتا ہے کہ ایک خراب اور زبردستی بنایا جانے والا سیکوئل کیا ہوسکتا ہے۔ کہاں ایک طرف اس فلم سیریز کی پہلی فلم نے ناظرین اور ناقدین دونوں کو ورطۂ حیرت میں ڈال دیا تھا اورکہاں اب ریلیز ہونے والی یہ فلم، جو شاید اپنی لاگت بھی پوری کر لے تو بڑی بات ہے، کیونکہ اس کا بجٹ بھی دو سو ملین ڈالرز ہے اورکئی فن کاروں کی ساکھ بھی داؤ پر لگی ہوئی ہے۔
ایک بڑے پروڈکشن ہاؤس اور بڑی کاسٹ کے ساتھ ساتھ، بڑے بجٹ اور گزشتہ فلم کی مثالی شہرت کے باوجود یہ فلم اگر ناکام ہوئی ہے، تو اس کی واحد وجہ ایک غیر دل چسپ کہانی ہے۔ شاید فلم جوکر (joker) کے سیکوئل کی ضرورت ہی نہیں تھی، لیکن فلم ساز ادارے اور ہدایت کار نے اس کی کام یابی کو کیش کرانے کی کوشش کی اور کمائی ہوئی عزّت اور پیسے سے بھی ہاتھ دھو بیٹھے۔ یہ سب کیسے ہوا، اس کے لیے آپ کو یہ تجزیہ اور نقد پڑھنا چاہیے۔
کہانی/ اسکرپٹ
اس فلم کا مرکزی کردار جوکر کا ہے، جو بنیادی طور پر "ڈی سی کامکس” کے کرداروں میں سے ایک ہے۔ اس کردار پر بھی بہت ساری فلمیں بن چکی ہیں، لیکن 2019ء میں ریلیز ہونے والی فلم "جوکر” کو جو کام یابی ملی، وہ دیدنی تھی۔ اُس سال کے آسکر ایوارڈ میں تہلکہ مچانے والی فلم کی کہانی اور کرداروں کی تخلیق بھی باکمال تھی۔ حیرت انگیز طور پر ان دونوں فلموں کے اسکرپٹ رائٹر اسکاٹ سلور ہیں، دونوں اسکرپٹس میں انہیں، ان دونوں فلموں کے ہدایت کار "ٹوڈ فلپس کی معاونت بھی حاصل رہی۔ پہلی فلم ان دونوں کے تخلیقی ہنر کا درجۂ عروج ہے، جب کہ دوسری فلم دونوں کے ہنر کے زوال کی داستان ہے۔ ایسا لگتا ہے کہ انہوں نے زبردستی کہانی کو طول دینے کی کوشش کی، لیکن ناکام رہے۔ دوسری فلم میں بھی ان دونوں نے پہلی فلم کی کہانی ہی سنائی تو پہلی فلم کی کہانی سننے کے لیے دوسری فلم دیکھنے کی کیا ضرورت ہے ناظرین کو، بہتر ہے وہ پہلی فلم ہی دیکھ لیں، یہی وجہ ہے کہ دوسری فلم کو جو Joker: Folie à Deux کے نام سے بنائی گئی ناظرین نے مسترد کر دیا۔
اس دوسری فلم کی کہانی کا مرکزی خیال یہ ہے کہ وہ شخص جو جوکر بن کر اپنی روزی روٹی کماتا تھا اور وہ ایک پریشان کن شخصیت کا مالک تھا، کئی محرومیاں اس کی زندگی کا حصہ تھیں، پھر سماج کا برا سلوک جلتی پر تیل کا کام کرتا ہے اور وہ نفسیاتی مسائل سے دوچار ہوتے ہوئے جرائم کا مرتکب ہونے لگتا ہے۔ پہلی فلم کا اختتام یوں ہوا تھا کہ اس نے پانچ قتل کیے تھے اور معاشرے میں بدامنی پھیلانے کا باعث بھی بنا تھا اور پولیس اس کو گرفتارکر لیتی ہے۔ دوسری فلم کی ابتدا وہیں سے ہوتی ہے، وہ جیل میں اپنی سزا کا انتظار کر رہا ہوتا ہے۔ اس دوسری فلم میں اس کے مزاج کی ایک لڑکی اس کو ملتی ہے، دونوں میں محبت پروان چڑھتی ہے اور پھر یہ سلسلہ آگے بڑھتا ہے۔ یہ سب کیسے آگے بڑھتا ہے، فلم دیکھ کر تو کچھ سمجھ نہیں آتا، لیکن بہرحال ایسا ہوا۔
فلم سازی/ ہدایت کاری
معروف امریکی فلم ساز ادارے "وارنر بروس پکچرز” نے ان دونوں فلموں کو پروڈیوس کیا۔اس فلم کے سیکوئل کو بنانے کا حتمی فیصلہ، فلم میں مرکزی کردار ادا کرنے والے اداکار جیکوئن فینکس کی خواہش پر کیا گیا، ورنہ شاید فلم سازوں اور ہدایت کار ٹوڈ فلپس کو اس فلم کے سیکوئل میں اتنی دل چسپی نہ تھی، مگر اداکار کے اصرار نے انہیں اس پر کام کرنے کے لیے آمادہ کیا۔ اور آخر کار یہ فلم اور اس کی پروڈکشن جو پہلی فلم سے دوگنی لاگت سے بھی زیادہ ہے، اس نے پہلی فلم کے دیوقامت تصور کو زمین بوس کر دیا۔ اپنے کیریئر کے اگلے برسوں میں ان تینوں کو چاہیے کہ ڈی سی کامکس کے کرداروں پر فلمیں بنانے کے ماہر اور بائیوپیک فلموں کو کام یابی سے تخلیق کرنے والے معروف فلم ساز کرسٹوفر نولان سے ٹیوشن لیں، کیونکہ وہ ان کو اس مخصوص کردار (ڈی کامکس کا کردار جوکر) کے ساتھ تجربات کرنے سے منع بھی کر چکے تھے۔ اور ان کی بات درست ثابت ہوئی کیوں کہ یہ تجربات بھیانک ثابت ہوئے۔
اداکاری و موسیقی
اس فلم میں سب سے نمایاں طور پر جس چیز سے سہارا لیا گیا، وہ بڑے بڑے اداکاروں کی شمولیت ہے۔ خاص طور پر لیڈی گاگا جنہوں نے اس فلم میں کام کرنے کا 12 ملین ڈالرز معاوضہ لیا جب کہ جیکوئن فینکس نے 40 ملین ڈالرز وصول کیے۔ یہ فلم چونکہ میوزیکل تھی، اس لیے شاید لیڈی گاگا کا انتخاب کیا گیا، لیکن نہ تو وہ اپنی اداکاری سے ناظرین کو لبھا سکیں اور ان کی گائیکی کے تجربے نے بھی ان کا ساتھ نہ دیا۔ گزشتہ فلم کی موسیقی اس فلم سے کئی درجے بہتر تھی، مگر اس فلم میں موسیقی کا معیار بھی پست رہا اور لیڈی گاگا اور جیکوئن فینکس نے اس میں گائیکی کا مظاہرہ کر کے اس معیار کو تقریباً دفن ہی کر دیا۔ اس فلم میں بار بار لیڈی گاگا کے گیتوں سے فلم میں شدید اکتاہٹ پیدا ہوگئی۔
حرفِ آخر
اس فلم میں کئی طرح کے تضادات ہیں، جیسا کہ فلم ساز ادارے، ہدایت کار کے آپس کے جھگڑے، ایک اداکار کے کہنے پر ہدایت کار کا اس کے پیچھے چل پڑنا، ایک سنجیدہ نفسیاتی تھرلر فلم کو میوزیکل میں بدلنے کی ناکام کوشش، سب سے بڑھ کر پہلی فلم میں جوکر ہیرو تھا جب کہ اس دوسری فلم میں اس کو مظلوم بنا دیا گیا، اور اسے ناظرین قبول نہیں کرسکے۔کہانی میں کوئی کلائمکس نہ تھا، فلم انتہائی ناقص پلاٹ پر مبنی تھی، جس میں جوکر ایک قابلِ رحم آدمی کی موت مارا جاتا ہے۔ اس کے تناظر میں رومانوی تڑکا لگانے کی کوشش مزید گلے پڑی اور فلم بالکل ہی فارغ ہو گئی۔ قارئین، آپ اگر دیکھنا چاہتے ہیں کہ ایک اچھی فلم کا برا سیکوئل کیا ہوتا ہے، تو یہ فلم ضرور دیکھیے۔
اس فلم کی کہانی کا مرکزی خیال ایک باپ بیٹے کے تعلق کے گرد گھومتا ہے۔ یہ دونوں آپس میں کم بات کرتے ہیں جب کہ باپ کی ریٹائرمنٹ کے بعد بیٹے کو خیال سوجھتا ہے کہ باپ کو تنہائی اور فراغت سے بچانے کے لیے ویڈیو گیم کھیلنا سکھائے جو جاپان میں بے حد مقبول ہے۔ اس ویڈیو گیم کو کھیلتے کھیلتے باپ بیٹے میں جذباتی فاصلہ کم ہونے لگتا ہے، روزمرہ کی زندگی کے معاملات اور الجھنوں کو اس گیم کے ذریعے دونوں باپ بیٹے سلجھانا شروع کر دیتے ہیں، جس سے ان کی زندگی پر بھی خوشگوار اثرات پڑتے ہیں۔ اسی فلم کو کراچی میں این ای ڈی یونیورسٹی میں بھی دکھایا گیا، جہاں طلبا نے اسے بے حد پسند کیا۔ اس فلم اسکریننگ کے موقع پر جاپان کے ڈپٹی قونصل جنرل جناب ناکاگاوایا سوشی نے اساتذہ و طلبا سے خطاب بھی کیا۔
فلم کی موسیقی شہرۂ آفاق موسیقار اے آر رحمان نے ترتیب دی ہے۔ چار نغمات کے ساتھ پس منظر کی موسیقی میں انہوں نے ایک بار پھر میدان مار لیا۔ شان دار موسیقی سے سماعتوں میں رس گھولتے ہوئے، اس کہانی کے درد کو موسیقار نے بہت اچھے انداز میں اجاگر کیا ہے۔ ٹائٹل سونگ ”مہربان و رحمان“ نے بلاشبہ دل کو چُھو لیا۔اس کے بول پراسون جوشی نے لکھے جب کہ جتھن راج نے اسے گایا ہے۔ اسی گیت کے ملیالم ورژن کو رفیق احمد نے لکھا اور اے آر رحمان کی ترتیب دی ہوئی موسیقی میں جتھن راج نے اس ورژن میں بھی اپنی گائیکی سے دل موہ لیے۔ فلم کے دیگر گیت بھی دل کے تاروں کو چھیڑتے ہوئے محسوس ہوتے ہیں۔
فلم کے اداکاروں میں مرکزی کردار نبھانے والے پرتھوی راج سوکومران نے تو اس فلم کے لیے پہلے اپنا وزن بڑھایا اور پھر کم کیا، جس کی وجہ سے ان کی صحت بھی گری۔ شوٹنگ کے دنوں میں سیٹ پر ہر وقت ایک ڈاکٹر موجود رہتا تھا تاکہ ایمرجنسی میں فوری طبّی امداد دے سکے۔ پرتھوی راج نے اپنے کردار سے مکمل انصاف کیا۔ ان کے معاون کرداروں نے بھی ناظرین کو اپنی اداکاری سے متوجہ کیا، جن میں بالخصوص امریکی اداکار جمی جین لوائس (ابراہیم قدیری) عمانی اداکار طالب البلوشی (نجیب کا کفیل) ہندوستانی اداکارہ امالا پاؤل (نجیب کی بیوی) شامل ہیں۔
یہ طریقہ امریکا اور جاپان سے آیا ہے، وہاں اس طرز کی فلمیں اب تک بنائی جاتی ہیں بلکہ "دی گلاس ورکر” کے ہدایت کار عثمان ریاض نے تو برملا جاپانی اینیمیشن سے متاثر ہونے کا اعتراف کیا ہے۔ وہ جاپان کے "اسٹوڈیو گیبلی” اور اس کے بانیان اور ہینڈ میڈ اینیمیٹیڈ فلموں کے فلم ساز "ہیا اومیازاکی” اور "ایساؤ تاکاہاتا” سے بے پناہ متاثر ہیں۔ یہی وجہ ہے، عثمان ریاض کی اس پہلی فیچر فلم پر اس اسٹوڈیو اور فلم سازوں کے گہرے اثرات دکھائی دیتے ہیں۔ ان کے علاوہ انہیں امریکی فلم ساز "والٹ ڈزنی” کا کام بھی پسند ہے۔
یہ الگ بات ہے، برطانوی نشریاتی ادارے (بی بی سی) کی پاکستان میں اردو سروس پر عثمان ریاض کے ایک انٹرویو کی سرخی میں فلم کا اردو نام میں "شیشہ گر” کے بجائے "شیشہ گھر” لکھا گیا اور شاید اسی غلطی کو دیکھتے ہوئے فلم ساز نے فیصلہ کیا کہ اس کے اردو ورژن کو بھی "دی گلاس ورکر” ہی لکھا جائے تو بہتر ہے۔
ایک افسوس ناک بات یہ بھی ہوئی کہ پاکستان میں اس فلم کے تقسیم کار نے عین اس فلم کی نمائش کے موقع پر کراچی شہر کے مرکز میں واقع اپنا سینما اچانک بند کر دیا۔
وہ جب کئی برسوں کے بعد شہر سے لوٹتا ہے، تو معلوم ہوتا ہے کہ اس کی بیوی دنیائے فانی سے کوچ کرچکی ہے۔ اس کے بعد وہ اس کی یاد میں ایک اور شادی کرتا ہے، اور اس عورت کے بطن سے اولاد بھی نصیب ہوتی ہے، مگر وہ پہلی بیوی کو بھول نہیں پاتا جو اس کی محبوبہ بھی تھی، اور آخر کار زندگی کے اختتامی برسوں میں وہ ڈمنشیا نامی بیماری کا شکار ہو جاتا ہے، جس میں انسان کی یادداشت اور حواس دھیرے دھیرے ختم ہونے لگتے ہیں۔ اب اس بوڑھے کی ضد ہے کہ وہ اپنی پہلی بیوی سے دوبارہ شادی کرے گا، جو عدم سے وجود پائے گی اور ظاہر میں اس سے ملاپ کرنے آئے گی۔ یہ مرکزی کردار ہے، جس کے اردگرد اس کے بھائی، اس کی اولاد، گاؤں کے لوگ اور مقامی پولیس افسر سمیت دیگر کرداروں کا تانا بانا بُنا گیا ہے۔
لیکن کہانی میں سنسنی اس وقت پیدا ہوتی ہے، جب یہاں اسکالر شپ پر آئے ہوئے ایک طالب علم کا قتل ہو جاتا ہے۔ اس مقتول طالبِ علم کے بھائی کو اسی اسکول میں اسکالر شپ مل جاتی ہے اور یہاں پہنچ کر وہ اپنے بھائی کے قاتلوں کی تلاش شروع کرتا ہے۔ اس دوران وہ محبت جیسے جذبے سے بھی آشنا ہوتا ہے۔ محبت کا یہی جذبہ اسکول کے چند امیر طلبا کی زندگیوں میں بھی احساسات اور کیفیات کے اتار چڑھاؤ کے ساتھ موجزن ہے۔ اس سارے منظر نامے میں ان مخصوص طلبا کے ساتھ چند اساتذہ اور اسکول کی پرنسپل کو بھی شریکِ عمل دکھایا گیا ہے۔ کاروباری شخصیات اور امرا کے یہ بچّے زندگی کو کیسے اپنے انداز سے گزارتے ہیں، اور ایک غریب کا بچّہ کس طرح اپنی منزل تک پہنچتا ہے، یہ کہانی اسی کو عمدہ طریقے سے بیان کرتی ہے۔ اسکول میں ہی ان نوجوانوں میں دوستی، محبّت اور انتقام جیسے جذبات پروان چڑھتے ہیں اور وہ ان کا اظہار کرنے کے قابل ہوتے ہیں۔
مجموعی طور پر کہانی اچھی ہے، جس کو سات اقساط میں پیش کیا گیا ہے۔ یہ پہلا سیزن ہے اور امید ہے کہ اس کا دوسرا سیزن بھی آئے گا۔ ابتدائی طور پر کہانی سست روی کا شکار نظر آتی ہے، لیکن اگلی اقساط میں کہانی رفتار پکڑ لیتی ہے۔ نئی نسل کے لحاظ سے اس کو روایتی انداز میں ہی فلمایا گیا ہے۔ یہ پیشکش بہت اچھوتی تو نہیں، لیکن دیکھنے والوں کو کسی حد تک متاثر ضرور کرے گی۔ اسے چوہائے می نو نے لکھا ہے۔
کہا جارہا ہے اس کا دوسرا سیزن بھی آئے گا، جب کہ اس ویب سیریز کو دیکھنے کے بعد بالکل محسوس نہیں ہوتا کہ دوسرے سیزن کی ضرورت ہے، لیکن کچھ عرصے سے جنوبی کوریا میں ویب سیریز کے نئے سیزن کا رجحان بڑھ گیا ہے اور چند ویب سیریز ایسی ہیں جن کے نئے سیزنز کا حال ہی میں اعلان کیا گیا ہے۔ ان میں سویٹ ہوم، ہاسپٹل پلے لسٹ، اور یومی کوریائی ڈراموں کی وہ مثالیں ہیں جو متعدد سیزنز پر مشتمل ہیں اور اسکویڈ گیم جیسی مقبول ویب سیریز کا بھی اس سال کے آخر میں دوسرا سیزن پیش کیا جائے گا۔